|
|
| [1]For the grace of this thing I Poul, the boundun of Crist Jhesu, for you hethene men, |
[No book] |
| [2]if netheles ye han herd the dispensacioun of Goddis grace, that is youun to me in you. |
[No book] |
| [3]For bi reuelacioun the sacrament is maad knowun to me, as Y aboue wroot in schort thing, |
[No book] |
| [4]as ye moun rede, and vndurstonde my prudence in the mysterie of Crist. |
[No book] |
| [5]Which was not knowun to othere generaciouns to the sones of men, as it is now schewid to his hooli apostlis and prophetis in the spirit, |
[No book] |
| [6]that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie; |
[No book] |
| [7]whos mynystre Y am maad, bi the yifte of Goddis grace, which is youun to me bi the worchyng of his vertu. |
[No book] |
| [8]To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men, |
[No book] |
| [9]which is the dispensacioun of sacrament hid fro worldis in God, that made alle thingis of nouyt; |
[No book] |
| [10]that the myche fold wisdom of God be knowun to princis and potestatis in heuenli thingis bi the chirche, |
[No book] |
| [11]bi the bifore ordinaunce of worldis, which he made in Crist Jhesu oure Lord. |
[No book] |
| [12]In whom we han trist and nyy comyng, in tristenyng bi the feith of hym. |
[No book] |
| [13]For which thing Y axe, that ye faile not in my tribulaciouns for you, which is youre glorie. |
[No book] |
| [14]For grace of this thing Y bowe my knees to the fadir of oure Lord Jhesu Crist, |
[No book] |
| [15]of whom ech fadirhod in heuenes and in erthe is named, |
[No book] |
| [16]that he yyue to you, aftir the richessis of his glorie, vertu to be strengthid bi his spirit in the ynnere man, |
[No book] |
| [17]that Crist dwelle bi feith in youre hertis; that ye rootid and groundid in charite, |
[No book] |
| [18]moun comprehende with alle seyntis, which is the breede, and the lengthe, and the hiynesse, and the depnesse; |
[No book] |
| [19]also to wite the charite of Crist more excellent than science, that ye be fillid in al the plentee of God. |
[No book] |
| [20]And to hym that is myyti to do alle thingis more plenteuousli than we axen or vndurstondun, bi the vertu that worchith in vs, |
[No book] |
| [21]to hym be glorie in the chirche, and in Crist Jhesu, in to alle the generaciouns of the world of worldis. Amen. |
[No book] |