➖ »
«
➖ ➕
Aleppo Codex (~920)
Alep
Peshitta NT (Khabouris)
PesNT(Kha)
←
Exodus
Exo
30
→
[1]ועשית מזבח מקטר קטרת עצי שטים תעשה אתו [No book]
[2]אמה ארכו ואמה רחבו רבוע יהיה ואמתים קמתו ממנו קרנתיו [No book]
[3]וצפית אתו זהב טהור את גגו ואת קירתיו סביב־ואת קרנתיו ועשית לו זר זהב סביב [No book]
[4]ושתי טבעת זהב תעשה לו מתחת לזרו על שתי צלעתיו־תעשה על שני צדיו והיה לבתים לבדים לשאת אתו בהמה [No book]
[5]ועשית את הבדים עצי שטים וצפית אתם זהב [No book]
[6]ונתתה אתו לפני הפרכת אשר על ארן העדת־לפני הכפרת אשר על העדת אשר אועד לך שמה [No book]
[7]והקטיר עליו אהרן קטרת סמים בבקר בבקר בהיטיבו את הנרת־יקטירנה [No book]
[8]ובהעלת אהרן את הנרת בין הערבים יקטירנה־קטרת תמיד לפני יהוה לדרתיכם [No book]
[9]לא תעלו עליו קטרת זרה ועלה ומנחה ונסך לא תסכו עליו [No book]
[10]וכפר אהרן על קרנתיו אחת בשנה מדם חטאת הכפרים אחת בשנה יכפר עליו לדרתיכם־קדש קדשים הוא ליהוה [No book]
[11]וידבר יהוה אל משה לאמר [No book]
[12]כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם [No book]
[13]זה יתנו כל העבר על הפקדים־מחצית השקל בשקל הקדש עשרים גרה השקל־מחצית השקל תרומה ליהוה [No book]
[14]כל העבר על הפקדים מבן עשרים שנה ומעלה־יתן תרומת יהוה [No book]
[15]העשיר לא ירבה והדל לא ימעיט ממחצית השקל־לתת את תרומת יהוה לכפר על נפשתיכם [No book]
[16]ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם [No book]
[17]וידבר יהוה אל משה לאמר [No book]
[18]ועשית כיור נחשת וכנו נחשת־לרחצה ונתת אתו בין אהל מועד ובין המזבח ונתת שמה מים [No book]
[19]ורחצו אהרן ובניו ממנו את ידיהם ואת רגליהם [No book]
[20]בבאם אל אהל מועד ירחצו מים־ולא ימתו או בגשתם אל המזבח לשרת להקטיר אשה ליהוה [No book]
[21]ורחצו ידיהם ורגליהם ולא ימתו והיתה להם חק עולם לו ולזרעו לדרתם [No book]
[22]וידבר יהוה אל משה לאמר [No book]
[23]ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתים [No book]
[24]וקדה חמש מאות בשקל הקדש ושמן זית הין [No book]
[25]ועשית אתו שמן משחת קדש־רקח מרקחת מעשה רקח שמן משחת קדש יהיה [No book]
[26]ומשחת בו את אהל מועד ואת ארון העדת [No book]
[27]ואת השלחן ואת כל כליו ואת המנרה ואת כליה ואת מזבח הקטרת [No book]
[28]ואת מזבח העלה ואת כל כליו ואת הכיר ואת כנו [No book]
[29]וקדשת אתם והיו קדש קדשים כל הנגע בהם יקדש [No book]
[30]ואת אהרן ואת בניו תמשח וקדשת אתם לכהן לי [No book]
[31]ואל בני ישראל תדבר לאמר שמן משחת קדש יהיה זה לי־לדרתיכם [No book]
[32]על בשר אדם לא ייסך ובמתכנתו לא תעשו כמהו קדש הוא קדש יהיה לכם [No book]
[33]איש אשר ירקח כמהו ואשר יתן ממנו על זר־ונכרת מעמיו [No book]
[34]ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה [No book]
[35]ועשית אתה קטרת רקח מעשה רוקח ממלח טהור קדש [No book]
[36]ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם [No book]
[37]והקטרת אשר תעשה־במתכנתה לא תעשו לכם קדש תהיה לך ליהוה [No book]
[38]איש אשר יעשה כמוה להריח בה־ונכרת מעמיו [No book]
Source: unbound.biola.edu
Top