Electronic Study Bible

➖ »	« ➖ ➕
Peshitta OT PesOT	Peshitta OT PesOT
← Exodus Exo 28 →
[1]ܘܐܲܢ̄ܬ ܩܲܪܸܒ݂ ܠܵܟ݂ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ ܥܲܡܹܗ ܡܼܢ ܓܵܘ ܒܢܲܝ ܝܼܣܪܵܝܹܠ ܠܲܡܟܲܗܵܢܘܼ ܠܝܼ: ܐܲܗܪܘܿܢ: ܘܢܵܕ݂ܵܒ݂: ܘܐܲܒ݂ܝܼܗܘܿ: ܘܐܹܠܝܼܥܵܙܵܪ: ܘܐܝܼܬ݂ܵܡܵܪ: ܒܢܲܝ ܐܲܗܪܘܿܢ.	[1]ܘܐܲܢ̄ܬ ܩܲܪܸܒ݂ ܠܵܟ݂ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ ܥܲܡܹܗ ܡܼܢ ܓܵܘ ܒܢܲܝ ܝܼܣܪܵܝܹܠ ܠܲܡܟܲܗܵܢܘܼ ܠܝܼ: ܐܲܗܪܘܿܢ: ܘܢܵܕ݂ܵܒ݂: ܘܐܲܒ݂ܝܼܗܘܿ: ܘܐܹܠܝܼܥܵܙܵܪ: ܘܐܝܼܬ݂ܵܡܵܪ: ܒܢܲܝ ܐܲܗܪܘܿܢ.
[2]ܘܲܥܒܸܕ ܠܒ݂ܘܼܫܲܝ ܩܘܼܕ݂ܫܵܐ ܠܐܲܗܪܘܿܢ ܐܲܚܘܼܟ݂: ܠܐܝܼܩܵܪܵܐ ܘܲܠܬܸܫܒܿܘܿܚܬܵܐ.	[2]ܘܲܥܒܸܕ ܠܒ݂ܘܼܫܲܝ ܩܘܼܕ݂ܫܵܐ ܠܐܲܗܪܘܿܢ ܐܲܚܘܼܟ݂: ܠܐܝܼܩܵܪܵܐ ܘܲܠܬܸܫܒܿܘܿܚܬܵܐ.
[3]ܘܐܲܢ̄ܬ ܐܸܡܲܪ ܠܟ݂ܠܗܘܿܢ ܚܲܟܿܝܼܡܲܝ ܠܸܒܵܐ: ܕܲܡܠܹܝܬ݂ ܐܸܢܘܿܢ ܪܘܼܚܵܐ ܕܚܸܟ݂ܡܬ݂ܵܐ: ܘܢܸܥܒܿܕ݂ܘܼܢ ܠܒ݂ܘܼܫܲܝ ܩܘܼܕܫܵܐ ܠܐܲܗܪܘܿܢ ܠܲܡܩܲܕܵܫܘܼܬܹܗ: ܠܲܡܟܲܗܵܢܘܼ ܠܝܼ.	[3]ܘܐܲܢ̄ܬ ܐܸܡܲܪ ܠܟ݂ܠܗܘܿܢ ܚܲܟܿܝܼܡܲܝ ܠܸܒܵܐ: ܕܲܡܠܹܝܬ݂ ܐܸܢܘܿܢ ܪܘܼܚܵܐ ܕܚܸܟ݂ܡܬ݂ܵܐ: ܘܢܸܥܒܿܕ݂ܘܼܢ ܠܒ݂ܘܼܫܲܝ ܩܘܼܕܫܵܐ ܠܐܲܗܪܘܿܢ ܠܲܡܩܲܕܵܫܘܼܬܹܗ: ܠܲܡܟܲܗܵܢܘܼ ܠܝܼ.
[4]ܘܗܵܠܹܝܢ ܠܒ݂ܘܼܫܹ̈ܐ ܕܢܸܥܒܿܕ݂ܘܼܢ ܠܗܘܿܢ: ܦܪܵܙܘܿܡܵܐ: ܘܦܸܕܿܬ݂ܵܐ: ܘܲܦܪܝܼܣܵܐ: ܘܟ݂ܘܬܿܝܼܢܵܐ ܕܒ݂ܘܼܨܵܐ: ܘܡܲܨܢܲܦܬ݂ܵܐ: ܘܗܸܡܝܵܢܵܐ: ܘܢܸܥܒܿܕ݂ܘܼܢ ܠܒ݂ܘܼܫܲܝ ܩܘܼܕ݂ܫܵܐ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ: ܠܲܡܟܲܗܵܢܘܼ ܠܝܼ.	[4]ܘܗܵܠܹܝܢ ܠܒ݂ܘܼܫܹ̈ܐ ܕܢܸܥܒܿܕ݂ܘܼܢ ܠܗܘܿܢ: ܦܪܵܙܘܿܡܵܐ: ܘܦܸܕܿܬ݂ܵܐ: ܘܲܦܪܝܼܣܵܐ: ܘܟ݂ܘܬܿܝܼܢܵܐ ܕܒ݂ܘܼܨܵܐ: ܘܡܲܨܢܲܦܬ݂ܵܐ: ܘܗܸܡܝܵܢܵܐ: ܘܢܸܥܒܿܕ݂ܘܼܢ ܠܒ݂ܘܼܫܲܝ ܩܘܼܕ݂ܫܵܐ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ: ܠܲܡܟܲܗܵܢܘܼ ܠܝܼ.
[5]ܘܗܸܢܘܿܢ ܢܸܣܒ݂ܘܿܢ ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ.	[5]ܘܗܸܢܘܿܢ ܢܸܣܒ݂ܘܿܢ ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ.
[6]ܘܢܸܥܒܿܕ݂ܘܼܢ ܦܸܕܿܬ݂ܵܐ ܕܕܲܗܒ݂ܵܐ: ܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ: ܥܒ݂ܵܕ݂ܵܐ ܕܐܘܼܡܵܢܵܐ.	[6]ܘܢܸܥܒܿܕ݂ܘܼܢ ܦܸܕܿܬ݂ܵܐ ܕܕܲܗܒ݂ܵܐ: ܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ: ܥܒ݂ܵܕ݂ܵܐ ܕܐܘܼܡܵܢܵܐ.
[7]ܬܲܪܬܹܿܝܢ ܟܲܬ݂ܦܵܢ ܡܕܲܒܿܩܲܢ ܢܸܗܘܝܵܢ ܠܵܗ: ܥܲܠ ܬܪܹܝܢ ܣܸܛܪܹܝܗܿ: ܘܢܸܕ݂ܒܲܩ.	[7]ܬܲܪܬܹܿܝܢ ܟܲܬ݂ܦܵܢ ܡܕܲܒܿܩܲܢ ܢܸܗܘܝܵܢ ܠܵܗ: ܥܲܠ ܬܪܹܝܢ ܣܸܛܪܹܝܗܿ: ܘܢܸܕ݂ܒܲܩ.
[8]ܗܸܡܝܵܢܵܐ ܕܦܸܕܿܬ݂ܵܐ ܕܲܥܠܹܝܗ: ܡܸܢܵܗ ܢܸܗܘܸܐ ܐܲܝܟ݂ ܥܒ݂ܵܕ݂ܵܗܿ: ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܿܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ.	[8]ܗܸܡܝܵܢܵܐ ܕܦܸܕܿܬ݂ܵܐ ܕܲܥܠܹܝܗ: ܡܸܢܵܗ ܢܸܗܘܸܐ ܐܲܝܟ݂ ܥܒ݂ܵܕ݂ܵܗܿ: ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܿܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ.
[9]ܘܣܲܒ݂ ܬܲܪܬܹܿܝܢ ܟܹܐܦܹ̈ܐ ܕܒܹܪܘܼܠܵܐ: ܘܲܓ݂ܠܘܿܦ ܥܠܲܝܗܹܝܢ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ.	[9]ܘܣܲܒ݂ ܬܲܪܬܹܿܝܢ ܟܹܐܦܹ̈ܐ ܕܒܹܪܘܼܠܵܐ: ܘܲܓ݂ܠܘܿܦ ܥܠܲܝܗܹܝܢ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ.
[10]ܫܬܵܐ ܡܼܢ ܫܡܵܗܲܝܗܘܿܢ ܓܠܘܿܦ ܥܲܠ ܟܹܐܦܵܐ ܚܕ݂ܵܐ: ܘܸܫܬܵܐ ܫܡܵܗܹ̈ܐ ܕܐܸܫܬܿܚܲܪܘ ܓܠܘܿܦ ܥܲܠ ܟܹܐܦܵܐ ܐ̄ܚܪܹܬ݂ܵܐ: ܐܲܝܟ݂ ܬܵܘܠܕ݂ܵܬ݂ܗܘܿܢ.	[10]ܫܬܵܐ ܡܼܢ ܫܡܵܗܲܝܗܘܿܢ ܓܠܘܿܦ ܥܲܠ ܟܹܐܦܵܐ ܚܕ݂ܵܐ: ܘܸܫܬܵܐ ܫܡܵܗܹ̈ܐ ܕܐܸܫܬܿܚܲܪܘ ܓܠܘܿܦ ܥܲܠ ܟܹܐܦܵܐ ܐ̄ܚܪܹܬ݂ܵܐ: ܐܲܝܟ݂ ܬܵܘܠܕ݂ܵܬ݂ܗܘܿܢ.
[11]ܥܒ݂ܵܕ݂ܵܐ ܕܐܘܼܡܵܢܵܐ ܟܹܐܦܹ̈ܐ ܓܠܝܼܦܵܬ݂ܵܐ: ܓܠܵܦܵܐ ܕܚܵܬ݂ܡܵܐ: ܓܠܘܿܦ ܬܲܪܬܹܿܝܢ ܟܹܐܦܹ̈ܐ ܥܲܠ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ: ܘܡܵܘܚܕ݂ܵܢ ܘܡܲܫܪܵܢ ܒܕܲܗܒ݂ܵܐ ܥܒܸܕ ܐܸܢܹܝܢ.	[11]ܥܒ݂ܵܕ݂ܵܐ ܕܐܘܼܡܵܢܵܐ ܟܹܐܦܹ̈ܐ ܓܠܝܼܦܵܬ݂ܵܐ: ܓܠܵܦܵܐ ܕܚܵܬ݂ܡܵܐ: ܓܠܘܿܦ ܬܲܪܬܹܿܝܢ ܟܹܐܦܹ̈ܐ ܥܲܠ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ: ܘܡܵܘܚܕ݂ܵܢ ܘܡܲܫܪܵܢ ܒܕܲܗܒ݂ܵܐ ܥܒܸܕ ܐܸܢܹܝܢ.
[12]ܘܣܝܼܡ ܬܲܪܬܹܿܝܢ ܟܹܐܦܹ̈ܐ ܥܲܠ ܟܲܬ݂ܦܵܬ݂ܵܗ ܕܦܸܕܬ݂ܵܐ: ܟܹܐܦܹ̈ܐ ܕܕ݂ܘܼܟ݂ܪܵܢܵܐ ܠܲܒ݂ܢܲܝ ܝܼܣܪܵܝܹܠ: ܘܢܸܗܘܸܐ ܫܵܩܹܠ ܐܲܗܪܘܿܢ ܫܡܵܗܲܝܗܘܿܢ ܩܕ݂ܵܡ ܡܵܪܝܵܐ: ܥܲܠ ܬܲܪܬܹܿܝܢ ܟܲܬ݂ܦܵܬܹܗ ܠܕ݂ܘܼܟ݂ܪܵܢܵܐ.	[12]ܘܣܝܼܡ ܬܲܪܬܹܿܝܢ ܟܹܐܦܹ̈ܐ ܥܲܠ ܟܲܬ݂ܦܵܬ݂ܵܗ ܕܦܸܕܬ݂ܵܐ: ܟܹܐܦܹ̈ܐ ܕܕ݂ܘܼܟ݂ܪܵܢܵܐ ܠܲܒ݂ܢܲܝ ܝܼܣܪܵܝܹܠ: ܘܢܸܗܘܸܐ ܫܵܩܹܠ ܐܲܗܪܘܿܢ ܫܡܵܗܲܝܗܘܿܢ ܩܕ݂ܵܡ ܡܵܪܝܵܐ: ܥܲܠ ܬܲܪܬܹܿܝܢ ܟܲܬ݂ܦܵܬܹܗ ܠܕ݂ܘܼܟ݂ܪܵܢܵܐ.
[13]ܘܲܥܒܸܕ݂ ܡܵܘܚܕ݂ܵܬ݂ܵܐ ܕܕܲܗܒ݂ܵܐ.	[13]ܘܲܥܒܸܕ݂ ܡܵܘܚܕ݂ܵܬ݂ܵܐ ܕܕܲܗܒ݂ܵܐ.
[14]ܘܬܲܪܬܹܿܝܢ ܫܸܫܠܵܬ݂ܵܐ ܕܕܲܗܒ݂ܵܐ ܕܲܟ݂ܝܵܐ: ܡܲܬ݂ܐܡܵܬ݂ܵܐ ܥܒܸܕ݂ ܐܸܢܝܹܢ ܥܒ݂ܵܕ݂ܵܐ ܓܕ݂ܝܼܠܵܐ: ܘܣܝܼܡ ܬܲܪܬܹܿܝܢ ܫܸܫܠܵܬ݂ܵܐ ܡܲܬ݂ܐܡܵܬ݂ܵܐ ܥܲܠ ܡܵܘܚܕ݂ܵܬ݂ܵܐ.	[14]ܘܬܲܪܬܹܿܝܢ ܫܸܫܠܵܬ݂ܵܐ ܕܕܲܗܒ݂ܵܐ ܕܲܟ݂ܝܵܐ: ܡܲܬ݂ܐܡܵܬ݂ܵܐ ܥܒܸܕ݂ ܐܸܢܝܹܢ ܥܒ݂ܵܕ݂ܵܐ ܓܕ݂ܝܼܠܵܐ: ܘܣܝܼܡ ܬܲܪܬܹܿܝܢ ܫܸܫܠܵܬ݂ܵܐ ܡܲܬ݂ܐܡܵܬ݂ܵܐ ܥܲܠ ܡܵܘܚܕ݂ܵܬ݂ܵܐ.
[15]ܘܲܥܒܸܕ ܦܪܝܼܣܵܐ ܕܕ݂ܝܼܢܵܐ ܥܒ݂ܵܕ݂ܵܐ ܕܐܘܼܡܵܢܵܐ: ܐܲܝܟ݂ ܥܒ݂ܵܕ݂ܵܐ ܕܦܸܕܬ݂ܵܐ ܥܒܸܕܲܝܗܝ: ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ ܥܒܸܕܲܝܗܝ.	[15]ܘܲܥܒܸܕ ܦܪܝܼܣܵܐ ܕܕ݂ܝܼܢܵܐ ܥܒ݂ܵܕ݂ܵܐ ܕܐܘܼܡܵܢܵܐ: ܐܲܝܟ݂ ܥܒ݂ܵܕ݂ܵܐ ܕܦܸܕܬ݂ܵܐ ܥܒܸܕܲܝܗܝ: ܕܲܗܒ݂ܵܐ: ܘܬܸܟ݂ܠܬ݂ܵܐ: ܘܐܲܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܘܒ݂ܘܼܨܵܐ ܥܙܝܼܠܵܐ ܥܒܸܕܲܝܗܝ.
[16]ܡܪܲܒܲܥ ܢܸܗܘܸܐ ܟܲܕ ܐܲܥܝܼܦ: ܙܪܸܬ݂ ܐܘܼܪܟܹܗ: ܘܲܙܪܸܬ݂ ܦܬ݂ܵܝܹܗ.	[16]ܡܪܲܒܲܥ ܢܸܗܘܸܐ ܟܲܕ ܐܲܥܝܼܦ: ܙܪܸܬ݂ ܐܘܼܪܟܹܗ: ܘܲܙܪܸܬ݂ ܦܬ݂ܵܝܹܗ.
[17]ܘܬܸܫܠܲܡ ܒܹܗ ܫܲܠܡܘܼܬ݂ܵܐ ܕܟܹܐܦܹ̈ܐ: ܐܲܪܒܥܵܐ ܣܸܕ݂ܪܝܼܢ ܕܟܹܐܦܹ̈ܐ: ܣܸܕ݂ܪܵܐ ܩܲܕ݂ܡܵܝܵܐ ܣܘܼܡܵܣܵܐ: ܘܙܲܪܓܵܐ: ܘܒܲܪܩܵܐ: ܣܸܕ݂ܪܵܐ ܚܲܕ݂.	[17]ܘܬܸܫܠܲܡ ܒܹܗ ܫܲܠܡܘܼܬ݂ܵܐ ܕܟܹܐܦܹ̈ܐ: ܐܲܪܒܥܵܐ ܣܸܕ݂ܪܝܼܢ ܕܟܹܐܦܹ̈ܐ: ܣܸܕ݂ܪܵܐ ܩܲܕ݂ܡܵܝܵܐ ܣܘܼܡܵܣܵܐ: ܘܙܲܪܓܵܐ: ܘܒܲܪܩܵܐ: ܣܸܕ݂ܪܵܐ ܚܲܕ݂.
[18]ܘܣܸܕ݂ܪܵܐ ܐ̄ܚܪܹܢܵܐ: ܨܕ݂ܝܼܕ݂ܵܐ: ܘܣܲܦܝܼܠܵܐ: ܘܢܸܩܥܬ݂ܵܐ.	[18]ܘܣܸܕ݂ܪܵܐ ܐ̄ܚܪܹܢܵܐ: ܨܕ݂ܝܼܕ݂ܵܐ: ܘܣܲܦܝܼܠܵܐ: ܘܢܸܩܥܬ݂ܵܐ.
[19]ܘܣܸܕ݂ܪܵܐ ܬܠܝܼܬ݂ܵܝܵܐ ܩܵܢܟܹܿܢܘܿܢ: ܘܩܲܪܟܸܿܕ݂ܢܵܐ: ܘܥܹܝܢ ܥܸܓ݂ܠܵܐ.	[19]ܘܣܸܕ݂ܪܵܐ ܬܠܝܼܬ݂ܵܝܵܐ ܩܵܢܟܹܿܢܘܿܢ: ܘܩܲܪܟܸܿܕ݂ܢܵܐ: ܘܥܹܝܢ ܥܸܓ݂ܠܵܐ.
[20]ܘܣܸܕ݂ܪܵܐ ܪܒ݂ܝܼܥܵܝܵܐ ܬܵܪܫܝܼܫ: ܘܒܹܪܘܼܠܵܐ: ܘܝܲܫܦܹܗ: ܡܵܘܚܕ݂ܵܢ ܘܡܲܫܪܵܢ ܒܕܲܗܒ݂ܵܐ ܥܒܸܕ݂ ܐܸܢܹܝܢ: ܢܸܗܘܝܵܢ ܒܫܲܠܡܘܼܬ݂ܗܹܝܢ.	[20]ܘܣܸܕ݂ܪܵܐ ܪܒ݂ܝܼܥܵܝܵܐ ܬܵܪܫܝܼܫ: ܘܒܹܪܘܼܠܵܐ: ܘܝܲܫܦܹܗ: ܡܵܘܚܕ݂ܵܢ ܘܡܲܫܪܵܢ ܒܕܲܗܒ݂ܵܐ ܥܒܸܕ݂ ܐܸܢܹܝܢ: ܢܸܗܘܝܵܢ ܒܫܲܠܡܘܼܬ݂ܗܹܝܢ.
[21]ܘܟܹܐܦܹ̈ܐ ܢܸܗܘܝܵܢ ܥܲܠ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ: ܬܲܪܬܲܥܸܣܪܹ̈ܐ ܥܲܠ ܫܡܵܗܲܝܗܘܿܢ: ܓܠܝܼܦܵܢ ܓܠܵܦܵܐ ܕܚܵܬ݂ܡܵܐ.	[21]ܘܟܹܐܦܹ̈ܐ ܢܸܗܘܝܵܢ ܥܲܠ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ: ܬܲܪܬܲܥܸܣܪܹ̈ܐ ܥܲܠ ܫܡܵܗܲܝܗܘܿܢ: ܓܠܝܼܦܵܢ ܓܠܵܦܵܐ ܕܚܵܬ݂ܡܵܐ.
[22]ܓܒܲܪ ܥܲܠ ܫܡܹܗ ܢܸܗܘܝܵܢ ܠܲܬ݂ܪܸܥܣܲܪ ܫܲܒ݂ܛܝܼܢ: ܘܲܥܒܸܕ ܥܲܠ ܦܪܝܼܣܵܐ ܫܸܫܠܵܬ݂ܵܐ ܡܲܬ݂ܐܡܵܬ݂ܵܐ ܥܒ݂ܵܕ݂ܵܐ ܓܕ݂ܝܼܠܵܐ ܕܕܲܗܒ݂ܵܐ ܕܲܟ݂ܝܵܐ.	[22]ܓܒܲܪ ܥܲܠ ܫܡܹܗ ܢܸܗܘܝܵܢ ܠܲܬ݂ܪܸܥܣܲܪ ܫܲܒ݂ܛܝܼܢ: ܘܲܥܒܸܕ ܥܲܠ ܦܪܝܼܣܵܐ ܫܸܫܠܵܬ݂ܵܐ ܡܲܬ݂ܐܡܵܬ݂ܵܐ ܥܒ݂ܵܕ݂ܵܐ ܓܕ݂ܝܼܠܵܐ ܕܕܲܗܒ݂ܵܐ ܕܲܟ݂ܝܵܐ.
[23]ܘܲܥܒܸܕ ܠܚܘܼܣܵܝܵܐ ܬܪܹܝܢ ܩܘܼܪܩܣܹܐ ܕܕܲܗܒ݂ܵܐ ܕܲܟ݂ܝܵܐ: ܘܗܲܒ݂ ܬܪܹܝܢ ܩܘܼܪܩܣܝܼܢ ܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ.	[23]ܘܲܥܒܸܕ ܠܚܘܼܣܵܝܵܐ ܬܪܹܝܢ ܩܘܼܪܩܣܹܐ ܕܕܲܗܒ݂ܵܐ ܕܲܟ݂ܝܵܐ: ܘܗܲܒ݂ ܬܪܹܝܢ ܩܘܼܪܩܣܝܼܢ ܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ.
[24]ܘܗܲܒ݂ ܬܲܪܬܹܿܝܢ ܓܕ݂ܝܼܠܵܬ݂ܵܐ ܕܕܲܗܒ݂ܵܐ: ܥܲܠ ܬܪܹܝܢ ܩܘܼܪܩܣܝܼܢ: ܕܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ.	[24]ܘܗܲܒ݂ ܬܲܪܬܹܿܝܢ ܓܕ݂ܝܼܠܵܬ݂ܵܐ ܕܕܲܗܒ݂ܵܐ: ܥܲܠ ܬܪܹܝܢ ܩܘܼܪܩܣܝܼܢ: ܕܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ.
[25]ܘܬܲܪܬܹܿܝܢ ܓܕ݂ܝܼܠܵܬ݂ܵܐ ܬܸܬܸܿܠ ܥܲܠ ܬܲܪܬܹܿܝܢ ܡܵܘܚܕ݂ܵܬ݂ܵܐ ܘܬܸܬܸܿܠ ܥܲܠ ܟܲܬ݂ܦܵܬ݂ܵܗ ܕܦܸܕܬ݂ܵܐ ܠܘܼܩܒܲܠ ܐܲܦܹܝܗܿ.	[25]ܘܬܲܪܬܹܿܝܢ ܓܕ݂ܝܼܠܵܬ݂ܵܐ ܬܸܬܸܿܠ ܥܲܠ ܬܲܪܬܹܿܝܢ ܡܵܘܚܕ݂ܵܬ݂ܵܐ ܘܬܸܬܸܿܠ ܥܲܠ ܟܲܬ݂ܦܵܬ݂ܵܗ ܕܦܸܕܬ݂ܵܐ ܠܘܼܩܒܲܠ ܐܲܦܹܝܗܿ.
[26]ܘܲܥܒܸܕ ܬܪܹܝܢ ܩܘܼܪ̈ܩܣܹܐ ܕܕܲܗܒ݂ܵܐ: ܘܣܝܼܡ ܐܸܢܘܿܢ ܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ: ܥܲܠ ܣܸܛܪܵܐ ܕܥܲܠ ܣܸܦܬ݂ܵܗ ܕܦܸܕܬ݂ܵܐ ܡܼܢ ܠܓ݂ܵܘ.	[26]ܘܲܥܒܸܕ ܬܪܹܝܢ ܩܘܼܪ̈ܩܣܹܐ ܕܕܲܗܒ݂ܵܐ: ܘܣܝܼܡ ܐܸܢܘܿܢ ܥܲܠ ܬܪܹܝܢ ܣܸܛܪܵܘܗܝ ܕܚܘܼܣܵܝܵܐ: ܥܲܠ ܣܸܛܪܵܐ ܕܥܲܠ ܣܸܦܬ݂ܵܗ ܕܦܸܕܬ݂ܵܐ ܡܼܢ ܠܓ݂ܵܘ.
[27]ܘܲܥܒܸܕ ܬܪܹܝܢ ܩܘܼܪܩܣܹܐ ܕܕܲܗܒ݂ܵܐ: ܘܣܝܼܡ ܐܸܢܘܿܢ ܥܲܠ ܬܲܪܬܹܿܝܢ ܟܲܬ݂ܦܵܬ݂ܵܗ ܕܦܸܕܬ݂ܵܐ ܡܼܢ ܠܬܲܚܬ: ܡܼܢ ܠܘܼܩܒܲܠ ܐܲܦܹܝܗܿ: ܠܘܼܩܒܲܠ ܕܸܒ݂ܩܵܗ ܠܥܸܠ ܡܼܢ ܗܸܡܝܵܢܵܐ ܕܦܸܕܬ݂ܵܐ.	[27]ܘܲܥܒܸܕ ܬܪܹܝܢ ܩܘܼܪܩܣܹܐ ܕܕܲܗܒ݂ܵܐ: ܘܣܝܼܡ ܐܸܢܘܿܢ ܥܲܠ ܬܲܪܬܹܿܝܢ ܟܲܬ݂ܦܵܬ݂ܵܗ ܕܦܸܕܬ݂ܵܐ ܡܼܢ ܠܬܲܚܬ: ܡܼܢ ܠܘܼܩܒܲܠ ܐܲܦܹܝܗܿ: ܠܘܼܩܒܲܠ ܕܸܒ݂ܩܵܗ ܠܥܸܠ ܡܼܢ ܗܸܡܝܵܢܵܐ ܕܦܸܕܬ݂ܵܐ.
[28]ܘܲܢܕܲܒܿܩܘܼܢܹܗ ܠܲܦܪܝܼܣܵܐ ܡܼܢ ܙܲܩܙܩܵܬܹܗ ܠܙܲܩܙܩܵܬ݂ܵܗ ܕܦܸܕܬ݂ܵܐ ܒܚܘܼܛܵܐ ܕܬܸܟ݂ܠܬ݂ܵܐ: ܠܡܸܗܘܵܐ ܥܲܠ ܗܸܡܝܵܢܵܐ ܕܦܸܕܬ݂ܵܐ: ܕܠܵܐ ܢܸܗܘܸܐ ܥܵܒܲܪ ܥܲܠ ܦܪܝܼܣܵܐ ܡܼܢ ܦܸܕܬ݂ܵܐ.	[28]ܘܲܢܕܲܒܿܩܘܼܢܹܗ ܠܲܦܪܝܼܣܵܐ ܡܼܢ ܙܲܩܙܩܵܬܹܗ ܠܙܲܩܙܩܵܬ݂ܵܗ ܕܦܸܕܬ݂ܵܐ ܒܚܘܼܛܵܐ ܕܬܸܟ݂ܠܬ݂ܵܐ: ܠܡܸܗܘܵܐ ܥܲܠ ܗܸܡܝܵܢܵܐ ܕܦܸܕܬ݂ܵܐ: ܕܠܵܐ ܢܸܗܘܸܐ ܥܵܒܲܪ ܥܲܠ ܦܪܝܼܣܵܐ ܡܼܢ ܦܸܕܬ݂ܵܐ.
[29]ܘܢܸܗܘܸܐ ܫܵܩܹܠ ܐܲܗܪܘܿܢ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ ܒܲܦܪܝܼܣܵܐ ܕܕ݂ܝܼܢܵܐ ܥܲܠ ܚܲܕ݂ܝܹܗ ܡܵܐ ܕܥܵܐܹܠ ܠܩܘܼܕ݂ܫܵܐ: ܕܘܼܟ݂ܪܵܢܵܐ ܩܕ݂ܵܡ ܡܵܪܝܵܐ ܐܲܡܝܼܢܵܐܝܼܬ݂.	[29]ܘܢܸܗܘܸܐ ܫܵܩܹܠ ܐܲܗܪܘܿܢ ܫܡܵܗܹ̈ܐ ܕܲܒ݂ܢܲܝ ܝܼܣܪܵܝܹܠ ܒܲܦܪܝܼܣܵܐ ܕܕ݂ܝܼܢܵܐ ܥܲܠ ܚܲܕ݂ܝܹܗ ܡܵܐ ܕܥܵܐܹܠ ܠܩܘܼܕ݂ܫܵܐ: ܕܘܼܟ݂ܪܵܢܵܐ ܩܕ݂ܵܡ ܡܵܪܝܵܐ ܐܲܡܝܼܢܵܐܝܼܬ݂.
[30]ܘܣܝܼܡ ܥܲܠ ܦܪܝܼܣܵܐ ܕܕ݂ܝܼܢܵܐ ܢܲܗܝܼܪܵܐ ܘܫܲܠܡܵܐ: ܘܢܸܗܘܘܿܢ ܥܲܠ ܚܲܕ݂ܝܹܗ ܡܵܐ ܕܥܵܐܹܠ ܩܕ݂ܵܡ ܡܵܪܝܵܐ: ܘܢܸܫܩܘܿܠ ܐܲܗܪܘܿܢ ܕܝܼܢܹ̈ܐ ܕܲܒ݂ܢܲܝ ܝܼܣܪܵܝܹܠ ܥܲܠ ܚܲܕ݂ܝܹܗ: ܩܕ݂ܵܡ ܡܵܪܝܵܐ ܐܲܡܝܼܢܵܐܝܼܬ݂.	[30]ܘܣܝܼܡ ܥܲܠ ܦܪܝܼܣܵܐ ܕܕ݂ܝܼܢܵܐ ܢܲܗܝܼܪܵܐ ܘܫܲܠܡܵܐ: ܘܢܸܗܘܘܿܢ ܥܲܠ ܚܲܕ݂ܝܹܗ ܡܵܐ ܕܥܵܐܹܠ ܩܕ݂ܵܡ ܡܵܪܝܵܐ: ܘܢܸܫܩܘܿܠ ܐܲܗܪܘܿܢ ܕܝܼܢܹ̈ܐ ܕܲܒ݂ܢܲܝ ܝܼܣܪܵܝܹܠ ܥܲܠ ܚܲܕ݂ܝܹܗ: ܩܕ݂ܵܡ ܡܵܪܝܵܐ ܐܲܡܝܼܢܵܐܝܼܬ݂.
[31]ܘܲܥܒܸܕ ܦܪܵܙܘܿܡܵܐ ܕܦܸܕܬ݂ܵܐ ܓܡܝܼܪܵܐ ܕܬܸܟ݂ܠܬ݂ܵܐ.	[31]ܘܲܥܒܸܕ ܦܪܵܙܘܿܡܵܐ ܕܦܸܕܬ݂ܵܐ ܓܡܝܼܪܵܐ ܕܬܸܟ݂ܠܬ݂ܵܐ.
[32]ܘܢܸܗܘܸܐ ܦܘܼܡܹܗ ܕܪܹܫܹܗ ܒܓ݂ܵܘܹܗ: ܘܣܸܦܬ݂ܵܐ ܬܸܗܘܸܐ ܠܦܘܼܡܹܗ ܟܲܕ݂ ܚܵܕܲܪ: ܥܒ݂ܵܕ݂ܵܐ ܙܩܝܼܪܵܐ: ܐܲܝܟ݂ ܦܘܼܡ ܣܝܼܪܵܣ ܢܸܗܘܸܐ ܠܹܗ ܕܠܵܐ ܢܸܨܛܪܸܐ.	[32]ܘܢܸܗܘܸܐ ܦܘܼܡܹܗ ܕܪܹܫܹܗ ܒܓ݂ܵܘܹܗ: ܘܣܸܦܬ݂ܵܐ ܬܸܗܘܸܐ ܠܦܘܼܡܹܗ ܟܲܕ݂ ܚܵܕܲܪ: ܥܒ݂ܵܕ݂ܵܐ ܙܩܝܼܪܵܐ: ܐܲܝܟ݂ ܦܘܼܡ ܣܝܼܪܵܣ ܢܸܗܘܸܐ ܠܹܗ ܕܠܵܐ ܢܸܨܛܪܸܐ.
[33]ܘܲܥܒܸܕ ܥܲܠ ܫܦܘܿܠܵܘܗܝ ܪܘܼܡܵܢܹ̈ܐ ܕܬܸܟ݂ܠܬ݂ܵܐ: ܘܕܲܐܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܥܲܠ ܫܦܘܿܠܵܘܗܝ ܟܲܕ ܚܵܕܲܪ: ܘܙܲܓܹ̈ܐ ܕܕܲܗܒ݂ܵܐ ܒܲܝܢܵܬ݂ܗܘܿܢ ܟܲܕ݂ ܚܵܕܲܪ.	[33]ܘܲܥܒܸܕ ܥܲܠ ܫܦܘܿܠܵܘܗܝ ܪܘܼܡܵܢܹ̈ܐ ܕܬܸܟ݂ܠܬ݂ܵܐ: ܘܕܲܐܪܓܘܵܢܵܐ: ܘܨܘܼܒ݂ܥܵܐ ܕܲܙܚܘܿܪܝܼܬ݂ܵܐ: ܥܲܠ ܫܦܘܿܠܵܘܗܝ ܟܲܕ ܚܵܕܲܪ: ܘܙܲܓܹ̈ܐ ܕܕܲܗܒ݂ܵܐ ܒܲܝܢܵܬ݂ܗܘܿܢ ܟܲܕ݂ ܚܵܕܲܪ.
[34]ܘܙܲܓܵܐ ܙܲܓܵܐ ܕܕܲܗܒ݂ܵܐ: ܘܪܘܼܡܵܢܹ̈ܐ ܥܲܠ ܫܦܘܿܠܵܘܗܝ ܕܲܦܪܵܙܘܿܡܵܐ ܟܲܕ ܚܵܕܲܪ.	[34]ܘܙܲܓܵܐ ܙܲܓܵܐ ܕܕܲܗܒ݂ܵܐ: ܘܪܘܼܡܵܢܹ̈ܐ ܥܲܠ ܫܦܘܿܠܵܘܗܝ ܕܲܦܪܵܙܘܿܡܵܐ ܟܲܕ ܚܵܕܲܪ.
[35]ܘܢܸܗܘܸܐ ܥܲܠ ܐܲܗܪܘܿܢ ܠܬܸܫܡܸܫܬܵܐ: ܘܢܸܫܬܿܡܲܥ ܩܵܠܹܗ ܡܵܐ ܕܥܵܐܹܠ ܠܩܘܼܕ݂ܫܵܐ ܩܕ݂ܵܡ ܡܵܪܝܵܐ: ܘܡܵܐ ܕܢܵܦܹܩ: ܕܠܵܐ ܢܡܘܼܬ݂.	[35]ܘܢܸܗܘܸܐ ܥܲܠ ܐܲܗܪܘܿܢ ܠܬܸܫܡܸܫܬܵܐ: ܘܢܸܫܬܿܡܲܥ ܩܵܠܹܗ ܡܵܐ ܕܥܵܐܹܠ ܠܩܘܼܕ݂ܫܵܐ ܩܕ݂ܵܡ ܡܵܪܝܵܐ: ܘܡܵܐ ܕܢܵܦܹܩ: ܕܠܵܐ ܢܡܘܼܬ݂.
[36]ܘܲܥܒܸܕ ܟܠܝܼܠܵܐ ܕܕܲܗܒ݂ܵܐ ܕܲܟ݂ܝܵܐ: ܘܲܓ݂ܠܘܿܦ ܥܠܵܘܗܝ ܓܠܵܦܵܐ ܕܚܵܬ݂ܡܵܐ: ܩܘܼܕܫܵܐ ܠܡܵܪܝܵܐ.	[36]ܘܲܥܒܸܕ ܟܠܝܼܠܵܐ ܕܕܲܗܒ݂ܵܐ ܕܲܟ݂ܝܵܐ: ܘܲܓ݂ܠܘܿܦ ܥܠܵܘܗܝ ܓܠܵܦܵܐ ܕܚܵܬ݂ܡܵܐ: ܩܘܼܕܫܵܐ ܠܡܵܪܝܵܐ.
[37]ܘܣܝܼܡܲܝܗܝ ܥܲܠ ܚܘܼܛܵܐ ܕܬܸܟ݂ܠܬ݂ܵܐ: ܘܢܸܗܘܸܐ ܥܲܠ ܡܲܨܢܲܦܬ݂ܵܐ: ܘܠܘܼܩܒܲܠ ܐܲܦܲܝ ܡܲܨܢܲܦܬ݂ܵܐ ܢܸܗܘܸܐ.	[37]ܘܣܝܼܡܲܝܗܝ ܥܲܠ ܚܘܼܛܵܐ ܕܬܸܟ݂ܠܬ݂ܵܐ: ܘܢܸܗܘܸܐ ܥܲܠ ܡܲܨܢܲܦܬ݂ܵܐ: ܘܠܘܼܩܒܲܠ ܐܲܦܲܝ ܡܲܨܢܲܦܬ݂ܵܐ ܢܸܗܘܸܐ.
[38]ܘܢܸܗܘܸܐ ܥܲܠ ܒܹܝܬ݂ ܥܲܝܢܵܘܗܝ ܕܐܲܗܪܘܿܢ: ܘܢܸܗܘܸܐ ܫܵܩܹܠ ܐܲܗܪܘܿܢ ܚܛܵܗܹ̈ܐ ܕܩܘܼܕ݂ܫܹ̈ܐ ܕܲܡܩܲܕܫܝܼܢ ܒܢܲܝ ܝܼܣܪܵܝܹܠ: ܠܟ݂ܠ ܡܵܘܗܒܲܬ݂ ܩܘܼܕ݂ܫܲܝܗܘܿܢ: ܘܢܸܗܘܸܐ ܥܲܠ ܒܹܝܬ݂ ܥܲܝܢܵܘܗܝ ܐܲܡܝܼܢܵܐܝܼܬ݂: ܠܨܸܒ݂ܝܵܢܵܐ ܠܗܘܿܢ ܩܕ݂ܵܡ ܡܵܪܝܵܐ.	[38]ܘܢܸܗܘܸܐ ܥܲܠ ܒܹܝܬ݂ ܥܲܝܢܵܘܗܝ ܕܐܲܗܪܘܿܢ: ܘܢܸܗܘܸܐ ܫܵܩܹܠ ܐܲܗܪܘܿܢ ܚܛܵܗܹ̈ܐ ܕܩܘܼܕ݂ܫܹ̈ܐ ܕܲܡܩܲܕܫܝܼܢ ܒܢܲܝ ܝܼܣܪܵܝܹܠ: ܠܟ݂ܠ ܡܵܘܗܒܲܬ݂ ܩܘܼܕ݂ܫܲܝܗܘܿܢ: ܘܢܸܗܘܸܐ ܥܲܠ ܒܹܝܬ݂ ܥܲܝܢܵܘܗܝ ܐܲܡܝܼܢܵܐܝܼܬ݂: ܠܨܸܒ݂ܝܵܢܵܐ ܠܗܘܿܢ ܩܕ݂ܵܡ ܡܵܪܝܵܐ.
[39]ܘܲܥܒܸܕ ܟܘܼܬܿܝܼܢܵܐ ܕܒ݂ܘܼܨܵܐ: ܘܲܥܒܸܕ ܡܲܨܢܲܦܬ݂ܵܐ ܕܒ݂ܘܼܨܵܐ: ܘܗܸܡܝܵܢܵܐ ܥܒܸܕ ܥܒ݂ܵܕ݂ܵܐ ܕܨܲܝܵܪܵܐ.	[39]ܘܲܥܒܸܕ ܟܘܼܬܿܝܼܢܵܐ ܕܒ݂ܘܼܨܵܐ: ܘܲܥܒܸܕ ܡܲܨܢܲܦܬ݂ܵܐ ܕܒ݂ܘܼܨܵܐ: ܘܗܸܡܝܵܢܵܐ ܥܒܸܕ ܥܒ݂ܵܕ݂ܵܐ ܕܨܲܝܵܪܵܐ.
[40]ܘܠܲܒ݂ܢܲܝ ܐܲܗܪܘܿܢ ܥܒܸܕ ܟܘܿܬܿܝܼܢܵܬ݂ܵܐ: ܘܲܥܒܸܕ ܠܗܘܿܢ ܗܸܡܝܵܢܹ̈ܐ: ܘܟܲܠܵܘܹ̈ܐ ܬܸܥܒܸܿܕ ܠܗܘܿܢ ܠܐܝܼܩܵܪܵܐ ܘܲܠܫܘܼܒ݂ܚܵܐ.	[40]ܘܠܲܒ݂ܢܲܝ ܐܲܗܪܘܿܢ ܥܒܸܕ ܟܘܿܬܿܝܼܢܵܬ݂ܵܐ: ܘܲܥܒܸܕ ܠܗܘܿܢ ܗܸܡܝܵܢܹ̈ܐ: ܘܟܲܠܵܘܹ̈ܐ ܬܸܥܒܸܿܕ ܠܗܘܿܢ ܠܐܝܼܩܵܪܵܐ ܘܲܠܫܘܼܒ݂ܚܵܐ.
[41]ܘܐܲܠܒܸܿܫ ܐܸܢܘܿܢ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ ܥܲܡܹܗ: ܘܲܡܫܘܿܚ ܐܸܢܘܿܢ ܘܫܲܡܠܵܐ ܐܝܼܕܲܝܗܘܿܢ: ܘܩܲܕܸܿܫ ܐܸܢܘܿܢ ܠܝܼ ܘܲܢܟܲܗܢܘܼܢ ܠܝܼ.	[41]ܘܐܲܠܒܸܿܫ ܐܸܢܘܿܢ ܠܐܲܗܪܘܿܢ ܐܲܚܘܼܟ݂: ܘܠܲܒ݂ܢܵܘܗܝ ܥܲܡܹܗ: ܘܲܡܫܘܿܚ ܐܸܢܘܿܢ ܘܫܲܡܠܵܐ ܐܝܼܕܲܝܗܘܿܢ: ܘܩܲܕܸܿܫ ܐܸܢܘܿܢ ܠܝܼ ܘܲܢܟܲܗܢܘܼܢ ܠܝܼ.
[42]ܘܲܥܒܸܕ݂ ܠܗܘܿܢ ܦܪ̈ܵܙܘܿܡܹܐ ܕܒ݂ܘܼܨܵܐ: ܠܲܡܟܲܣܵܝܘܼ ܒܸܣܪܵܐ ܕܥܲܪܛܸܠܵܝܘܼܬ݂ܵܐ: ܡܼܢ ܚܲܨܲܝܗܘܿܢ ܘܲܥܕܲܡܵܐ ܠܥܲܛܡܵܬ݂ܗܘܿܢ ܢܸܗܘܘܿܢ.	[42]ܘܲܥܒܸܕ݂ ܠܗܘܿܢ ܦܪ̈ܵܙܘܿܡܹܐ ܕܒ݂ܘܼܨܵܐ: ܠܲܡܟܲܣܵܝܘܼ ܒܸܣܪܵܐ ܕܥܲܪܛܸܠܵܝܘܼܬ݂ܵܐ: ܡܼܢ ܚܲܨܲܝܗܘܿܢ ܘܲܥܕܲܡܵܐ ܠܥܲܛܡܵܬ݂ܗܘܿܢ ܢܸܗܘܘܿܢ.
[43]ܘܢܸܗܘܘܿܢ ܥܲܠ ܐܲܗܪܘܿܢ ܘܥܲܠ ܒܢܵܘܗܝ ܡܵܐ ܕܥܵܐܠܝܼܢ ܠܡܲܫܟܲܢ ܙܲܒ݂ܢܵܐ: ܘܡܵܐ ܕܩܵܪܒܿܝܼܢ ܠܡܲܕ݂ܒܚܵܐ ܠܲܡܫܲܡܵܫܘܼ ܒܩܘܼܕܫܵܐ: ܕܠܵܐ ܢܩܲܒܿܠܘܼܢ ܚܛܵܗܵܐ ܘܲܢܡܘܼܬ݂ܘܼܢ: ܢܵܡܘܿܣܵܐ ܠܥܵܠܲܡ ܠܹܗ ܘܲܠܙܲܪܥܹܗ ܡܼܢ ܒܵܬ݂ܪܹܗ.	[43]ܘܢܸܗܘܘܿܢ ܥܲܠ ܐܲܗܪܘܿܢ ܘܥܲܠ ܒܢܵܘܗܝ ܡܵܐ ܕܥܵܐܠܝܼܢ ܠܡܲܫܟܲܢ ܙܲܒ݂ܢܵܐ: ܘܡܵܐ ܕܩܵܪܒܿܝܼܢ ܠܡܲܕ݂ܒܚܵܐ ܠܲܡܫܲܡܵܫܘܼ ܒܩܘܼܕܫܵܐ: ܕܠܵܐ ܢܩܲܒܿܠܘܼܢ ܚܛܵܗܵܐ ܘܲܢܡܘܼܬ݂ܘܼܢ: ܢܵܡܘܿܣܵܐ ܠܥܵܠܲܡ ܠܹܗ ܘܲܠܙܲܪܥܹܗ ܡܼܢ ܒܵܬ݂ܪܹܗ.