➖ »
«
➖ ➕
Aleppo Codex (~920)
Alep
The Epistle of Polycarp to the Church at Phillipians
PolyPhl
←
Ezekiel
Eze
18
→
[1]ויהי דבר יהוה אלי לאמר [No book]
[2]מה לכם אתם משלים את המשל הזה על אדמת ישראל לאמר אבות יאכלו בסר ושני הבנים תקהינה [No book]
[3]חי אני נאם אדני יהוה אם יהיה לכם עוד משל המשל הזה־בישראל [No book]
[4]הן כל הנפשות לי הנה כנפש האב וכנפש הבן לי הנה הנפש החטאת היא תמות [No book]
[5]ואיש כי יהיה צדיק ועשה משפט וצדקה [No book]
[6]אל ההרים לא אכל ועיניו לא נשא אל גלולי בית ישראל ואת אשת רעהו לא טמא ואל אשה נדה לא יקרב [No book]
[7]ואיש לא יונה־חבלתו חוב ישיב גזלה לא יגזל לחמו לרעב יתן ועירם יכסה בגד [No book]
[8]בנשך לא יתן ותרבית לא יקח־מעול ישיב ידו משפט אמת יעשה בין איש לאיש [No book]
[9]בחקותי יהלך ומשפטי שמר לעשות אמת צדיק הוא חיה יחיה נאם אדני יהוה [No book]
[10]והוליד בן פריץ שפך דם ועשה אח מאחד מאלה [No book]
[11]והוא את כל אלה לא עשה־כי גם אל ההרים אכל ואת אשת רעהו טמא [No book]
[12]עני ואביון הונה־גזלות גזל חבל לא ישיב ואל הגלולים נשא עיניו תועבה עשה [No book]
[13]בנשך נתן ותרבית לקח וחי לא יחיה את כל התועבות האלה עשה־מות יומת דמיו בו יהיה [No book]
[14]והנה הוליד בן וירא את כל חטאת אביו אשר עשה ויראה ולא יעשה כהן [No book]
[15]על ההרים לא אכל ועיניו לא נשא אל גלולי בית ישראל את אשת רעהו לא טמא [No book]
[16]ואיש לא הונה־חבל לא חבל וגזלה לא גזל לחמו לרעב נתן וערום כסה בגד [No book]
[17]מעני השיב ידו נשך ותרבית לא לקח־משפטי עשה בחקותי הלך הוא לא ימות בעון אביו־חיה יחיה [No book]
[18]אביו כי עשק עשק גזל גזל אח ואשר לא טוב עשה בתוך עמיו והנה מת בעונו [No book]
[19]ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם־חיה יחיה [No book]
[20]הנפש החטאת היא תמות בן לא ישא בעון האב ואב לא ישא בעון הבן־צדקת הצדיק עליו תהיה ורשעת רשע [Q: הרשע] עליו תהיה [No book]
[21]והרשע כי ישוב מכל חטאתו אשר עשה ושמר את כל חקותי ועשה משפט וצדקה־חיה יחיה לא ימות [No book]
[22]כל פשעיו אשר עשה לא יזכרו לו בצדקתו אשר עשה יחיה [No book]
[23]החפץ אחפץ מות רשע נאם אדני יהוה הלוא בשובו מדרכיו וחיה [No book]
[24]ובשוב צדיק מצדקתו ועשה עול ככל התועבות אשר עשה הרשע יעשה וחי־כל צדקתו אשר עשה לא תזכרנה במעלו אשר מעל ובחטאתו אשר חטא בם ימות [No book]
[25]ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנו [No book]
[26]בשוב צדיק מצדקתו ועשה עול ומת עליהם בעולו אשר עשה ימות [No book]
[27]ובשוב רשע מרשעתו אשר עשה ויעש משפט וצדקה־הוא את נפשו יחיה [No book]
[28]ויראה וישוב [Q: וישב] מכל פשעיו אשר עשה־חיו יחיה לא ימות [No book]
[29]ואמרו בית ישראל לא יתכן דרך אדני הדרכי לא יתכנו בית ישראל־הלא דרכיכם לא יתכן [No book]
[30]לכן איש כדרכיו אשפט אתכם בית ישראל־נאם אדני יהוה שובו והשיבו מכל פשעיכם ולא יהיה לכם למכשול עון [No book]
[31]השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל [No book]
[32]כי לא אחפץ במות המת נאם אדני יהוה והשיבו וחיו [No book]
Source: unbound.biola.edu
Top