|
|
| [1]ܘܐܸܡܲܪ ܡܵܪܝܵܐ ܠܡܘܼܫܹܐ: ܚܙܝܼ ܕܝܲܗ̄ܒ݂ܬܵܟ݂ ܐܲܠܵܗܵܐ ܠܦܸܪܥܘܿܢ: ܘܐܲܗܪܘܿܢ ܐܲܚܘܼܟ݂ ܢܸܗܘܸܐ ܢܒ݂ܝܼܵܟ݂. |
[No book] |
| [2]ܐܲܢ̄ܬܿ ܬܹܐܡܲܪ ܟܠ ܡܸܕܸܿܡ ܕܲܡܦܲܩܸܕ݂ ܐ̄ܢܵܐ ܠܵܟ݂: ܘܐܲܗܪܘܿܢ ܐܲܚܘܼܟ݂ ܢܹܐܡܲܪ ܠܦܸܪܥܘܿܢ: ܘܠܲܒ݂̈ܢܲܝ ܝܼܣܪܵܝܹܠ ܢܫܲܕܲܪ ܡܼܢ ܐܲܪܥܹܗ. |
[No book] |
| [3]ܘܐܸܢܵܐ ܐܹܩܲܫܸܐ ܠܸܒܹܿܗ ܕܦܸܪܥܘܿܢ: ܘܐܲܣܓܹܿܐ ܐܵܬ݂ܘܵܬ݂ܝ ܘܬܸܕ݂ܡܪܵܬ݂ܝ ܒܐܲܪܥܵܐ ܕܡܸܨܪܹܝܢ. |
[No book] |
| [4]ܘܠܵܐ ܢܸܫܡܲܥܟ݂ܘܿܢ ܦܸܪܥܘܿܢ: ܘܐܸܬܸܿܠ ܐܝܼܕ݂ܝ ܒܡܸܨܪܹܝܢ: ܘܐܲܦܸܩ ܚܲܝܠܵܘܵܬ݂ܝ ܘܥܲܡܝ ܒ̈ܢܲܝ ܝܼܣܪܵܝܹܠ ܡܼܢ ܐܲܪܥܵܐ ܕܡܸܨܪܹܝܢ ܒܕ݂ܝܼܢܹ̈ܐ ܪܵܘܪܒܹܐ. |
[No book] |
| [5]ܘܢܸܕܥܘܼܢ ܡܸܨܪܵܝܹܐ ܕܐܸܢܵܐ ܐ̄ܢܵܐ ܡܵܪܝܵܐ: ܡܵܐ ܕܐܵܪܝܼܡܹܬ݂ ܐܝܼܕ݂ܝ ܥܲܠ ܡܸܨܪܵܝܹܐ: ܘܐܲܦܩܹܬ݂ ܠܲܒ݂̈ܢܲܝ ܝܼܣܪܵܝܹܠ ܡܼܢ ܒܲܝܢܵܬ݂ܗܘܿܢ. |
[No book] |
| [6]ܘܲܥܒܲܕ݂ܘ ܡܘܼܫܹܐ ܘܐܲܗܪܘܿܢ ܐܲܝܟ݂ ܕܦܲܩܸܕ݂ ܐܸܢܘܿܢ ܡܵܪܝܵܐ: ܗܵܟܲܢܵܐ ܥܒܲܕ݂ܘ. |
[No book] |
| [7]ܘܡܘܼܫܹܐ ܒܲܪ ܬܡܵܢܐܝܼܢ ܗ̄ܘܵܐ ܫܢܝܼܢ: ܘܐܲܗܪܘܿܢ ܒܲܪ ܬܡܵܢܐܝܼܢ ܗ̄ܘܵܐ ܘܲܬ݂ܠܵܬ݂ ܫܢܝܼܢ: ܟܲܕ݂ ܡܲܠܸܠܘ ܥܲܡ ܦܸܪܥܘܿܢ. |
[No book] |
| [8]ܘܐܸܡܲܪ ܡܵܪܝܵܐ ܠܡܘܼܫܹܐ ܘܠܲܐܗܪܘܿܢ. |
[No book] |
| [9]ܐܸܢ ܐܸܡܲܪ ܠܟ݂ܘܿܢ ܦܸܪܥܘܿܢ: ܗܲܒ݂ܘ ܠܝܼ ܐܵܬ݂ܵܐ: ܐܸܡܲܪ ܠܐܲܗܪܘܿܢ ܣܲܒ݂ ܚܘܼܛܪܵܟ݂ ܘܐܲܪܡܵܐ ܩܕ݂ܵܡ ܦܸܪܥܘܿܢ: ܘܢܸܗܘܸܐ ܬܲܢܝܼܢܵܐ. |
[No book] |
| [10]ܘܐܸܬ݂ܵܘ ܡܘܼܫܹܐ ܘܐܲܗܪܘܿܢ ܠܘܵܬ݂ ܦܸܪܥܘܿܢ: ܘܲܥܒܲܕ݂ܘ ܗܵܟܲܢܵܐ: ܐܲܝܟܲܢܵܐ ܕܦܲܩܸܕ݂ ܐܸܢܘܿܢ ܡܵܪܝܵܐ: ܘܐܲܪܡܝܼ ܐܲܗܪܘܿܢ ܚܘܼܛܪܹܗ ܩܕ݂ܵܡ ܦܸܪܥܘܿܢ: ܘܲܩܕ݂ܵܡ ܚܹܐܪܵܘܗܝ: ܘܲܗܘܵܐ ܬܲܢܝܼܢܵܐ. |
[No book] |
| [11]ܘܲܩܪܵܐ ܦܸܪܥܘܿܢ ܠܚܲܟܝܼܡܹ̈ܐ ܘܲܠܚܲܪ̈ܵܫܹܐ: ܘܲܥܒܲܕ݂ܘ ܐܵܦ ܗܸܢܘܿܢ ܚܲܪܵܫܹܐ ܕܡܸܨܪܹܝܢ ܒܚܲܪܵܫܲܝܗܘܿܢ ܗܵܟܲܢܵܐ. |
[No book] |
| [12]ܘܐܲܪܡܝܼܘ ܓܒܲܪ ܚܘܼܛܪܹܗ ܩܕ݂ܵܡ ܦܸܪܥܘܿܢ ܘܲܗܘܵܘ ܬܲܢܝܼܢܹܐ: ܘܲܒ݂ܠܲܥ ܚܘܼܛܪܵܐ ܕܐܲܗܪܘܿܢ ܠܚܘܼܛܪܲܝܗܘܿܢ. |
[No book] |
| [13]ܘܐܸܬ݂ܥܲܫܲܢ ܠܸܒܹܿܗ ܕܦܸܪܥܘܿܢ ܘܠܵܐ ܫܲܕܲܪ ܐܸܢܘܿܢ: ܐܲܝܟܲܢܵܐ ܕܐܸܡܲܪ ܡܵܪܝܵܐ. |
[No book] |
| [14]ܘܐܸܡܲܪ ܡܵܪܝܵܐ ܠܡܘܼܫܹܐ: ܐܸܬ݂ܥܲܫܲܢ ܠܸܒܹܿܗ ܕܦܸܪܥܘܿܢ: ܘܠܵܐ ܨܒ݂ܵܐ ܠܲܡܫܲܕܵܪܘܼ ܠܥܲܡܵܐ. |
[No book] |
| [15]ܙܸܠ ܠܘܵܬ݂ ܦܸܪܥܘܿܢ ܒܨܲܦܪܵܐ: ܗܵܐ ܢܵܦܹܩ ܠܡܲܝܵܐ: ܩܘܼܡ ܠܩܘܼܒ݂ܠܹܗ ܥܲܠ ܣܸܦܬܹܗ ܕܢܲܗܪܵܐ: ܘܚܘܼܛܪܵܐ ܕܲܗܘܵܐ ܚܸܘܝܵܐ ܣܲܒ݂ ܒܐܝܼܕ݂ܵܟ݂. |
[No book] |
| [16]ܘܐܸܡܲܪ ܠܹܗ: ܡܵܪܝܵܐ ܐܲܠܵܗܵܐ ܕܥܸܒ݂ܪܵܝܹܐ ܫܲܕܪܲܢܝ ܠܘܵܬ݂ܵܟ݂: ܘܐܸܡܲܪ: ܫܲܕܲܪ ܠܥܲܡܝ: ܘܢܸܦܠܚܲܢܝ ܒܡܲܕ݂ܒܿܪܵܐ: ܘܗܵܐ ܥܕܲܡܵܐ ܠܗܵܫܵܐ ܠܵܐ ܫܵܡܲܥ ܐܲܢ̄ܬ. |
[No book] |
| [17]ܗܵܟܲܢܵܐ ܐܵܡܲܪ ܡܵܪܝܵܐ: ܒܗܵܕܹܐ ܕܐܸܢܵܐ ܐ̄ܢܵܐ ܡܵܪܝܵܐ: ܗܵܐ ܡܵܚܹܐ ܐ̄ܢܵܐ ܒܚܘܼܛܪܵܐ ܕܒ݂ܐܝܼܕܲܝ ܥܲܠ ܡܲܝܵܐ ܕܲܒ݂ܢܲܗܪܵܐ: ܘܢܸܬ݂ܗܲܦܟܿܘܼܢ ܘܢܸܗܘܘܿܢ ܕܡܵܐ. |
[No book] |
| [18]ܘܢܘܼܢܹܐ ܕܲܒ݂ܢܲܗܪܵܐ ܢܡܘܼܬ݂ܘܼܢ: ܘܢܸܣܪܹܐ ܢܲܗܪܵܐ: ܘܢܸܬܿܛܲܪܦܘܼܢ ܡܸܨܪܵܝܹܐ ܠܡܸܫܬܵܐ ܡܲܝܵܐ ܡܼܢ ܢܲܗܪܵܐ. |
[No book] |
| [19]ܘܐܸܡܲܪ ܡܵܪܝܵܐ ܠܡܘܼܫܹܐ: ܐܸܡܲܪ ܠܐܲܗܪܘܿܢ: ܣܲܒ݂ ܚܘܼܛܪܵܟ݂: ܘܐܲܪܝܼܟ݂ ܐܝܼܕ݂ܵܟ݂ ܥܲܠ ܡܲܝܵܐ ܕܡܸܨܪܵܝܹܐ: ܥܲܠ ܢܲܗܪܵܘܵܬ݂ܗܘܿܢ ܘܥܲܠ ܩܲܒ݂ܝܵܬ݂ܗܘܿܢ: ܘܥܲܠ ܐܵܓ݂ܡܲܝܗܘܿܢ: ܘܥܲܠ ܪܵܡܹܐ ܕܡܲܝܲܝܗܘܿܢ: ܘܢܸܗܘܘܿܢ ܕܡܵܐ: ܘܢܸܗܘܸܐ ܕܡܵܐ ܒܟ݂ܠܵܗ ܐܲܪܥܵܐ ܕܡܸܨܪܹܝܢ: ܘܲܒ݂ܩܲܝܣܹ̈ܐ ܘܲܒ݂ܟܹܐܦܹ̈ܐ. |
[No book] |
| [20]ܘܲܥܒܲܕ݂ܘ ܗܵܟܲܢܵܐ ܡܘܼܫܹܐ ܘܐܲܗܪܘܿܢ: ܐܲܝܟܲܢܵܐ ܕܦܲܩܸܕ݂ ܐܸܢܘܿܢ ܡܵܪܝܵܐ: ܘܐܵܪܝܼܡ ܐܲܗܪܘܿܢ ܒܚܘܼܛܪܵܐ ܕܒ݂ܐܝܼܕܹܗ: ܘܲܡܚܵܐ ܠܡܲܝܵܐ ܕܲܒ݂ܢܲܗܪܵܐ ܠܥܹܝܢ ܦܸܪܥܘܿܢ: ܘܲܠܥܹܝܢ ܥܲܒ݂ܕܵܘܗܝ: ܘܲܗܘܵܘ ܠܗܘܿܢ ܟܠܗܘܿܢ ܡܲܝܵܐ ܕܲܒ݂ܢܲܗܪܵܐ ܕܡܵܐ. |
[No book] |
| [21]ܘܢܘܼܢܹ̈ܐ ܕܲܒ݂ܢܲܗܪܵܐ ܡܝܼܬ݂ܘ: ܘܲܣܪܝܼ ܢܲܗܪܵܐ: ܘܠܵܐ ܐܸܫܟܲܚܘ ܡܸܨܪܵܝܹܐ ܠܡܸܫܬܵܐ ܡܲܝܵܐ ܡܼܢ ܢܲܗܪܵܐ: ܘܲܗܘܵܐ ܕܡܵܐ ܒܟ݂ܠܵܗ ܐܲܪܥܵܐ ܕܡܸܨܪܹܝܢ. |
[No book] |
| [22]ܘܲܥܒܲܕ݂ܘ ܗܵܟܲܢܵܐ ܚܲܪܵܫܹܐ ܕܡܸܨܪܹܝܢ ܒܚܲܪܵܫܲܝܗܘܿܢ: ܘܐܸܬ݂ܥܲܒܿܝܼ ܠܸܒܹܿܗ ܕܦܸܪܥܘܿܢ ܘܠܵܐ ܫܡܲܥ ܐܸܢܘܿܢ: ܐܲܝܟ݂ ܕܐܸܡܲܪ ܡܵܪܝܵܐ. |
[No book] |
| [23]ܘܲܗܦܲܟ݂ ܦܸܪܥܘܿܢ ܘܥܲܠ ܠܒܲܝܬܹܿܗ: ܘܗܵܕܹܐ ܠܵܐ ܐܲܝܬܿܝܼ ܥܲܠ ܒܵܠܹܗ. |
[No book] |
| [24]ܘܲܚܦܲܪܘ ܟܠܗܘܿܢ ܡܸܨܪܵܝܹܐ ܚܕ݂ܵܪܵܘܗܝ ܕܢܲܗܪܵܐ ܡܲܝܵܐ ܠܡܸܫܬܵܐ: ܡܸܛܠ ܕܠܵܐ ܡܸܫܟܿܚܝܼܢ ܗ̄ܘܵܘ ܠܡܸܫܬܵܐ ܡܼܢ ܡܲܝܵܐ ܕܢܲܗܪܵܐ. |
[No book] |
| [25]ܘܲܫܠܸܡܘ ܫܲܒ݂ܥܵܐ ܝܵܘܡܝܼܢ ܡܼܢ ܒܵܬܲܪ ܕܲܡܚܵܐ ܡܵܪܝܵܐ ܠܢܲܗܪܵܐ. |
[No book] |