«
King James Version with Samaritan Pentateuch
KJV(SP)
Peshitta OT
PesOT
[No book] [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ.
[No book] [2]ܒܲܪܢܵܫܵܐ: ܡܵܢܵܐ ܢܸܗܘܹܐ ܠܩܲܝܣܵܐ ܕܲܓ̣ܦܸܬ̣ܵܐ ܡ̣ܢ ܟܠ ܩܹܝܣ: ܫܒܸܫܬܵܐ ܕܲܗܘ̤ܵܬ̣ ܒܩܲܝ̈ܣܹܐ ܕܥܵܒ̣ܵܐ.
[No book] [3]ܕܲܠܡܵܐ ܡܸܬ̣ܢ̱ܣܸܒ̣ ܡܸܢܵܗ̇ ܩܲܝܣܵܐ ܠܡܸܥܒܲܪ ܡܸܢܹܗ ܥܒ̣ܵܕܼܵܐ: ܐܵܘ ܢܵܣܒ̇ܝܼܢ ܡܸܢܵܗ̇ ܣܸܟ̇ܬ̣ܵܐ ܠܡܸܬ̣ܠܵܐ ܒܵܗ̇ ܡܵܐܢܹ̈ܐ.
[No book] [4]ܐܸܠܵܐ ܐܸܬ̣ܝܲܗܒܲܬ̤ ܡܹܐܟ̣ܘܼܠܬܵܐ ܠܢܘܼܪܵܐ: ܘܬܲܪܬܹ̇ܝܢ ܣܵܘ̈ܟܹ̇ܝܗ̇ ܐܸܟ̣ܠܲܬ̤ ܢܘܼܪܵܐ: ܘܓ̣ܵܘܵܗ̇ ܚܪܸܒ̣: ܕܲܠܡܵܐ ܐܵܙܵܠ̄ܐ ܠܲܥܒ̣ܵܕܼܵܐ.
[No book] [5]ܘܟܲܕܼ ܕܲܕܼܠܵܐ ܡܘܼܡ ܗ̄ܘܼܵܬ̣ ܠܵܐ ܐܵܙܵܠ̄ܐ ܗ̄ܘܼܵܬ̣ ܠܲܥܒ̣ܵܕܼܵܐ: ܗܵܫܵܐ ܕܐܸܟܲܠܬ̣ܵܗ̇ ܢܘܼܪܵܐ ܘܚܸܪܒܲܬ̤: ܐܲܝܟܲܢܵܐ ܐܵܙܵܠ̄ܐ ܠܲܥܒ̣ܵܕܼܵܐ.
[No book] [6]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܲܝܟ ܕܝܸܗ̄ܒܹ̇ܬ̣ ܩܲܝܣܵܐ ܕܲܓ̣ܦܸܬ̣ܵܐ ܡ̣ܢ ܟܠܗܘܿܢ ܩܲܝܣܹ̈ܐ ܕܥܵܒ̣ܵܐ ܡܹܐܟ̣ܘܼܠܬܵܐ ܠܢܘܼܪܵܐ: ܗܵܟܲܢܵܐ ܝܸܗ̄ܒܹ̇ܬ̣ ܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ.
[No book] [7]ܘܐܸܬܸ̇ܠ ܪܘܼܓ̣ܙܝ ܒܗܘܿܢ: ܡ̣ܢ ܢܘܼܪܵܐ ܢܦܲܩ̣ܘ ܘܢܘܼܪܵܐ ܬܹܐܟ̣ܘܿܠ ܐܸܢܘܿܢ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܡܵܐ ܕܣܵܡܹ̇ܬ̣ ܪܘܼܓ̣ܙܝ ܥܠܲܝܗܘܿܢ.
[No book] [8]ܘܐܸܬ̇ܠܝܼܗ̇ ܠܐܲܪܥܵܐ ܠܲܚܒ̣ܵܠܵܐ ܘܲܠܬܸܡܗܵܐ: ܥܲܠ ܕܲܥܒܲܕܼܘ ܥܵܘܼܠܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ.
See information...
Top