|
|
| [1]ܘܒ̣ܵܬܲܪ ܡܸܠܹ̈ܐ ܗܵܠܹܝܢ ܐܵܘܪܸܒ̣ ܡܲܠܟܵܐ ܐܲܚܫܝܼܪܹܫ ܠܗܵܡܵܢ ܒܲܪ ܗܲܡܵܕܲܬ̇ ܐܵܓ̣ܵܓ̣ܵܝܵܐ: ܘܐܲܪܝܼܡ ܟܘܼܪܣܝܹܗ ܠܥܸܠ ܡ̣ܢ ܟܠܗܘܿܢ ܪܵܘ̱ܪ̈ܒ̣ܵܢܹܐ ܕܥܲܡܹܗ. |
[No book] |
| [2]ܘܟ݂ܠܗܘܿܢ ܥܵܒ̣̈ܕܹ̇ܐ ܕܡܲܠܟܵܐ ܕܲܒ̣ܬܲܪܥܵܐ ܕܡܲܠܟܵܐ ܒܵܪܟ̇ܝܼܢ ܗ̄ܘܼܵܘ ܘܣܵܓ̣ܕ̇ܝܼܢ ܠܗܵܡܵܢ. ܡܸܛܠ ܕܗܵܟܲܢܵܐ ܦ̣ܩܲܕ݂ ܥܠܵܘܗܝ ܡܲܠܟܵܐ. ܘܡܘܼܪܕ̇ܟܲܝ ܠܵܐ ܒܵܪܹܟ ܗ̄ܘܼܵܐ ܘܣܵܓܹ̇ܕ݂. |
[No book] |
| [3]ܘܐܵܡ̇ܪܝܼܢ ܥܵܒ̣̈ܕܹ̇ܐ ܕܡܲܠܟܵܐ ܒܬܲܪܥܵܐ ܕܡܲܠܟܵܐ ܠܡܘܼܪܕܟܲܝ: ܠܡܵܢܵܐ ܥܵܒܲܪ ܐܲܢ̄ܬ̇ ܥܲܠ ܦܘܼܩܕܵܢܵܐ ܕܡܲܠܟܵܐ. |
[No book] |
| [4]ܘܟܲܕ݂ ܐܵܡ̇ܪܝܼܢ ܗ̄ܘܼܵܘ ܒܟ݂ܠܝܘܿܡ: ܘܠܵܐ ܫܵܡܲܥ ܗ̄ܘܼܵܐ ܠܗܘܿܢ: ܚܵܘܝܼܘ ܠܗܵܡܵܢ ܕܢܸܕ̇ܥܘܼܢ ܐܸܢ ܫܲܪܝܼܪ̈ܵܢ ܡܸܠܵܘ̈ܗܝ ܕܡܘܼܪܕ̇ܟܲܝ: ܡܸܛܠ ܕܚܵܘܝܼ ܐܸܢܘܿܢ ܕܲܝܗܘܼܕ݂ܵܝܵܐ ܗ̄ܘܼ. |
[No book] |
| [5]ܘܲܚܙܵܐ ܗܵܡܵܢ ܕܡܘܼܪܕ̇ܟܲܝ ܠܵܐ ܒܵܪܹܟ ܗ̄ܘܼܵܐ ܘܣܵܓܹܕ݂ ܠܹܗ. ܘܐܸܬ̣ܡ̱ܠܝܼ ܗܵܡܵܢ ܚܸܡܬ̣ܵܐ ܥܲܠ ܡܘܼܪܕ̇ܟܲܝ. |
[No book] |
| [6]ܘܲܒ̣ܨܝܼܪܵܐ ܗ̄ܘܼܵܬ̣ ܥܒ̣ܝܼܕ̇ܬܵܐ: ܕܢܵܘܫܸܛ ܐܝܼܕܹܗ ܥܲܠ ܡܘܼܪܕ̇ܟܲܝ ܒܲܠܚܘܿܕ݂ܵܘܗܝ ܡܸܛܠ ܕܚܵܘܝܘܼܗܝ ܥܲܡܹܗ ܕܡܘܼܪܕ̇ܟܲܝ ܘܲܒ̣ܥܵܐ ܗܵܡܵܢ ܕܢܵܘܒܸ̇ܕ݂ ܠܟ݂ܠܗܘܿܢ ܝܗ̄ܘܼ̈ܕ݂ܵܝܹܐ ܕܲܒ̣ܟ݂ܠܵܗ̇ ܡܲܠܟ̇ܘܼܬܹܗ ܕܐܲܚܫܝܼܪܹܫ: ܥܲܡܹܗ ܕܡܘܼܪܕ̇ܟܲܝ. |
[No book] |
| [7]ܒܝܲܪܚܵܐ ܩܲܕ݂ܡܵܝܵܐ ܕܗ̤ܘ ܢܝܼܣܵܢ: ܒܲܫܢܲܬ̣ ܬܲܪܬܲܥܸܣܪܹ̈ܐ ܕܡܲܠܟܵܐ ܐܲܚܫܝܼܪܹܫ: ܐܲܪܡܝܼ ܦܸܨܹ̈ܐ. ܘܲܗ̤ܘܲܝ̈ ܦܸܨܹ̈ܐ ܩܕ݂ܵܡ ܗܵܡܵܢ: ܡ̣ܢ ܝܘܿܡ ܠܝܘܿܡ: ܘܡ̣ܢ ܝܼܪܲܚ ܠܝܼܪܲܚ: ܒܝܲܪܚܵܐ ܕܲܬ̣ܪܸܥܣܲܪ ܕܗ̤ܘ ܐܵܕ݂ܵܪ. |
[No book] |
| [8]ܐܸܡܲܪ ܗܵܡܵܢ ܠܡܲܠܟܵܐ: ܐܲܚܫܝܼܪܹܫ: ܐܝܼܬ̣ ܥܲܡܵܐ ܡܒܲܕܲܪ ܘܲܡܒܲܙܲܩ ܒܟ݂ܠܗܹܝܢ ܡܕ݂ܝܼ̈ܢܵܬܹܗ ܕܡܲܠܟܵܐ ܐܲܚܫܝܼܪܹܫ. ܢܵܡܘܿܣܲܝ̈ܗܘܿܢ ܦܪܝܼܫܝܼܢ ܡ̣ܢ ܟܠ ܥܲܡ. ܘܢܵܡܘܿܣܵܐ ܕܡܲܠܟܵܐ ܠܵܐ ܥܵܒ̣ܕ̇ܝܼܢ. ܘܲܠܡܲܠܟܵܐ ܠܵܐ ܘܵܠܹ̇ܐ ܕܢܸܫܒ̇ܘܿܩ ܐܸܢܘܿܢ. |
[No book] |
| [9]ܐܸܢ ܥܲܠ ܡܲܠܟܵܐ ܫܲܦܝܼܪ: ܢܸܟ݂ܬ̇ܘܿܒ̣ ܕܢܹܐܒ̣ܕ̇ܘܼܢ. ܘܥܸܣܪܵܐ ܐܲܠܦ̈ܝܼܢ ܟܲܟܪܹ̈ܐ ܕܟܸܣܦܵܐ ܐܸܬ̣ܩܘܿܠ ܥܲܠ ܐܝܼܕ݂ܵܐ ܕܥܵܒ̣ܕܲܝ̈ ܠܡܲܥܠܵܘܼ ܠܓܲܙܵܐ ܕܡܲܠܟܵܐ. |
[No book] |
| [10]ܫ̣ܩܲܠ ܡܲܠܟܵܐ ܥܹܙܲܩܬ̣ܵܐ ܡ̣ܢ ܐܝܼܕܹܗ. ܘܝܲܗ̄ܒ̣ ܠܗܵܡܵܢ ܒܲܪ ܗܲܡܵܕܲܬ̇ ܐܵܓ̣ܓ̣ܵܝܵܐ ܒܥܸܠܕ̇ܒ̣ܵܒ̣ܵܐ ܕܲܝܗܘܼ̈ܕ݂ܵܝܹܐ. |
[No book] |
| [11]ܘܐܸܡܲܪ ܡܲܠܟܵܐ: ܟܸܣܦܵܟ݂ ܝܼܗܸܝܼܒ̣ ܠܵܟ݂: ܘܥܲܡܵܐ: ܠܡܸܥܒܲܕ݂ ܠܹܗ ܟܠ ܡܸܕܸ̇ܡ ܕܫܲܦܝܼܪ ܒܥܲܝܢܲܝ̈ܟ. |
[No book] |
| [12]ܘܐܸܬ̣ܩܪܝܼ ܣܸܦܪܵܐ ܕܡܲܠܟܵܐ ܒܝܵܘܡܵܐ ܗܵܘܿ. ܒܝܲܪܚܵܐ ܩܲܕ݂ܡܵܝܵܐ: ܒܲܬ̣ܠܵܬܲܥܸܣܪܹ̈ܐ ܒܹܗ ܒܝܲܪܚܵܐ: ܐܸܬ̣ܟ̇ܬܸܒ̣ ܟܠ ܡܸܕܸ̇ܡ ܕܲܦܩܲܕ݂ ܗܵܡܵܢ ܠܪܲܒ̇ ܚܲܝ̈ܠܹܐ ܕܡܲܠܟܵܐ: ܘܲܠܡܵܪ̈ܵܘܵܬ̣ܵܐ ܕܲܒ̣ܟ݂ܠ ܡܕ݂ܝܼܢܵܐ ܘܲܡܕ݂ܝܼܢܵܐ: ܘܲܠܪ̈ܵܘ̱ܪ̈ܒ̣ܵܢܲܝ ܥܲܡܡܹ̈ܐ: ܡܕ݂ܝܼܢ̄ܬܵܐ ܐܲܝܟ݂ ܟܬ̣ܵܒ̣ܵܐ: ܘܲܠܥܲܡܵܐ ܐܲܝܟ݂ ܠܸܫܵܢܹܗ. ܒܫܸܡ ܡܲܠܟܵܐ ܐܲܚܫܝܼܪܹܫ ܐܸܬ̣ܟ̇ܬܸܒ̣: ܘܐܸܬ̣ܚܬܸܡ ܒܥܸܙܲܩܬܹܗ ܕܡܲܠܟܵܐ. |
[No book] |
| [13]ܘܐܸܫܬܲܕܲܪ ܐܲܓ̇ܪ̈ܵܬ̣ܵܐ ܒܝܲܕ݂ ܪ̈ܲܗܵܛܹܐ ܠܟ݂ܠܗܹܝܢ ܡܕ݂ܝܼ̈ܢܵܬ̣ܵܐ ܕܡܲܠܟܵܐ: ܠܡܸܚܪܲܒ̣ ܘܲܠܡܸܩܛܲܠ ܘܲܠܡܵܘܒܵܕ݂ܘܼ ܠܟ݂ܠܗܘܿܢ ܝܗ̄ܘܼܕ݂ܵܝܹ̈ܐ ܡ̣ܢ ܥܠܲܝܡܹ̈ܐ ܘܲܥܕܲܡܵܐ ܠܣܵܒܹ̈ܐ: ܘܲܛܠܵܝܹ̈ܐ ܘܢܸܫܹ̈ܐ ܒܚܲܕ݂ ܝܘܿܡ ܒܲܬ̣ܠܵܬܲܥܸܣܪܹ̈ܐ ܒܝܲܪܚܵܐ ܐܵܕ݂ܵܪ. ܘܢܸܟ݂ܣܲܝ̈ܗܘܿܢ ܠܒܸܙܬ̣ܵܐ. ܒܚܲܕ݂ ܝܘܿܡ: ܒܝܼܪܲܚ ܐܵܕ݂ܵܪ ܒܲܬ̣ܠܵܬܲܥܸܣܪܹ̈ܐ ܐܸܬ̣ܟ̇ܬܸܒ̣. |
[No book] |
| [14]ܝܕ: ܘܦܲܪܫܲܓ̣ܢܹܗ ܕܲܟ݂ܬ̣ܵܒ̣ܵܐ ܐܸܬ̣̱ܝܼܗܸܒ̣ ܒܟ݂ܠ ܡܕ݂ܝܼܢܵܐ ܘܲܡܕ݂ܝܼܢܵܐ. ܘܲܦܩܲܕ݂ ܠܟ݂ܠܗܘܿܢ ܥܲܡܡܹ̈ܐ. ܕܢܸܗܘܘܿܢ ܡܛܲܝܒܹ̈ܐ ܠܝܵܘܡܵܐ ܗܵܢܵܐ. |
[No book] |
| [15]ܘܪ̈ܲܗܵܛܹܐ ܢܦܲܩ̣ܘ ܡܣܲܪܗܒ̣ܝܼܢ ܒܦܘܼܩܕܵܢܵܐ ܕܡܲܠܟܵܐ: ܘܦܸܬ̣ܓ̣ܵܡܵܐ ܐܸܬ̣ܦܩܸܕ݂ ܒܫܘܿܫܲܢ ܒܝܼܪܬܵܐ. ܘܡܲܠܟܵܐ ܘܗܵܡܵܢ ܐܸܣܬ̇ܡܸܟ݂ܘ ܠܡܸܫܬܵܐ ܐܲܟ݂ܚ̄ܕ݂ܵܐ: ܘܲܡܕ݂ܝܼܢ̄ܬܵܐ ܫܘܿܫܲܢ ܐܸܫܬܲܓ̣ܫܲܬ̤. |
[No book] |