|
|
| [1]ܘܲܫܩܲܠܘ ܡܼܢ ܐܵܠܝܼܡ: ܘܐܸܬ݂ܵܘ ܟܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ ܠܡܲܕ݂ܒܪܵܐ ܕܣܝܼܢ: ܕܐܝܼܬ݂ ܒܝܹܬ݂ ܐܵܠܝܼܡ ܠܒܹܝܬ݂ ܣܝܼܢܲܝ: ܒܚܲܡܫܲܥܸܣܪܹܐ ܒܝܲܪܚܵܐ ܬܸܢܝܵܢܵܐ: ܒܙܲܒ݂ܢܵܐ ܕܲܢܦܲܩܘ ܒܹܗ ܒܢܲܝ ܝܼܣܪܵܝܹܠ ܡܼܢ ܡܸܨܪܹܝܢ. |
[No book] |
| [2]ܘܲܪܛܲܢܘ ܟܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ ܥܲܠ ܡܘܼܫܹܐ ܘܥܲܠ ܐܲܗܪܘܿܢ ܒܡܲܕ݂ܒܪܵܐ. |
[No book] |
| [3]ܘܐܸܡܲܪܘ ܠܗܘܿܢ ܒܢܲܝ ܝܼܣܪܵܝܹܠ: ܨܵܒܹܝܢ ܗ̄ܘܲܝܢ ܕܹܝܢ ܕܡܝܼܬ݂ܢ ܒܐܝܼܕܹܗ ܕܡܵܪܝܵܐ ܒܐܲܪܥܵܐ ܕܡܸܨܪܹܝܢ: ܟܲܕ݂ ܝܵܬ݂ܒܿܝܼܢ ܗ̄ܘܲܝܢ ܥܲܠ ܩܲܕ݂ܣܹ̈ܐ ܕܒܸܣܪܵܐ ܘܐܵܟ݂ܠܝܼܢ ܗ̄ܘܲܝܢ ܠܲܚܡܵܐ ܘܣܵܒ݂ܥܝܼܢ: ܕܐܲܦܸܩܬܿܘܼܢܲܢ ܠܡܲܕ݂ܒܿܪܵܐ ܗܵܢܵܐ: ܠܡܸܚܪܲܒ݂ ܠܟ݂ܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ ܒܟܲܦܢܵܐ. |
[No book] |
| [4]ܘܐܸܡܲܪ ܡܵܪܝܵܐ ܠܡܘܼܫܹܐ: ܗܵܐ ܡܲܡܛܲܪ ܐ̄ܢܵܐ ܠܟ݂ܘܿܢ ܠܲܚܡܵܐ ܡܼܢ ܫܡܲܝܵܐ: ܘܢܲܦܩܘܼܢ ܥܲܡܵܐ ܘܢܸܠܩܛܘܿܢ ܡܹܐܟ݂ܘܼܠܬܵܐ ܕܝܵܘܡܵܐ ܒܝܵܘܡܵܐ: ܡܸܛܠ ܕܐܹܢܲܣܸܐ ܐܸܢܘܿܢ: ܐܸܢ ܡܗܲܠܟ݂ܝܼܢ ܒܢܵܡܘܿܣܲܝ ܐܵܘ ܠܵܐ. |
[No book] |
| [5]ܘܢܸܗܘܸܐ ܒܝܵܘܡܵܐ ܫܬܿܝܼܬ݂ܵܝܵܐ: ܢܛܲܝܼܒ݂ܘܿܢ ܡܸܕܸܿܡ ܕܢܲܝܬܿܘܿܢ: ܘܢܸܗܘܸܐ ܚܲܕ݂ ܬܪܹܝܢ ܥܲܠ ܡܸܕܸܿܡ ܕܠܲܩܛܝܼܢ ܒܟ݂ܠܝܘܿܡ. |
[No book] |
| [6]ܘܐܸܡܲܪܘ ܡܘܼܫܹܐ ܘܐܲܗܪܘܿܢ: ܠܟ݂ܠܗܘܿܢ ܒܢܲܝ ܝܼܣܪܵܝܹܠ: ܒܪܲܡܫܵܐ ܬܸܕܿܥܘܿܢ ܕܡܵܪܝܵܐ ܐܲܦܸܩܟ݂ܘܿܢ ܡܼܢ ܡܸܨܪܹܝܢ. |
[No book] |
| [7]ܘܲܒ݂ܨܲܦܪܵܐ ܬܸܚܙܘܿܢ ܫܘܼܒ݂ܚܹܗ ܕܡܵܪܝܵܐ: ܡܸܛܠ ܕܐܸܫܬܡܲܥ ܪܸܛܢܼܟ݂ܘܿܢ ܩܕ݂ܵܡ ܡܵܪܝܵܐ: ܘܲܚܢܲܢ ܡܵܢܵܐ ܚܢܲܢ ܕܪܵܛܢܝܼܢ ܐܲܢ̄ܬܿܘܿܢ ܥܠܲܝܢ. |
[No book] |
| [8]ܘܐܸܡܲܪ ܠܗܘܿܢ ܡܘܼܫܹܐ: ܡܵܐ ܕܝܲܗ̄ܒ݂ ܠܟ݂ܘܿܢ ܡܵܪܝܵܐ ܒܸܣܪܵܐ ܒܪܲܡܫܵܐ ܠܡܹܐܟܲܠ: ܘܲܒ݂ܨܲܦܪܵܐ ܠܲܚܡܵܐ ܠܡܸܣܒܲܥ: ܡܸܛܠ ܕܲܫܡܲܥ ܡܵܪܝܵܐ ܪܸܛܢܼܟ݂ܘܿܢ ܕܪܵܛܢܝܼܢ ܐܲܢ̄ܬܿܘܿܢ ܥܠܵܘܗܝ: ܘܲܚܢܲܢ ܡܵܢܵܐ ܚܢܲܢ: ܠܵܐ ܗ̄ܘܵܐ ܥܠܲܝܢ ܡܪܲܛܢܝܼܢ ܐܲܢ̄ܬܿܘܿܢ: ܐܸܠܵܐ ܥܲܠ ܡܵܪܝܵܐ. |
[No book] |
| [9]ܘܐܸܡܲܪ ܡܘܼܫܹܐ ܠܐܲܗܪܘܿܢ: ܐܸܡܲܪ ܠܟ݂ܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ: ܩܪܘܿܒ݂ܘ ܩܕ݂ܵܡ ܡܵܪܝܵܐ ܡܸܛܠ ܕܲܫܡܲܥ ܡܵܪܝܵܐ ܪܸܛܢܟ݂ܘܿܢ. |
[No book] |
| [10]ܘܲܗܘܵܐ ܕܟܲܕ݂ ܐܸܡܲܪ ܐܲܗܪܘܿܢ ܠܟ݂ܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ: ܐܸܬ݂ܦܢܝܼܘ ܠܡܲܕ݂ܒܪܵܐ: ܘܗܵܐ ܫܘܼܒ݂ܚܹܗ ܕܡܵܪܝܵܐ ܐܸܬ݂ܚܙܝܼ ܒܲܥܢܵܢܵܐ. |
[No book] |
| [11]ܘܐܸܡܲܪ ܡܵܪܝܵܐ ܠܡܘܼܫܹܐ. |
[No book] |
| [12]ܫܸܡܥܹܬ݂ ܪܸܛܢܵܐ ܕܲܒ݂ܢܲܝ ܝܼܣܪܵܝܹܠ: ܐܸܡܲܪ ܠܗܘܿܢ: ܒܡܲܥܪܵܒܲܝ ܫܸܡܫܵܐ ܗܘܲܝܬܿܘܿܢ ܐܵܟ݂ܠܝܼܢ ܒܸܣܪܵܐ: ܘܲܒ݂ܨܲܦܪܵܐ ܬܸܗܘܘܿܢ ܣܵܒ݂ܥܝܼܢ ܠܲܚܡܵܐ: ܘܬܸܕܿܥܘܿܢ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ. |
[No book] |
| [13]ܘܲܗܘܵܐ ܒܪܲܡܫܵܐ: ܘܣܸܠܩܲܬ݂ ܣܲܠܘܲܝ ܘܟܲܣܝܲܬ݂ ܠܡܲܫܪܝܼܬ݂ܵܐ: ܘܲܒ݂ܨܲܦܪܵܐ ܗܵܘܝܵܐ ܗ̄ܘܵܬ݂ ܕܝܼܡܬ݂ܵܐ ܕܛܲܠܵܐ ܚܕ݂ܵܪܹܝܗ ܕܡܲܫܪܝܼܬ݂ܵܐ. |
[No book] |
| [14]ܘܣܸܠܩܲܬ݂ ܕܝܼܡܬ݂ܵܐ ܕܛܲܠܵܐ: ܘܗܵܐ ܥܲܠ ܐܲܦܲܝ ܡܲܕ݂ܒܪܵܐ ܪܩܝܼܩ ܘܡܸܬ݂ܩܠܸܦ: ܘܲܩܪܝܼܡ ܐܲܝܟ݂ ܓܠܝܼܕ݂ܵܐ ܥܲܠ ܐܲܪܥܵܐ. |
[No book] |
| [15]ܘܲܚܙܵܘ ܒܢܲܝ ܝܼܣܪܵܝܹܠ: ܘܐܸܡܲܪܘ ܓܒܲܪ ܠܐܲܚܘܼܗܝ ܡܵܢܵܐ ܗ̄ܘܼ: ܡܸܛܠ ܕܠܵܐ ܝܵܕ݂ܥܝܼܢ ܗ̄ܘܵܘ ܡܵܢܵܐ ܗ̄ܘܼ: ܐܸܡܲܪ ܠܗܘܿܢ ܡܘܼܫܹܐ: ܗܵܢܵܘ ܠܲܚܡܵܐ ܕܝܲܗ̄ܒ݂ ܠܟ݂ܘܿܢ ܡܵܪܝܵܐ ܠܡܹܐܟܲܠ. |
[No book] |
| [16]ܘܗܵܢܵܐ ܦܸܬ݂ܓ݂ܵܡܵܐ ܕܦܲܩܸܕ݂ ܡܵܪܝܵܐ: ܠܩܘܿܛܘ ܡܸܢܹܗ ܐ̄ܢܵܫ ܡܸܣܲܬ݂ ܡܹܐܟ݂ܠܹܗ: ܟܲܝܠܵܐ ܠܪܹܫܵܐ ܡܸܢܝܵܢ ܢܲܦ̮ܫܲܬ݂ܟ݂ܘܿܢ: ܐ̄ܢܵܫ ܠܕܲܒ݂ܡܲܫܟܿܢܹܗ ܬܸܣܒ݂ܘܿܢ. |
[No book] |
| [17]ܘܲܥܒܲܕ݂ܘ ܗܵܟܲܢܵܐ ܒܢܲܝ ܝܼܣܪܵܝܹܠ: ܘܠܲܩܸܛܘ: ܐܝܼܬ݂ ܕܐܲܣܓܿܝܼ: ܘܐܝܼܬ݂ ܕܲܙܥܲܪ. |
[No book] |
| [18]ܘܐܲܟܿܝܼܠܘܼܗܝ ܒܟܲܝܠܵܐ: ܘܠܵܐ ܐܵܘܬܲܪ ܕܐܲܣܓܿܝܼ: ܘܕܲܐܙܥܲܪ ܠܵܐ ܐܲܚܣܲܪ: ܐ̄ܢܵܫ ܡܸܣܲܬ݂ ܡܹܐܟ݂ܠܹܗ ܠܩܲܛܘ. |
[No book] |
| [19]ܐܸܡܲܪ ܠܗܘܿܢ ܡܘܼܫܹܐ ܐ̄ܢܵܫ ܠܵܐ ܢܵܘܬܲܪ ܡܸܢܹܗ ܠܨܲܦܪܵܐ. |
[No book] |
| [20]ܘܠܵܐ ܫܲܡܥܘܼܗܝ ܠܡܘܼܫܹܐ: ܘܐܵܘܬܲܪܘ ܡܸܢܹܗ ܓܲܒ݂ܪܹܐ ܠܨܲܦܪܵܐ: ܘܐܲܪܚܸܫܘ ܬܵܘܠܥܹ̈ܐ ܘܲܣܪܝܼ: ܘܲܪܓܸܙ ܥܠܲܝܗܘܿܢ ܡܘܼܫܹܐ. |
[No book] |
| [21]ܘܠܵܩܛܝܼܢ ܗ̄ܘܵܘ ܠܹܗ ܒܨܲܦܪܵܐ: ܒܨܲܦܪܵܐ ܐ̄ܢܵܫ ܡܸܣܲܬ݂ ܡܹܐܟ݂ܠܹܗ: ܘܡܵܐ ܕܚܵܡܵܐ ܗ̄ܘܵܬ݂ ܫܸܡܫܵܐ ܦܵܫܲܪ ܗ̄ܘܵܐ. |
[No book] |
| [22]ܘܲܗܘܵܐ ܒܝܵܘܡܵܐ ܫܬܿܝܼܬ݂ܵܝܵܐ: ܠܩܲܛܘ ܠܲܚܡܵܐ ܚܲܕ݂ ܬܪܹܝܢ: ܬܪܹܝܢ ܟܲܝܠܝܼܢ ܠܚܲܕ݂: ܘܐܸܬ݂ܵܘ ܟܠܗܘܿܢ ܩܲܫܝܼܫܹ̈ܐ ܕܲܟ݂ܢܘܼܫܬܵܐ ܘܚܵܘܝܼܘ ܠܡܘܼܫܹܐ. |
[No book] |
| [23]ܐܵܡܲܪ ܠܗܘܿܢ ܡܘܼܫܹܐ: ܗܵܢܵܘ ܕܐܸܡܲܪ ܡܵܪܝܵܐ: ܫܲܒܿܬ݂ܵܐ ܢܝܵܚܵܐ ܩܘܼܕ݂ܫܵܐ ܠܡܵܪܝܵܐ ܡܚܵܪ: ܡܸܕܸܿܡ ܕܐܵܦܝܼܢ ܐܲܢ̄ܬܿܘܿܢ ܐܲܦܵܘ: ܘܡܸܕܸܡ ܕܲܡܒܲܫܠܝܼܢ ܐܲܢ̄ܬܘܿܢ ܒܲܫܸܠܘ: ܡܸܕܸܡ ܕܝܵܬܲܪ ܛܲܪܘ ܠܟ݂ܘܿܢ ܩܲܪܝܼܪܵܐ ܠܨܲܦܪܵܐ. |
[No book] |
| [24]ܘܲܫܒܲܩܘ ܡܸܢܹܗ ܠܨܲܦܪܵܐ ܐܲܝܟ݂ ܕܲܦܩܲܕ݂ ܐܸܢܘܿܢ ܡܘܼܫܹܐ: ܘܠܵܐ ܣܪܝܼ: ܘܪܲܚܫܵܐ ܠܵܐ ܗܘܵܐ ܒܹܗ. |
[No book] |
| [25]ܐܵܡܲܪ ܠܗܘܿܢ ܡܘܼܫܹܐ: ܐܘܼܟ݂ܠܘܼܗܝ ܝܵܘܡܵܢܵܐ: ܡܸܛܠ ܕܫܲܒܬ݂ܵܐ ܗ̄ܝ ܝܵܘܡܵܢܵܐ ܠܡܵܪܝܵܐ: ܝܵܘܡܵܢܵܐ ܠܵܐ ܡܸܫܟܿܚܝܼܢ ܐܢ̄ܬܿܘܿܢ ܠܹܗ ܒܚܲܩܠܵܐ. |
[No book] |
| [26]ܫܬܵܐ ܝܵܘܡܝܼܢ ܗܘܲܝܬܿܘܿܢ ܠܵܩܛܝܼܢ ܠܹܗ: ܘܝܵܘܡܵܐ ܫܒ݂ܝܼܥܵܝܵܐ ܫܲܒܬ݂ܵܐ ܗ̄ܝܼ : ܠܵܐ ܗܵܘܹܐ ܒܵܗܿ. |
[No book] |
| [27]ܘܲܗܘܵܐ ܒܝܵܘܡܵܐ ܫܒ݂ܝܼܥܵܝܵܐ ܢܦܲܩܘ ܡܼܢ ܥܲܡܵܐ ܠܡܸܠܩܲܛ: ܘܠܵܐ ܐܸܫܟܲܚܘ. |
[No book] |
| [28]ܘܐܸܡܲܪ ܡܵܪܝܵܐ ܠܡܘܼܫܹܐ: ܥܕܲܡܵܐ ܠܐܸܡܲܬ݂ܝ ܠܵܐ ܨܵܒܹܝܢ ܐܢ̄ܬܿܘܿܢ ܠܡܸܛܲܪ ܦܘܼܩܕܵܢܲܝ ܘܢܵܡܘܿܣܲܝ. |
[No book] |
| [29]ܚܙܵܘ ܕܡܵܪܝܵܐ ܝܲܗ̄ܒ݂ ܠܟ݂ܘܿܢ ܫܲܒܬ݂ܵܐ: ܡܸܛܠ ܗܵܢܵܐ ܝܲܗ̄ܒ݂ ܠܟ݂ܘܿܢ ܡܵܪܝܵܐ ܒܝܵܘܡܵܐ ܫܬܿܝܼܬ݂ܵܝܵܐ ܠܲܚܡܵܐ ܕܲܬ݂ܪܹܝܢ ܝܵܘܡܝܼܢ: ܬܸܒ݂ܘ ܐ̄ܢܵܫ ܒܐܲܬ݂ܪܹܗ: ܘܠܵܐ ܢܸܦܘܿܩ ܐ̄ܢܵܫ ܡܼܢ ܬܪܲܥ ܒܲܝܬܹܿܗ ܒܝܵܘܡܵܐ ܫܒ݂ܝܼܥܵܝܵܐ. |
[No book] |
| [30]ܘܐܸܬܿܬܿܢܝܼܚܘ ܥܲܡܵܐ ܒܝܵܘܡܵܐ ܫܒ݂ܝܼܥܵܝܵܐ. |
[No book] |
| [31]ܘܲܩܪܵܘ ܒܢܲܝ ܝܼܣܪܵܝܹܠ ܫܡܹܗ ܡܲܢܢܵܐ: ܘܗܘܼ ܐܲܝܟ݂ ܙܲܪܥܵܐ ܕܟܘܼܣܒܲܪܬܵܐ: ܚܸܘܵܪ: ܘܛܲܥܡܹܗ ܐܲܝܟ݂ ܟܲܟܵܪܝܼܬ݂ܵܐ ܕܕܸܒ݂ܫܵܐ. |
[No book] |
| [32]ܘܐܸܡܲܪ ܡܘܼܫܹܐ: ܗܵܢܵܐ ܦܸܬ݂ܓ݂ܵܡܵܐ ܕܦܲܩܸܕ݂ ܡܵܪܝܵܐ: ܡܠܹܐ ܟܲܝܠܵܐ ܡܸܢܹܗ ܢܸܬ݂ܢܛܲܪ ܠܕ݂ܵܪܲܝܟܿܘܿܢ: ܡܸܛܠ ܕܢܸܚܙܘܿܢ ܠܲܚܡܵܐ ܕܐܵܘܟܸܿܠܬܿܟ݂ܘܿܢ ܒܡܲܕ݂ܒܿܪܵܐ ܟܲܕ݂ ܐܲܦܸܩܬܿܟ݂ܘܿܢ ܡܼܢ ܡܸܨܪܹܝܢ. |
[No book] |
| [33]ܘܐܸܡܲܪ ܡܘܼܫܹܐ ܠܐܲܗܪܘܿܢ: ܣܲܒ݂ ܩܸܣܛܵܐ ܚܕ݂ܵܐ: ܘܐܲܪܡܵܐ ܒܵܗ ܡܠܹܐ ܟܲܝܠܵܐ ܡܲܢܢܵܐ: ܘܣܝܼܡܲܝܗܝ ܩܕ݂ܵܡ ܡܵܪܝܵܐ: ܕܢܸܬ݂ܢܛܲܪ ܠܕ݂ܵܪܲܝܟܿܘܿܢ. |
[No book] |
| [34]ܐܲܝܟܲܢܵܐ ܕܦܲܩܕܲܢܝ ܡܵܪܝܵܐ: ܘܣܵܡܹܗ ܐܲܗܪܘܿܢ ܠܣܵܗܕܿܘܼܬ݂ܵܐ ܕܢܸܬ݂ܢܛܲܪ. |
[No book] |
| [35]ܘܲܒ݂ܢܲܝ ܝܼܣܪܵܝܹܠ ܐܸܟܲܠܘ ܡܲܢܢܵܐ ܐܲܪܒܿܥܝܼܢ ܫܢܝܼܢ: ܥܕܲܡܵܐ ܕܲܡܛܵܘ ܠܐܲܪܥܵܐ ܝܵܬܸܒ݂ܬܵܐ: ܡܲܢܢܵܐ ܐܸܟܲܠܘ: ܥܕܲܡܵܐ ܕܲܡܛܵܘ ܠܣܵܘܦܵܐ ܕܐܲܪܥܵܐ ܕܲܟ݂ܢܲܥܢ. |
[No book] |
| [36]ܘܟܲܝܠܵܐ ܚܲܕ݂ ܡܼܢ ܥܸܣܪܵܐ ܗ̄ܘܵܐ ܠܣܲܐܬ݂ܵܐ. |
[No book] |