➖ »
«
➖ ➕
Aleppo Codex (~920)
Alep
Patriarchal Greek NT (1904)
Patr
   
Esther
Est
1
→
[1]ויהי בימי אחשורוש הוא אחשורוש המלך מהדו ועד כוש־שבע ועשרים ומאה מדינה [No book]
[2]בימים ההם־כשבת המלך אחשורוש על כסא מלכותו אשר בשושן הבירה [No book]
[3]בשנת שלוש למלכו עשה משתה לכל שריו ועבדיו חיל פרס ומדי הפרתמים ושרי המדינות־לפניו [No book]
[4]בהראתו את עשר כבוד מלכותו ואת יקר תפארת גדולתו ימים רבים שמונים ומאת יום [No book]
[5]ובמלואת הימים האלה עשה המלך לכל העם הנמצאים בשושן הבירה למגדול ועד קטן משתה־שבעת ימים בחצר גנת ביתן המלך [No book]
[6]חור כרפס ותכלת אחוז בחבלי בוץ וארגמן על גלילי כסף ועמודי שש מטות זהב וכסף על רצפת בהט ושש־ודר וסחרת [No book]
[7]והשקות בכלי זהב וכלים מכלים שונים ויין מלכות רב כיד המלך [No book]
[8]והשתיה כדת אין אנס כי כן יסד המלך על כל רב ביתו־לעשות כרצון איש ואיש [No book]
[9]גם ושתי המלכה עשתה משתה נשים־בית המלכות אשר למלך אחשורוש [No book]
[10]ביום השביעי כטוב לב המלך ביין־אמר למהומן בזתא חרבונא בגתא ואבגתא זתר וכרכס שבעת הסריסים המשרתים את פני המלך אחשורוש [No book]
[11]להביא את ושתי המלכה לפני המלך־בכתר מלכות להראות העמים והשרים את יפיה כי טובת מראה היא [No book]
[12]ותמאן המלכה ושתי לבוא בדבר המלך אשר ביד הסריסים ויקצף המלך מאד וחמתו בערה בו [No book]
[13]ויאמר המלך לחכמים ידעי העתים כי כן דבר המלך לפני כל ידעי דת ודין [No book]
[14]והקרב אליו כרשנא שתר אדמתא תרשיש מרס מרסנא ממוכן־שבעת שרי פרס ומדי ראי פני המלך הישבים ראשנה במלכות [No book]
[15]כדת מה לעשות במלכה ושתי־על אשר לא עשתה את מאמר המלך אחשורוש ביד הסריסים [No book]
[16]ויאמר מומכן [Q: ממוכן] לפני המלך והשרים לא על המלך לבדו עותה ושתי המלכה כי על כל השרים ועל כל העמים אשר בכל מדינות המלך אחשורוש [No book]
[17]כי יצא דבר המלכה על כל הנשים להבזות בעליהן בעיניהן באמרם המלך אחשורוש אמר להביא את ושתי המלכה לפניו־ולא באה [No book]
[18]והיום הזה תאמרנה שרות פרס ומדי אשר שמעו את דבר המלכה לכל שרי המלך וכדי בזיון וקצף [No book]
[19]אם על המלך טוב יצא דבר מלכות מלפניו ויכתב בדתי פרס ומדי ולא יעבור אשר לא תבוא ושתי לפני המלך אחשורוש ומלכותה יתן המלך לרעותה הטובה ממנה [No book]
[20]ונשמע פתגם המלך אשר יעשה בכל מלכותו כי רבה היא וכל הנשים יתנו יקר לבעליהן־למגדול ועד קטן [No book]
[21]וייטב הדבר בעיני המלך והשרים ויעש המלך כדבר ממוכן [No book]
[22]וישלח ספרים אל כל מדינות המלך־אל מדינה ומדינה ככתבה ואל עם ועם כלשונו להיות כל איש שרר בביתו ומדבר כלשון עמו [No book]
Source: unbound.biola.edu
 Author: Ecumenical Patriarchate of Constantinople
Source: www.hagiascriptura.com
Top