|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[1]ויהי דבר יהוה אלי לאמר |
| [2]ܒܲܪܢܵܫܵܐ: ܐܲܚܘܿܕܼ ܐܘܼܚܕ̇ܬ̣ܵܐ: ܘܐܲܡܬܸ̇ܠ ܡܲܬ̣ܠܵܐ ܥܲܠ ܕܒܹܝܬ̣ ܝܑܼܣܪܵܝܹܠ. |
[2]בן אדם חוד חידה ומשל משל אל בית ישראל |
| [3]ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܢܸܫܪܵܐ ܪܲܒܵܐ ܕܪܵܘܪܒ̣ܝܼܢ ܓܸܦܵܘ̈ܗܝ: ܘܐܲܪܝܼܟ̣ܝܼܢ ܓܸܠܦܵܢܵܘ̈ܗܝ: ܘܡܲܠ̈ܝܵܢ ܛܸܦܪ̈ܵܘܗܝ: ܘܥܲܒ̇ܝܼܛ ܡܸܠܓܹ̇ܗ: ܐܸܬ̣ܵܐ ܠܠܸܒ̣ܢܵܢ: ܘܲܢܣܲܒ̣ ܡ̣ܢ ܓܒܲـ̈ـܝܵܐ ܕܥܲܪ̈ܩܹܐ. |
[3]ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה־בא אל הלבנון ויקח את צמרת הארז |
| [4]ܘܲܩ̣ܛܲܡ ܪܹܫ ܡܲܪܒ̇ܝܼܬܹܗ: ܘܐܲܝܬ̇ܝܹܗ ܠܐܲܪܥܵܐ ܕܲܟ̣ܢܲܥܢ: ܘܣܵܡܹܗ ܒܲܡܕܼܝܼܢ̄ܬܵܐ ܕܬܲܓܵܪܹ̈ܐ. |
[4]את ראש יניקותיו קטף ויביאהו אל ארץ כנען בעיר רכלים שמו |
| [5]ܘܲܢܣܲܒ̣ ܡ̣ܢ ܙܲܪܥܵܐ ܕܐܲܪܥܵܐ: ܘܐܲܪܡܝܼ ܒܡܲܕܼܒ̇ܪܵܐ: ܢܸܨܒ̇ܬ̣ܵܐ ܥܲܠ ܡܲـ̈ـܝܵܐ ܣܲܓ̇ܝܼ̈ܐܹܐ: ܘܣܵܡܵܗ̇ ܠܕܼܵܘܩܵܐ. |
[5]ויקח מזרע הארץ ויתנהו בשדה זרע קח על מים רבים צפצפה שמו |
| [6]ܘܝܼܥܵܬ̤ ܘܲܗܘ̤ܵܬ̣ ܓܦܸܬܵܐ ܡܪܲܥܲܕ̇ܬ̣ܵܐ ܘܡܲܟ̇ܝܼܟܲܬ̣ ܩܵܘܡܬ̣ܵܐ: ܕܢܸܬ̣ܚܙܘܿܢ ܫܲܒ̇ܘܼܩܹ̈ܝܗ̇ ܥܠܵܘܗܝ: ܘܥܸܩܵܪܹ̈ܝܗ̇ ܢܸܗܘܘܿܢ ܬܚܘܿܬ̣ܵܘܗܝ: ܘܲܗܘ̤ܵܬ̣ ܓܦܸܬܵܐ ܘܥܸܒܲܕܲܬ̤ ܫܲܒ̇ܘܼܩܹ̈ܐ: ܘܦܸܫܛܲܬ̤ ܥܢܵܩܹ̈ܝܗ̇. |
[6]ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן־ותעש בדים ותשלח פראות |
| [7]ܗܵܐ ܢܸܫܪܵܐ ܐ̄ܚܪܹܢܵܐ ܪܲܒܵܐ ܕܪܵܘܪܒ̣ܝܼܢ ܓܸܦܵܘ̈ܗܝ: ܘܣܲܓ̇ܝܼܵܐ̈ܢ ܛܸܦܪ̈ܵܘܗܝ: ܘܲܓ̣ܦܸܬܵܐ ܗܵܕܹܐ ܐܲܟ̣ܪ̱ܟܲܬ̤ ܥܸܩܵܪܹ̈ܝܗ̇ ܥܠܵܘܗܝ: ܘܕܼܵܠܝܵـ̈ـܬ̣ܵܗ̇ ܠܲܪܡܝܲܬ̤ ܥܠܵܘܗܝ: ܕܢܲܫܩܹܝܗ̇ ܡ̣ܢ ܡܸܕܼܪܵܐ ܕܢܸܨܒ̇ܬ̣ܵܗ̇. |
[7]ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה |
| [8]ܒܚܲܩܠܵܐ ܫܲܦܝܼܪܵܬܵܐ ܘܲܒ̣ܡܲـ̈ـܝܵܐ ܣܲܓ̇ܝܼ̈ܐܹܐ ܢܨܝܼܒ̣ܵܐ: ܕܬܸܥܒܸ̇ܕܼ ܛܲܪ̈ܦܹܐ ܘܬܸܛܥܲܢ ܦܹܐܪܹ̈ܐ: ܘܬܸܗܘܹܐ ܓܦܸܬܵܐ ܫܒ̣ܝܼܚܬܵܐ. |
[8]אל שדה טוב אל מים רבים היא שתולה־לעשות ענף ולשאת פרי להיות לגפן אדרת |
| [9]ܐܸܡܲܪ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܠܵܐ ܬܲܟ̣ܫܲܪ. ܐܸܠܵܐ ܥܸܩܵܪܹ̈ܝܗ̇ ܢܸܬ̣ܦܲܣܩܘܼܢ: ܘܦܹܐܪܹ̈ܝܗ̇ ܢܸܬ̣ܡ̱ܣܘܿܢ ܘܢܹܐܒ̣ܫܘܼܢ: ܘܟ̣ܠܗܘܿܢ ܛܲܪ̈ܦܹܐ ܕܡܵܘܥܝܼܬ̣ܵܗ̇ ܢܹܐܒ̣ܫܘܼܢ: ܘܠܵܐ ܒܲܕܼܪܵܥܵܐ ܪܵܡܵܐ ܘܠܵܐ ܒܥܲܡܡܹ̈ܐ ܣܲܓ̇ܝܼ̈ܐܹܐ: ܢܸܥܩ̄ܪܝܼܗ̇ ܡ̣ܢ ܥܸܩܵܪܵܗ̇. |
[9]אמר כה אמר אדני יהוה־תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה |
| [10]ܗܵܐ ܢܨܝܼܒ̣ܵܐ ܐܸܠܵܐ ܠܵܐ ܬܲܟ̣ܫܲܪ: ܘܡܵܐ ܕܢܸܫܒܲܬ̤ ܒܵܗ̇ ܪܘܼܚܵܐ ܕܫܵܘܒܵܐ: ܝܵܒ̣ܫܵܐ ܒܡܸܕܼܪܵܐ ܕܡܵܘܥܝܼܬ̣ܵܗ̇. |
[10]והנה שתולה התצלח הלא כגעת בה רוח הקדים תיבש יבש על ערגת צמחה תיבש |
| [11]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[11]ויהי דבר יהוה אלי לאמר |
| [12]ܒܲܪܢܵܫܵܐ: ܐܸܡܲܪ ܠܒܲܝܬܵܐ ܡܡܲܪܡܪܵܢܵܐ: ܠܵܐ ܝܵܕܼܥܝܼܬ̇ܘܿܢ ܡܵܢܵܐ ܐܸܢܹܝܢ ܗܵܠܹܝܢ: ܐܸܡܲܪ ܠܗܘܿܢ: ܗܵܐ ܐܵܬܹ̇ܐ ܡܲܠܟܵܐ ܕܒ̣ܵܒܹܠ ܠܐܘܿܪܸܫܠܸܡ: ܘܕܼܵܒܲܪ ܠܡܲܠܟܵܗ̇ ܘܲܠܪܵܘܪ̈ܒ̣ܵܢܹܝܗ̇ ܘܡܵܘܒܸ̇ܠ ܠܗܘܿܢ ܠܒ̣ܵܒܹܠ. |
[12]אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלה |
| [13]ܘܢܵܣܹ̇ܒ̣ ܡ̣ܢ ܙܲܪܥܵܐ ܕܡܲܠܟ̇ܘܼܬ̣ܵܐ: ܘܲܡܩܝܼܡ ܥܲܡܹܗ ܩܝܵܡܵܐ: ܘܥܵܐܹ̇ܠ ܥܲܡܹܗ ܒܡܵܘ̈ܡܵܬ̣ܵܐ: ܘܕܼܵܒܲܪ ܠܫܲܠܝܼ̈ܛܹܐ ܕܐܲܪܥܵܐ ܕܠܵܐ ܢܸܬ̇ܬ̇ܪܝܼܡܘܼܢ. |
[13]ויקח מזרע המלוכה ויכרת אתו ברית ויבא אתו באלה ואת אילי הארץ לקח |
| [14]ܐܸܠܵܐ ܬܸܗܘܹܐ ܡܲܠܟ̇ܘܼܬ̣ܗܘܿܢ ܡܲܟ̇ܝܼܟ̣ܵܐ: ܘܢܸܛܪܘܼܢ ܩܝܵܡܹܗ: ܘܲܢܩܝܼܡܘܼܢ ܥܲܡܹܗ. |
[14]להיות ממלכה שפלה לבלתי התנשא לשמר את בריתו לעמדה |
| [15]ܘܢܸܡܪܲܕܼ ܥܠܵܘܗܝ: ܘܲܢܫܲܕܲܪ ܐܝܼܙܓܲܕܵܘ̈ܗܝ ܠܡܸܨܪܹܝܢ: ܕܢܸܬ̇ܠܘܼܢ ܠܹܗ ܪ̈ܲܟ̣ܫܵܐ ܘܥܲܡܵܐ ܣܲܓ̇ܝܼܵܐܐ: ܠܵܐ ܢܲܟ̣ܫܲܪ ܘܠܵܐ ܢܸܬ̣ܦܲܨܹܐ ܡܲܢ ܕܗܵܟܲܢܵܐ ܥ̣ܒܲܕܼ. |
[15]וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלט |
| [16]ܚܲܝ ܐ̄ܢܵܐ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܒܲܐܬ̣ܪܵܐ ܕܐܲܩܝܼܡܝܼܘܗܝ ܡܲܠܟܵܐ: ܘܫܵܛ̣ ܡܵܘ̈ܡܵܬ̣ܝ ܘܒܲܛܸܠ ܩܝܵܡܝ: ܒܓ̣ܵܘ ܒܵܒܹܠ ܢܡܘܼܬ̣. |
[16]חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו־אתו בתוך בבל ימות |
| [17]ܘܠܵܐ ܒܚܲܝܠܵܐ ܪܲܒܵܐ: ܘܐܵܦܠܵܐ ܒܪ̈ܲܟ̣ܫܵܐ ܣܲܓ̇ܝܼܵܐܐ: ܢܸܥܒܸ̇ܕܼ ܥܲܡܹܗ ܦܸܪܥܘܿܢ ܩܪܵܒ̣ܵܐ: ܐܸܠܵܐ ܒܲܟ̣ܡܹܐܢܹ̈ܐ ܘܲܒ̣ܕܼܵܘ̈ܩܹܐ ܢܵܘܒܸ̇ܕܼ ܢܲܦ̮̈ܫܵܬ̣ܵܐ ܣܲܓ̇ܝܼܵܐ̈ܬ̣ܵܐ. |
[17]ולא בחיל גדול ובקהל רב יעשה אותו פרעה במלחמה בשפך סללה ובבנות דיק־להכרית נפשות רבות |
| [18]ܥܲܠ ܕܫܵܛ̣ ܡܵܘ̈ܡܵܬ̣ܵܐ ܘܒܲܛܸܠ ܩܝܵܡܵܐ: ܢܲܫܠܸܡ ܐܝܼܕܹܗ ܘܠܵܐ ܢܸܬ̣ܦܲܨܹܐ: ܥܲܠ ܕܲܥ̣ܒܲܕܼ ܗܵܠܹܝܢ ܟܠܗܹܝܢ. |
[18]ובזה אלה להפר ברית והנה נתן ידו וכל אלה עשה לא ימלט |
| [19]ܡܸܛܠ ܗܵܠܹܝܢ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. ܚܲܝ ܐ̄ܢܵܐ: ܥܲܠ ܕܫܵܛ̣ ܡܵܘ̈ܡܵܬ̣ܝ: ܘܒܲܛܸܠ̣ ܩܝܵܡܝ: ܐܲܣܩܝܼܗ̇ ܒܪܹܫܹܗ. |
[19]לכן כה אמר אדני יהוה חי אני אם לא אלתי אשר בזה ובריתי אשר הפיר־ונתתיו בראשו |
| [20]ܘܐܸܦܪܘܿܣ ܡܨܝܼܕ̇ܬ̇ܝ ܥܠܵܘܗܝ ܘܢܸܬ̇ܬ̇ܚܸܕܼ ܒܵܗ̇: ܘܐܵܘܒ̇ܠܝܼܘܗܝ ܠܒ̣ܵܒܹܠ ܠܐܲܪܥܵܐ ܕܟܲܠܕܼܵܝܹ̈ܐ: ܘܐܸܕ̇ܘܢܝܼܘܗܝ ܬܲܡܵܢ ܥܲܠ ܥܵܘܼܠܵܐ ܕܐܲܥܠܝܼ ܒܝܼ. |
[20]ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי |
| [21]ܘܟ̣ܠܗܘܿܢ ܚܹܐܪ̈ܵܘܗܝ ܘܟ̣ܠܗܘܿܢ ܩܲܪ̈ܝܼܒ̣ܵܘܗܝ ܢܸܦܠܘܿܢ ܒܚܲܪܒܵܐ: ܘܐܲܝܠܹܝܢ ܕܡܸܫܬܲܚܪܝܼܢ ܢܸܬ̇ܕܪܘܿܢ ܠܟ̣ܠ ܪܘܼܚ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ ܡܲܠܠܹ̇ܬ̣. |
[21]ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתי |
| [22]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܹܣܲܒ̣ ܡ̣ܢ ܓܒܲـ̈ـܝܵܐ ܕܥܲܪ̈ܩܹܐ ܪܵܡܵܐ: ܘܡ̣ܢ ܪܹܫܹܗ ܐܸܩܛܘܿܡ ܠܸܒܹ̇ܗ: ܘܐܸܨܘܿܒ̣ ܥܲܠ ܛܘܼܪܹ̈ܐ ܪ̈ܵܡܹܐ ܘܲܡܥܲܠܲܝܵـ̈ـܐ. |
[22]כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול |
| [23]ܒܛܘܼܪܹ̈ܐ ܕܝܼܣܪܵܝܹܠ ܐܸܨܒ̣ܝܼܘܗܝ: ܘܢܸܛܥܲܢ ܛܲܪ̈ܦܹܐ ܘܢܸܥܒܸ̇ܕܼ ܦܹܐܪܹ̈ܐ: ܘܢܸܗܘܸܐ ܐܲܪܙܵܐ ܫܒ̣ܝܼܚܵܐ: ܘܬܸܫܟܲܢ ܒܹܗ ܟܠܵܗ̇ ܦܵܪܲܚܬ̣ܵܐ ܕܓܸܦܵܐ: ܘܲܒ̣ܛܸܠܵܠܵܐ ܕܣܵܘ̈ܟܵܘܗܝ ܢܸܫܟ̇ܢܘܼܢ. |
[23]בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף־בצל דליותיו תשכנה |
| [24]ܘܢܸܕ̇ܥܘܼܢ ܟܠܗܘܿܢ ܐܝܼܠܵܢܹ̈ܐ ܕܕܲܒ̣ܪܵܐ: ܕܐܸܢܵܐ ܡܵܪܝܵܐ ܐܲܡ̇ܟܹܬ̣ ܩܲܝܣܵܐ ܪܵܡܵܐ: ܘܐܲܪܝܼܡܹ̇ܬ̣ ܩܲܝܣܵܐ ܡܲܟ̇ܝܼܟ̣ܵܐ: ܘܐܵܘܒ̇ܫܹܬ̣ ܩܲܝܣܵܐ ܪܲܛܝܼܒ̣ܵܐ: ܘܐܵܘܥ̇ܝܼܬ̣ ܩܲܝܣܵܐ ܝܲܒ̇ܝܼܫܵܐ: ܐܸܢܵܐ ܡܵܪܝܵܐ ܡܲܠܠܹ̇ܬ̣ ܘܥܸܒ̣ܕܹ̇ܬ̣. |
[24]וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי |