|
|
| [1]ܘܲܫܩܲܠܘ ܟܠܵܗ ܟܢܘܼܫܬܵܐ ܕܲܒ݂ܢܲܝ ܝܼܣܪܵܝܹܠ ܡܼܢ ܡܲܕ݂ܒܪܵܐ ܕܣܝܼܢ: ܠܡܲܫܩܠܵܢܲܝܗܘܿܢ ܥܲܠ ܡܸܠܲܬ݂ ܦܘܼܡܹܗ ܕܡܵܪܝܵܐ: ܘܲܫܪܵܘ ܒܲܪܦܝܼܕ݂ܝܼܢ: ܘܠܲܝܬܿ ܗ̄ܘܵܘ ܡܲܝܵܐ ܕܢܸܫܬܸܐ ܥܲܡܵܐ. |
[1]ויסעו כל עדת בני ישראל ממדבר סין למסעיהם־על פי יהוה ויחנו ברפידים ואין מים לשתת העם |
| [2]ܘܲܢܨܵܘ ܥܲܡܵܐ ܥܲܡ ܡܘܼܫܹܐ: ܘܐܸܡܲܪܘ ܠܹܗ: ܗܲܒ݂ܠܲܢ ܡܲܝܵܐ ܕܢܸܫܬܸܐ: ܐܸܡܲܪ ܠܗܘܿܢ ܡܘܼܫܹܐ: ܡܵܢܵܐ ܢܵܨܹܝܢ ܐܢ̄ܬܿܘܿܢ ܥܲܡܝ: ܘܡܵܢܵܐ ܡܢܲܣܹܝܢ ܐܢ̄ܬܿܘܿܢ ܠܡܵܪܝܵܐ. |
[2]וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה |
| [3]ܘܲܨܗܝܼܘ ܬܲܡܵܢ ܥܲܡܵܐ ܠܡܲܝܵܐ: ܘܲܪܛܲܢܘ ܥܲܡܵܐ ܥܲܠ ܡܘܼܫܹܐ ܘܐܸܡܲܪܘ ܠܹܗ: ܠܡܵܢܵܐ ܐܲܣܸܩܬܲܢ ܡܼܢ ܡܸܨܪܹܝܢ: ܠܡܸܩܛܠܲܢ ܠܲܢ ܘܠܲܒ݂ܢܲܝܢ ܘܠܲܒ݂ܥܝܼܪܲܢ ܒܨܲܗܝܵܐ. |
[3]ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמא |
| [4]ܘܨܲܠܝܼ ܡܘܼܫܹܐ ܩܕ݂ܵܡ ܡܵܪܝܵܐ: ܘܐܸܡܲܪ: ܡܵܢܵܐ ܐܸܥܒܸܿܕ݂ ܠܹܗ ܠܥܲܡܵܐ ܗܵܢܵܐ: ܕܥܲܕ݂ ܩܲܠܝܼܠ ܪܵܓܡܝܼܢ ܗ̄ܘܵܘ ܠܝܼ. |
[4]ויצעק משה אל יהוה לאמר מה אעשה לעם הזה עוד מעט וסקלני |
| [5]ܘܐܸܡܲܪ ܡܵܪܝܵܐ ܠܡܘܼܫܹܐ: ܥܒܲܕ݂ ܩܕ݂ܵܡ ܥܲܡܵܐ: ܘܲܕ݂ܒܲܪ ܥܲܡܵܟ݂ ܡܼܢ ܩܲܫܝܼܫܹ̈ܐ ܕܝܼܣܪܵܝܹܠ: ܘܚܘܼܛܪܵܟ݂ ܕܲܡܚܲܝܬ ܒܹܗ ܠܢܲܗܪܵܐ: ܣܲܒ݂ ܒܐܝܼܕ݂ܵܟ݂ ܘܙܸܠ. |
[5]ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר־קח בידך והלכת |
| [6]ܘܗܵܐ: ܐܸܢܵܐ ܩܵܐܹܡ ܐ̄ܢܵܐ ܬܲܡܵܢ ܩܕ݂ܵܡܲܝܟ ܥܲܠ ܛܲܪܵܢܵܐ ܒܚܘܿܪܝܼܒ݂: ܘܬܸܡܚܸܐ ܠܛܲܪܵܢܵܐ: ܘܢܸܦܩܘܿܢ ܡܸܢܹܗ ܡܲܝܵܐ ܘܢܸܫܬܸܐ ܥܲܡܵܐ: ܘܲܥܒܲܕ݂ ܡܘܼܫܹܐ ܗܵܟܲܢܵܐ ܠܥܹܝܢ ܣܵܒܹ̈ܐ ܕܲܒ݂ܢܲܝ ܝܼܣܪܵܝܹܠ. |
[6]הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל |
| [7]ܘܲܩܪܵܐ ܫܡܹܗ ܕܐܲܬ݂ܪܵܐ ܗܵܘ ܢܲܣܵܐ: ܘܲܡܪܝܼܒ݂ܵܐ: ܥܲܠ ܕܲܢܨܵܘ ܒܢܲܝ ܝܼܣܪܵܝܹܠ: ܘܥܲܠ ܕܢܲܣܝܼܘ ܠܡܵܪܝܵܐ ܘܐܸܡܲܪܘ: ܕܐܸܢ ܐܝܼܬ݂ ܡܵܪܝܵܐ ܒܲܝܢܵܬܲܢ: ܐܵܘ ܠܵܐ. |
[7]ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין |
| [8]ܘܐܸܬ݂ܵܐ ܥܡܵܠܹܝܩ ܠܡܸܥܒܲܕ݂ ܩܪܵܒ݂ܵܐ ܥܲܡ ܝܼܣܪܵܝܹܠ ܒܲܪܦܝܼܕ݂ܝܼܢ. |
[8]ויבא עמלק וילחם עם ישראל ברפידם |
| [9]ܘܐܸܡܲܪ ܡܘܼܫܹܐ ܠܝܼܫܘܿܥ: ܓܒ݂ܝܼ ܠܵܟ݂ ܓܲܒ݂ܪܹ̈ܐ: ܘܦܘܿܩ ܢܸܥܒܸܿܕ݂ ܩܪܵܒ݂ܵܐ ܥܲܡ ܥܡܵܠܹܝܩ ܡܚܵܪ: ܘܐܸܢܵܐ ܗܵܐ ܩܵܐܹܡ ܐ̄ܢܵܐ ܥܲܠ ܪܹܫܵܗܿ ܕܪܵܡܬ݂ܵܐ: ܘܚܘܼܛܪܵܐ ܕܐܲܠܵܗܵܐ ܒܐܝܼܕܲܝ. |
[9]ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי |
| [10]ܘܲܥܒܲܕ݂ ܝܼܫܘܿܥ ܐܲܝܟ݂ ܕܐܸܡܲܪ ܠܹܗ ܡܘܼܫܹܐ: ܘܐܸܙܲܠ ܠܡܸܥܒܲܕ݂ ܩܪܵܒ݂ܵܐ ܥܲܡ ܥܡܵܠܹܝܩ: ܘܡܘܼܫܹܐ ܘܐܲܗܪܘܿܢ ܘܚܘܿܪ ܣܠܸܩܘ ܠܪܹܫ ܪܵܡܬ݂ܵܐ. |
[10]ויעש יהושע כאשר אמר לו משה־להלחם בעמלק ומשה אהרן וחור עלו ראש הגבעה |
| [11]ܘܟܲܕ݂ ܡܪܝܼܡ ܗ̄ܘܵܐ ܡܘܼܫܹܐ ܐܝܼܕ݂ܵܘܗܝ: ܬܵܩܹܦ ܗ̄ܘܵܐ ܝܼܣܪܵܝܹܠ: ܘܟܲܕ݂ ܡܢܝܼܚ ܗ̄ܘܵܐ ܐܝܼܕ݂ܵܘܗܝ: ܬܵܩܹܦ ܗ̄ܘܵܐ ܥܡܵܠܹܝܩ. |
[11]והיה כאשר ירים משה ידו־וגבר ישראל וכאשר יניח ידו וגבר עמלק |
| [12]ܘܐܝܼܕ݂ܵܘܗܝ ܕܡܘܼܫܹܐ ܠܐܝܼ: ܘܲܢܣܲܒ݂ܘ ܟܹܐܦܵܐ: ܘܣܵܡܘ ܬܚܘܿܬ݂ܵܘܗܝ: ܘܝܼܬܸܒ݂ ܥܠܹܝܗܿ: ܘܐܲܗܪܘܿܢ ܘܚܘܿܪ ܡܣܲܡܟ݂ܝܼܢ ܗ̄ܘܵܘ ܐܝܼܕ݂ܵܘܗܝ: ܚܲܕ݂ ܡܸܟܵܐ : ܘܚܲܕ݂ ܡܸܟܵܐ: ܘܲܗܘ̤ܝ ܐܝܼܕ݂ܵܘܗܝ ܒܗܲܝܡܵܢܘܼܬ݂ܵܐ: ܥܕܲܡܵܐ ܕܥܸܪܒܲܬ݂ ܫܸܡܫܵܐ. |
[12]וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש |
| [13]ܘܲܬ݂ܒܲܪ ܝܼܫܘܿܥ ܠܲܥܡܵܠܹܝܩ ܘܲܠܥܲܡܹܗ ܒܦܘܼܡܵܐ ܕܚܲܪܒܵܐ. |
[13]ויחלש יהושע את עמלק ואת עמו לפי חרב |
| [14]ܘܐܸܡܲܪ ܡܵܪܝܵܐ ܠܡܘܼܫܹܐ: ܟܬ݂ܘܿܒ݂ ܕܘܼܟ݂ܪܵܢܵܐ ܗܵܢܵܐ ܒܣܸܦܪܵܐ: ܘܣܝܼܡ ܩܕ݂ܵܡ ܝܼܫܘܿܥ ܒܲܪܢܘܿܢ: ܡܸܛܠ ܕܡܸܥܛܵܐ ܥܵܛܹܐ ܐ̄ܢܵܐ ܕܘܼܟ݂ܪܵܢܹܗ ܕܲܥܡܵܠܹܝܩ ܡܼܢ ܬܚܹܝܬ݂ ܫܡܲܝܵܐ. |
[14]ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים |
| [15]ܘܲܒ݂ܢܵܐ ܡܘܼܫܹܐ ܡܲܕ݂ܒܚܵܐ: ܘܲܩܪܵܐ ܫܡܹܗ ܡܵܪܝܵܐ ܢܲܣܝܼ. |
[15]ויבן משה מזבח ויקרא שמו יהוה נסי |
| [16]ܘܐܸܡܲܪ ܗܵܐ ܐܝܼܕ݂ܵܐ ܥܲܠ ܟܘܼܪܣܝܵܐ: ܩܪܵܒ݂ܵܐ ܠܡܵܪܝܵܐ ܒܲܥܡܵܠܹܝܩ ܡܼܢ ܕܵܪܕܵܪܝܼܢ. |
[16]ויאמר כי יד על כס יה מלחמה ליהוה בעמלק־מדר דר |