➖ »
«
➖ ➕
The Book of Enoch (1917)
1Eno(Cha)
Peshitta OT
PesOT
←
Exodus
Exo
11
→
[No book] [1]ܘܐܸܡܲܪ ܡܵܪܝܵܐ ܠܡܘܼܫܹܐ: ܬܘܼܒ݂ ܡܚܘܿܬ݂ܵܐ ܚܕ݂ܵܐ ܡܲܝܬܸܿܐ ܐ̄ܢܵܐ ܥܲܠ ܦܸܪܥܘܿܢ ܘܥܲܠ ܡܸܨܪܵܝܹܐ: ܘܗܵܝܕܹܝܢ ܐܹܫܲܕܲܪܟ݂ܘܿܢ ܡܸܟܵܐ: ܘܡܵܐ ܕܫܲܕܲܪܬܿܟ݂ܘܿܢ ܟܠܟ݂ܘܿܢ: ܦܘܿܩܘ ܠܟ݂ܘܿܢ ܡܸܟܵܐ.
[No book] [2]ܘܐܸܡܲܪ ܩܕ݂ܵܡ ܥܲܡܵܐ ܢܸܫܐܠܘܼܢ ܐ̄ܢܵܫ ܡܼܢ ܚܲܒ݂ܪܹܗ: ܘܐܲܢ̄ܬܿܬ݂ܵܐ ܡܼܢ ܚܒܲܪܬ݂ܵܗ: ܡܵܐܢܹ̈ܐ ܕܣܹܐܡܵܐ: ܘܡܵܐܢܹ̈ܐ ܕܕܲܗܒ݂ܵܐ.
[No book] [3]ܘܝܲܗ̄ܒ݂ ܐܸܢܘܿܢ ܡܵܪܝܵܐ ܠܥܲܡܵܐ ܠܪܲܚܡܹ̈ܐ ܒܥܲܝܢܲܝܗܘܿܢ ܕܡܸܨܪܵܝܹܐ: ܐܵܦ ܓܲܒ݂ܪܵܐ ܡܘܼܫܹܐ ܝܲܩܝܼܪ ܗ̄ܘܵܐ ܛܵܒ݂ ܒܐܲܪܥܵܐ ܕܡܸܨܪܹܝܢ: ܒܥܲܝܢܲܝ ܥܲܒ݂ܕܵܘܗܝ ܕܦܸܪܥܘܿܢ: ܘܲܒ݂ܥܲܝܢܲܝ ܥܲܡܵܐ.
[No book] [4]ܘܐܸܡܲܪ ܡܘܼܫܹܐ: ܗܵܟܲܢܵܐ ܐܵܡܲܪ ܡܵܪܝܵܐ: ܒܦܸܠܓܹܿܗ ܕܠܸܠܝܵܐ ܢܵܦܹܩ ܐ̄ܢܵܐ ܒܓ݂ܵܘ ܡܸܨܪܹܝܢ.
[No book] [5]ܘܲܢܡܘܼܬ݂ܘܼܢ ܟܠܗܘܿܢ ܒܘܼܟ݂ܪܹ̈ܐ ܕܐܲܪܥܵܐ ܕܡܸܨܪܹܝܢ: ܡܼܢ ܒܘܼܟܪܹܗ ܕܦܸܪܥܘܿܢ ܕܝܵܬܸܒ݂ ܥܲܠ ܟܘܼܪܣܝܹܗ: ܘܲܥܕܲܡܵܐ ܠܒ݂ܘܼܟ݂ܪܵܐ ܕܐܲܡܬ݂ܵܐ ܕܐܝܼܬ݂ ܒܹܝܬ݂ ܪܲܚܝܵܐ: ܘܟ݂ܠܗܘܿܢ ܒܘܼܟ݂ܪܹ̈ܐ ܕܥܵܢܵܐ.
[No book] [6]ܘܬܸܗܘܸܐ ܝܼܠܲܠܬܵܐ ܪܲܒܬ݂ܵܐ ܒܐܲܪܥܵܐ ܕܡܸܨܪܹܝܢ: ܕܐܵܟ݂ܘܵܬ݂ܵܗ ܠܵܐ ܗܘܵܬ݂: ܘܐܲܟ݂ܘܵܬ݂ܵܗ ܠܵܐ ܢܸܗܘܸܐ.
[No book] [7]ܘܡܼܢ ܕܒܹܝܬ݂ ܝܼܣܪܵܝܹܠ ܠܵܐ ܢܲܗܲܪ ܐܵܦܠܵܐ ܟܲܠܒܵܐ ܒܠܸܫܵܢܹܗ: ܐܵܦܠܵܐ ܒܢܲܝܢܵܫܵܐ: ܐܵܦܠܵܐ ܒܥܝܼܪܵܐ: ܡܸܛܠ ܕܬܸܕܿܥܘܿܢ ܕܲܦܪܲܫ ܡܵܪܝܵܐ ܒܹܝܬ݂ ܡܸܨܪܵܝܹܐ ܠܲܕ݂ܒܹܝܬ݂ ܝܼܣܪܵܝܹܠ.
[No book] [8]ܘܢܸܚܬ݂ܘܼܢ ܟܠܗܘܿܢ ܥܲܒ݂ܕܲܝܟ ܗܵܠܹܝܢ ܠܘܵܬ݂ܝ: ܘܢܸܣܓܿܕ݂ܘܼܢ ܠܝܼ ܘܢܹܐܡܪܘܼܢ ܠܝܼ: ܦܘܿܩ ܐܲܢ̄ܬ ܘܥܲܡܵܐ ܗܵܢܵܐ ܟܠܹܗ ܕܥܲܡܵܟ݂. ܘܗܵܝܕܹܿܝܢ ܐܸܦܘܿܩ: ܘܲܢܦܲܩ ܡܘܼܫܹܐ ܡܼܢ ܩܕ݂ܵܡ ܦܸܪܥܘܿܢ ܒܚܸܡܬ݂ܵܐ ܪܲܒܿܬ݂ܵܐ.
[No book] [9]ܘܐܸܡܲܪ ܡܵܪܝܵܐ ܠܡܘܼܫܹܐ: ܠܵܐ ܢܸܫܡܲܥܟ݂ܘܿܢ ܦܸܪܥܘܿܢ: ܡܸܛܠ ܕܐܲܣܓܸܿܐ ܦܪܝܼܫܵܬ݂ܝ ܒܐܲܪܥܵܐ ܕܡܸܨܪܹܝܢ.
[No book] [10]ܘܡܘܼܫܹܐ ܘܐܲܗܪܘܿܢ ܥܒܲܕ݂ܘ ܦܪܝܼܫܵܬ݂ܵܐ ܗܵܠܹܝܢ ܩܕ݂ܵܡ ܦܸܪܥܘܿܢ: ܘܩܲܫܝܼ ܡܵܪܝܵܐ ܠܸܒܹܿܗ ܕܦܸܪܥܘܿܢ: ܘܠܵܐ ܫܲܕܲܪ ܠܲܒ݂ܢܲܝ ܝܼܣܪܵܝܹܠ ܡܼܢ ܐܲܪܥܹܗ.
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top