➖ »
«
➖ ➕
Vulgata Clementina (1592)
Vul
The Fragments of Papias
Papias
←
Exodus
Exo
39
→
[1]De hyacintho vero et purpura, vermiculo ac bysso, fecit vestes, quibus indueretur Aaron quando ministrabat in sanctis, sicut præcepit Dominus Moysi. [No book]
[2]Fecit igitur superhumerale de auro, hyacintho, et purpura, coccoque bis tincto, et bysso retorta, [No book]
[3]opere polymitario: inciditque bracteas aureas, et extenuavit in fila, ut possent torqueri cum priorum colorum subtegmine, [No book]
[4]duasque oras sibi invicem copulatas in utroque latere summitatum, [No book]
[5]et balteum ex eisdem coloribus, sicut præceperat Dominus Moysi. [No book]
[6]Paravit et duos lapides onychinos, astrictos et inclusos auro, et sculptos arte gemmaria nominibus filiorum Israël: [No book]
[7]posuitque eos in lateribus superhumeralis in monimentum filiorum Israël, sicut præceperat Dominus Moysi. [No book]
[8]Fecit et rationale opere polymito juxta opus superhumeralis, ex auro, hyacintho, purpura, coccoque bis tincto, et bysso retorta: [No book]
[9]quadrangulum, duplex, mensuræ palmi. [No book]
[10]Et posuit in eo gemmarum ordines quatuor. In primo versu erat sardius, topazius, smaragdus. [No book]
[11]In secundo, carbunculus, sapphirus, et jaspis. [No book]
[12]In tertio, ligurius, achates, et amethystus. [No book]
[13]In quarto, chrysolithus, onychinus, et beryllus, circumdati et inclusi auro per ordines suos. [No book]
[14]Ipsique lapides duodecim sculpti erant nominibus duodecim tribuum Israël, singuli per nomina singulorum. [No book]
[15]Fecerunt in rationali et catenulas sibi invicem cohærentes, de auro purissimo: [No book]
[16]et duos uncinos, totidemque annulos aureos. Porro annulos posuerunt in utroque latere rationalis, [No book]
[17]e quibus penderent duæ catenæ aureæ, quas inseruerunt uncinis, qui in superhumeralis angulis eminebant. [No book]
[18]Hæc et ante et retro ita conveniebant sibi, ut superhumerale et rationale mutuo necterentur, [No book]
[19]stricta ad balteum et annulis fortius copulata, quos jungebat vitta hyacinthina, ne laxa fluerent, et a se invicem moverentur, sicut præcepit Dominus Moysi. [No book]
[20]Feceruntque quoque tunicam superhumeralis totam hyacinthinam, [No book]
[21]et capitium in superiori parte contra medium, oramque per gyrum capitii textilem: [No book]
[22]deorsum autem ad pedes mala punica ex hyacintho, purpura, vermiculo, ac bysso retorta: [No book]
[23]et tintinnabula de auro purissimo, quæ posuerunt inter malogranata, in extrema parte tunicæ per gyrum: [No book]
[24]tintinnabulum autem aureum, et malum punicum, quibus ornatus incedebat pontifex quando ministerio fungebatur, sicut præceperat Dominus Moysi. [No book]
[25]Fecerunt et tunicas byssinas opere textili Aaron et filiis ejus: [No book]
[26]et mitras cum coronulis suis ex bysso: [No book]
[27]feminalia quoque linea, byssina: [No book]
[28]cingulum vero de bysso retorta, hyacintho, purpura, ac vermiculo bis tincto, arte plumaria, sicut præceperat Dominus Moysi. [No book]
[29]Fecerunt et laminam sacræ venerationis de auro purissimo, scripseruntque in ea opere gemmario, Sanctum Domini: [No book]
[30]et strinxerunt eam cum mitra vitta hyacinthina, sicut præceperat Dominus Moysi. [No book]
[31]Perfectum est igitur omne opus tabernaculi et tecti testimonii: feceruntque filii Israël cuncta quæ præceperat Dominus Moysi. [No book]
[32]Et obtulerunt tabernaculum et tectum et universam supellectilem, annulos, tabulas, vectes, columnas ac bases, [No book]
[33]opertorium de pellibus arietum rubricatis, et aliud operimentum de janthinis pellibus, [No book]
[34]velum; arcam, vectes, propitiatorium, [No book]
[35]mensam cum vasis suis et propositionis panibus; [No book]
[36]candelabrum, lucernas, et utensilia earum cum oleo; [No book]
[37]altare aureum, et unguentum, et thymiama ex aromatibus, [No book]
[38]et tentorium in introitu tabernaculi; [No book]
[39]altare æneum, retiaculum, vectes, et vasa ejus omnia; labrum cum basi sua; tentoria atrii, et columnas cum basibus suis; [No book]
[40]tentorium in introitu atrii, funiculosque illius et paxillos. Nihil ex vasis defuit, quæ in ministerium tabernaculi, et in tectum fœderis jussa sunt fieri. [No book]
[41]Vestes quoque, quibus sacerdotes utuntur in sanctuario, Aaron scilicet et filii ejus, [No book]
[42]obtulerunt filii Israël, sicut præceperat Dominus. [No book]
[43]Quæ postquam Moyses cuncta vidit completa, benedixit eis. [No book]
Source: unbound.biola.edu
 Source: www.earlychristianwritings.com
Top