➖ »
«
➖ ➕
Peshitta OT
PesOT
Peshitta OT
PesOT
←
Exodus
Exo
20
→
[1]ܘܐܸܡܲܪ ܐܲܠܵܗܵܐ ܟܠܗܘܿܢ ܦܸܬ݂ܓ݂ܵܡܹ̈ܐ ܗܵܠܹܝܢ. [1]ܘܐܸܡܲܪ ܐܲܠܵܗܵܐ ܟܠܗܘܿܢ ܦܸܬ݂ܓ݂ܵܡܹ̈ܐ ܗܵܠܹܝܢ.
[2]ܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܵܟ݂ ܕܐܲܣܸܩܬܵܟ݂ ܡܼܢ ܐܲܪܥܵܐ ܕܸܡܨܪܹܝܢ: ܡܼܢ ܒܹܝܬ݂ ܥܲܒ݂ܕܘܼܬ݂ܵܐ. [2]ܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܵܟ݂ ܕܐܲܣܸܩܬܵܟ݂ ܡܼܢ ܐܲܪܥܵܐ ܕܸܡܨܪܹܝܢ: ܡܼܢ ܒܹܝܬ݂ ܥܲܒ݂ܕܘܼܬ݂ܵܐ.
[3]ܠܵܐ ܢܸܗܘܘܿܢ ܠܵܟ݂ ܐܲܠܵܗܝܼܢ ܐ̄ܚܪܵܢܝܼܢ ܠܒܲܪ ܡܹܢܝ. [3]ܠܵܐ ܢܸܗܘܘܿܢ ܠܵܟ݂ ܐܲܠܵܗܝܼܢ ܐ̄ܚܪܵܢܝܼܢ ܠܒܲܪ ܡܹܢܝ.
[4]ܠܵܐ ܬܸܥܒܸܿܕ݂ ܠܵܟ݂ ܟܠ ܨܠܸܡ ܘܟ݂ܠ ܕܡܘܼ: ܕܐܝܼܬ݂ ܒܲܫܡܲܝܵܐ ܠܥܸܠ: ܘܕ݂ܐܝܼܬ݂ ܒܐܲܪܥܵܐ ܡܼܢ ܠܬܲܚܬ: ܘܕ݂ܐܝܼܬ݂ ܒܡܲܝܵܐ ܠܬܲܚܬ ܡܼܢ ܐܲܪܥܵܐ. [4]ܠܵܐ ܬܸܥܒܸܿܕ݂ ܠܵܟ݂ ܟܠ ܨܠܸܡ ܘܟ݂ܠ ܕܡܘܼ: ܕܐܝܼܬ݂ ܒܲܫܡܲܝܵܐ ܠܥܸܠ: ܘܕ݂ܐܝܼܬ݂ ܒܐܲܪܥܵܐ ܡܼܢ ܠܬܲܚܬ: ܘܕ݂ܐܝܼܬ݂ ܒܡܲܝܵܐ ܠܬܲܚܬ ܡܼܢ ܐܲܪܥܵܐ.
[5]ܠܵܐ ܬܸܣܓܘܿܕ݂ ܠܗܘܿܢ: ܘܠܵܐ ܬܸܦܠܘܿܚ ܐܸܢܘܿܢ: ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܵܟ݂: ܐܲܠܵܗܵܐ ܛܲܢܵܢܵܐ: ܦܵܪܲܥ ܚܵܘܒܹ̈ܐ ܕܐܲܒ݂ܵܗܹ̈ܐ ܥܲܠ ܒܢܲܝܵܐ: ܥܲܠ ܬܠܵܬ݂ܵܐ ܘܥܲܠ ܐܲܪܒܥܵܐ ܕܵܪܝܼܢ ܠܣܵܢ̈ܐܲܝ. [5]ܠܵܐ ܬܸܣܓܘܿܕ݂ ܠܗܘܿܢ: ܘܠܵܐ ܬܸܦܠܘܿܚ ܐܸܢܘܿܢ: ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܵܟ݂: ܐܲܠܵܗܵܐ ܛܲܢܵܢܵܐ: ܦܵܪܲܥ ܚܵܘܒܹ̈ܐ ܕܐܲܒ݂ܵܗܹ̈ܐ ܥܲܠ ܒܢܲܝܵܐ: ܥܲܠ ܬܠܵܬ݂ܵܐ ܘܥܲܠ ܐܲܪܒܥܵܐ ܕܵܪܝܼܢ ܠܣܵܢ̈ܐܲܝ.
[6]ܘܥܵܒܹܕ݂ ܐ̄ܢܵܐ ܛܲܝܒܿܘܼܬ݂ܵܐ ܠܐܲܠܦܹ̈ܐ ܕܕ݂ܵܪܹ̈ܐ ܠܪܵܚܡܲܝ: ܘܲܠܢܵܛܪܲܝ ܦܘܼܩܕܵܢܲܝ. [6]ܘܥܵܒܹܕ݂ ܐ̄ܢܵܐ ܛܲܝܒܿܘܼܬ݂ܵܐ ܠܐܲܠܦܹ̈ܐ ܕܕ݂ܵܪܹ̈ܐ ܠܪܵܚܡܲܝ: ܘܲܠܢܵܛܪܲܝ ܦܘܼܩܕܵܢܲܝ.
[7]ܠܵܐ ܬܹܐܡܹܐ ܒܲܫܡܹܗ ܕܡܵܪܝܵܐ ܐܲܠܵܗܵܟ݂ ܒܕܲܓܵܠܘܼܬ݂ܵܐ: ܡܸܛܠ ܕܠܵܐ ܡܙܲܟܹܿܐ ܡܵܪܝܵܐ ܠܡܵܢ ܕܝܵܡܹܐ ܒܲܫܡܹܗ ܒܕܲܓܵܠܘܼܬ݂ܵܐ. [7]ܠܵܐ ܬܹܐܡܹܐ ܒܲܫܡܹܗ ܕܡܵܪܝܵܐ ܐܲܠܵܗܵܟ݂ ܒܕܲܓܵܠܘܼܬ݂ܵܐ: ܡܸܛܠ ܕܠܵܐ ܡܙܲܟܹܿܐ ܡܵܪܝܵܐ ܠܡܵܢ ܕܝܵܡܹܐ ܒܲܫܡܹܗ ܒܕܲܓܵܠܘܼܬ݂ܵܐ.
[8]ܐܸܬܿܕܲܟ݂ܪ ܝܵܘܡܵܐ ܕܫܲܒܬ݂ܵܐ ܠܲܡܩܲܕܵܫܘܼܬܹܗ. [8]ܐܸܬܿܕܲܟ݂ܪ ܝܵܘܡܵܐ ܕܫܲܒܬ݂ܵܐ ܠܲܡܩܲܕܵܫܘܼܬܹܗ.
[9]ܫܬܵܐ ܝܵܘܡܝܼܢ ܬܸܦܠܘܿܚ: ܘܬܸܥܒܸܿܕ ܟܠ ܥܒ݂ܵܕ݂ܵܟ݂. [9]ܫܬܵܐ ܝܵܘܡܝܼܢ ܬܸܦܠܘܿܚ: ܘܬܸܥܒܸܿܕ ܟܠ ܥܒ݂ܵܕ݂ܵܟ݂.
[10]ܘܝܵܘܡܵܐ ܫܒ݂ܝܼܥܵܝܵܐ ܫܲܒܬ݂ܵܐ ܠܡܵܪܝܵܐܐܲܠܵܗܵܟ݂: ܠܵܐ ܬܸܥܒܸܿܕ ܒܹܗ ܟܠ ܥܒ݂ܵܕ݂: ܐܲܢ̄ܬ: ܘܲܒ݂ܪܵܟ݂: ܘܒܲܪܬ݂ܵܟ݂: ܘܥܲܒ݂ܕܵܟ݂: ܘܐܲܡܬ݂ܵܟ݂: ܘܲܒ݂ܥܝܼܪܵܟ݂: ܘܬ݂ܵܘܬܵܒ݂ܵܐ ܕܲܒ݂ܩܘܼܪܝܵܟ݂. [10]ܘܝܵܘܡܵܐ ܫܒ݂ܝܼܥܵܝܵܐ ܫܲܒܬ݂ܵܐ ܠܡܵܪܝܵܐܐܲܠܵܗܵܟ݂: ܠܵܐ ܬܸܥܒܸܿܕ ܒܹܗ ܟܠ ܥܒ݂ܵܕ݂: ܐܲܢ̄ܬ: ܘܲܒ݂ܪܵܟ݂: ܘܒܲܪܬ݂ܵܟ݂: ܘܥܲܒ݂ܕܵܟ݂: ܘܐܲܡܬ݂ܵܟ݂: ܘܲܒ݂ܥܝܼܪܵܟ݂: ܘܬ݂ܵܘܬܵܒ݂ܵܐ ܕܲܒ݂ܩܘܼܪܝܵܟ݂.
[11]ܡܸܛܠ ܕܒܸܫܬܵܐ ܝܵܘܡܝܼܢ ܥܒܲܕ݂ ܡܵܪܝܵܐ ܫܡܲܝܵܐ ܘܐܲܪܥܵܐ: ܘܝܲܡܡܹ̈ܐ ܘܟ݂ܠ ܕܐܝܼܬ݂ ܒܗܘܿܢ: ܘܐܸܬܿܬܿܢܝܼܚ ܒܝܵܘܡܵܐ ܫܒ݂ܝܼܥܵܝܵܐ: ܡܸܛܠ ܗܵܢܵܐ ܒܲܪܸܟ݂ ܐܲܠܵܗܵܐ ܠܝܵܘܡܵܐ ܫܒ݂ܝܼܥܵܝܵܐ ܘܩܲܕܿܫܹܗ. [11]ܡܸܛܠ ܕܒܸܫܬܵܐ ܝܵܘܡܝܼܢ ܥܒܲܕ݂ ܡܵܪܝܵܐ ܫܡܲܝܵܐ ܘܐܲܪܥܵܐ: ܘܝܲܡܡܹ̈ܐ ܘܟ݂ܠ ܕܐܝܼܬ݂ ܒܗܘܿܢ: ܘܐܸܬܿܬܿܢܝܼܚ ܒܝܵܘܡܵܐ ܫܒ݂ܝܼܥܵܝܵܐ: ܡܸܛܠ ܗܵܢܵܐ ܒܲܪܸܟ݂ ܐܲܠܵܗܵܐ ܠܝܵܘܡܵܐ ܫܒ݂ܝܼܥܵܝܵܐ ܘܩܲܕܿܫܹܗ.
[12]ܝܲܩܲܪ ܠܐܲܒ݂ܘܼܟ݂ ܘܠܸܐܡܵܟ݂: ܕܢܸܣܓܿܘܿܢ ܝܵܘܡܲܝܟ ܒܐܲܪܥܵܐ: ܕܡܵܪܝܐ ܐܲܠܵܗܵܟ݂ ܝܵܗܹܒ݂ ܠܵܟ݂. [12]ܝܲܩܲܪ ܠܐܲܒ݂ܘܼܟ݂ ܘܠܸܐܡܵܟ݂: ܕܢܸܣܓܿܘܿܢ ܝܵܘܡܲܝܟ ܒܐܲܪܥܵܐ: ܕܡܵܪܝܐ ܐܲܠܵܗܵܟ݂ ܝܵܗܹܒ݂ ܠܵܟ݂.
[13]ܠܵܐ ܬܸܩܛܘܿܠ. [13]ܠܵܐ ܬܸܩܛܘܿܠ.
[14]ܠܵܐ ܬܓ݂ܘܼܪ. [14]ܠܵܐ ܬܓ݂ܘܼܪ.
[15]ܠܵܐ ܬܸܓ݂ܢܘܿܒ݂. [15]ܠܵܐ ܬܸܓ݂ܢܘܿܒ݂.
[16]ܠܵܐ ܬܣܲܗܸܕ݂ ܥܲܠ ܚܲܒ݂ܪܵܟ݂ ܣܵܗܕܘܼܬ݂ܵܐ ܕܲܓܵܠܬܵܐ. [16]ܠܵܐ ܬܣܲܗܸܕ݂ ܥܲܠ ܚܲܒ݂ܪܵܟ݂ ܣܵܗܕܘܼܬ݂ܵܐ ܕܲܓܵܠܬܵܐ.
[17]ܠܵܐ ܬܸܪܲܓ݂ ܒܲܝܬܹܿܗ ܕܚܲܒ݂ܪܵܟ݂: ܠܵܐ ܬܸܪܲܓ݂ ܐܲܢ̄ܬܿܬܹܗ ܕܚܲܒ݂ܪܵܟ݂: ܘܥܲܒ݂ܕܹܿܗ: ܘܐܲܡܬܹܗ: ܘܬ݂ܵܘܪܹܗ: ܘܲܚܡܵܪܹܗ: ܘܟ݂ܠ ܡܸܕܸܿܡ ܕܐܝܼܬ݂ ܠܚܲܒ݂ܪܵܟ݂. [17]ܠܵܐ ܬܸܪܲܓ݂ ܒܲܝܬܹܿܗ ܕܚܲܒ݂ܪܵܟ݂: ܠܵܐ ܬܸܪܲܓ݂ ܐܲܢ̄ܬܿܬܹܗ ܕܚܲܒ݂ܪܵܟ݂: ܘܥܲܒ݂ܕܹܿܗ: ܘܐܲܡܬܹܗ: ܘܬ݂ܵܘܪܹܗ: ܘܲܚܡܵܪܹܗ: ܘܟ݂ܠ ܡܸܕܸܿܡ ܕܐܝܼܬ݂ ܠܚܲܒ݂ܪܵܟ݂.
[18]ܘܟ݂ܠܹܗ ܥܲܡܵܐ ܚܵܙܹܝܢ ܩܵܠܹ̈ܐ: ܘܠܲܡܦܹܝܕܹ̈ܐ: ܘܩܵܠܵܐ ܕܩܲܪܢܵܐ: ܘܛܘܼܪܵܐ ܕܬ݂ܵܐܹܢ: ܘܲܚܙܵܘ ܥܲܡܵܐ ܘܲܕ݂ܚܸܠܘ: ܘܩܵܡܘ ܡܼܢ ܪܘܼܚܩܵܐ. [18]ܘܟ݂ܠܹܗ ܥܲܡܵܐ ܚܵܙܹܝܢ ܩܵܠܹ̈ܐ: ܘܠܲܡܦܹܝܕܹ̈ܐ: ܘܩܵܠܵܐ ܕܩܲܪܢܵܐ: ܘܛܘܼܪܵܐ ܕܬ݂ܵܐܹܢ: ܘܲܚܙܵܘ ܥܲܡܵܐ ܘܲܕ݂ܚܸܠܘ: ܘܩܵܡܘ ܡܼܢ ܪܘܼܚܩܵܐ.
[19]ܘܐܸܡܲܪܘ ܠܡܘܼܫܹܐ: ܡܲܠܸܠ ܐܲܢ̄ܬ ܥܲܡܲܢ: ܘܢܸܫܡܲܥ، ܘܠܵܐ ܢܡܲܠܸܠ ܥܲܡܲܢ ܐܲܠܵܗܵܐ: ܕܠܵܐ ܢܡܘܼܬ݂. [19]ܘܐܸܡܲܪܘ ܠܡܘܼܫܹܐ: ܡܲܠܸܠ ܐܲܢ̄ܬ ܥܲܡܲܢ: ܘܢܸܫܡܲܥ، ܘܠܵܐ ܢܡܲܠܸܠ ܥܲܡܲܢ ܐܲܠܵܗܵܐ: ܕܠܵܐ ܢܡܘܼܬ݂.
[20]ܘܐܸܡܲܪ ܡܘܼܫܹܐ ܠܥܲܡܵܐ: ܠܵܐ ܬܸܕ݂ܚܠܘܼܢ ܡܸܛܠ ܕܠܲܡܢܲܣܵܝܘܼܬ݂ܟ݂ܘܿܢ ܐܸܬ݂ܵܐ ܐܲܠܵܗܵܐ: ܡܸܛܠ ܕܬܸܗܘܸܐ ܕܸܚܠܬܹܗ ܩܕ݂ܵܡ ܐܲܦܲܝܟܿܘܿܢ: ܘܲܕ݂ܠܵܐ ܬܸܚܛܘܿܢ. [20]ܘܐܸܡܲܪ ܡܘܼܫܹܐ ܠܥܲܡܵܐ: ܠܵܐ ܬܸܕ݂ܚܠܘܼܢ ܡܸܛܠ ܕܠܲܡܢܲܣܵܝܘܼܬ݂ܟ݂ܘܿܢ ܐܸܬ݂ܵܐ ܐܲܠܵܗܵܐ: ܡܸܛܠ ܕܬܸܗܘܸܐ ܕܸܚܠܬܹܗ ܩܕ݂ܵܡ ܐܲܦܲܝܟܿܘܿܢ: ܘܲܕ݂ܠܵܐ ܬܸܚܛܘܿܢ.
[21]ܘܩܵܡܘ ܥܲܡܵܐ ܡܼܢ ܪܘܼܚܩܵܐ: ܘܡܘܼܫܹܐ ܩܪܸܒ݂ ܠܘܵܬ݂ ܥܲܪܦܸܠܵܐ ܕܬܲܡܵܢ ܐܲܠܵܗܵܐ. [21]ܘܩܵܡܘ ܥܲܡܵܐ ܡܼܢ ܪܘܼܚܩܵܐ: ܘܡܘܼܫܹܐ ܩܪܸܒ݂ ܠܘܵܬ݂ ܥܲܪܦܸܠܵܐ ܕܬܲܡܵܢ ܐܲܠܵܗܵܐ.
[22]ܘܐܸܡܲܪ ܡܵܪܝܵܐ ܠܡܘܼܫܹܐ: ܗܵܟܲܢܵܐ ܬܹܐܡܲܪ ܠܲܕ݂ܒܹܝܬ݂ ܝܼܣܪܵܝܹܠ: ܐܲܢ̄ܬܿܘܿܢ ܚܙܲܝܬܿܘܿܢ ܕܡܸܢ ܫܡܲܝܵܐ ܡܲܠܠܹܬ݂ ܥܲܡܟ݂ܘܿܢ. [22]ܘܐܸܡܲܪ ܡܵܪܝܵܐ ܠܡܘܼܫܹܐ: ܗܵܟܲܢܵܐ ܬܹܐܡܲܪ ܠܲܕ݂ܒܹܝܬ݂ ܝܼܣܪܵܝܹܠ: ܐܲܢ̄ܬܿܘܿܢ ܚܙܲܝܬܿܘܿܢ ܕܡܸܢ ܫܡܲܝܵܐ ܡܲܠܠܹܬ݂ ܥܲܡܟ݂ܘܿܢ.
[23]ܠܵܐ ܬܸܥܒܿܕ݂ܘܼܢ ܠܟ݂ܘܿܢ ܥܲܡܝ ܐܲܠܵܗܹ̈ܐ ܕܕܲܗܒ݂ܵܐ: ܘܐܲܠܵܗܹ̈ܐ ܕܣܹܐܡܵܐ ܠܵܐ ܬܸܥܒܿܕ݂ܘܼܢ ܠܟ݂ܘܿܢ. [23]ܠܵܐ ܬܸܥܒܿܕ݂ܘܼܢ ܠܟ݂ܘܿܢ ܥܲܡܝ ܐܲܠܵܗܹ̈ܐ ܕܕܲܗܒ݂ܵܐ: ܘܐܲܠܵܗܹ̈ܐ ܕܣܹܐܡܵܐ ܠܵܐ ܬܸܥܒܿܕ݂ܘܼܢ ܠܟ݂ܘܿܢ.
[24]ܡܲܕ݂ܒܚܵܐ ܕܐܲܕ݂ܡܬ݂ܵܐ ܬܸܥܒܸܿܕ݂ ܠܝܼ: ܘܲܬܿܕܲܒܲܚ ܥܠܵܘܗܝ ܥܠܵܘܵܬ݂ܵܟ݂ ܘܩܘܼܪܒܵܢܲܝܟ: ܘܥܵܢܵܟ݂ ܘܬ݂ܵܘܪܲܝܟ: ܒܟ݂ܠ ܐܲܬܲܪ ܕܬܲܕ݂ܟܲܪ ܫܹܡܝ: ܐܹܬܹܐ ܠܘܵܬ݂ܵܟ݂ ܘܐܹܒܲܪܟ݂ܵܟ݂. [24]ܡܲܕ݂ܒܚܵܐ ܕܐܲܕ݂ܡܬ݂ܵܐ ܬܸܥܒܸܿܕ݂ ܠܝܼ: ܘܲܬܿܕܲܒܲܚ ܥܠܵܘܗܝ ܥܠܵܘܵܬ݂ܵܟ݂ ܘܩܘܼܪܒܵܢܲܝܟ: ܘܥܵܢܵܟ݂ ܘܬ݂ܵܘܪܲܝܟ: ܒܟ݂ܠ ܐܲܬܲܪ ܕܬܲܕ݂ܟܲܪ ܫܹܡܝ: ܐܹܬܹܐ ܠܘܵܬ݂ܵܟ݂ ܘܐܹܒܲܪܟ݂ܵܟ݂.
[25]ܘܐܸܢ ܡܲܕ݂ܒܚܵܐ ܕܟܹܐܦܹ̈ܐ ܠܵܐ ܬܸܥܒܸܿܕ݂ ܠܝܼ: ܠܵܐ ܬܸܒ݂ܢܹܝܘܗܝ ܒܲܦ̮ܣܝܼܠܬܵܐ: ܡܸܛܠ ܕܦܲܪܙܠܵܐ ܐܲܢܝܼܦܬܿ ܥܠܵܘܗܝ ܘܛܵܘܸܫܬܵܗܝ. [25]ܘܐܸܢ ܡܲܕ݂ܒܚܵܐ ܕܟܹܐܦܹ̈ܐ ܠܵܐ ܬܸܥܒܸܿܕ݂ ܠܝܼ: ܠܵܐ ܬܸܒ݂ܢܹܝܘܗܝ ܒܲܦ̮ܣܝܼܠܬܵܐ: ܡܸܛܠ ܕܦܲܪܙܠܵܐ ܐܲܢܝܼܦܬܿ ܥܠܵܘܗܝ ܘܛܵܘܸܫܬܵܗܝ.
[26]ܘܠܵܐ ܬܸܣܲܩ ܒܕܲܪ̈ܓܹܐ ܠܡܲܕ݂ܒܲܚܝ: ܕܠܵܐ ܢܸܬ݂ܓܿܠܹܐ ܦܘܼܪܣܵܝܵܟ݂ ܥܠܵܘܗܝ. [26]ܘܠܵܐ ܬܸܣܲܩ ܒܕܲܪ̈ܓܹܐ ܠܡܲܕ݂ܒܲܚܝ: ܕܠܵܐ ܢܸܬ݂ܓܿܠܹܐ ܦܘܼܪܣܵܝܵܟ݂ ܥܠܵܘܗܝ.
 
Top