➖ »
«
➖ ➕
Peshitta OT
PesOT
The Epistle of Barnabas
EpiBar
←
Esther
Est
9
→
[1]ܘܲܒ̣ܝܲܪܚܵܐ ܕܲܬ̣ܪܸܥܣܲܪ ܕܗ̤ܘ ܐܵܕ݂ܵܪ ܒܲܬ̣ܠܵܬܲܥܸܣܪܹ̈ܐ: ܟܲܕ݂ ܡܲܛܝܼ ܙܲܒ̣ܢܵܐ ܕܦܸܬ̣ܓ̣ܵܡܵܐ ܕܡܲܠܟܵܐ ܘܦܘܼܩܕܵܢܹܗ ܠܡܸܬ̣̱ܥܒ̣ܵܕ݂ܘܼ ܠܲܒ̣ܥܸܠܕ̇ܒ̣ܵܒܲܝ̈ܗܘܿܢ: ܐܸܫܬܲܚ̱ܠܦܲܬ̤ ܥܒ̣ܝܼܕ̇ܬܵܐ: ܕܢܸܫܬܲܠܛܘܼܢ ܝܗ̄ܘܼ̈ܕ݂ܵܝܹܐ ܒܣܵܢܐܲܝ̈ܗܘܿܢ. [No book]
[2]ܘܐܸܬ̣ܟܲܢܲܫܘ ܝܗ̄ܘܼ̈ܕ݂ܵܝܹܐ ܒܩܘܼܪ̈ܝܼܗܘܿܢ: ܘܲܒ̣ܟ݂ܠܗܹܝܢ ܡܕ݂ܝܼ̈ܢܵܬ̣ܵܐ ܕܡܲܠܟܵܐ ܐܲܚܫܝܼܪܹܫ: ܕܢܵܘܫܛܘܿܢ ܐܝܼܕ݂ܵܐ ܒܥܵܒ̣ܕܲܝ̈ ܒܝܼ̈ܫܵܬ̣ܗܘܿܢ ܘܐ̄ܢܵܫ ܠܵܐ ܩܵܡ̣ ܩܕ݂ܵܡܲܝܗܘܿܢ: ܡܸܛܠ ܕܢܸܦܠܲܬ̤ ܕܸܚܠܲܬ̣ܗܘܿܢ ܥܲܠ ܟܠܗܘܿܢ ܥܲܡܡܹ̈ܐ. [No book]
[3]ܘܟ݂ܠܗܘܿܢ ܪܵܘ̱ܪ̈ܒ̣ܵܢܹܐ ܕܲܡܕ݂ܝܼ̈ܢܵܬ̣ܵܐ: ܘܪ̈ܲܒܲܝ ܚܲܝ̈ܠܹܐ: ܘܡܵܪ̈ܵܘܵܬ̣ܵܐ: ܘܥܵܒ̣ܕܲܝ̈ ܥܒ̣ܵܕ݂ܵܐ ܕܡܲܠܟܵܐ: ܡܝܲܩܪܝܼܢ ܠܲܝܗܘܼ̈ܕ݂ܵܝܹܐ. ܡܸܛܠ ܕܢܸܦܠܲܬ̤ ܕܸܚ̱ܠܬ̣ܵܐ ܕܡܲܠܟܵܐ ܥܠܲܝܗܘܿܢ. [No book]
[4]ܡܸܛܠ ܕܝܼܪܸܒ̣ ܡܘܼܪܕ̇ܟܲܝ ܠܘܵܬ̣ ܡܲܠܟܵܐ. ܘܲܫܡܹܗ ܐܵܙܹ̇ܠ ܗ̄ܘܼܵܐ ܒܟ݂ܠܗܹܝܢ ܡܲܠܟ̇ܘܵܬ̣ܵܐ: ܡܸܛܠ ܕܓܲܒ̣ܪܵܐ ܡܘܼܪܕ̇ܟܲܝ ܐܵܙܹ̇ܠ ܗ̄ܘܼܵܐ ܘܝܵܪܹܒ̣. [No book]
[5]ܘܲܡܚܵܘ ܝܗ̄ܘܼ̈ܕ݂ܵܝܹܐ ܒܟ݂ܠܗܘܿܢ ܒܥܸܠܕ̇ܒ̣ܵܒܲܝ̈ܗܘܿܢ ܡܚܘܿܬ̣ܵܐ ܕܚܲܪܒܵܐ: ܘܲܕ݂ܩܸܛܠܵܐ: ܘܕܲܐܒ̣ܕܵܢܵܐ. ܘܲܥܒܲܕ݂ܘ ܒܣܵܢܲܐܝ̈ܗܘܿܢ ܐܲܝܟ݂ ܨܸܒ̣ܝܵܢܗܘܿܢ. [No book]
[6]ܒܫܘܿܫܲܢ ܒܝܼܪܬܵܐ: ܩܛܲܠܘ ܝܗ̄ܘܼ̈ܕ݂ܵܝܹܐ ܚܲܡܸܫܡܵܐܐ ܓܲܒ̣ܪ̈ܝܼܢ. [No book]
[7]ܘܲܠܫܲܦܝܼܪܘܼܬ̣: ܘܲܠܕܲܠܟ݂ܘܿܢ: ܘܲܠܐܸܣܦܘܿܬ̣. [No book]
[8]ܘܲܠܦܲܪܛܠܲܛ: ܘܠܲܕ݂ܠܵܝܵܐ: ܘܲܠܕܹܝܪܵܐ. [No book]
[9]ܘܲܠܦܝܼܣܘܼܬ̣: ܘܲܠܕ݂ܝܼܣܲܝ: ܘܠܵܐܕ̇ܪܝܼ: ܘܲܠܙܘܼܬ̣. [No book]
[10]ܥܸܣܪܵܐ ܒܢܵܘ̈ܗܝ ܕܗܵܡܵܢ ܐܵܓ̣ܵܓܵܝܵܐ. ܒܥܸܠܕ̇ܒ̣ܵܒ̣ܵܐ ܕܲܝܗܘܼ̈ܕ݂ܵܝܹܐ ܩܛܲܠܘ. ܘܲܠܒܸܙܬ̣ܵܐ ܠܵܐ ܐܵܘܫܸܛܘ ܐܝܼܕܲܝ̈ܗܘܿܢ. [No book]
[11]ܒܗܵܘܿ ܝܵܘܡܵܐ ܥܲܠ ܡܸܢܝܵܢܵܐ ܕܲܩܛ̈ܝܼܠܹܐ ܒܫܘܿܫܲܢ ܒܝܼܪܬܵܐ ܩܕ݂ܵܡ ܡܲܠܟܵܐ. [No book]
[12]ܘܐܸܡܲܪ ܠܐܸܣܬܹ̇ܝܪ ܡܲܠܟ̇ܬ̣ܵܐ ܒܫܘܿܫܲܢ ܒܝܼܪܬܵܐ: ܩܛܲܠܘ ܝܗ̄ܘܼܕ݂ܵܝܹ̈ܐ: ܘܐܵܘܒܸ̇ܕ݂ܘ ܚܲܡܸܫܡܵܐܐ ܓܲܒ̣ܪ̈ܝܼܢ: ܘܠܲܥܣܲܪ ܒܢܵܘ̈ܗܝ ܕܗܵܡܵܢ. ܘܲܒ̣ܫܲܪܟܵܐ ܕܲܡܕ݂ܝܼ̈ܢܵܬ̣ܵܐ ܡܵܢܵܐ ܥܒܲܕ݂ܘ. ܘܡܵܢܲܐ ܗ̄ܝܼ ܫܸܐ̱ܠܬܹܟ݂ܝ: ܢܸܬ̣ܥ̱ܒܸ̇ܕ݂ ܠܹܟ݂ܝ. ܘܡܵܢܲܐ ܗ̄ܝܼ ܒܵܥܘܼܬܹܟ݂ܝ: ܢܸܬ̣̱ܝܼܗܸܒ̣ ܠܹܟ݂ܝ. [No book]
[13]ܘܐܸܡܪܲܬ̤ ܐܸܣܬܹ̇ܝܪ: ܢܸܬ̣̱ܝܼܗܸܒ̣ ܡܚܵܪ ܠܲܝܗܘܼ̈ܕ݂ܵܝܹܐ ܕܢܸܥܒ̇ܕ݂ܘܼܢ ܐܲܝܟ݂ ܕܝܵܘܡܵܢܵܐ. ܘܲܠܥܸܣܪܵܐ ܒܢܵܘ̈ܗܝ ܕܗܵܡܵܢ ܢܸܬ̣ܠܘܼܢ ܐܸܢܘܿܢ ܥܲܠ ܩܲܝܣܵܐ. [No book]
[14]ܘܐܸܡܲܪ ܡܲܠܟܵܐ. ܢܸܥܒ̇ܕ݂ܘܼܢ ܗܵܟܲܢܐ ܘܐܸܬ̣ܦܩܸܕ݂ ܦܘܼܩܕܵܢܵܐ ܒܫܘܿܫܲܢ ܘܲܠܥܸܣܪܵܐ ܒܢܵܘ̈ܗܝ ܕܗܵܡܵܢ ܬܠܵܘ ܥܲܠ ܩܲܝܣܵܐ. [No book]
[15]ܘܐܸܬ̣ܟܲܢܲܫܘ ܝܗ̄ܘܼ̈ܕ݂ܵܝܹܐ ܕܲܒ̣ܫܘܿܫܲܢ ܐܵܦ ܒܐܲܪܒܲܥܸܣܪܵܐ ܒܹܗ ܒܝܲܪܚܵܐ. ܘܩܲܛܸܠܘ ܒܫܘܿܫܲܢ ܬܠܵܬ̣ܡܵܐܐ ܓܲܒ̣ܪ̈ܝܼܢ. ܘܲܠܒܸܙܬ̣ܸܵܐ ܠܵܐ ܐܵܘܫܸܛܘ ܐܝܼܕܲܝ̈ܗܘܿܢ. [No book]
[16]ܘܫܲܪܟܵܐ ܕܲܝܗܘܼ̈ܕ݂ܵܝܹܐ ܕܒܲܡܕ݂ܝܼ̈ܢܵܬ̣ܵܐ ܕܡܲܠܟܵܐ ܐܸܬ̣ܟܲܢܲܫܘ ܘܩܵܡ̣ܘ ܠܢܲܦ̮ܫܗܘܿܢ: ܘܐܸܬ̇ܬ̇ܢܝܼܚܘ ܡ̣ܢ ܒܥܸܠܕ̇ܒ̣ܵܒܲܝ̈ܗܘܿܢ. ܘܲܩܛܲܠܘ ܡ̣ܢ ܣܵܢܲܐܝ̈ܗܘܿܢ: ܫܲܒ̣ܥܝܼܢ ܘܚܲܡܫܵܐ ܐܲܠܦ̈ܝܼܢ. ܘܲܠܒܸܙܬ̣ܵܐ ܠܵܐ ܐܵܘܫܸܛ̣ܘ ܐܝܼܕܲܝ̈ܗܘܿܢ. [No book]
[17]ܒܲܬ̣ܠܵܬ̣ ܥܸܣܪܵܐ ܒܝܲܪܚܵܐ ܐܵܕ݂ܵܪ: ܘܐܸܬ̇ܬ̇ܢܝܼܚܘ ܒܐܲܪܒܲܥܸܣܪܵܐ ܒܹܗ ܒܝܲܪܚܵܐ. [No book]
[18]ܘܥܲܒ̣ܕ̇ܘܗܝ ܝܵܘܡܵܐ ܕܡܲܫܬ̇ܝܵܐ ܘܲܕ݂ܚܲܕ݂ܘܼܬ̣ܵܐ. [No book]
[19]ܡܸܛܠ ܗܵܢܵܐ ܝܗ̄ܘܼܕ݂ܵܝܹ̈ܐ ܡܒܲܕ̇ܪܹ̈ܐ ܝܵܬ̣ܒܲܝ̈ ܩܘܼܪ̈ܝܵܐ ܡܒܲܕ̇ܪ̈ܵܬ̣ܵܐ: ܥܵܒ̣ܕ̇ܝܼܢ ܒܐܲܪܒܲܥܣܪܵܐ ܒܐܵܕ݂ܵܪ ܚܲܕ݂ܘܼܬ̣ܵܐ: ܘܡܲܫܬ̇ܝܵܐ ܘܝܵܘܡܵܐ ܛܵܒ̣ܵܐ. ܘܲܡܫܲܕ̇ܪܝܼܢ ܡܢܵـ̈ـܘܵܬ̣ܵܐ ܓܒܲܪ ܠܚܲܒ̣ܪܹܗ. [No book]
[20]ܘܲܟ݂ܬܲܒ̣ ܡܘܼܪܕ̇ܟܲܝ ܡܸܠܹ̈ܐ ܗܵܠܹܝܢ. ܘܫܲܕܲܪ ܐܸܓ̇ܪ̈ܵܬ̣ܵܐ ܠܟ݂ܠܗܘܿܢ ܝܗ̄ܘܼ̈ܕ݂ܵܝܹܐ ܕܲܒ̣ܟ݂ܠܗܹܝܢ ܡܕ݂ܝܼ̈ܢܵܬ̣ܵܐ ܕܡܲܠܟܵܐ ܐܲܚܫܝܼܪܹܫ: ܕܩܲܪ̈ܝ̣ܒ̣ܵܢ ܘܲܕ݂ܪ̈ܲܚܝܼܩܵܢ. [No book]
[21]ܕܲܢܩܲܒ̇ܠܘܼܢ ܥܠܲܝܗܘܿܢ ܕܢܸܗܘܘܿܢ ܥܵܒ̣ܕ̇ܝܼܢ ܒܐܲܪܒܲܥܸܣܪܵܐ ܘܲܒ̣ܟܸܣܐܵܐ ܒܐܵܕ݂ܵܪ ܟܠ ܫܢܵܐ ܒܲܫܢܵܐ. [No book]
[22]ܐܲܝܟ݂ ܝܵܘ̈ܡܵܬ̣ܵܐ ܕܐܸܬ̇ܬ̇ܢܝܼܚܘ ܒܗܘܿܢ ܝܗ̄ܘܼ̈ܕ݂ܵܝܹܐ ܡ̣ܢ ܒܥܸܠܕ̇ܒ̣ܵܒܲܝ̈ܗܘܿܢ: ܝܲܪܚܵܐ ܕܐܸܫܬܲܚܠܲܦ ܡ̣ܢ ܕܵܘܘܿܢܵܐ ܠܚܲܕ݂ܘܼܬ̣ܵܐ: ܘܡ̣ܢ ܐܸܒ̣ܠܵܐ ܠܝܵܘܡܵܐ ܛܵܒ̣ܵܐ. ܕܢܸܥܒ̇ܕ݂ܘܼܢ ܐܸܢܘܿܢ ܠܝܵܘ̈ܡܵܬ̣ܵܐ ܕܡܲܫܬ̇ܝܵܐ ܘܲܕ݂ܚܲܕ݂ܘܼܬ̣ܵܐ: ܘܕܲܢܫܲܕ̇ܪܘܼܢ ܡܢܵـ̈ـܘܵܬ̣ܵܐ ܐ̄ܢܵܫ ܠܚܲܒ̣ܪܹܗ: ܘܡܵܘܗ̈ܒ̣ܵܬ̣ܵܐ ܠܒ̣ܵܝܫܹܐ. [No book]
[23]ܘܩܲܒܸ̇ܠܘ ܝܗ̄ܘܼ̈ܕ݂ܵܝܹܐ ܥܠܲܝܗܘܿܢ ܡܸܕܸ̇ܡ ܕܫܲܪܝܼܘ ܠܡܸܥܒܲܕ݂: ܘܡܸܕܸ̇ܡ ܕܲܟ݂ܬܲܒ̣ ܡܘܼܪܕ̇ܟܲܝ. [No book]
[24]ܡܸܛܠ ܗܵܡܵܢ ܒܲܪ ܗܲܡܵܕܲܬ̇ ܐܵܓ̣ܵܓ̣ܵܝܵܐ: ܒܥܸܠܕ̇ܒ̣ܵܒ̣ܵܐ ܕܟ݂ܠܗܘܿܢ ܝܗ̄ܘܼ̈ܕ݂ܵܝܹܐ: ܕܐܸܬ̣ܚܲܫܲܒ̣ ܥܲܠ ܝܗ̄ܘܼ̈ܕ݂ܵܝܹܐ ܕܢܵܘܒܸ̇ܕ݂ ܐܸܢܘܿܢ. ܘܐܲܪܡܝܼ ܦܸܨܹ̈ܐ ܕܢܸܚܪܘܿܒ̣ ܐܸܢܘܿܢ. [No book]
[25]ܘܡܵܐ ܕܥܵܐܠܵܐ ܗ̄ܘܼܵܬ̣ ܐܸܣܬܹ̇ܝܪ ܩܕ݂ܵܡ ܡܲܠܟܵܐ: ܐܵܡܲܪ ܗ̄ܘܼܵܐ ܣܵܦܪܵܐ ܢܸܗ̈ܦܟ݂ܵܢ ܡܲܚܫ̈ܒ̣ܵܬ̣ܵܐ ܒܝܼ̈ܫܵܬ̣ܵܐ ܥܲܠ ܪܹܫܹܗ ܕܡܲܢ ܐܸܬ̣ܚܲܫܲܒ̣ ܥܲܠ ܝܗ̄ܘܼ̈ܕ݂ܵܝܹܐ: ܘܢܸܬ̣ܠܘܿܢܵܝܗܝ ܘܠܲܒ̣ܢܵܘ̈ܗܝ ܥܲܠ ܩܲܝܣܵܐ. [No book]
[26]ܡܸܛܠ ܗܵܢܵܐ ܩܪܵܐ ܐܸܢܘܿܢ ܠܝܵܘ̈ܡܵܬ̣ܵܐ ܗܵܢܘܿܢ ܦܘܼܪ̈ܵܝܹܐ: ܥܲܠ ܫܸܡ ܦܸܨܚܵܐ ܡܸܛܠ ܡܸܠܹ̈ܐ ܕܐܲܓܲܪܬܵܐ ܗܵܕܹܐ: ܘܥܲܠ ܡܸܕܸ̇ܡ ܕܲܚܙ̣ܵܘ: ܘܥܲܠ ܡܸܕܸ̇ܡ ܕܲܓ̣ܕܲܫ ܠܗܘܿܢ. [No book]
[27]ܘܩܲܒܸ̇ܠܘ ܝܼܗ̄ܘܼ̈ܕ݂ܵܝܹܐ ܥܠܲܝܗܘܿܢ: ܘܥܲܠ ܙܲܪ̱ܥܗܘܿܢ: ܘܥܲܠ ܟܠ ܕܡܸܬ̣ܠܵܘܸܐ ܠܗܘܿܢ: ܕܠܵܐ ܢܸܒ̣ܛܲܠ: ܕܢܸܗܘܘܿܢ ܥܵܒ̣ܕ̇ܝܼܢ ܗܵܠܹܝܢ ܬܪܹܝܢ ܝܵܘ̈ܡܝܼܢ ܐܲܝܟ݂ ܕܲܟ݂ܬ̣ܝܼܒ̣ܝܼܢ ܒܙܲܒ̣ܢ̱ܗܘܿܢ ܒܟ݂ܠ ܫܢܵܐ. [No book]
[28]ܘܝܵܘ̈ܡܵܬ̣ܵܐ ܗܵܠܹܝܢ ܡܸܬ̇ܕܲܟ݂ܪܝܼܢ ܘܡܸܬ̣ܥܲܒ̣ܕ̇ܝܼܢ ܒܟ݂ܠ ܫܲܪ̈ܒ̣ܵܬ̣ܵܐ ܘܲܡܕ݂ܝܼ̈ܢܵܬ̣ܵܐ: ܘܩܘܼܪ̈ܝܵܐ. ܘܝܵܘ̈ܡܵܬ̣ܵܐ ܕܦܘܼܪ̈ܵܝܹܐ ܗܵܠܹܝܢ ܠܵܐ ܢܸܥܒ̇ܪܘܼܢ ܡ̣ܢ ܓܵܘ ܝܗ̄ܘܼ̈ܕ݂ܵܝܹܐ. ܘܕ݂ܘܟ݂ܪܵܢܗܘܿܢ ܠܵܐ ܢܸܥܒܲܪ ܡ̣ܢ ܙܲܪܥ̱ܗܘܿܢ. [No book]
[29]ܘܟܸܬ̣ܒܲܬ̤ ܐܸܣܬܹ̇ܝܪ ܡܲܠܟ̇ܬ̣ܵܐ ܒܲܪܬ̣ ܐܲܒ̣ܝܼܚܹܠ: ܘܡܘܼܪܕ̇ܟܲܝ ܝܗ̄ܘܼܕ݂ܵܝܵܐ ܟܠܗܹܝܢ ܫܲܪܝܼܪ̈ܵܬ̣ܵܐ: ܕܢܲܫܪܘܼܢ ܐܸܓܲܪܬܵܐ ܗܵܕܹܐ ܕܦܘܼܪ̈ܵܝܹܐ. [No book]
[30]ܘܫܲܕܲܪܘ ܐܸܓ̇ܪ̈ܵܬ̣ܵܐ ܠܟ݂ܠܗܘܿܢ ܝܗ̄ܘܼ̈ܕ݂ܵܝܹܐ: ܠܲܡܵܐܐ ܘܥܸܣܪܝܼܢ ܘܲܫܒܲܥ ܡܕ݂ܝܼ̈ܢܵܢ ܕܡܲܠܟ̇ܘܼܬܹܗ ܕܐܲܚܫܝܼܪܹܫ ܡܲܠܟܵܐ: ܡܸܠܹ̈ܐ ܕܲܫܪܵܪܵܐ ܘܕܲܫܠܵܡܵܐ. [No book]
[31]ܕܢܲܫܪܘܼܢ ܝܵܘ̈ܡܵܬ̣ܵܐ ܕܦܘܼܪ̈ܵܝܹܐ ܗܵܠܹܝܢ ܒܙܲܒ̣ܢ̱ܗܘܿܢ: ܐܲܝܟ݂ ܕܐܲܫܲܪܘ ܥܠܲܝܗܘܿܢ ܡܘܼܪܕ̇ܟܲܝ ܝܗ̄ܘܼܕ݂ܵܝܵܐ ܘܐܸܣܬܹ̇ܝܪ ܡܲܠܟ̇ܬ̣ܵܐ: ܐܲܝܟ݂ ܕܐܲܫܪܘܼܢ ܗܸܢܘܿܢ ܥܠܲܝܗܘܿܢ ܘܥܲܠ ܒܢܲܝ̈ܗܘܿܢ ܦܘܼܩܕܵܢܵܐ: ܘܨܵܘܡܗܘܿܢ ܘܲܨܠܘܿܬ̣ܗܘܿܢ. [No book]
[32]ܘܡܹܐܡܪܵܗ̇ ܕܐܸܣܬܹ̇ܝܪ ܐܲܫܲܪ ܥܲܠ ܡܸܠܹ̈ܐ ܗܵܠܹܝܢ ܕܦܘܼܪ̈ܵܝܹܐ: ܘܐܸܬ̣ܟ̇ܬܸܒ̣ ܒܣܸܦܪܵܐ. [No book]
Translation: Charles H. Hoole (1885)
Source: www.earlychristianwritings.com
Top