➖ »
«
➖ ➕
Aleppo Codex (~920)
Alep
Peshitta NT (1905)
PesNT(1905)
←
Ezekiel
Eze
17
→
[1]ויהי דבר יהוה אלי לאמר [No book]
[2]בן אדם חוד חידה ומשל משל אל בית ישראל [No book]
[3]ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה־בא אל הלבנון ויקח את צמרת הארז [No book]
[4]את ראש יניקותיו קטף ויביאהו אל ארץ כנען בעיר רכלים שמו [No book]
[5]ויקח מזרע הארץ ויתנהו בשדה זרע קח על מים רבים צפצפה שמו [No book]
[6]ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן־ותעש בדים ותשלח פראות [No book]
[7]ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה [No book]
[8]אל שדה טוב אל מים רבים היא שתולה־לעשות ענף ולשאת פרי להיות לגפן אדרת [No book]
[9]אמר כה אמר אדני יהוה־תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה [No book]
[10]והנה שתולה התצלח הלא כגעת בה רוח הקדים תיבש יבש על ערגת צמחה תיבש [No book]
[11]ויהי דבר יהוה אלי לאמר [No book]
[12]אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלה [No book]
[13]ויקח מזרע המלוכה ויכרת אתו ברית ויבא אתו באלה ואת אילי הארץ לקח [No book]
[14]להיות ממלכה שפלה לבלתי התנשא לשמר את בריתו לעמדה [No book]
[15]וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלט [No book]
[16]חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו־אתו בתוך בבל ימות [No book]
[17]ולא בחיל גדול ובקהל רב יעשה אותו פרעה במלחמה בשפך סללה ובבנות דיק־להכרית נפשות רבות [No book]
[18]ובזה אלה להפר ברית והנה נתן ידו וכל אלה עשה לא ימלט [No book]
[19]לכן כה אמר אדני יהוה חי אני אם לא אלתי אשר בזה ובריתי אשר הפיר־ונתתיו בראשו [No book]
[20]ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי [No book]
[21]ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתי [No book]
[22]כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול [No book]
[23]בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף־בצל דליותיו תשכנה [No book]
[24]וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי [No book]
Source: unbound.biola.edu
Top