|
|
| [1]Also he seide to Moises, `Stie thou to the Lord, thou, and Aaron, and Nadab, and Abyu, and seuenti eldere men of Israel; and ye schulen worschipe afer, |
[No book] |
| [2]and Moises aloone stie to the Lord, and thei schulen not neiye, nether the puple schal stie with hym. |
[No book] |
| [3]Therfore Moises cam, and telde to the puple alle the wordis and domes of the Lord; and al the puple answeride with o vois, We schulen do alle the wordis of the Lord, whiche he spak. |
[No book] |
| [4]Forsothe Moises wroot alle the wordis of the Lord; and he roos eerli, and bildide an auter to the Lord at the rootis of the hil, and he bildide twelue titlis bi twelue lynagis of Israel. |
[No book] |
| [5]And he sente yonge men of the sones of Israel, and thei offriden brent sacrifices, and `thei offriden pesible sacrifices `to the Lord, twelue calues. |
[No book] |
| [6]And so Moises took half the part of the blood, and sente in to grete cuppis; forsothe he schedde the residue part on the auter. |
[No book] |
| [7]And he took the book of the boond of pees, and redde, while the puple herde; whiche seiden, We schulen do alle thingis which the Lord spak, and we schulen be obedient. |
[No book] |
| [8]Forsothe he took, and sprengide `the blood on the puple, and seide, This is the blood of the boond of pees, which the Lord couenauntide with yow on alle these wordis. |
[No book] |
| [9]And Moises, and Aaron, and Nadab, and Abyu, and seuenti of the eldere men of Israel stieden, |
[No book] |
| [10]and seiyen God of Israel, vndur hise feet, as the werk of safire stoon, and as heuene whanne it is cleer. |
[No book] |
| [11]And he sente not his hond on hem of the sones of Israel, that hadden go fer awei; and thei sien God, and eeten and drunkun. |
[No book] |
| [12]Forsothe the Lord seide to Moises, `Stie thou to me in to the hil, and be thou there, and Y schal yyue to thee tablis of stoon, and the lawe, and comaundementis, whiche Y haue write, that thou teche the children of Israel. |
[No book] |
| [13]Moises and Josue his mynystre risen, and Moises stiede in to the hil of God, |
[No book] |
| [14]and seide to the eldere men, Abide ye here, til we turnen ayen to you; ye han Aaron and Hur with you, if ony thing of questioun is maad, ye schulen telle to hem. |
[No book] |
| [15]And whanne Moises hadde stied, |
[No book] |
| [16]a cloude hilide the hil, and the glorie of the Lord dwellide on Synai, and kyueride it with a cloude sixe daies; forsothe in the seuenthe dai the Lord clepide hym fro the myddis of the cloude; forsothe the licnesse of glorie of the Lord |
[No book] |
| [17]was as fier brennynge on the cop of the hil in the siyt of the sones of Israel. |
[No book] |
| [18]And Moises entride into the myddis of the cloude, and stiede in to the hil, and he was there fourti daies and fourti nyytis. |
[No book] |