➖ »
«
➖ ➕
Peshitta OT
PesOT
King James Version with Samaritan Pentateuch
KJV(SP)
←
Ezekiel
Eze
2
→
[1]ܘܐܸܡܲܪ ܠܝܼ: ܒܲܪܢܵܫܵܐ: ܩܘܼܡ ܥܲܠ ܪܸ̈ܓ̣ܠܲܝܟ ܐܹܡܲܠܸܠ ܥܲܡܵܟ. [No book]
[2]ܘܥܸܠܲܬ̤ ܒܝܼ ܪܘܼܚܵܐ ܟܲܕܼ ܡܡܲܠܸܠ ܥܲܡܝ: ܘܐܲܩܝܼܡܬܲܢܝ ܥܲܠ ܪܸ̈ܓ̣ܠܲܝ: ܘܫܸܡ̇ܥܹܬ̣ ܕܲܡܡܲܠܸܠ ܥܲܡܝ. [No book]
[3]ܘܐܸܡܲܪ ܠܝܼ: ܒܲܪܢܵܫܵܐ: ܡܫܲܕܲܪ ܐ̄ܢܵܐ ܠܵܟ ܥܲܠ ܒܢܲܝ̈ ܝܑܼܣܪܵܝܹܠ: ܥܲܠ ܥܲܡܵܐ ܡܵܪܘܿܕܼܵܐ ܕܲܡ̣ܪܲܕܼܘ ܥܠܲܝ ܗܸܢܘܿܢ ܘܐܲܒ̣ܵܗܲܝ̈ܗܘܿܢ: ܘܐܲܥܠܝܼܘ ܒܝܼ ܥܕܲܡܵܐ ܠܝܵܘܡܵܢܵܐ. [No book]
[4]ܘܥܲܠ ܒܢܲـ̈ـܝܵܐ ܕܩܲܫ̈ܝܵܢ ܐܲܦܲܝ̈ܗܘܿܢ: ܘܥܲܫܝܼܢ ܠܸܒ̇ܗܘܿܢ ܡܫܲܕܲܪ ܐ̄ܢܵܐ ܠܵܟ: ܐܹܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[5]ܟܒܲܪ ܢܸܫ̱ܡܥܘܼܢ ܘܲܢܙܘܼܥܘܼܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ: ܘܢܸܕ̇ܥܘܼܢ ܕܲܢܒ̣ܝܼܵܐ ܐܲܢ̄ܬ̇ ܒܲܝܢܵܬ̣ܗܘܿܢ. [No book]
[6]ܘܐܲܢ̄ܬ̇ ܒܲܪܢܵܫܵܐ ܬܸܕܼܚܲܠ ܡܸܢܗܘܿܢ: ܘܡ̣ܢ ܡܸܠܲܝ̈ܗܘܿܢ ܠܵܐ ܬܙܘܼܥ: ܕܣܵܪܒ̇ܝܼܢ ܘܡܲܣܠܹܝܢ ܠܵܟ: ܡܸܛܠ ܕܒܲܝܢܵܬ̣ ܥܩܲܪ̈ܒܹܐ ܥܵܡܲܪ ܐܲܢ̄ܬ̇: ܠܵܐ ܬܸܕܼܚܲܠ ܡ̣ܢ ܡܸܠܲܝ̈ܗܘܿܢ: ܘܡ̣ܢ ܐܲܦܲܝ̈ܗܘܿܢ ܠܵܐ ܬܙܘܼܥ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. [No book]
[7]ܐܸܠܵܐ ܐܸܡܲܪ ܠܗܘܿܢ ܦܸܬ̣ܓ̣ܵܡܲܝ̈: ܟܒܲܪ ܢܸܫ̱ܡܥܘܼܢ ܘܲܢܙܘܼܥܘܼܢ: ܡܸܛܠ ܕܒܲܝܬܵܐ ܐܸܢܘܿܢ ܡܡܲܪܡܪܵܢܵܐ. [No book]
[8]ܐܲܢ̄ܬ̇ ܕܹܝܢ ܒܵܪܢܵܫܵܐ: ܫܡܲܥ ܡܸܕܸ̇ܡ ܕܐܵܡܲܪ ܐ̄ܢܵܐ ܠܵܟ: ܠܵܐ ܬܸܗܘܹܐ ܡܲܪܡܪܵܢ ܐܲܝܟ ܒܲܝܬܵܐ ܡܡܲܪܡܪܵܢܵܐ: ܐܸܠܵܐ ܦܬܲܚ ܦܘܼܡܵܟ: ܘܐܲܟ̣ܘܿܠ ܡܸܕܸ̇ܡ ܕܝܵܗܹ̇ܒ̣ ܐ̄ܢܵܐ ܠܵܟ. [No book]
[9]ܘܲܚܙܹ̇ܝܬ̣ ܘܗܵܐ ܐܝܼܕܼܵܐ ܐܸܬ̣ܦܲܫܛܲܬ̤ ܠܘܵܬ̣: ܘܐܝܼܬ̣ ܒܵܗ̇ ܟܸܪܟܵܐ ܕܣܸܦܪܵܐ. [No book]
[10]ܘܦܲܫܛܹܗ ܩܕܼܵܡܲܝ: ܘܲܟ̣ܬܝܼܒ̣ ܡ̣ܢ ܩܕܼܵܡܵܘܗܝ ܘܡ̣ܢ ܒܸܣܬ̇ܪܹܗ: ܘܲܟ̣ܬ̣ܵܝܼ̈ܒ̣ܵܢ ܒܹܗ ܩܝܼ̈ܢܵܬ̣ܵܐ: ܘܚܸܫ̈ܒܵܬ̣ܵܐ: ܘܐܘܿܠܝܵـ̈ـܬ̣ܵܐ. [No book]
See information...
Top