➖ »
«
➖ ➕
Reconstruction of Beza's Greek Textus-Receptus NT (1598)
Beza GNT
Peshitta OT
PesOT
←
Esther
Est
11
→
[No book] [1]ܒܫܲܢ̄ܬܵܐ ܕܐܲܪܒܲܥ ܕܡܲܠܟ̇ܘܼܬ̣ܵܐ ܕܲܦܛܘܿܠܘܿܡܹܐܘܿܣ ܘܲܩܥܹܐ ܘܦܵܛܪܵܐ ܕܘܿܣܝܼܬ̣ܵܐܘܿܣ ܗܵܘܿ ܕܐܵܡܲܪ ܗ̄ܘܼܵܐ ܥܲܠ ܢܲܦ̮ܫܹܗ ܕܟ݂ܵܗܢܵܐ ܗ̄ܘܼ ܡ̣ܢ ܫܲܪܒ̇ܬ̣ܵܐ ܕܠܹܘܝܼ ܘܲܒ̣ܪܹܗ ܦܛܘܿܠܘܿܡܹܐܘܿܣ ܐܲܝܬ̇ܝܼܘ ܠܐܸܓܲܪܬܵܐ ܗܵܕܹܐ ܕܦܘܼܪ̈ܵܝܹܐ. ܕܐܸܡܲܪܘ ܕܬܲܪܓ̇ܡܵܗ̇ ܒܐܘܿܪܸܫܠܸܡ ܠܘܿܣܝܼܡܵܟ݂ܘܼܣ ܒܲܪ ܦܛܘܿܠܘܿܡܹܐܘܿܣ.
[No book] [2]ܒܲܫܢܲܬ̣ ܬܲܪܬܹ̇ܝܢ ܕܡܲܠܟ̇ܘܼܬ̣ܵܐ ܕܐܲܪܛܲܚܫܲܫܬ̇ ܡܲܠܟܵܐ ܪܲܒܵܐ ܒܝܵܘܡܵܐ ܩܲܕ݂ܡܵܝܵܐ ܕܝܼܪܲܚ ܢܝܼܣܵܢ ܚ̣ܙܵܐ ܚܸܠܡܵܐ ܡܘܼܪܕ̇ܟܲܝ ܒܲܪ ܝܵܐܝܼܪ ܒܲܪ ܫܲܡܥܝܼ ܒܲܪ ܩܝܼܫ ܕܡ̣ܢ ܫܲܒ̣ܛܵܐ ܕܒܸܢܝܵܡܹܝܢ.
[No book] [3]ܓܲܒ̣ܪܵܐ ܝܗ̄ܘܼܕ݂ܵܝܵܐ ܕܥܵܡܲܪ ܗ̄ܘܼܵܐ ܒܫܘܿܫܲܢ ܒܝܼܪܬܵܐ. ܘܓܲܒ̣ܪܵܐ ܗ̄ܘܼܵܐ ܡܝܲܩܪܵܐ ܒܹܝܬ̣ ܪܵܘܪ̈ܒ̣ܵܢܹܐ ܕܒܲܝܬܵܐ ܕܡܲܠܟܵܐ.
[No book] [4]ܘܐܝܼܬ̣ܵܘܗܝ ܗ̄ܘܼܵܐ ܡ̣ܢ ܕܓܲܠܝܼ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܡ̣ܢ ܐܘܿܪܸܫܠܸܡ ܥܲܡ ܝܘܿܟܲܢܝܵܐ ܡܲܠܟܵܐ ܕܲܝܗܘܼܕ݂ܵܐ.
[No book] [5]ܘܗܵܢܵܐ ܗ̄ܘܼ ܚܸܠܡܹܗ: ܗܘ̤ܵܘ ܩܵܠܹ̈ܐ ܘܲܪܓ̣ܘܼܫܝܵܐ ܘܪ̈ܲܥܡܹܐ ܘܙܵܘܥܹ̈ܐ ܕܐܲܪܥܵܐ ܘܲܫܓ̣ܘܼܫܝܵܐ ܥܲܠ ܐܲܪܥܵܐ.
[No book] [6]ܘܗܵܐ ܬܪܹܝܢ ܬܲܢܝܼܢܹ̈ܐ ܪܵܘ̱ܪ̈ܒܹܐ ܕܲܙܩܝܼܦܝܼܢ ܠܡܲܩܪܵܒ̣ܘ ܥܲܡ ܚ̈ܕ݂ܵܕܹܐ.
[No book] [7]ܘܡ̣ܢ ܩܵܠܲܝ̈ܗܘܿܢ ܪܓܲܫܘ ܟܠܗܘܿܢ ܥܲܡܡܹ̈ܐ ܠܡܲܩܪܵܒ̣ܘ ܥܲܡ ܥܲܡܵܐ ܕܙܲܕ̇ܝܼܩܹ̈ܐ.
[No book] [8]ܘܲܗܘ̤ܵܐ ܝܵܘܡܵܐ ܗܵܘܿ ܝܵܘܡܵܐ ܕܚܸܫܘܿܟ݂ܵܐ ܘܲܕ݂ܢܸܣܝܘܿܢܵܐ ܘܲܕ݂ܥܵܩܬ̣ܵܐ ܘܕ݂ܐܘܼܠܨܵܢܵܐ ܘܙܵܘܥܬ̣ܵܐ ܪܲܒ̇ܬ̣ܵܐ ܥܲܠ ܐܲܪܥܵܐ.
[No book] [9]ܘܙܵܥ ܘܲܕ݂ܚܸܠ ܥܲܡܵܐ ܕܙܲܕ̇ܝܼܩܹ̈ܐ ܥܲܠ ܢܲܦ̮ܫܗܘܿܢ ܡ̣ܢ ܒܝܼ̈ܫܵܬ̣ܵܐ ܘܐܸܬ̇ܛܲܝܲܒ̣ܘ ܠܡܵܘܬܵܐ.
[No book] [10]ܘܲܓ̣ܥܵܘ ܠܘܵܬ̣ ܐܲܠܵܗܵܐ ܘܟܲܕ݂ ܗܸܢܘܿܢ ܓܵܥܹ̇ܝܢ ܗܵܐ ܢܸܒ̣ܥܵܐ ܙܥܘܿܪܵܐ ܕܲܗܘ̤ܵܐ ܢܲܗܪܵܐ ܪܲܒܵܐ ܘܲܫܦܲܥܘ ܡܸܢܹܗ ܡܲـ̈ـܝܵܐ ܣܲܓ̇ܝܼ̈ܐܹܐ.
[No book] [11]ܘܲܕ݂ܢܲܚ ܢܘܼܗܪܵܐ ܘܫܸܡܫܵܐ ܘܐܸܬ̇ܬ̇ܪܝܼܡܘ ܡܲܟ̇ܝܼܟܹ̈ܐ ܘܲܒ̣ܠܲܥܘ ܠܪ̈ܵܡܹܐ.
[No book] [12]ܘܟܲܕ݂ ܚ̣ܙܵܐ ܗܵܠܹܝܢ ܡܘܼܪܕ̇ܟܲܝ ܘܐܸܬ̇ܬ̇ܥܝܼܪ ܡ̣ܢ ܫܸܢܬܹܗ: ܡܸܬ̣ܪܲܥܸܐ ܗ̄ܘܼܵܐ ܡܵܢܵܐ ܟܲܝ ܨܵܒܹ̇ܐ ܗ̄ܘܼܵܐ ܐܲܠܵܗܵܐ ܠܡܸܥܒܲܕ݂ ܘܡܸܬ̣ܚܲܫܲܒ̣ ܗ̄ܘܼܵܐ ܒܟ݂ܠܙܒܲܢ ܘܡܸܬ̣ܪܲܓ̣ܪܲܓ̣ ܠܡܸܕܲܥ ܡܵܢܵܐ ܗ̄ܘܼ ܣܘܼܟܵܠܵܐ ܕܚܸܠܡܵܐ.
Author: Theodore Beza (1519–1605)
Source: www.hagiascriptura.com

See information...
Top