|
|
| [1]Locutusque est Dominus ad Moysen, dicens: |
[No book] |
| [2]Mense primo, prima die mensis, eriges tabernaculum testimonii, |
[No book] |
| [3]et pones in eo arcam, dimittesque ante illam velum: |
[No book] |
| [4]et illata mensa, pones super eam quæ rite præcepta sunt. Candelabrum stabit cum lucernis suis, |
[No book] |
| [5]et altare aureum, in quo adoletur incensum, coram arca testimonii. Tentorium in introitu tabernaculi pones, |
[No book] |
| [6]et ante illud altare holocausti: |
[No book] |
| [7]labrum inter altare et tabernaculum, quod implebis aqua. |
[No book] |
| [8]Circumdabisque atrium tentoriis, et ingressum ejus. |
[No book] |
| [9]Et assumpto unctionis oleo unges tabernaculum cum vasis suis, ut sanctificentur: |
[No book] |
| [10]altare holocausti et omnia vasa ejus, |
[No book] |
| [11]labrum cum basi sua: omnia unctionis oleo consecrabis, ut sint Sancta sanctorum. |
[No book] |
| [12]Applicabisque Aaron et filios ejus ad fores tabernaculi testimonii, et lotos aqua |
[No book] |
| [13]indues sanctis vestibus, ut ministrent mihi, et unctio eorum in sacerdotium sempiternum proficiat. |
[No book] |
| [14]Fecitque Moyses omnia quæ præceperat Dominus. |
[No book] |
| [15]Igitur mense primo anni secundi, prima die mensis, collocatum est tabernaculum. |
[No book] |
| [16]Erexitque Moyses illud, et posuit tabulas ac bases et vectes, statuitque columnas, |
[No book] |
| [17]et expandit tectum super tabernaculum, imposito desuper operimento, sicut Dominus imperaverat. |
[No book] |
| [18]Posuit et testimonium in arca, subditis infra vectibus, et oraculum desuper. |
[No book] |
| [19]Cumque intulisset arcam in tabernaculum, appendit ante eam velum ut expleret Domini jussionem. |
[No book] |
| [20]Posuit et mensam in tabernaculo testimonii ad plagam septentrionalem extra velum, |
[No book] |
| [21]ordinatis coram propositionis panibus, sicut præceperat Dominus Moysi. |
[No book] |
| [22]Posuit et candelabrum in tabernaculo testimonii e regione mensæ in parte australi, |
[No book] |
| [23]locatis per ordinem lucernis, juxta præceptum Domini. |
[No book] |
| [24]Posuit et altare aureum sub tecto testimonii contra velum, |
[No book] |
| [25]et adolevit super eo incensum aromatum, sicut jusserat Dominus Moysi. |
[No book] |
| [26]Posuit et tentorium in introitu tabernaculi testimonii, |
[No book] |
| [27]et altare holocausti in vestibulo testimonii, offerens in eo holocaustum, et sacrificia, ut Dominus imperaverat. |
[No book] |
| [28]Labrum quoque statuit inter tabernaculum testimonii et altare, implens illud aqua. |
[No book] |
| [29]Laveruntque Moyses et Aaron ac filii ejus manus suas et pedes, |
[No book] |
| [30]cum ingrederentur tectum fœderis, et accederent ad altare, sicut præceperat Dominus Moysi. |
[No book] |
| [31]Erexit et atrium per gyrum tabernaculi et altaris, ducto in introitu ejus tentorio. Postquam omnia perfecta sunt, |
[No book] |
| [32]operuit nubes tabernaculum testimonii, et gloria Domini implevit illud. |
[No book] |
| [33]Nec poterat Moyses ingredi tectum fœderis, nube operiente omnia, et majestate Domini coruscante, quia cuncta nubes operuerat. |
[No book] |
| [34]Siquando nubes tabernaculum deserebat, proficiscebantur filii Israël per turmas suas: |
[No book] |
| [35]si pendebat desuper, manebant in eodem loco. |
[No book] |
| [36]Nubes quippe Domini incubabat per diem tabernaculo, et ignis in nocte, videntibus cunctis populis Israël per cunctas mansiones suas. |
[No book] |