|
|
| [1]Facies quoque altare ad adolendum thymiama, de lignis setim, |
[No book] |
| [2]habens cubitum longitudinis, et alterum latitudinis, id est, quadrangulum, et duos cubitos in altitudine. Cornua ex ipso procedent. |
[No book] |
| [3]Vestiesque illud auro purissimo, tam craticulam ejus, quam parietes per circuitum, et cornua. Faciesque ei coronam aureolam per gyrum, |
[No book] |
| [4]et duos annulos aureos sub corona per singula latera, ut mittantur in eos vectes, et altare portetur. |
[No book] |
| [5]Ipsos quoque vectes facies de lignis setim, et inaurabis. |
[No book] |
| [6]Ponesque altare contra velum, quod ante arcum pendet testimonii coram propitiatorio quo tegitur testimonium, ubi loquar tibi. |
[No book] |
| [7]Et adolebit incensum super eo Aaron, suave fragrans, mane. Quando componet lucernas, incendet illud: |
[No book] |
| [8]et quando collocabit eas ad vesperum, uret thymiama sempiternum coram Domino in generationes vestras. |
[No book] |
| [9]Non offeretis super eo thymiama compositionis alterius, nec oblationem, et victimam, nec libabitis libamina. |
[No book] |
| [10]Et deprecabitur Aaron super cornua ejus semel per annum, in sanguine quod oblatum est pro peccato, et placabit super eo in generationibus vestris. Sanctum sanctorum erit Domino. |
[No book] |
| [11]Locutusque est Dominus ad Moysen, dicens: |
[No book] |
| [12]Quando tuleris summam filiorum Israël juxta numerum, dabunt singuli pretium pro animabus suis Domino, et non erit plaga in eis, cum fuerint recensiti. |
[No book] |
| [13]Hoc autem dabit omnis qui transit ad nomen, dimidium sicli juxta mensuram templi (siclus viginti obolos habet); media pars sicli offeretur Domino. |
[No book] |
| [14]Qui habetur in numero, a viginti annis et supra, dabit pretium. |
[No book] |
| [15]Dives non addet ad medium sicli, et pauper nihil minuet. |
[No book] |
| [16]Susceptamque pecuniam, quæ collata est a filiis Israël, trades in usus tabernaculi testimonii, ut sit monimentum eorum coram Domino, et propitietur animabus eorum. |
[No book] |
| [17]Locutusque est Dominus ad Moysen, dicens: |
[No book] |
| [18]Facies et labrum æneum cum basi sua ad lavandum: ponesque illud inter tabernaculum testimonii et altare. Et missa aqua, |
[No book] |
| [19]lavabunt in ea Aaron et filii ejus manus suas ac pedes, |
[No book] |
| [20]quando ingressuri sunt tabernaculum testimonii, et quando accessuri sunt ad altare, ut offerant in eo thymiama Domino, |
[No book] |
| [21]ne forte moriantur; legitimum sempiternum erit ipsi, et semini ejus per successiones. |
[No book] |
| [22]Locutusque est Dominus ad Moysen, |
[No book] |
| [23]dicens: Sume tibi aromata, primæ myrrhæ et electæ quingentos siclos, et cinnamomi medium, id est, ducentos quinquaginta siclos, calami similiter ducentos quinquaginta, |
[No book] |
| [24]casiæ autem quingentos siclos, in pondere sanctuarii, olei de olivetis mensuram hin: |
[No book] |
| [25]faciesque unctionis oleum sanctum, unguentum compositum opere unguentarii, |
[No book] |
| [26]et unges ex eo tabernaculum testimonii, et arcam testamenti, |
[No book] |
| [27]mensamque cum vasis suis, et candelabrum, et utensilia ejus, altaria thymiamatis, |
[No book] |
| [28]et holocausti, et universam supellectilem quæ ad cultum eorum pertinet. |
[No book] |
| [29]Sanctificabisque omnia, et erunt Sancta sanctorum; qui tetigerit ea, sanctificabitur. |
[No book] |
| [30]Aaron et filios ejus unges, sanctificabisque eos, ut sacerdotio fungantur mihi. |
[No book] |
| [31]Filiis quoque Israël dices: Hoc oleum unctionis sanctum erit mihi in generationes vestras. |
[No book] |
| [32]Caro hominis non ungetur ex eo, et juxta compositionem ejus non facietis aliud, quia sanctificatum est, et sanctum erit vobis. |
[No book] |
| [33]Homo quicumque tale composuerit, et dederit ex eo alieno, exterminabitur de populo suo. |
[No book] |
| [34]Dixitque Dominus ad Moysen: Sume tibi aromata, stacten et onycha, galbanum boni odoris, et thus lucidissimum; æqualis ponderis erunt omnia: |
[No book] |
| [35]faciesque thymiama compositum opere unguentarii, mistum diligenter, et purum, et sanctificatione dignissimum. |
[No book] |
| [36]Cumque in tenuissimum pulverem universa contuderis, pones ex eo coram tabernaculo testimonii, in quo loco apparebo tibi. Sanctum sanctorum erit vobis thymiama. |
[No book] |
| [37]Talem compositionem non facietis in usus vestros, quia sanctum est Domino. |
[No book] |
| [38]Homo quicumque fecerit simile, ut odore illius perfruatur, peribit de populis suis. |
[No book] |