➖ »
«
➖ ➕
Aleppo Codex (~920)
Alep
Peshitta NT (Khabouris)
PesNT(Kha)
←
Exodus
Exo
36
→
[1]ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש־לכל אשר צוה יהוה [No book]
[2]ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו־כל אשר נשאו לבו לקרבה אל המלאכה לעשת אתה [No book]
[3]ויקחו מלפני משה את כל התרומה אשר הביאו בני ישראל למלאכת עבדת הקדש־לעשת אתה והם הביאו אליו עוד נדבה־בבקר בבקר [No book]
[4]ויבאו כל החכמים העשים את כל מלאכת הקדש־איש איש ממלאכתו אשר המה עשים [No book]
[5]ויאמרו אל משה לאמר מרבים העם להביא מדי העבדה למלאכה אשר צוה יהוה לעשת אתה [No book]
[6]ויצו משה ויעבירו קול במחנה לאמר איש ואשה אל יעשו עוד מלאכה לתרומת הקדש ויכלא העם מהביא [No book]
[7]והמלאכה היתה דים לכל המלאכה־לעשות אתה והותר [No book]
[8]ויעשו כל חכם לב בעשי המלאכה את המשכן־עשר יריעת שש משזר ותכלת וארגמן ותולעת שני־כרבים מעשה חשב עשה אתם [No book]
[9]ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעת [No book]
[10]ויחבר את חמש היריעת אחת אל אחת וחמש יריעת חבר אחת אל אחת [No book]
[11]ויעש ללאת תכלת על שפת היריעה האחת מקצה במחברת כן עשה בשפת היריעה הקיצונה במחברת השנית [No book]
[12]חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת־אחת אל אחת [No book]
[13]ויעש חמשים קרסי זהב ויחבר את היריעת אחת אל אחת בקרסים ויהי המשכן אחד [No book]
[14]ויעש יריעת עזים לאהל על המשכן עשתי עשרה יריעת עשה אתם [No book]
[15]ארך היריעה האחת שלשים באמה וארבע אמות רחב היריעה האחת מדה אחת לעשתי עשרה יריעת [No book]
[16]ויחבר את חמש היריעת לבד ואת שש היריעת לבד [No book]
[17]ויעש ללאת חמשים על שפת היריעה הקיצנה במחברת וחמשים ללאת עשה על שפת היריעה החברת השנית [No book]
[18]ויעש קרסי נחשת חמשים לחבר את האהל להית אחד [No book]
[19]ויעש מכסה לאהל ערת אילם מאדמים ומכסה ערת תחשים מלמעלה [No book]
[20]ויעש את הקרשים למשכן עצי שטים עמדים [No book]
[21]עשר אמת ארך הקרש ואמה וחצי האמה רחב הקרש האחד [No book]
[22]שתי ידת לקרש האחד משלבת אחת אל אחת כן עשה לכל קרשי המשכן [No book]
[23]ויעש את הקרשים למשכן עשרים קרשים לפאת נגב תימנה [No book]
[24]וארבעים אדני כסף־עשה תחת עשרים הקרשים שני אדנים תחת הקרש האחד לשתי ידתיו ושני אדנים תחת הקרש האחד לשתי ידתיו [No book]
[25]ולצלע המשכן השנית לפאת צפון עשה עשרים קרשים [No book]
[26]וארבעים אדניהם כסף־שני אדנים תחת הקרש האחד ושני אדנים תחת הקרש האחד [No book]
[27]ולירכתי המשכן ימה עשה ששה קרשים [No book]
[28]ושני קרשים עשה למקצעת המשכן־בירכתים [No book]
[29]והיו תואמם מלמטה ויחדו יהיו תמים אל ראשו אל הטבעת האחת כן עשה לשניהם לשני המקצעת [No book]
[30]והיו שמנה קרשים ואדניהם כסף ששה עשר אדנים־שני אדנים שני אדנים תחת הקרש האחד [No book]
[31]ויעש בריחי עצי שטים־חמשה לקרשי צלע המשכן האחת [No book]
[32]וחמשה בריחם לקרשי צלע המשכן השנית וחמשה בריחם לקרשי המשכן לירכתים ימה [No book]
[33]ויעש את הבריח התיכן לברח בתוך הקרשים מן הקצה אל הקצה [No book]
[34]ואת הקרשים צפה זהב ואת טבעתם עשה זהב־בתים לבריחם ויצף את הבריחם זהב [No book]
[35]ויעש את הפרכת תכלת וארגמן ותולעת שני ושש משזר מעשה חשב עשה אתה כרבים [No book]
[36]ויעש לה ארבעה עמודי שטים ויצפם זהב וויהם זהב ויצק להם ארבעה אדני כסף [No book]
[37]ויעש מסך לפתח האהל תכלת וארגמן ותולעת שני ושש משזר מעשה רקם [No book]
[38]ואת עמודיו חמשה ואת וויהם וצפה ראשיהם וחשקיהם זהב ואדניהם חמשה נחשת [No book]
Source: unbound.biola.edu
Top