➖ »
«
➖ ➕
Aleppo Codex (~920)
Alep
Hegesippus
Hegesippus
←
Exodus
Exo
14
→
[1]וידבר יהוה אל משה לאמר [No book]
[2]דבר אל בני ישראל וישבו ויחנו לפני פי החירת בין מגדל ובין הים לפני בעל צפן נכחו תחנו על הים [No book]
[3]ואמר פרעה לבני ישראל נבכים הם בארץ סגר עליהם המדבר [No book]
[4]וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן [No book]
[5]ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו [No book]
[6]ויאסר את רכבו ואת עמו לקח עמו [No book]
[7]ויקח שש מאות רכב בחור וכל רכב מצרים ושלשם על כלו [No book]
[8]ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה [No book]
[9]וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו־על פי החירת לפני בעל צפן [No book]
[10]ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוה [No book]
[11]ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצרים [No book]
[12]הלא זה הדבר אשר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר [No book]
[13]ויאמר משה אל העם אל תיראו־התיצבו וראו את ישועת יהוה אשר יעשה לכם היום כי אשר ראיתם את מצרים היום־לא תספו לראתם עוד עד עולם [No book]
[14]יהוה ילחם לכם ואתם תחרשון [No book]
[15]ויאמר יהוה אל משה מה תצעק אלי דבר אל בני ישראל ויסעו [No book]
[16]ואתה הרם את מטך ונטה את ידך על הים־ובקעהו ויבאו בני ישראל בתוך הים ביבשה [No book]
[17]ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשיו [No book]
[18]וידעו מצרים כי אני יהוה בהכבדי בפרעה ברכבו ובפרשיו [No book]
[19]ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם [No book]
[20]ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילה [No book]
[21]ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים [No book]
[22]ויבאו בני ישראל בתוך הים ביבשה והמים להם חומה מימינם ומשמאלם [No book]
[23]וירדפו מצרים ויבאו אחריהם־כל סוס פרעה רכבו ופרשיו אל תוך הים [No book]
[24]ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים [No book]
[25]ויסר את אפן מרכבתיו וינהגהו בכבדת ויאמר מצרים אנוסה מפני ישראל־כי יהוה נלחם להם במצרים [No book]
[26]ויאמר יהוה אל משה נטה את ידך על הים וישבו המים על מצרים על רכבו ועל פרשיו [No book]
[27]ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים [No book]
[28]וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד [No book]
[29]ובני ישראל הלכו ביבשה בתוך הים והמים להם חמה מימינם ומשמאלם [No book]
[30]ויושע יהוה ביום ההוא את ישראל־מיד מצרים וירא ישראל את מצרים מת על שפת הים [No book]
[31]וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו [No book]
Source: unbound.biola.edu
 Source: www.earlychristianwritings.com
Top