|
|
| [1]And the king Ahasuerus [Xerxes] laid a tribute upon the land, and upon the isles of the sea. |
[1]ܘܐܲܪܡܝܼ ܡܲܠܟܵܐ ܐܲܚܫܝܼܪܹܫ ܡܲܕܲܐܬ̣ܵܐ ܥܲܠ ܟܠܵܗ̇ ܐܲܪܥܵܐ: ܘܥܲܠ ܓܵܙܪ̈ܵܬ̣ܵܐ ܕܝܲܡܵܐ. |
| [2]And all the acts of his power, and of his might, and the declaration of the dignity of Mordecai, wherewith the king magnified him, are they not written in the book of the chronicles of the kings of Media and Persia? |
[2]ܘܟ݂ܠ ܥܒ̣ܵܕܲܝ̈ ܥܘܼܫܢܹܗ: ܘܓܲܢ̄ܒܵܪܘܼܬܹܗ: ܘܬܸܫܒ̇ܚܲܬ̣ ܪܲܒ̇ܘܼܬܹܗ ܕܡܘܼܪܕ̇ܟܲܝ: ܕܐܵܘ̱ܪܒܹܗ ܡܲܠܟܵܐ: ܗܵܐ ܟܬ̣ܝܼܒ̣ ܒܲܣܦܲܪ ܡܸܠܲܝ̈ ܝܵܘ̈ܡܵܬ̣ܵܐ ܕܡܲܠܟܲܝ̈ ܡܵܕܲܝ ܘܦܵܪܹܣ. |
| [3]For Mordecai the Jew was the second unto king Ahasuerus [Xerxes], and great among the Jews, and accepted among the multitude of his brethren, who procured the wealth of his people, and spake peaceably to all his seed. |
[3]ܡܸܛܠ ܕܡܘܼܪܕ̇ܟܲܝ ܝܗ̄ܘܼܕ݂ܵܝܵܐ: ܬܸܢܝܵܢܵܐ ܗ̄ܘܼܵܐ ܕܡܲܠܟܵܐ ܐܲܚܫܝܼܪܹܫ. ܘܲܗܘ̤ܵܐ ܪܲܒܵܐ ܥܲܠ ܝܗ̄ܘܼ̈ܕ݂ܵܝܹܐ: ܘܨܵܒܹ̇ܐ ܗ̄ܘܼܵܐ ܛܵܒ̣ܬ̣ܵܐ ܠܥܲܡܹܗ. ܘܲܡܡܲܠܸܠ ܗ̄ܘܼܵܐ ܫܠܵܡܵܐ ܥܲܠ ܟܠܹܗ ܙܲܪܥܹܗ. |
| 4[No verse] |
[4]ܘܐܸܡܲܪ ܡܘܼܪܕ̇ܟܲܝ ܗܵܠܹܝܢ ܡ̣ܢ ܐܲܠܵܗܵܐ ܗ̤ܘܲܝ̈. |
| 5[No verse] |
[5]ܐܸܬ̇ܕܲܟ݂ܪܹܬ̣ ܠܚܸܠܡܵܐ ܕܲܚܙܹ̇ܝܬ̣. ܘܗ̤ܘ ܗܵܢܵܐ ܦܫܵܪܹܗ. ܘܠܵܐ ܢܦܲܠ̣ ܡܸܢܹܗ ܡܸܕܸ̇ܡ. |
| 6[No verse] |
[6]ܢܸܒ̣ܥܵܐ ܙܥܘܿܪܵܐ ܕܲܗܘ̤ܵܐ ܢܲܗܪܵܐ ܪܲܒܵܐ ܘܐܸܫܬܲܚܠܲܦ ܘܲܗܘ̤ܵܐ ܢܘܼܗܪܵܐ ܘܫܸܡܫܵܐ ܘܐܲܫܦܲܥ ܡܲـ̈ـܝܵܐ ܣܲܓ̇ܝܼ̈ܐܹܐ: ܐܝܼܬ̣ܵܘܗܝ ܐܸܣܬܹ̇ܝܪ ܗܵܝ̇ ܕܕܲܒ̣ܪܵܗ̇ ܡܲܠܟܵܐ ܐܲܢ̄ܬ̇ܬ̣ܵܐ ܠܢܲܦ̮ܫܹܗ ܘܥܲܒ̣ܕܵܗ̇ ܡܲܠܟ̇ܬ̣ܵܐ. |
| 7[No verse] |
[7]ܬܪܹܝܢ ܬܲܢܝܼ̈ܢܹܐ ܐܝܼܬܲܝܗܘܿܢ ܐܸܢܵܐ ܘܗܵܡܵܢ. |
| 8[No verse] |
[8]ܥܲܡܡܹ̈ܐ ܕܹܝܢ ܕܐܸܬ̣ܟܲܢܲܫܘ ܐܲܟ݂ܚ̄ܕ݂ܵܐ ܐܝܼܬܲܝܗܘܿܢ ܗܵܢܘܿܢ ܕܲܣܥܵܘ ܠܡܸܥܛܵܐ ܫܡܵܐ ܕܲܝܗܘܼ̈ܕ݂ܵܝܹܐ. |
| 9[No verse] |
[9]ܥܲܡܵܐ ܕܹܝܢ ܕܝܼܠܝ ܐܝܼܬ̣ܵܘܗܝ ܝܼܣܪܵܝܹܠ ܕܲܓ̣ܥ̣ܵܐ ܠܘܵܬ̣ ܡܵܪܝܵܐ. ܘܦܲܨܝܼ ܡܵܪܝܵܐ ܠܥܲܡܹܗ. ܘܦܲܪܩܲܢ ܡ̣ܢ ܟܠܗܹܝܢ ܒܝܼ̈ܫܵܬ̣ܵܐ ܘܲܥܒܲܕ݂ ܐܵܬ̣̈ܘܵܬ̣ܵܐ ܪܵܘ̱ܪ̈ܒ̣ܵܬ̣ܵܐ ܘܲܓ̣ܒܲܪ̈ܘܵܬ̣ܵܐ ܒܥܲܡܡܹ̈ܐ. |
| 10[No verse] |
[10]ܘܲܦܩܲܕ݂ ܕܢܸܗ̱ܘ̈ܝܵܢ ܬܲܪܬܹ̇ܝܢ ܡ̈ܢܵܘܵܢ. ܚܕ݂ܵܐ ܕܥܲܡܹܗ ܕܐܲܠܵܗܵܐ. ܘܐܲܚܪܹܬ̣ܵܐ ܕܟ݂ܠܗܘܿܢ ܥܲܡܡܹ̈ܐ. |
| 11[No verse] |
[11]ܘܲܢܦܲܩ ܬܲܪܬܹ̇ܝܢ ܗܵܠܹܝܢ ܡ̈ܢܵܘܵܢ ܒܝܵܘܡܵܐ ܕܲܚܬ̣ܝܼܡ ܡ̣ܢ ܙܲܒ̣ܢܵܐ ܩܕ݂ܵܡ ܐܲܠܵܗܵܐ ܠܟ݂ܠܗܘܿܢ ܥܲܡܡܹ̈ܐ. |
| 12[No verse] |
[12]ܘܐܸܬ̇ܕܲܟܲܪ ܡܵܪܝܵܐ ܠܥܲܡܹܗ. ܘܐܸܬ̣ܪܲܚܲܡ ܥܲܠ ܝܵܪܬ̇ܘܼܬܹܗ. |
| 13[No verse] |
[13]ܘܡܸܛܠܗܵܢܵܐ ܢܸܬ̣ܢܲܛܪܘܿܢ ܗܵܠܹܝܢ ܬܪܹܝܢ ܝܵܘ̈ܡܝܼܢ ܒܝܼܪܲܚ ܐܵܕ݂ܵܪ. ܝܵܘܡܵܐ ܕܐܲܪܒܲܥܸܣܪܵܐ ܘܚܲܡܫܲܥܸܣܪܵܐ ܕܝܲܪܚܵܐ ܟܲܕ݂ ܟܢܝܼܫ ܥܲܡܵܐ ܐܲܟ݂ܚ̄ܕ݂ܵܐ ܘܢܸܥܒܸ̇ܕ݂ ܒܗܘܿܢ ܥܲܕ݂ܥܹܕ݂ܵܐ ܒܟ݂ܠܵܗ̇ ܚܦܝܼܛܘܼܬ̣ܵܐ ܘܲܒ̣ܚܲܕ݂ܘܼܬ̣ܵܐ ܡ̣ܢ ܗܵܫܵܐ ܠܟ݂ܠܗܘܿܢ ܕܵܪܹ̈ܐ ܕܥܲܡܵܐ ܕܝܑܼܣܪܵܝܹܠ. |