|
|
| [1]ܘܐܸܡܲܪ ܡܵܪܝܵܐ ܠܡܘܼܫܹܐ: ܗܵܫܵܐ ܬܸܚܙܸܐ ܡܸܕܸܿܡ ܕܐܸܥܒܸܿܕ ܠܦܸܪܥܘܿܢ: ܡܸܛܠ ܕܒ݂ܐܝܼܕ݂ܵܐ ܬܲܩܝܼܦܬܵܐ ܢܫܲܕܲܪ ܐܸܢܘܿܢ: ܘܒܲܕ݂ܪܵܥܵܐ ܪܵܡܵܐ ܢܲܦܸܩ ܐܸܢܘܿܢ ܡܼܢ ܐܲܪܥܹܗ. |
[No book] |
| [2]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ ܘܐܸܡܲܪ ܠܹܗ: ܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [3]ܕܐܸܬ݂ܓܠܝܼܬܿ ܠܐܲܒ݂ܪܵܗܵܡ ܘܠܐܝܼܣܚܵܩ ܘܲܠܝܲܥܩܘܿܒ݂ ܒܐܹܝܠܫܲܕܲܝ ܐܲܠܵܗܵܐ: ܘܫܹܡ ܡܵܪܝܵܐ ܠܵܐ ܚܵܘܝܼܬ݂ ܐܸܢܘܿܢ. |
[No book] |
| [4]ܘܐܵܦ ܐܲܩܝܼܡܬܿ ܩܝܵܡܝ ܥܲܡܗܘܿܢ: ܠܡܸܬܲܠ ܠܗܘܿܢ ܐܲܪܥܵܐ ܕܲܟ݂ܢܲܥܢ: ܐܲܪܥܵܐ ܕܬ݂ܵܘܬܵܒ݂ܘܼܬ݂ܗܘܿܢ ܕܲܥܡܲܪܘ ܒܵܗ. |
[No book] |
| [5]ܘܐܵܦ ܐܸܢܵܐ ܫܸܡܥܹܬ݂ ܐܸܢܲܩܬ݂ܵܐ ܕܲܒ݂̈ܢܲܝ ܝܼܣܪܵܝܹܠ: ܕܡܸܨܪܵܝܹܐ ܡܫܲܥܒܿܕ݂ܝܼܢ ܠܗܘܿܢ: ܘܐܸܬܿܕܲܟ݂ܪܹܬ݂ ܩܝܵܡܝ. |
[No book] |
| [6]ܡܸܛܠ ܗܵܢܵܐ ܐܸܡܲܪ ܠܲܒ݂̈ܢܲܝ ܝܼܣܪܵܝܹܠ: ܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ: ܘܡܲܦܸܩ ܐ̄ܢܵܐ ܠܟ݂ܘܿܢ ܡܼܢ ܫܘܼܥܒܵܕ݂ܵܐ ܕܡܸܨܪܵܝܹܐ: ܘܲܡܦܲܨܸܐ ܐ̄ܢܵܐ ܠܟ݂ܘܿܢ ܡܼܢ ܥܒ݂ܵܕ݂ܗܘܿܢ: ܘܐܸܦܪܘܿܩܟ݂ܘܿܢ ܒܐܝܼܕ݂ܵܐ ܬܲܩܝܼܦܬܵܐ ܘܒܲܕ݂ܪܵܥܵܐ ܪܵܡܵܐ: ܘܲܒ݂ܕ݂ܝܼܢܹܐ ܪܵܘܪܒܹܐ. |
[No book] |
| [7]ܘܐܸܣܲܒ݂ܟ݂ܘܿܢ ܠܝܼ ܥܲܡܵܐ: ܘܐܸܗܘܸܐ ܠܟ݂ܘܿܢ ܐܲܠܵܗܵܐ: ܘܬܸܕܿܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ: ܕܡܲܦܸܩ ܐ̄ܢܵܐ ܠܟ݂ܘܿܢ ܡܼܢ ܫܘܼܥܒܵܕ݂ܵܐ ܕܡܸܨܪܵܝܹܐ. |
[No book] |
| [8]ܘܐܲܝܬܹܿܝܟ݂ܘܿܢ ܠܐܲܪܥܵܐ ܕܐܲܪܝܼܡܹܬ݂ ܐܝܼܕ݂ܝ ܠܡܸܬܿܠܵܗ ܠܐܲܒ݂ܪܵܗܵܡ ܘܠܐܝܼܣܚܵܩ ܘܲܠܝܲܥܩܘܿܒ݂: ܘܐܸܬܿܠܝܼܗ ܠܟ݂ܘܿܢ ܝܵܪܬܘܼܬ݂ܵܐ: ܐܸܢܵܐ ܡܵܪܝܵܐ. |
[No book] |
| [9]ܘܐܸܡܲܪ ܗܵܟܲܢܵܐ ܡܘܼܫܹܐ ܠܲܒ݂̈ܢܲܝ ܝܼܣܪܵܝܹܠ: ܘܠܵܐ ܫܲܡܥܘܼܗܝ ܠܡܘܼܫܹܐ: ܡܼܢ ܟܲܪܝܘܼܬ݂ ܪܘܼܚܵܐ ܘܡܼܢ ܫܘܼܥܒܵܕ݂ܵܐ ܩܲܫܝܵܐ. |
[No book] |
| [10]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ ܠܡܹܐܡܲܪ. |
[No book] |
| [11]ܙܸܠ ܐܸܡܲܪ ܠܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܘܲܢܫܲܕܲܪ ܠܲܒ݂̈ܢܲܝ ܝܼܣܪܵܝܹܠ ܡܼܢ ܐܲܪܥܹܗ. |
[No book] |
| [12]ܘܐܸܡܲܪ ܡܘܼܫܹܐ ܠܡܵܪܝܵܐ: ܗܵܐ ܒ̈ܢܲܝ ܝܼܣܪܵܝܹܠ ܠܵܐ ܫܵܡܥܝܼܢ ܠܝܼ: ܐܲܝܟܲܢܵܐ ܢܸܫܡܥܲܢܝ ܦܸܪܥܘܿܢ: ܕܲܠܥܸܓ݂ ܠܸܫܵܢܝ. |
[No book] |
| [13]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ ܘܥܲܡ ܐܲܗܪܘܿܢ: ܘܲܦܩܲܕ݂ ܐܸܢܘܿܢ ܠܘܵܬ݂ ܒ̈ܢܲܝ ܝܼܣܪܵܝܹܠ ܘܲܠܘܵܬ݂ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܠܡܲܦܵܩܘܼ ܠܲܒ݂̈ܢܲܝ ܝܼܣܪܵܝܹܠ ܡܼܢ ܐܲܪܥܵܐ ܕܡܸܨܪܹܝܢ. |
[No book] |
| [14]ܘܗܵܠܹܝܢ ܪܹܫܹܐ ܕܒܹܝܬ݂ ܐܲܒ݂ܵܗܲܝܗܘܿܢ: ܒܢܲܝ ܪܘܼܒܹܝܠ ܒܘܼܟ݂ܪܹܗ ܕܝܼܣܪܵܝܹܠ: ܚܢܘܿܟ݂ ܘܦܲܠܘܿ: ܘܚܸܨܪܘܿܢ ܘܟܲܪܡܝܼ: ܗܵܠܝܹܢ ܫܲܪܒ݂ܵܬܹܗ ܕܪܘܼܒܹܝܠ. |
[No book] |
| [15]ܘܲܒ݂ܢܲܝ ܫܸܡܥܘܿܢ: ܝܲܡܘܼܐܹܝܠ: ܘܝܲܡܝܼܢ: ܘܐܵܗܵܪ: ܘܝܲܟ݂ܝܼܢ: ܘܨܵܚܵܪ: ܘܫܵܐܘܿܠ ܒܲܪ ܟܢܲܥܢܲܝܬܵܐ: ܗܵܠܹܝܢ ܫܲܪܒ݂ܵܬ݂ܵܐ ܕܫܸܡܥܘܿܢ. |
[No book] |
| [16]ܘܗܵܠܹܝܢ ܫܡܵܗܹܐ ܕܲܒ݂ܢܲܝ ܠܹܘܝܼ ܠܫܲܪܒ݂ܵܬ݂ܗܘܿܢ ܓܸܪܫܘܿܢ ܘܩܵܗܲܬ ܘܲܡܪܵܪܝܼ: ܘܲܫܢܲܝܵܐ ܕܲܚܝܵܐ ܠܹܘܝܼ: ܡܵܐܐ ܘܲܬ݂ܠܵܬ݂ܝܼܢ ܘܲܫܒܲܥ ܫܢܝܼܢ. |
[No book] |
| [17]ܘܲܒ݂ܢܵܘܗܝ ܕܓܸܪܫܘܿܢ: ܠܲܒ݂ܢܝܼ ܘܫܲܡܥܝܼ ܠܫܲܪܒ݂ܵܬ݂ܗܘܿܢ. |
[No book] |
| [18]ܘܲܒ݂ܢܵܘܗܝ ܕܩܵܗܵܬ݂: ܥܲܡܪܲܡ ܘܝܲܨܗܵܪ: ܘܚܸܒ݂ܪܘܿܢ: ܘܥܘܼܙܹܝܠ: ܘܲܫܢܲܝܵܐ ܕܲܚܝܵܐ ܩܵܗܵܬ݂: ܡܵܐܐ ܘܲܬ݂ܠܵܬ݂ܝܼܢ ܘܲܬ݂ܠܵܬ݂ ܫܢܝܼܢ. |
[No book] |
| [19]ܘܲܒ݂ܢܵܘܗܝ ܕܲܡܪܵܪܝܼ: ܡܲܚܠܝܼ: ܘܡܘܼܫܝܼ: ܗܵܠܹܝܢ ܫܲܪܒ݂ܵܬ݂ܵܐ ܕܠܹܘܵܝܹ̈ܐ ܠܫܲܪܒ݂ܵܬ݂ܵܗܘܿܢ. |
[No book] |
| [20]ܘܲܢܣܲܒ݂ ܥܲܡܪܲܡ ܐܲܢ̄ܬܿܬ݂ܵܐ ܠܝܘܼܟ݂ܵܒ݂ܵܪ ܒܲܪܬ ܕܵܕܹܗ: ܘܝܸܠܕܲܬ݂ ܠܹܗ ܠܐܲܗܪܘܿܢ ܘܲܠܡܘܼܫܹܐ ܘܲܠܡܲܪܝܲܡ: ܘܲܫܢܲܝܵܐ ܕܲܚܝܵܐ ܥܲܡܪܲܡ ܡܵܐܐ ܘܲܬ݂ܠܵܬ݂ܝܼܢ ܘܲܫܒܲܥ ܫܢܝܼܢ. |
[No book] |
| [21]ܘܲܒ݂ܢܵܘܗܝ ܕܝܲܨܗܵܪ: ܩܘܼܪܚ ܘܲܢܦܲܓ݂ ܘܙܲܟ݂ܪܝܼ. |
[No book] |
| [22]ܘܲܒ݂ܢܵܘܗܝ ܕܥܘܼܙܹܝܠ: ܡܲܢܫܵܐܹܝܠ ܘܐܹܠܝܼܨܦܲܢ: ܘܣܲܬ݂ܪܝܼ. |
[No book] |
| [23]ܘܲܢܣܲܒ݂ ܐܲܗܪܘܿܢ ܠܐܹܠܝܼܫܒܲܥ ܒܲܪܬ݂ ܥܲܡܝܼܢܵܕ݂ܵܒ݂ ܚܵܬܹܗ ܕܢܸܚܫܘܿܢ ܐܲܢ̄ܬܿܬ݂ܵܐ: ܘܝܸܠܕܲܬ݂ ܠܹܗ ܠܢܵܕ݂ܵܒ݂ ܘܠܲܐܒ݂ܝܼܗܘܿ: ܘܠܹܐܠܝܼܥܵܙܵܪ ܘܠܐܝܼܬ݂ܵܡܵܪ. |
[No book] |
| [24]ܘܲܒ݂ܢܲܝ ܩܘܼܪܚ: ܐܵܣܝܼܪ ܘܗܲܠܩܵܢܵܐ ܘܐܲܟܸܿܢܣܵܦ: ܗܵܠܹܝܢ ܫܲܪܒ݂ܵܬ݂ܵܐ ܕܩܘܼܪܚ. |
[No book] |
| [25]ܘܐܹܠܝܼܥܵܙܲܪ ܒܲܪ ܐܲܗܪܘܿܢ ܢܣܲܒ݂ ܠܹܗ ܐܲܢ̄ܬܿܬ݂ܵܐ ܡܼܢ ܒܢܵܬܹܗ ܕܦܲܢܛܝܼܠ: ܘܝܸܠܕܲܬ݂ ܠܹܗ ܠܦܝܼܢܚܸܣ: ܗܵܠܹܝܢ ܪܹܫܹܐ ܕܫܲܪܒ݂ܵܬ݂ܵܐ ܕܠܹܘܵܝܹ̈ܐ ܠܫܲܪܒ݂ܵܬ݂ܵܗܘܿܢ. |
[No book] |
| [26]ܗܵܢܵܘ ܡܘܼܫܹܐ ܘܐܲܗܪܘܿܢ ܕܐܸܡܲܪ ܠܗܘܿܢ ܡܵܪܝܵܐ: ܐܲܦܸܩܘ ܠܲܒ݂̈ܢܲܝ ܝܼܣܪܵܝܹܠ ܡܼܢ ܐܲܪܥܵܐ ܕܡܸܨܪܹܝܢ ܟܠ ܚܲܝܠܵܘܵܬ݂ܗܘܿܢ. |
[No book] |
| [27]ܗܸܢܘܿܢ ܐܸܡܲܪܘ ܠܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܠܡܲܦܵܩܘܼ ܠܲܒ݂̈ܢܲܝ ܝܼܣܪܵܝܹܠ ܡܼܢ ܐܲܪܥܵܐ ܕܡܸܨܪܹܝܢ: ܡܘܼܫܹܐ ܘܐܲܗܪܘܿܢ. |
[No book] |
| [28]ܘܲܗܘܵܐ ܒܝܵܘܡܵܐ ܕܡܲܠܸܠ ܡܵܪܝܵܐ ܥܲܡ ܡܘܼܫܹܐ ܒܐܲܪܥܵܐ ܕܡܸܨܪܹܝܢ. |
[No book] |
| [29]ܡܲܠܸܠ ܡܵܪܝܵܐ ܥܲܡ ܡܘܼܫܹܐ ܘܐܸܡܲܪ ܠܹܗ: ܐܸܢܵܐ ܐ̄ܢܵܐ ܡܵܪܝܵܐ: ܐܸܡܲܪ ܠܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܟܠ ܡܸܕܸܿܡ ܕܐܵܡܲܪ ܐ̄ܢܵܐ ܠܵܟ݂. |
[No book] |
| [30]ܘܐܸܡܲܪ ܡܘܼܫܹܐ ܠܡܵܪܝܵܐ: ܕܝܼܠܝ ܠܥܸܓ݂ ܠܸܫܵܢܝ: ܐܲܝܟܲܢܵܐ ܢܸܫܡܥܲܢܝ ܦܸܪܥܘܿܢ. |
[No book] |