➖ »
«
➖ ➕
Tregelles’ 2nd ed. from Alexandrinus, et al (1879)
Tregelles GNT
Peshitta OT
PesOT
←
Esther
Est
10
→
[No book] [1]ܘܐܲܪܡܝܼ ܡܲܠܟܵܐ ܐܲܚܫܝܼܪܹܫ ܡܲܕܲܐܬ̣ܵܐ ܥܲܠ ܟܠܵܗ̇ ܐܲܪܥܵܐ: ܘܥܲܠ ܓܵܙܪ̈ܵܬ̣ܵܐ ܕܝܲܡܵܐ.
[No book] [2]ܘܟ݂ܠ ܥܒ̣ܵܕܲܝ̈ ܥܘܼܫܢܹܗ: ܘܓܲܢ̄ܒܵܪܘܼܬܹܗ: ܘܬܸܫܒ̇ܚܲܬ̣ ܪܲܒ̇ܘܼܬܹܗ ܕܡܘܼܪܕ̇ܟܲܝ: ܕܐܵܘ̱ܪܒܹܗ ܡܲܠܟܵܐ: ܗܵܐ ܟܬ̣ܝܼܒ̣ ܒܲܣܦܲܪ ܡܸܠܲܝ̈ ܝܵܘ̈ܡܵܬ̣ܵܐ ܕܡܲܠܟܲܝ̈ ܡܵܕܲܝ ܘܦܵܪܹܣ.
[No book] [3]ܡܸܛܠ ܕܡܘܼܪܕ̇ܟܲܝ ܝܗ̄ܘܼܕ݂ܵܝܵܐ: ܬܸܢܝܵܢܵܐ ܗ̄ܘܼܵܐ ܕܡܲܠܟܵܐ ܐܲܚܫܝܼܪܹܫ. ܘܲܗܘ̤ܵܐ ܪܲܒܵܐ ܥܲܠ ܝܗ̄ܘܼ̈ܕ݂ܵܝܹܐ: ܘܨܵܒܹ̇ܐ ܗ̄ܘܼܵܐ ܛܵܒ̣ܬ̣ܵܐ ܠܥܲܡܹܗ. ܘܲܡܡܲܠܸܠ ܗ̄ܘܼܵܐ ܫܠܵܡܵܐ ܥܲܠ ܟܠܹܗ ܙܲܪܥܹܗ.
[No book] [4]ܘܐܸܡܲܪ ܡܘܼܪܕ̇ܟܲܝ ܗܵܠܹܝܢ ܡ̣ܢ ܐܲܠܵܗܵܐ ܗ̤ܘܲܝ̈.
[No book] [5]ܐܸܬ̇ܕܲܟ݂ܪܹܬ̣ ܠܚܸܠܡܵܐ ܕܲܚܙܹ̇ܝܬ̣. ܘܗ̤ܘ ܗܵܢܵܐ ܦܫܵܪܹܗ. ܘܠܵܐ ܢܦܲܠ̣ ܡܸܢܹܗ ܡܸܕܸ̇ܡ.
[No book] [6]ܢܸܒ̣ܥܵܐ ܙܥܘܿܪܵܐ ܕܲܗܘ̤ܵܐ ܢܲܗܪܵܐ ܪܲܒܵܐ ܘܐܸܫܬܲܚܠܲܦ ܘܲܗܘ̤ܵܐ ܢܘܼܗܪܵܐ ܘܫܸܡܫܵܐ ܘܐܲܫܦܲܥ ܡܲـ̈ـܝܵܐ ܣܲܓ̇ܝܼ̈ܐܹܐ: ܐܝܼܬ̣ܵܘܗܝ ܐܸܣܬܹ̇ܝܪ ܗܵܝ̇ ܕܕܲܒ̣ܪܵܗ̇ ܡܲܠܟܵܐ ܐܲܢ̄ܬ̇ܬ̣ܵܐ ܠܢܲܦ̮ܫܹܗ ܘܥܲܒ̣ܕܵܗ̇ ܡܲܠܟ̇ܬ̣ܵܐ.
[No book] [7]ܬܪܹܝܢ ܬܲܢܝܼ̈ܢܹܐ ܐܝܼܬܲܝܗܘܿܢ ܐܸܢܵܐ ܘܗܵܡܵܢ.
[No book] [8]ܥܲܡܡܹ̈ܐ ܕܹܝܢ ܕܐܸܬ̣ܟܲܢܲܫܘ ܐܲܟ݂ܚ̄ܕ݂ܵܐ ܐܝܼܬܲܝܗܘܿܢ ܗܵܢܘܿܢ ܕܲܣܥܵܘ ܠܡܸܥܛܵܐ ܫܡܵܐ ܕܲܝܗܘܼ̈ܕ݂ܵܝܹܐ.
[No book] [9]ܥܲܡܵܐ ܕܹܝܢ ܕܝܼܠܝ ܐܝܼܬ̣ܵܘܗܝ ܝܼܣܪܵܝܹܠ ܕܲܓ̣ܥ̣ܵܐ ܠܘܵܬ̣ ܡܵܪܝܵܐ. ܘܦܲܨܝܼ ܡܵܪܝܵܐ ܠܥܲܡܹܗ. ܘܦܲܪܩܲܢ ܡ̣ܢ ܟܠܗܹܝܢ ܒܝܼ̈ܫܵܬ̣ܵܐ ܘܲܥܒܲܕ݂ ܐܵܬ̣̈ܘܵܬ̣ܵܐ ܪܵܘ̱ܪ̈ܒ̣ܵܬ̣ܵܐ ܘܲܓ̣ܒܲܪ̈ܘܵܬ̣ܵܐ ܒܥܲܡܡܹ̈ܐ.
[No book] [10]ܘܲܦܩܲܕ݂ ܕܢܸܗ̱ܘ̈ܝܵܢ ܬܲܪܬܹ̇ܝܢ ܡ̈ܢܵܘܵܢ. ܚܕ݂ܵܐ ܕܥܲܡܹܗ ܕܐܲܠܵܗܵܐ. ܘܐܲܚܪܹܬ̣ܵܐ ܕܟ݂ܠܗܘܿܢ ܥܲܡܡܹ̈ܐ.
[No book] [11]ܘܲܢܦܲܩ ܬܲܪܬܹ̇ܝܢ ܗܵܠܹܝܢ ܡ̈ܢܵܘܵܢ ܒܝܵܘܡܵܐ ܕܲܚܬ̣ܝܼܡ ܡ̣ܢ ܙܲܒ̣ܢܵܐ ܩܕ݂ܵܡ ܐܲܠܵܗܵܐ ܠܟ݂ܠܗܘܿܢ ܥܲܡܡܹ̈ܐ.
[No book] [12]ܘܐܸܬ̇ܕܲܟܲܪ ܡܵܪܝܵܐ ܠܥܲܡܹܗ. ܘܐܸܬ̣ܪܲܚܲܡ ܥܲܠ ܝܵܪܬ̇ܘܼܬܹܗ.
[No book] [13]ܘܡܸܛܠܗܵܢܵܐ ܢܸܬ̣ܢܲܛܪܘܿܢ ܗܵܠܹܝܢ ܬܪܹܝܢ ܝܵܘ̈ܡܝܼܢ ܒܝܼܪܲܚ ܐܵܕ݂ܵܪ. ܝܵܘܡܵܐ ܕܐܲܪܒܲܥܸܣܪܵܐ ܘܚܲܡܫܲܥܸܣܪܵܐ ܕܝܲܪܚܵܐ ܟܲܕ݂ ܟܢܝܼܫ ܥܲܡܵܐ ܐܲܟ݂ܚ̄ܕ݂ܵܐ ܘܢܸܥܒܸ̇ܕ݂ ܒܗܘܿܢ ܥܲܕ݂ܥܹܕ݂ܵܐ ܒܟ݂ܠܵܗ̇ ܚܦܝܼܛܘܼܬ̣ܵܐ ܘܲܒ̣ܚܲܕ݂ܘܼܬ̣ܵܐ ܡ̣ܢ ܗܵܫܵܐ ܠܟ݂ܠܗܘܿܢ ܕܵܪܹ̈ܐ ܕܥܲܡܵܐ ܕܝܑܼܣܪܵܝܹܠ.
Author: Samuel Prideaux Tregelles, LL. D. (1813–1875)
Source: www.hagiascriptura.com

See information...
Top