|
|
| [No book] |
[1]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. |
| [No book] |
[2]ܐܸܡܲܪ ܠܲܕ݂ܒܹܝܬ݂ ܝܼܣܪܵܝܹܠ: ܘܢܸܦܪܫܘܼܢ ܠܝܼ ܦܘܼܪܫܵܢܵܐ: ܡܼܢ ܟܠ ܓܲܒ݂ܪܵܐ ܕܐܸܬ݂ܚܲܫܲܒ݂ ܒܠܸܒܹܿܗ ܬܸܣܒ݂ܘܼܢ ܦܘܼܪܫܵܢܵܐ. |
| [No book] |
[3]ܘܗܵܢܵܐ ܦܘܼܪܫܵܢܵܐ ܕܬܸܣܒ݂ܘܼܢ ܡܸܢܗܘܿܢ: ܕܲܗܒ݂ܵܐ: ܘܣܹܐܡܵܐ: ܘܲܢܚܵܫܵܐ. |
| [No book] |
[4]ܘܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܲܙܚܘܿܪܝܼܬ݂ܵܐ: ܘܒ݂ܘܼܨܵܐ: ܘܣܲܥܪܵܐ ܕܥܸܙܹ̈ܐ. |
| [No book] |
[5]ܘܡܸܫܟܵܐ ܕܕ݂ܟ݂ܪܹ̈ܐ ܕܐܸܣܦܲܝܢܝܼܩܵܐ: ܘܡܸܫܟܵܐ ܕܣܵܣܵܓܘܿܢܵܐ: ܘܩܲܝܣܵܐ ܕܐܸܫܟܵܪܥܵܐ. |
| [No book] |
[6]ܘܡܸܫܚܵܐ ܠܡܲܢܗܵܪܘܼ: ܘܒܸܣܡܹ̈ܐ ܠܡܸܫܚܵܐ ܕܲܡܫܝܼܚܘܼܬ݂ܵܐ: ܘܲܠܥܸܛܪܵܐ ܕܒܸܣܡܹ̈ܐ. |
| [No book] |
[7]ܘܟܹܐܦܹ̈ܐ ܕܒܹܪܘܼܠܵܐ: ܘܟܹܐܦܹ̈ܐ ܛܵܒ݂ܵܬ݂ܵܐ: ܠܦܸܕܬ݂ܵܐ ܘܠܲܦܪܝܼܣܵܐ. |
| [No book] |
[8]ܘܢܸܥܒܿܕ݂ܘܼܢ ܠܝܼ ܡܲܩܕܫܵܐ: ܘܐܸܫܪܸܐ ܒܲܝܢܵܬ݂ܗܘܿܢ. |
| [No book] |
[9]ܟܠ ܡܸܕܸܿܡ ܕܲܡܚܵܘܹܐ ܐ̄ܢܵܐ ܠܵܟ݂: ܕܡܘܼܬ݂ܵܐ ܕܡܲܫܟܢܵܐ: ܘܲܕ݂ܟ݂ܠܗܘܿܢ ܡܵܐܢܵܘܗܝ: ܗܵܟܲܢܵܐ ܬܸܥܒܿܕ݂ܘܼܢ. |
| [No book] |
[10]ܘܢܸܥܒܿܕ݂ܘܼܢ ܩܹܒ݂ܘܼܬ݂ܵܐ ܕܩܲܝܣܵܐ ܕܐܸܫܟܵܪܥܵܐ: ܬܲܪܬܹܿܝܢ ܐܲܡܝܼ̈ܢ ܘܲܦܠܸܓ݂ ܐܘܼܪܟܵܗ: ܘܐܲܡܵܐ ܘܲܦܠܸܓ ܦܬ݂ܵܝܵܗ: ܘܐܲܡܵܐ ܘܲܦܠܸܓ݂ ܪܵܘܡܵܗ. |
| [No book] |
[11]ܘܲܩܪܘܿܡܲܝܗ ܕܲܗܒ݂ܵܐ ܕܲܟ݂ܝܵܐ: ܡܼܢ ܠܓ݂ܵܘ ܘܡܼܢ ܠܒܲܪ ܬܸܩܪܡܝܼܗ: ܘܬܸܥܒܸܿܕ݂ ܠܵܗ ܟܠܝܼܠܵܐ ܕܕܲܗܒ݂ܵܐ ܟܲܕ݂ ܚܵܕ݂ܪܵܐ. |
| [No book] |
[12]ܘܬܸܚܫܘܿܠ ܠܵܗ ܐܲܪܒܲܥ ܙܲܩܙܩܲܢ ܕܕܲܗܒ݂ܵܐ: ܘܬܸܬܸܿܠ ܒܐܲܪܒܲܥ ܙܲܘܝܵܬ݂ܵܗ: ܬܲܪܬܹܿܝܢ ܙܲܩܙܩܲܢ ܒܣܸܛܪܵܐ ܚܲܕ݂ : ܘܬܲܪܬܹܿܝܢ ܙܲܩܙܩܲܢ ܥܲܠ ܣܸܛܪܵܐ ܐ̄ܚܪܹܢܵܐ. |
| [No book] |
[13]ܘܬܸܥܒܸܿܕ ܩܘܼܦܹ̈ܐ ܕܩܲܝܣܵܐ ܕܐܸܫܟܵܪܥܵܐ: ܘܬܸܩܪܘܿܡ ܐܸܢܘܿܢ ܕܲܗܒ݂ܵܐ. |
| [No book] |
[14]ܘܬܲܥܸܠ ܩܘܼܦܹ̈ܐ ܒܙܲܩܙܩܵܬ݂ܵܐ ܥܲܠ ܣܸܛܪܹܝܗ ܕܩܹܒ݂ܘܼܬ݂ܵܐ: ܕܬܸܫܬܿܩܲܠ ܒܗܘܿܢ ܩܹܒ݂ܘܼܬ݂ܵܐ. |
| [No book] |
[15]ܒܙܲܩܙܩܵܬ݂ܵܐ ܕܩܹܒ݂ܘܼܬ݂ܵܐ ܢܸܗܘܘܿܢ ܩܘܼܦܹ̈ܐ: ܘܠܵܐ ܢܸܥܢܕ݂ܘܼܢ ܡܸܢܗܹܝܢ. |
| [No book] |
[16]ܘܲܬ݂ܣܝܼܡ ܒܩܹܒ݂ܘܼܬ݂ܵܐ ܣܵܗܕܿܘܼܬ݂ܵܐ ܕܐܸܬܸܿܠ ܠܵܟ݂. |
| [No book] |
[17]ܘܲܥܒܸܕ݂ ܚܘܼܣܵܝܵܐ ܕܕܲܗܒ݂ܵܐ ܕܲܟ݂ܝܵܐ: ܬܲܪܬܹܿܝܢ ܐܲܡܝܼܢ ܘܲܦܠܸܓ݂ ܐܘܼܪܟܹܿܗ: ܘܐܲܡܵܐ ܘܲܦܠܸܓ݂ ܦܬ݂ܵܝܹܗ. |
| [No book] |
[18]ܘܲܥܒܸܕ݂ ܬܪܹܝܢ ܟܪܘܼܒܹ̈ܐ ܕܕܲܗܒ݂ܵܐ: ܕܢܸܣܟܬ݂ܵܐ ܥܒܸܕ݂ ܐܸܢܘܿܢ: ܡܼܢ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ. |
| [No book] |
[19]ܘܲܥܒܸܕ ܟܪܘܼܒ݂ܵܐ ܚܼܲܕ ܡܼܢ ܣܸܛܪܹܗ ܡܸܟܵܐ: ܘܲܟ݂ܪܘܼܒ݂ܵܐ ܐ̄ܚܪܹܢܵܐ ܡܼܢ ܣܸܛܪܹܗ ܐ̄ܚܪܹܢܵܐ ܕܚܘܼܣܵܝܵܐ: ܘܬܸܥܒܸܕ ܬܪܹܝܢ ܟܪܘܼܒܹܐ ܥܲܠ ܬܪܹܝܢ ܣܸܛܪܵܘܗܝ. |
| [No book] |
[20]ܘܢܸܗܘܘܿܢ ܟܪܘܼܒܹ̈ܐ ܦܪܝܼܣܝܼܢ ܓܸܦܲܝܗܘܿܢ ܡܼܢ ܠܥܸܠ: ܘܲܡܟܲܣܹܝܢ ܒܟܸܢܦܲܝܗܘܿܢ ܥܲܠ ܚܘܼܣܵܝܵܐ: ܘܐܲܦܲܝܗܘܿܢ ܚܲܕ݂ ܠܘܼܩܒܲܠ ܚܲܕ݂: ܠܥܸܠ ܡܼܢ ܚܘܼܣܵܝܵܐ ܢܸܗܘܝܵܢ ܐܲܦܲܝܗܘܿܢ ܕܲܟ݂ܪܘܼܒܹ̈ܐ. |
| [No book] |
[21]ܘܲܬ݂ܣܝܼܡ ܚܘܼܣܵܝܵܐ ܥܲܠ ܩܹܒ݂ܘܼܬ݂ܵܐ ܡܼܢ ܠܥܸܠ: ܘܲܬ݂ܣܝܼܡ ܒܩܹܒ݂ܘܼܬ݂ܵܐ ܣܵܗܕܘܼܬ݂ܵܐ ܕܐܸܬܸܿܠ ܠܵܟ݂. |
| [No book] |
[22]ܘܐܸܬ݂ܘܲܥܲܕ݂ ܠܵܟ݂ ܬܲܡܵܢ: ܘܐܹܡܲܠܸܠ ܥܲܡܵܟ݂ ܡܼܢ ܠܥܸܠ ܡܼܢ ܚܘܼܣܵܝܵܐ: ܡܼܢ ܒܲܝܢܵܬ݂ ܬܪܹܝܢ ܟܪܘܼܒܹ̈ܐ: ܕܐܝܼܬ݂ ܠܥܸܠ ܡܼܢ ܩܹܒ݂ܘܼܬ݂ܵܐ ܕܣܵܗܕܘܼܬ݂ܵܐ: ܟܠ ܡܸܕܸܿܡ ܕܲܡܦܲܩܸܕ݂ ܐ̄ܢܵܐ ܠܵܟ݂ ܥܲܠ ܒܢܲܝ ܝܼܣܪܵܝܹܠ. |
| [No book] |
[23]ܘܲܥܒܸܕ݂ ܦܵܬ݂ܘܿܪܵܐ ܕܩܲܝܣܵܐ ܕܐܸܫܟܵܪܥܵܐ: ܬܲܪܬܹܿܝܢ ܐܲܡܝܼܢ ܐܘܼܪܟܹܿܗ: ܘܐܲܡܵܐ ܦܬ݂ܵܝܹܗ: ܘܐܲܡܵܐ ܘܲܦܠܸܓ ܪܵܘܡܹܗ. |
| [No book] |
[24]ܘܲܩܪܘܿܡܲܝܗܝ ܕܲܗܒ݂ܵܐ ܕܲܟ݂ܝܵܐ: ܘܲܥܒܸܕ݂ ܠܹܗ ܟܠܝܼܠܵܐ ܕܕܲܗܒ݂ܵܐ ܟܲܕ݂ ܚܵܕܲܪ. |
| [No book] |
[25]ܘܲܥܒܸܕ݂ ܠܹܗ ܣܸܦܬ݂ܵܐ: ܘܬܸܗܘܸܐ ܪܵܡܵܐ ܦܫܸܟ݂ ܟܲܕ݂ ܚܵܕܲܪ: ܘܲܥܒܸܕ݂ ܠܹܗ ܟܠܝܼܠܵܐ ܕܕܲܗܒ݂ܵܐ ܥܲܠ ܣܸܦܬܹܗ ܟܲܕ݂ ܚܵܕܲܪ. |
| [No book] |
[26]ܘܲܥܒܸܕ ܠܹܗ ܐܲܪܒܲܥ ܙܲܩܙܩܲܢ ܕܕܲܗܒ݂ܵܐ: ܘܬܸܥܒܸܿܕ ܙܲܩܙܩܵܬ݂ܵܐ ܐܲܪܒܲܥ ܕܕܲܗܒ݂ܵܐ: ܥܲܠ ܐܲܪܒܲܥ ܙܵܘܝܵܬܹܗ: ܠܥܸܠ ܡܼܢ ܐܲܪܒܲܥ ܪܸܓ݂ܠܵܘܗܝ. |
| [No book] |
[27]ܠܘܼܩܒܲܠ ܣܸܦܬܹܗ ܢܸܗܘܝܵܢ ܙܲܩܙܩܵܬܹܗ: ܐܲܬ݂ܪܵܐ ܠܩܘܼܦܹ̈ܐ ܠܡܸܫܩܠܹܗ ܠܦܵܬ݂ܘܿܪܵܐ. |
| [No book] |
[28]ܘܲܥܒܸܕ ܩܘܼܦܹ̈ܐ ܕܩܲܝܣܵܐ ܕܐܸܫܟܵܪܥܵܐ: ܘܲܩܪܘܿܡ ܐܸܢܘܿܢ ܕܲܗܒ݂ܵܐ: ܕܢܸܗܘܘܿܢ ܫܵܩܠܝܼܢ ܒܗܘܿܢ ܦܵܬ݂ܘܿܪܵܐ. |
| [No book] |
[29]ܘܲܥܒܸܕ ܦܝܼܠܵܣܹ̈ܐ: ܘܟܲܦܹ̈ܐ: ܘܙܵܒ݂ܘܿܪܹ̈ܐ: ܘܲܡܢܹܩܝܵܬ݂ܵܐ ܕܡܸܬ݂ܢܲܩܸܐ ܒܗܹܝܢ: ܕܕܲܗܒ݂ܵܐ ܕܲܟ݂ܝܵܐ ܬܸܥܒܸܕ ܐܸܢܹܝܢ. |
| [No book] |
[30]ܘܲܬ݂ܣܝܼܡ ܥܲܠ ܦܵܬ݂ܘܿܪܵܐ ܠܚܸܡ ܐܲܦܹ̈ܐ ܩܕ݂ܵܡܲܝ ܐܲܡܝܼܢܵܐܝܼܬ݂. |
| [No book] |
[31]ܘܲܥܒܸܕ ܡܢܵܪܬܵܐ ܕܕܲܗܒ݂ܵܐ ܕܲܟ݂ܝܵܐ: ܕܢܸܣܟܿܬ݂ܵܐ ܬܸܥܒܿܕ݂ܝܼܗ ܠܲܡܢܵܪܬܵܐ: ܒܵܣܸܣ ܕܝܼܠܵܗ ܘܲܩܢܹܝܗܿ ܘܐܸܣܩܦܹܝܗܿ: ܘܚܲܙܘܼܪܹܝܗܿ ܘܫܘܼܫܲܢܹܝܗܿ ܡܸܢܵܗܿ ܢܸܗܘܘܿܢ. |
| [No book] |
[32]ܘܸܫܬܵܐ ܩܢܝܼܢ ܕܢܵܦܩܝܼܢ ܡܼܢ ܣܸܛܪܝܹܗ: ܬܠܵܬ݂ܵܐ ܩܢܝܼܢ ܡܼܢ ܣܸܛܪܵܐ ܚܲܕ݂ ܕܲܡܢܵܪܬܵܐ: ܘܲܬ݂ܠܵܬ݂ܵܐ ܩܢܝܼܢ ܡܼܢ ܣܸܛܪܵܗ ܐ̄ܚܪܹܢܵܐ. |
| [No book] |
[33]ܬܠܵܬ݂ܵܐ ܐܸܣܩܦܝܼܢ ܩܒ݂ܝܼܥܝܼܢ ܒܩܲܢܝܵܐ ܚܲܕ݂: ܘܲܚܙܘܼܪܹ̈ܐ ܘܫܘܿܫܲܢܹ̈ܐ: ܘܲܬ݂ܠܵܬ݂ܵܐ ܐܸܣܩܦܝܼܢ ܩܒ݂ܝܼܥܝܼܢ ܒܩܲܢܝܵܐ ܚܲܕ݂: ܘܚܲܙܘܼܪܹ̈ܐ ܘܫܘܿܫܲܢܹ̈ܐ: ܗܵܟܲܢܵܐ ܒܸܫܬܵܐ ܩܢܝܼܢ ܕܢܵܦܩܝܼܢ ܡܸܢܵܗ ܡܼܢ ܡܢܵܪܬܵܐ. |
| [No book] |
[34]ܘܒܲܡܢܵܪܬܵܐ ܢܸܗܘܘܿܢ ܐܲܪܒܥܵܐ ܐܸܣܩܦܝܼܢ: ܘܚܲܙܘܼܪܹ̈ܐ ܘܫܘܿܫܲܢܹ̈ܐ. |
| [No book] |
[35]ܚܲܙܘܼܪܵܐ ܬܚܹܝܬ݂ ܬܪܹܝܢ ܩܢܝܼܢ ܕܡܸܢܵܗ: ܘܚܲܙܘܼܪܵܐ ܬܚܹܝܬ݂ ܬܪܹܝܢ ܩܢܝܼܢ ܕܡܸܢܵܗ: ܘܚܲܙܘܼܪܵܐ ܬܚܹܝܬ݂ ܬܪܹܝܢ ܩܢܝܼܢ ܕܡܸܢܵܗ: ܗܵܟܲܢܵܐ ܒܸܫܬܵܐ ܩܢܝܼܢ ܕܢܵܦܩܝܼܢ ܡܸܢܵܗ ܡܼܢ ܡܢܵܪܬܵܐ. |
| [No book] |
[36]ܘܚܲܙܘܼܪܹܝܗܿ ܘܲܩܢܝܹܗܿ ܡܸܢܵܗ ܢܸܗܘܘܿܢ: ܟܠܵܗ ܕܢܸܣܟܿܬ݂ܵܐ ܚܕ݂ܵܐ ܕܕܲܗܒ݂ܵܐ ܕܲܟ݂ܝܵܐ. |
| [No book] |
[37]ܘܲܥܒܸܕ ܫܪܵܓܹܝܗ ܫܲܒ݂ܥܵܐ: ܘܐܲܢܗܲܪ ܫܪܵܓܹܝܗ: ܕܢܸܗܘܘܿܢ ܡܲܢܗܪܝܼܢ ܠܘܼܩܒܲܠ ܐܲܦܝܹܗܿ. |
| [No book] |
[38]ܘܲܥܒܸܕ ܡܲܠܩܛܹܝܗܿ: ܘܡܲܙܡܟܹܝܗܿ: ܕܕܲܗܒ݂ܵܐ ܕܲܟ݂ܝܵܐ. |
| [No book] |
[39]ܡܼܢ ܟܲܟܿܪܵܐ ܕܕܲܗܒ݂ܵܐ ܕܲܟ݂ܝܵܐ ܬܸܥܒܿܕ݂ܝܼܗܿ: ܠܵܗ ܘܲܠܟ݂ܠܗܘܿܢ ܡܵܐܢܹ̈ܐ ܗܵܠܹܝܢ. |
| [No book] |
[40]ܘܲܚܙܝܼ ܘܲܥܒܸܕ ܒܲܕ݂ܡܘܼܬ݂ܵܐ ܗܵܝ ܕܲܡܚܵܘܸܐ ܐ̄ܢܵܐ ܠܵܟ݂ ܒܛܘܼܪܵܐ. |