|
|
| [1]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ ܘܐܸܡܲܪ ܠܹܗ. |
[No book] |
| [2]ܚܙܝܼ ܕܲܩܪܹܝܬ݂ ܒܫܸܡ ܠܒܲܨܠܝܼܐܹܝܠ ܒܲܪ ܐܘܼܪܝܼ: ܒܲܪ ܚܘܿܪ: ܡܼܢ ܫܲܒ݂ܛܵܐ ܕܲܝܗܘܼܕ݂ܵܐ. |
[No book] |
| [3]ܘܲܡܠܹܝܬܹܗ ܪܘܼܚܵܐ ܕܐܲܠܵܗܵܐ: ܒܚܸܟ݂ܡܬ݂ܵܐ: ܘܲܒ݂ܒ݂ܘܼܝܵܢܵܐ: ܘܒ݂ܝܼܕܲܥܬ݂ܵܐ: ܘܲܒ݂ܟ݂ܠ ܥܒ݂ܵܕ݂. |
[No book] |
| [4]ܠܡܲܠܵܦܘܼ ܐܘܼܡܵܢܘܼܬ݂ܵܐ: ܠܡܸܥܒܲܕ݂ ܒܕܲܗܒ݂ܵܐ: ܘܲܒ݂ܣܹܐܡܵܐ ܒܲܢܚܵܫܵܐ. |
[No book] |
| [5]ܘܒ݂ܐܘܼܡܵܢܘܼܬ݂ܵܐ ܕܟܹܐܦܹ̈ܐ ܠܲܡܫܲܠܵܡܘܼ: ܘܲܒ݂ܢܲܓܵܪܘܼܬ݂ܵܐ ܕܩܲܝܣܹ̈ܐ: ܠܡܸܥܒܲܕ ܟܠ ܥܒ݂ܵܕ݂. |
[No book] |
| [6]ܘܐܸܢܵܐ ܗܵܐ ܝܸܗ̄ܒܹܿܬ݂ ܥܲܡܹܗ: ܠܐܹܠܝܼܗܲܒ݂ ܒܲܪ ܐܲܚܝܼܣܡܵܟ݂ ܡܼܢ ܫܲܒ݂ܛܵܐ ܕܕ݂ܵܢ: ܘܲܒ݂ܠܸܒܵܐ ܕܟ݂ܠ ܚܲܟܝܼܡܲܝ ܠܸܒܵܐ ܝܸܗ̄ܒܹܿܬ݂ ܚܸܟ݂ܡܬ݂ܵܐ: ܘܢܸܥܒܕ݂ܘܼܢ ܟܠ ܡܸܕܸܿܡ ܕܦܲܩܸܕܬܵܟ݂. |
[No book] |
| [7]ܡܲܫܟܲܢ ܙܲܒ݂ܢܵܐ: ܘܩܹܒ݂ܘܼܬ݂ܵܐ ܕܣܵܗܕܘܼܬ݂ܵܐ: ܘܚܘܼܣܵܝܵܐ ܕܲܥܠܹܝܗ: ܘܟ݂ܠ ܡܵܐܢܲܝ ܡܲܫܟܢܵܐ. |
[No book] |
| [8]ܘܦܵܬ݂ܘܿܪܵܐ ܘܟ݂ܠ ܡܵܐܢܵܘܗܝ: ܘܲܡܢܵܪܬܵܐ ܕܟ݂ܝܼܬ݂ܵܐ: ܘܟ݂ܠܗܘܿܢ ܡܵܐܢܹܝܗ: ܘܡܲܕ݂ܒܚܵܐ ܕܥܸܛܪܵܐ. |
[No book] |
| [9]ܡܲܕ݂ܒܚܵܐ ܕܲܥܠܵܬ݂ܵܐ ܘܟ݂ܠ ܡܵܐܢܵܘܗܝ: ܘܠܲܩܢܵܐ ܘܟܲܢܵܐ. |
[No book] |
| [10]ܘܲܠܒ݂ܘܼܫܲܝ ܬܸܫܡܸܫܬܵܐ: ܘܲܠܒ݂ܘܼܫܲܝ ܩܘܼܕ݂ܫܵܐ ܠܐܲܗܪܘܿܢ ܟܵܗܢܵܐ: ܘܲܠܒ݂ܘܼܫܹ̈ܐ ܠܲܒ݂ܢܵܘܗܝ: ܠܲܡܟܲܗܵܢܘܼ ܠܝܼ. |
[No book] |
| [11]ܘܡܸܫܚܵܐ ܕܲܡܫܝܼܚܘܼܬ݂ܵܐ: ܘܥܸܛܪܵܐ ܕܒܸܣܡܹ̈ܐ ܠܩܘܼܕ݂ܫܵܐ ܟܠ ܡܸܕܸܿܡ ܕܦܲܩܸܕܬܵܟ݂ ܢܸܥܒܿܕ݂ܘܼܢ. |
[No book] |
| [12]ܘܐܸܡܲܪ ܡܵܪܝܵܐ ܠܡܘܼܫܹܐ. |
[No book] |
| [13]ܐܲܢ̄ܬ ܐܸܡܲܪ ܠܲܒ݂ܢܲܝ ܝܼܣܪܵܝܹܠ: ܫܲܒܹܿܐ ܗܘܲܝܬܿܘܿܢ ܢܵܛܪܝܼܢ: ܡܸܛܠ ܕܐܵܬ݂ܵܐ ܗ̄ܝܼ ܒܲܝܢܲܝ ܘܲܠܟ݂ܘܿܢ ܠܕ݂ܵܪܲܝܟܘܿܢ: ܕܬܸܕܿܥܘܿܢ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ ܕܲܡܩܲܕܸܿܫ ܐ̄ܢܵܐ ܠܟ݂ܘܿܢ. |
[No book] |
| [14]ܛܲܪܘ ܫܲܒܬ݂ܵܐ: ܡܸܛܠ ܕܩܘܼܕ݂ܫܵܐ ܗ̄ܝܼ ܠܟ݂ܘܿܢ: ܟܠܡܵܢ ܕܢܲܚܠܝܼܗܿ: ܡܸܬ݂ܩܛܵܠܘܼ ܢܸܬ݂ܩܛܸܠ: ܘܟ݂ܠ ܡܿܢ ܕܢܸܥܒܸܿܕ ܒܵܗ ܥܒ݂ܵܕ݂ܵܐ: ܢܹܐܒܲܕ݂ ܐ̄ܢܵܫܵܐ ܗܵܘ ܡܼܢ ܥܲܡܹܗ. |
[No book] |
| [15]ܫܬܵܐ ܝܵܘܡܝܼܢ ܬܸܥܒܕ݂ܘܼܢ ܥܒ݂ܵܕ݂ܵܐ: ܘܲܒ݂ܝܵܘܡܵܐ ܫܒ݂ܝܼܥܵܝܵܐ ܫܲܒܬ݂ܵܐ ܢܝܵܚܵܐ: ܩܘܼܕ݂ܫܵܐ ܗ̄ܝܼ ܠܡܵܪܝܵܐ: ܟܠ ܡܿܢ ܕܢܸܥܒܸܕ ܥܒ݂ܵܕ݂ܵܐ ܒܝܵܘܡܵܐ ܕܫܲܒܬ݂ܵܐ: ܡܸܬ݂ܩܛܵܠܘܼ ܢܸܬ݂ܩܛܸܠ. |
[No book] |
| [16]ܘܢܸܛܪܘܼܢ ܒܢܲܝ ܝܼܣܪܵܝܹܠ ܫܲܒܬ݂ܵܐ ܠܡܵܪܝܵܐ: ܠܡܸܥܒܲܕ ܫܲܒܬ݂ܵܐ ܠܕ݂ܵܪܲܝܗܘܿܢ ܩܝܵܡܵܐ ܕܲܠܥܵܠܲܡ. |
[No book] |
| [17]ܒܲܝܢܲܝ ܠܲܕ݂ܒܹܝܬ݂ ܝܼܣܪܵܝܹܠ ܐܵܬ݂ܵܐ ܗ̄ܝܼ ܠܥܵܠܲܡ: ܡܸܛܠ ܕܠܸܫܬܵܐ ܝܵܘܡܝܼܢ ܥܒܲܕ ܡܵܪܝܵܐ ܫܡܲܝܵܐ ܘܐܲܪܥܵܐ: ܘܝܲܡܡܹ̈ܐ ܘܟ݂ܠ ܕܐܝܼܬ݂ ܒܗܘܿܢ: ܘܲܒ݂ܝܵܘܡܵܐ ܫܒ݂ܝܼܥܵܝܵܐ ܫܠܝܼ ܘܐܸܬܿܬܿܢܝܼܚ. |
[No book] |
| [18]ܘܝܲܗ̄ܒ݂ ܠܡܘܼܫܹܐ ܟܲܕ݂ ܫܲܠܸܡ ܠܲܡܡܲܠܵܠܘܼ ܥܲܡܹܗ ܒܛܘܼܪܵܐ ܕܣܝܼܢܲܝ: ܬܲܪܬܹܿܝܢ ܠܘܼܚܹ̈ܐ ܕܣܵܗܕܘܼܬ݂ܵܐ: ܠܘܼܚܹ̈ܐ ܕܟܹܐܦܵܐ: ܕܲܟ݂ܬ݂ܝܼܒ݂ܵܢ ܒܨܸܒ݂ܥܹܗ ܕܐܲܠܵܗܵܐ. |
[No book] |