➖ »
«
➖ ➕
Peshitta OT
PesOT
Westcott/Hort Greek NT (1881)
W/H GNT
←
Ezekiel
Eze
12
→
[1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[2]ܒܲܪܢܵܫܵܐ: ܒܓ̣ܵܘ ܒܲܝܬܵܐ ܡܡܲܪܡܪܵܢܵܐ ܝܵܬܹ̇ܒ̣ ܐܲܢ̄ܬ̇: ܕܥܲܝܢܹ̈ܐ ܐܝܼܬ̣ ܠܗܘܿܢ ܘܠܵܐ ܚܵܙܹ̇ܝܢ: ܘܐܸܕܼܢܹ̈ܐ ܐܝܼܬ̣ ܠܗܘܿܢ ܘܠܵܐ ܫܵܡ̇ܥܝܼܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. [No book]
[3]ܐܲܢ̄ܬ̇ ܕܹܝܢ ܒܲܪܢܵܫܵܐ: ܥܒܸܕܼ ܠܵܟ ܡܵܐܢܹ̈ܐ ܕܲܫܒ̣ܝܼܬ̣ܵܐ: ܘܐܸܫܬܲܒ̣ܚ̄ ܒܐܝܼܡܵܡܵܐ ܠܥܹܢܲܝܗܘܿܢ: ܡ̣ܢ ܐܲܬ̣ܪܵܟ ܠܐܲܬ̣ܪܵܐ ܐ̄ܚܪܹܢܵܐ ܕܢܸܚܙܘܿܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. [No book]
[4]ܘܐܲܦܸܩ ܡܵܐܢܲܝ̈ܟ ܐܲܝܟ ܡܵܐܢܹ̈ܐ ܕܲܫܒ̣ܝܼܬ̣ܵܐ ܒܐܝܼܡܵܡܵܐ ܠܥܹܢܲܝܗܘܿܢ: ܘܐܲܢ̄ܬ̇ ܦܘܿܩ ܒܪܲܡܫܵܐ ܐܲܝܟ ܕܲܒ̣ܫܸܒ̣ܝܵܐ. [No book]
[5]ܘܲܬ̣ܪܘܿܥ ܐܸܣܬ̣ܵܐ ܠܥܹܢܲܝܗܘܿܢ ܘܦܘܿܩ ܒܵܗ̇. [No book]
[6]ܘܲܫܩܘܿܠ ܫܩܘܼܠܬܵܐ ܥܲܠ ܟܲܬܦܵܟ: ܘܦܘܿܩ ܒܥܲܡܛܵܢܵܐ: ܘܟܲܣܵܐ ܐܲܦܲܝ̈ܟ ܘܠܵܐ ܬܸܚܙܹܐ ܠܐܲܪܥܵܐ: ܡܸܛܠ ܕܐܵܬ̤ܵܐ ܝܲܗ̄ܒ̣ܬܵܟ ܠܲܕܼܒܹܝܬ̣ ܝܑܼܣܪܵܝܹܠ. [No book]
[7]ܘܥܸܒ̣ܕܹ̇ܬ̣ ܗܵܟܲܢܵܐ ܐܲܝܟ ܕܦܲܩ̣ܕܲܢܝ: ܡܵܐܢܲܝ̈ ܐܲܦܩܹ̇ܬ̣ ܒܐܝܼܡܵܡܵܐ: ܐܲܝܟ ܡܵܐܢܹ̈ܐ ܕܲܫܒ̣ܝܼܬ̣ܵܐ: ܘܐܸܣܬ̣ܵܐ ܬܸܪܥܹܬ̣ ܒܪܲܡܫܵܐ: ܘܲܒ̣ܥܲܡܛܵܢܵܐ ܢܸܦܩܹ̇ܬ̣: ܘܥܲܠ ܟܲܬ̣ܦܝ ܫܸܩܠܹ̇ܬ̣ ܠܥܹܢܲܝܗܘܿܢ. [No book]
[8]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܒܨܲܦܪܵܐ ܠܡܹܐܡܲܪ. [No book]
[9]ܒܲܪܢܵܫܵܐ: ܐܸܢ ܐܵܡ̇ܪܝܼܢ ܠܵܟ ܕܒܹܝܬ̣ ܝܑܼܣܪܵܝܹܠ ܒܲܝܬܵܐ ܡܡܲܪܡܪܵܢܵܐ: ܡܵܢܵܐ ܥܵܒܹ̇ܕܼ ܐܲܢ̄ܬ̇. [No book]
[10]ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܪܲܒܵܐ ܢܸܫܩܘܿܠ ܫܩܘܼܠܬܵܐ ܗܵܕܹܐ ܒܐܘܿܪܸܫܠܸܡ: ܘܟ̣ܠܗܘܿܢ ܕܒܹܝܬ̣ ܝܑܼܣܪܵܝܹܠ ܥܲܡܹܗ. [No book]
[11]ܘܐܸܡܲܪ ܠܗܘܿܢ: ܐܸܢܵܐ ܐ̄ܢܵܐ ܐܵܬ̤ܟ̣ܘܿܢ: ܐܲܝܟ ܕܥܸܒ̣ܕܹ̇ܬ̣ ܗܵܟܲܢܵܐ ܢܸܬ̣ܥ̱ܒܸܕܼ ܠܟ̣ܘܿܢ: ܘܒܲܫܒ̣ܝܼܬ̣ܵܐ ܬܹܐܙܠ̄ܘܼܢ. [No book]
[12]ܘܪܲܒܵܐ ܕܲܒ̣ܟ̣ܘܿܢ ܥܲܠ ܟܲܬ̣ܦܹܗ ܢܸܫܩܘܿܠ: ܘܲܒ̣ܥܲܡܛܵܢܵܐ ܢܸܦܘܿܩ: ܘܢܸܬ̣ܪܘܿܥ ܐܸܣܬ̣ܵܐ ܕܢܸܦܘܿܩ ܒܵܗ̇: ܘܲܢܚܲܦܸܐ ܐܲܦܵܘ̈ܗܝ ܕܠܵܐ ܢܸܚܙܹܝܗ̇ ܠܐܲܪܥܵܐ. [No book]
[13]ܘܐܸܦܪܘܿܣ ܡܨܝܼܕ̇ܬ̇ܝ ܥܠܵܘܗܝ ܘܢܸܬ̇ܬ̇ܨܝܼܕܼ ܒܵܗ̇: ܘܐܲܝܬܹ̇ܝܘܗܝ ܠܒ̣ܵܒܹܠ ܠܐܲܪܥܵܐ ܕܟܲܠܕܼܵܝܹ̈ܐ: ܘܠܵܐ ܢܸܚܙܹܝܗ̇: ܘܬܲܡܵܢ ܢܡܘܼܬ̣. [No book]
[14]ܘܟ̣ܠܗܘܿܢ ܕܲܚܕܼܝܼܪܝܼܢ ܠܹܗ ܘܲܡܥܲܕ̇ܪܝܼܢ ܠܹܗ ܘܲܡܥܲܫܢܝܼܢ ܠܹܗ: ܐܸܕܼܪܸܐ ܠܟܠ ܪܘܼܚ: ܘܚܲܪܒܵܐ ܐܹܫܲܕܲܪ ܒܵܬܲܪܗܘܿܢ. [No book]
[15]ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܕܒܲܕ̇ܪܹܬ̣ ܐܸܢܘܿܢ ܒܹܝܬ̣ ܥܲܡܡܹ̈ܐ: ܘܲܕܼܪܹܝܬ̣ ܐܸܢܘܿܢ ܒܐܲܪ̈ܥܵܬ̣ܵܐ. [No book]
[16]ܘܐܵܘܬܲܪ ܡܸܢܗܘܿܢ ܓܲܒ̣ܪܹ̈ܐ ܒܡܸܢܝܵܢܵܐ: ܡ̣ܢ ܚܲܪܒܵܐ ܘܡ̣ܢ ܟܲܦܢܵܐ ܘܡ̣ܢ ܡܵܘܬܵܐ: ܕܢܸܫܬܲܥܘܿܢ ܟܠܵܗ̇ ܛܲܢܦܘܼܬ̣ܗܘܿܢ ܒܹܝܬ̣ ܥܲܡܡܹ̈ܐ ܕܐܸܙܲܠܘ ܠܘܵܬ̣ܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
17[No verse] [No book]
[18]ܒܲܪܢܵܫܵܐ: ܠܲܚܡܵܟ ܒܙܵܘܸܥܬ̣ܵܐ ܬܹܐܟ̣ܘܿܠ: ܘܡܲܝ̈ܟ ܒܙܵܘܸܥܬ̣ܵܐ ܘܲܒ̣ܕܸܚ̱ܠܬ̣ܵܐ ܬܸܫܬܸ̇ܐ. [No book]
[19]ܘܐܸܡܲܪ ܠܥܲܡܵܐ ܕܐܲܪܥܵܐ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܘܠܲܐܪܥܵܐ ܕܝܼܣܪܵܝܹܠ: ܠܲܚ̱ܡܗܘܿܢ ܒܕܸܚ̱ܠܬ̣ܵܐ ܢܹܐܟ̣ܠܘܼܢ: ܘܡܲܝ̈ܗܘܿܢ ܒܬܸܡܗܵܐ ܢܸܫܬ̇ܘܿܢ: ܡܸܛܠ ܕܚܵܪܒܵܐ ܐܲܪܥܵܐ ܒܲܡܠܹܐܵܗ̇: ܡ̣ܢ ܥܵܘܼܠܵܐ ܕܟ̣ܠܗܘܿܢ ܥܲܡܘܿܪܹ̈ܝܗ̇. [No book]
[20]ܘܲܡܕܼܝܼ̈ܢܵܬ̣ܵܐ ܕܝܵܬ̣̈ܒܵܢ ܢܸܚ̱ܪ̈ܒ̣ܵܢ: ܘܐܲܪܥܵܐ ܠܲܚܒ̣ܵܠܵܐ ܬܸܗܘܹܐ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
[21]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[22]ܒܲܪܢܵܫܵܐ: ܡܵܢܵܘ ܡܲܬ̣ܠܵܐ ܗܵܢܵܐ ܕܡܲܡܬ̇ܠܝܼܢ ܥܠܲܝܟ̇ܘܿܢ ܒܐܲܪܥܵܐ ܕܝܼܣܪܵܝܹܠ: ܘܐܵܡ̇ܪܝܼܢ ܢܸܓ̇ܪܘܼܢ ܝܵܘ̈ܡܵܬ̣ܵܐ: ܘܢܹܐܒܲܕܼ ܟܠܹܗ ܚܸܙܘܵܐ. [No book]
[23]ܡܸܛܠ ܗܵܢܵܐ ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܒܲܛܸܠ ܐ̄ܢܵܐ ܠܹܗ ܠܡܲܬ̣ܠܵܐ ܗܵܢܵܐ: ܘܠܵܐ ܢܲܡܬ̇ܠܘܼܢܹܗ ܬܘܼܒ̣ ܒܝܼܣܪܵܝܹܠ: ܐܸܠܵܐ ܐܸܡܲܪ ܠܗܘܿܢ: ܢܸܩ̱ܪܒ̣ܘܼܢ ܝܵܘ̈ܡܵܬ̣ܵܐ ܘܢܸܗܘܹܐ ܟܠܹܗ ܚܸܙܘܵܐ. [No book]
[24]ܘܬ̣ܘܼܒ̣ ܠܵܐ ܢܸܗܘܹܐ ܟܠ ܚܸܙܘܵܐ ܕܲܓܵܠܵܐ: ܘܩܸܨܡܵܐ ܕܦܵܠܓܘܼܬ̣ܵܐ ܒܲܝܢܵܬ̣ ܒܢܲܝ̈ ܝܼܣܪܵܝܹܠ. [No book]
[25]ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܹܡ̇ܪܹܬ̣: ܘܐܵܡܲܪ ܐ̄ܢܵܐ ܡܸܠܬ̣ܵܐ ܘܥܵܒܹ̇ܕܼ ܐ̄ܢܵܐ ܠܵܗ̇: ܘܠܵܐ ܡܫܵܘܚܲܪ ܐ̄ܢܵܐ: ܘܲܒ̣ܝܵܘ̈ܡܵܬ̣ܟ̣ܘܿܢ ܒܲܝܬܵܐ ܡܡܲܪܡܪܵܢܵܐ: ܐܹܡܲܪ ܡܸܠܬ̣ܵܐ ܘܐܸܥܒ̇ܕܼܝܼܗ̇ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[26]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[27]ܒܲܪܢܵܫܵܐ: ܗܵܐ ܕܒܹܝܬ̣ ܝܑܼܣܪܵܝܹܠ ܐܵܡ̇ܪܝܼܢ: ܚܸܙܘܵܐ ܕܚܵܙܹ̇ܐ ܗܵܢܵܐ: ܠܝܵܘ̈ܡܵܬ̣ܵܐ ܗ̄ܘܼ ܣܲܓ̇ܝܼ̈ܐܹܐ ܘܲܠܙܲܒ̣ܢܹ̈ܐ ܪ̈ܲܚܝܼܩܹܐ ܡܸܬ̣ܢܲܒܸ̇ܐ. [No book]
[28]ܡܸܛܠ ܗܵܢܵܐ ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܬܘܼܒ̣ ܠܵܐ ܢܸܗܘܹܐ ܦܵܘܫܵܐ ܠܡܸܠܲܝ̈: ܡܸܠܬ̣ܵܐ ܕܐܵܡܲܪ ܐ̄ܢܵܐ ܥܵܒܹ̇ܕܼ ܐ̄ܢܵܐ ܠܹܗ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
Author: Brooke Foss Westcott (1825–1901), Fenton John Anthony Hort (1828–1892)
Source: www.unboundbible.org

See information...
Top