|
|
| [No book] |
[1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
| [No book] |
[2]ܒܲܪܢܵܫܵܐ: ܬܲܪܬܹ̇ܝܢ ܢܸܫ̈ܝܼܢ ܐܝܼܬ̣ ܗ̄ܘܲܝ̈ ܒ̈ܢܵܬ̣ ܚܕܼܵܐ ܐܸܡܵܐ. |
| [No book] |
[3]ܘܙܲܢܝܼ ܒܡܸܨܪܹܝܢ ܒܛܲܠܝܘܼܬ̣ܗܹܝܢ: ܬܲܡܵܢ ܡܲܪܸܣ̣ܘ ܬܕܲܝ̈ܗܹܝܢ: ܘܬܲܡܵܢ ܐܸܬ̣ܒܲܬܲܠ. |
| [No book] |
[4]ܫܡܵܗ̇ ܕܩܲܫܝܼܫܬܵܐ ܐܲܗܠܵܐ: ܘܲܫܡܵܗ̇ ܕܲܐ̄ܚܪܹܬ̣ܵܐ ܐܲܗܠܝܼܒ̣ܵܐ: ܘܲܗ̤ܘܲܝ̈ ܠܝܼ: ܘܝܼܠܸܕܼ ܒ̈ܢܲܝܵܐ ܘܲܒ̣̈ܢܵܬ̣ܵܐ: ܫܡܵܗ̇ ܕܫܵܡܪܹܝܢ ܐܲܗܠܵܐ: ܘܕܼܐܘܿܪܸܫܠܸܡ ܐܲܗܠܝܼܒ̣ܵܐ. |
| [No book] |
[5]ܘܙܲܢܝܲܬ̤ ܐܲܗܠܵܐ ܡܹܢܝ: ܘܢܸܩܦܲܬ̤ ܠܪ̈ܵܚܡܹܝܗ̇: ܠܐܵܬ̣ܘܿܪ̈ܵܝܹܐ ܕܩܲܪܝܼܒ̣ܝܼܢ ܠܵܗ̇. |
| [No book] |
[6]ܕܲܠܒ̣ܝܼܫܝܼܢ ܬܸܟ̣ܠ̱ܬ̣ܵܐ ܡܵܪ̈ܵܘܵܬ̣ܵܐ ܘܫܲܠܝܼܛܵܢܹ̈ܐ: ܓܲܕ̇ܘܼ̈ܕܹܐ ܕܪܸܓ̇ܬ̣ܵܐ: ܟܠܗܘܿܢ ܦܲܪ̈ܵܫܹܐ ܪ̈ܵܟ̣ܒܲܝ ܪ̈ܲܟ̣ܫܵܐ. |
| [No book] |
[7]ܘܐܲܪܡܝܲܬ̤ ܙܵܢܝܘܼܬ̣ܵܗ̇ ܥܠܲܝܗܘܿܢ: ܥܲܠ ܟܠܗܘܿܢ ܓܒܲـ̈ـܝܵܐ ܕܲܒ̣ܢܲܝ̈ ܐܵܬ̣ܘܿܪ: ܘܥܲܠ ܟܠ ܕܐܸܬ̣ܢܲܩܦܲܬ̤ ܒܲܦܬܲܟ̣ܪ̈ܲܝܗܘܿܢ ܘܐܸܬ̇ܛܵܘܫܲܬ̤. |
| [No book] |
[8]ܘܙܵܢܝܘܼܬ̣ܵܗ̇ ܕܲܒ̣ܡܸܨܪܹܝܢ ܠܵܐ ܫܸܒ̣ܩܲܬ̤: ܡܸܛܠ ܕܠܵܗ̇ ܨܲܥܲܪܘ ܒܛܲܠܝܘܼܬ̣ܵܗ̇: ܘܗܸܢܘܿܢ ܒܲܬ̇ܠܘܼܗ̇: ܘܐܲܪܡܝܼܘ ܥܠܹܝܗ̇ ܙܵܢܝܘܼܬ̣ܗܘܿܢ. |
| [No book] |
[9]ܡܸܛܠ ܗܵܢܵܐ ܗܵܐ ܐܲܫܠܸܡ̇ܬܵܗ̇ ܒܐܝܼܕܼܵܐ ܕܪ̈ܵܚܡܹܝܗ̇: ܒܐܝܼܕܼܵܐ ܕܲܒ̣̈ܢܲܝ ܐܵܬ̣ܘܿܪ ܕܐܸܬ̣ܢܲܩܦܲܬ̤ ܠܗܘܿܢ. |
| [No book] |
[10]ܘܗܸܢܘܿܢ ܓ̣ܠܵܘ ܦܘܼܪܣܵܝܵܗ̇: ܘܲܕܼܒܲܪܘ ܒܢܹ̈ܝܗ̇ ܘܲܒ̣̈ܢܵܬ̣ܵܗ̇: ܘܠܵܗ̇ ܩܛܲܠ̣ܘ ܒܚܲܪܒܵܐ: ܘܲܗܘ̤ܵܬ̣ ܬܲܡܵܢ ܡܡܲܠܠܵܐ ܠܢܸܫܹ̈ܐ: ܘܕܼܝܼܢܹ̈ܐ ܥ̣ܒܲܕܼܘ ܒܵܗ̇. |
| [No book] |
[11]ܘܲܚܙܵܬ̤ ܚܵܬ̣ܵܗ̇ ܐܲܗܠܝ̣ܒ̣ܵܐ: ܘܚܲܒ̇ܠܲܬ̤ ܢܸܩܦܵܗ̇ ܝܲܬ̇ܝܼܪ ܡܸܢܵܗ̇: ܘܙܵܢܝܘܼܬ̣ܵܗ̇ ܝܲܬ̇ܝܼܪ ܡ̣ܢ ܙܵܢܝܘܼܬ̣ܵܐ ܕܚܵܬ̣ܵܗ̇. |
| [No book] |
[12]ܠܲܒ̣ܢܲܝ̈ ܐܵܬ̣ܘܿܪ ܢܸܩܦܲܬ̤: ܠܡܵܪ̈ܵܘܵܬ̣ܵܐ ܘܲܠܫܲܠܝܼܛܵܢܹ̈ܐ ܕܩܲܪܝܼܒ̣ܝܼܢ ܠܵܗ̇: ܦܲܪ̈ܵܫܹܐ ܠܒ̣ܝܼܫܲܝ̈ ܬܸܟ̣ܠ̱ܬܵܐ ܘܪ̈ܵܘܟ̣ܒܲܝ ܪ̈ܲܟ̣ܫܵܐ: ܟܠܗܘܿܢ ܓܲܕ̇ܘܼ̈ܕܹܐ ܐܸܢܘܿܢ ܕܪܸܓ̇ܬ̣ܵܐ. |
| [No book] |
[13]ܘܲܚܙܹ̇ܝܬ̣ ܕܐܸܬ̇ܛܲܢܦܲܬ̤ ܐܘܼܪܚܵܐ ܕܬܲܪ̈ܬܲܝܗܹܝܢ. |
| [No book] |
[14]ܘܐܸܬ̇ܬܵܘܣܲܦ ܥܲܠ ܙܵܢܝܘܼܬ̣ܗܹܝܢ: ܘܲܚܙܲܝ̈ ܓܲܒ̣ܪܹ̈ܐ ܕܨܝܼܪܝܼܢ ܒܐܸܣܬ̣ܵܐ: ܨܲܠܡܹ̈ܐ ܕܟܲܠܕܼܵܝܹ̈ܐ ܕܨܝܼܪܝܼܢ ܒܣܲܡܡܵܢܹ̈ܐ. |
| [No book] |
[15]ܘܲܚܙܝܼܩܝܼܢ ܡܲܚ̈ܙ̄ܩܵܬ̣ܵܐ ܒܚܲܨܲܝ̈ܗܘܿܢ: ܘܥܲܪ̈ܩܹܐ ܩܛܝܼܪ̈ܵܢ ܒܪܹ̈ܫܲܝܗܘܿܢ: ܚܸܙܘܵܐ ܐܸܢܘܿܢ ܕܓܲܒ̣ܪܹ̈ܐ ܟܠܗܘܿܢ: ܕܡܘܼܬ̣ܵܐ ܐܸܢܘܿܢ ܕܲܒ̣ܢܲܝ̈ ܒܵܒܹܠ ܟܠܗܘܿܢ: ܕܡܘܼܬ̣ܵܐ ܐܸܢܘܿܢ ܕܲܒ̣ܢܲܝ̈ ܒܵܒܹܠ ܘܲܕܼܟܲܠܕܼܵܝܹ̈ܐ: ܐܲܪܥܵܐ ܕܐܸܬ̣̱ܝܼܠܸܕܼܘ ܒܵܗ̇. |
| [No book] |
[16]ܘܐܸܬ̣ܢܲܩܦܲܬ̤ ܠܗܘܿܢ ܒܚܸܙܘܵܐ ܕܥܲܝ̈ܢܹܝܗ̇: ܘܫܲܕܲܪܲܬ̤ ܥܠܲܝܗܘܿܢ ܡܲܠܲܐܟܹ̈ܐ ܠܐܲܪܥܵܐ ܕܟܲܠܕܼܵܝܹ̈ܐ. |
| [No book] |
[17]ܘܐܸܬ̣ܵܘ ܠܘܵܬ̣ܵܗ̇ ܒܢܲܝ̈ ܒܵܒܹܠ ܠܡܸܕܼܡܲܝܟ ܥܲܡܵܗ̇: ܘܛܲܢܦ̣ܘܼܗ̇ ܒܙܵܢܝܘܼܬ̣ܗܘܢ: ܘܐܸܬ̇ܛܲܢܦܲܬ̤ ܒܗܘܿܢ: ܘܢܸܕ̇ܲܬ̤ ܢܲܦ̮ܫܵܗ̇ ܡܸܢܗܘܿܢ. |
| [No book] |
[18]ܘܲܓ̣ܠܵܬ̤ ܙܵܢܝܘܼܬ̣ܵܗ̇: ܘܲܓ̣ܠܵܬ̤ ܦܘܼܪܣܵܝܵܗ̇: ܘܢܸܕܲܬ̣ ܢܲܦ̮ܫܝ ܡܵܢܵܗ̇: ܐܲܝܟ ܕܢܸܕܲܬ̤ ܢܲܦ̮ܫܝ ܡ̣ܢ ܚܵܬ̣ܵܗ̇. |
| [No book] |
[19]ܘܐܲܣܓܝܼܬ̇ ܙܵܢܝܘܼܬ̣ܵܗ̇: ܘܐܸܬ̇ܕܲܟ̣ܪܲܬ̤ ܝܵܘ̈ܡܵܬ̣ܵܐ ܕܛܲܠܝܘܼܬ̣ܵܗ̇: ܕܙܲܢܝܲܬ̤ ܒܐܲܪܥܵܐ ܕܡܸܨܪܹܝܢ. |
| [No book] |
[20]ܘܐܸܬ̣ܢܲܩܦܲܬ̤ ܠܥܲܒ̣ܕܲܝ̈ܗܘܿܢ: ܕܒܸܣ̱ܪܗܘܿܢ ܐܲܝܟ ܒܸܣܪܵܐ ܗ̄ܘܼ ܕܲܚܡܵܪܵܐ. ܘܚܲܢܲܝ̈ܗܘܿܢ ܐܲܝܟ ܚܲܢܹ̈ܐ ܕܪ̈ܲܟ̣ܫܵܐ. |
| [No book] |
[21]ܘܲܦܩܲܕ̇ܬ̇ܝ ܗܵܘܼܠܵܐ ܕܛܲܠܝܘܼܬܹܟ̣ܝ: ܟܲܕܼ ܐܸܬ̣ܒܲܬܲܠ̣ܬ̇ܝ ܒܡܸܨܪܹܝܢ: ܘܐܸܬ̣ܡܲܪܲܣܘ ܬܕܲܝ̈ ܛܲܠܝܘܼܬܹܟ̣ܝ. |
| [No book] |
[22]ܡܸܛܠ ܗܵܢܵܐ ܐܲܗܠܝܼܒ̣ܵܐ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܡܥܝܼܪ ܐ̄ܢܵܐ ܥܠܲܝܟ̇ܝ ܠܟ̣ܠܗܘܿܢ ܪ̈ܵܚܡܲܝܟ̇ܝ ܕܢܸܕܸ̇ܬ̤ ܢܲܦ̮ܫܹܟ̣ܝ ܡܸܢܗܘܿܢ: ܘܐܲܝܬܸ̇ܐ ܐܸܢܘܿܢ ܥܠܲܝܟ̇ܝ. |
| [No book] |
[23]ܘܢܸܚܕ̇ܪܘܼܢܹܟ̣ܝ ܒܢܲܝ̈ ܒܵܒܹܠ: ܘܟ̣ܠܗܘܿܢ ܟܲܠܕܼܵܝܹ̈ܐ: ܘܦܘܿܛ: ܘܠܘܿܕܼ: ܘܩܘܿܥ: ܘܟ̣ܠܗܘܿܢ ܒܢܲܝ̈ ܐܵܬ̣ܘܿܪ ܥܲܡܗܘܿܢ: ܓܲܕ̇ܘܼ̈ܕܹܐ ܕܪܸܓ̇ܬ̣ܵܐ: ܡܵܪ̈ܵܘܵܬ̣ܵܐ ܘܫܲܠܝܼܛܵܢܹ̈ܐ: ܟܠܗܘܿܢ ܓܲܒ̣ܪܹ̈ܐ ܕܩܹܕܼܵܪ ܪ̈ܵܟ̣ܒܲܝ ܪ̈ܲܟ̣ܫܵܐ. |
| [No book] |
[24]ܢܹܐܬ̣ܘܿܢ ܥܠܲܝܟ̇ܝ ܟܲܕܼ ܡܙܲܝܢܝܼܢ: ܒܡܲܪ̈ܟ̇ܒ̣ܵܬ̣ܵܐ ܘܲܒ̣ܓ̣ܝܼ̈ܓ̣ܠܹܐ: ܘܲܒ̣ܟܸܢܫܹ̈ܐ ܕܥܲܡܡܹ̈ܐ: ܒܢܝܙܟܹ̈ܐ ܘܲܒ̣ܣܲܟ̇ܪܹ̈ܐ ܘܲܒ̣ܣܲܢ̱ܘܪ̈ܵܬ̣ܵܐ ܢܸܟ̣ܪ̱ܟ̣ܘܼܢܹܟ̣ܝ: ܘܐܸܬܸ̇ܠ ܩܕܼܵܡܲܝܗܘܿܢ ܕܝܼܢܹ̈ܐ: ܘܲܢܕܼܘܼܢܘܼܢܹܟ̣ܝ ܒܕܼܝܼܢܲܝ̈ܗܘܿܢ. |
| [No book] |
[25]ܘܐܸܬܸ̇ܠ ܒܹܟ̣ܝ ܛܢܵܢܝ: ܘܲܢܬܲܒ̇ܪܘܼܢ ܢܚܝܼܪ̈ܲܝܟ̇ܝ ܒܚܸܡܬ̣ܵܐ: ܘܐܸܕܼܢܲܝ̈ܟ̇ܝ ܢܥܲܩܪܘܼܢ: ܘܚܲܪܬܹܟ̣ܝ ܒܚܲܪܒܵܐ ܬܸܦܸܠ: ܗܸܢܘܿܢ ܢܸܕܼܒ̇ܪܘܿܢ ܒܢܲܝ̈ܟ̇ܝ ܘܲܒ̣̈ܢܵܬܹܟ̣ܝ: ܘܚܲܪܬܹܟ̣ܝ ܬܸܬ̣ܐ̱ܟ̣ܠ ܒܢܘܼܪܵܐ. |
| [No book] |
[26]ܘܢܸܣܒ̣ܘܼܢ ܡܵܐܢܹ̈ܐ ܕܫܘܼܒ̣ܚܹܟ̣ܝ: ܘܢܲܫܠ̱ܚܘܼܢܹܟ̣ܝ ܠܒ̣ܘܼܫܲܝ̈ܟ̇ܝ. |
| [No book] |
[27]ܘܐܹܒܲܛܸܠ ܬܲܪܥܝܼܬܹܟ̣ܝ ܡܸܢܹܟ̣ܝ: ܘܙܵܢܝܘܼܬܹܟ̣ܝ ܡ̣ܢ ܐܲܪܥܵܐ ܕܡܸܨܪܹܝܢ: ܘܠܵܐ ܬܪܝܼܡܝܼܢ ܥܲܝܢܲܝ̈ܟ̇ܝ ܥܠܲܝܗܘܿܢ: ܘܲܠܡܸܨܪܹܝܢ ܬܘܼܒ̣ ܠܵܐ ܬܸܬ̇ܕܲܟ̣ܪܝܼܢ. |
| [No book] |
[28]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܡܲܫܠܸܡ ܐ̄ܢܵܐ ܠܹܟ̣ܝ ܒܝܲܕܼ ܐܲܝܠܹܝܢ ܕܲܣܢܲܝܬ̇ܝ: ܒܝܲܕܼ ܐܵܬ̣ܘܼܪ̈ܵܝܹܐ ܕܢܸܕܲܬ̤ ܢܲܦ̮ܫܹܟ̣ܝ ܡܸܢܗܘܿܢ. |
| [No book] |
[29]ܘܢܸܡܚܘܿܢܹܟ̣ܝ ܒܣܢܲܐ̱ܬ̣ܗܘܿܢ: ܘܢܸܣܒ̣ܘܼܢ ܟܠܵܗ̇ ܠܐܹܘܬܹܟܝ: ܘܢܸܫܒ̇ܩܘܼܢܹܟ̣ܝ ܥܲܪܛܸܠ ܘܥܲܪܝܲܬ̣: ܘܢܸܬ̣ܓ̇ܠܹܐ ܦܘܼܪܣܵܝܵܐ ܕܙܵܢܝܘܼܬܹܟ̣ܝ ܘܲܕܼܥܵܘܼܠܹܟ̣ܝ. |
| [No book] |
[30]ܘܲܒ̣ܙܵܢܝܘܼܬܹܟ̣ܝ ܐܸܬ̣ܥ̱ܒܸܕܼ ܠܹܟ̣ܝ ܗܵܠܹܝܢ: ܕܙܲܢܝܼܬ̇ܝ ܒܵܬܲܪ ܥܲܡܡܹ̈ܐ: ܘܐܸܬ̇ܛܲܢܦܬ̇ܝ ܒܲܦܬܲܟ̣ܪ̈ܲܝܗܘܿܢ. |
| [No book] |
[31]ܘܥܲܠ ܕܗܲܠܸܟ̣ܬ̇ܝ ܒܐܘܼܪ̈ܚܵܬ̣ܵܗ̇ ܕܚܵܬܹܟܝ: ܐܸܬܸ̇ܠ ܟܵܣܵܗ̇ ܒܐܝܼܕܲܝ̈ܟ̇ܝ. |
| [No book] |
[32]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܟܵܣܵܐ ܕܚܵܬܹܟ̣ܝ ܬܸܫܬܹ̇ܝܢ: ܥܲܡܝܼܩܵܐ ܘܲܪܘܝܼܚܵܐ: ܘܬܸܗܘܹܝܢ ܠܓ̣ܘܼܚܟܵܐ ܘܲܠܡܘܼܝܵܩܵܐ ܪܲܒܵܐ ܘܲܓ̣ܡܝܼܪܵܐ. |
| [No book] |
[33]ܪܵܘܵܝܘܼܬ̣ܵܐ ܘܕܼܵܘܘܿܢܵܐ ܬܸܬ̣ܡ̱ܠܹܝܢ: ܟܵܣܵܐ ܕܬܸܡܗܵܐ ܘܕܲܚܒ̣ܵܠܵܐ: ܟܵܣܵܐ ܕܚܵܬܹܟ̣ܝ ܫܵܡ̇ܪܹܝܢ. |
| [No book] |
[34]ܬܸܫܬܹ̇ܝܢܹܗ ܘܬܲܡܨܹܝܢܹܗ. ܘܣܲܥܪܹܟ̣ܝ ܬܸܓ̇ܙܝܼܢ: ܘܲܬ̇ܕܲܝ̈ܟ̇ܝ ܬܩܲܛܥܝܼܢ: ܡܸܛܠ ܕܐܸܢܵܐ ܡܲܠܠܹ̇ܬ̣ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
| [No book] |
[35]ܥܲܠ ܕܛܥܲܝܬ̇ܝܼܢܝ ܘܐܸܫܬ̇ܕܼܝܼܬ̇ܝ ܒܵܬܲܪ ܕܸܚ̈ܠܵܬܹܟ̣ܝ: ܘܐܵܦ ܐܲܢ̄ܬ̇ܝ ܩܲܒܸ̇ܠܘ ܥܵܘܼܠܹܟ̣ܝ ܘܙܵܢܝܘܼܬܹܟ̣ܝ. |
| [No book] |
[36]ܘܐܸܡܲܪ ܠܝܼ ܡܵܪܝܵܐ: ܒܲܪܢܵܫܵܐ: ܕܘܼܢ ܠܐܲܗܠܵܐ ܘܠܲܐܠܝܼܒ̣ܵܐ: ܘܚܵܘܵܐ ܐܸܢܹܝܢ ܛܲܢܦܘܼܬ̣ܗܹܝܢ. |
| [No book] |
[37]ܕܓ̣ܵܪ ܘܲܕܼܡܵܐ ܐܝܼܬ̣ ܒܐܝܼܕܲܝ̈ܗܹܝܢ: ܘܒܲܦܬܲܟ̣ܪ̈ܲܝܗܹܝܢ ܓܵܪ: ܘܲܒ̣ܢܲܝ̈ܗܹܝܢ ܕܝܼܠܸܕܼ ܠܝܼ: ܐܵܘܩܸ̈ܕܹܝܢ ܠܗܘܿܢ ܒܢܘܼܪܵܐ. |
| [No book] |
[38]ܘܗܵܕܹܐ ܐ̄ܚܪܹܬܵܐ ܕܲܥܒܲܕܼ ܠܝܼ: ܛܲܢܸܦ ܡܲܩܕܲܫܝ ܒܹܗ ܒܝܵܘܡܵܐ ܗܵܘܿ: ܘܫܲܒܲܝ̈ ܛܵܘܸܫ. |
| [No book] |
[39]ܘܟܲܕܼ ܢܟܲܣ ܗ̄ܘܲܝ̈ ܒܢܲܝ̈ܗܹܝܢ ܠܲܦܬܲܟ̣ܪ̈ܲܝܗܹܝܢ: ܥܲܠ ܠܡܲܩܕܲܫܝ ܒܹܗ ܒܝܵܘܡܵܐ ܗܵܘܿ ܘܛܵܘܫܵܝ̈ܗ̇: ܗܵܟܲܢܵܐ ܥܒܲܕܼ ܒܓ̣ܵܘ ܒܲܝܬ̇ܝ. |
| [No book] |
[40]ܘܐܵܦ ܫܠܲܚ ܥܲܠ ܓܲܒ̣ܪܹ̈ܐ ܕܐܵܬܹ̇ܝܢ ܠܘܵܬ̣ܗܹܝܢ ܡ̣ܢ ܪܘܼܚܩܵܐ: ܗܵܢ̇ܘܢ ܕܫܲܕܲܪ ܥܠܲܝܗܘܿܢ ܡܲܠܲܐܟܹ̈ܐ: ܘܟܲܕܼ ܐܸܬ̣ܵܘ ܒܲܪ ܫܵܥܬܹܗ ܣܚܲܝ̈ ܘܲܟ̣ܚܲܠ ܥܲܝܢܲܝ̈ܗܹܝܢ: ܘܐܸܨܛܲܒܲܬ̣ ܨܸܒ̣ܬ̇ܗܹܝܢ. |
| [No book] |
[41]ܘܝܼܬܸܒ̣ܘ ܥܲܠ ܥܲܪ̈ܣܵܬ̣ܵܐ ܕܲܩܪ̈ܝܼܡܵܢ: ܘܦܵܬ̣ܘܿܪܹ̈ܐ ܐܸܣܬ̇ܕܲܪܘ ܩܕܼܵܡܲܝܗܹܝܢ: ܘܡܸܫܚ̄ܝ ܘܒܸܣܡܲܝ̈ ܫܩܲܠ ܥܠܲܝܗܹܝܢ. |
| [No book] |
[42]ܘܩܵܠܵܐ ܕܚܲܕܼܘܼܬ̣ܗܹܝܢ ܐܵܙܹ̇ܠ ܗ̄ܘܼܵܐ: ܘܐܵܦ ܕܓܲܒ̣ܪܹ̈ܐ ܕܐܸܬ̣ܵܘ ܡ̣ܢ ܫܒ̣ܵܐ ܘܡ̣ܢ ܡܲܕܼܒ̇ܪܵܐ: ܘܐܲܪܡܝܼܘ ܫܹܐܪܹ̈ܐ ܒܐܝܼܕܲܝ̈ܗܹܝܢ: ܘܲܟ̣ܠܝܼܠܵܐ ܕܫܘܼܒ̣ܚܵܐ ܒܪܹ̈ܫܲܝܗܹܝܢ. |
| [No book] |
[43]ܘܐܸܡ̇ܪܹܬ̣ ܒܗܵܠܹܝܢ ܓܵܪ: ܘܒܲܥܒ̣ܵܕܹ̈ܐ ܕܙܵܢ̈ܝܵܬ̣ܵܐ ܙܲܢܝܼ̈. |
| [No book] |
[44]ܘܥܵܐܠܝܼܢ ܗ̄ܘܼܵܘ ܠܘܵܬ̣ܗܹܝܢ: ܐܲܝܟ ܕܥܵܐ̇ܠܝܼܢ ܠܘܵܬ̣ ܐܲܢ̄ܬ̇ܬ̣ܵܐ ܙܵܢܝܼܬ̣ܵܐ: ܗܵܟܲܢܵܐ ܥܵܐ̇ܠܝܼܢ ܗ̄ܘܼܵܘ ܥܲܠ ܐܲܗܠܵܐ ܘܥܲܠ ܐܲܗܠܝܼܒ̣ܵܐ: ܢܸܫܹ̈ܐ ܙܵܢ̈ܝܵܬ̣ܵܐ. |
| [No book] |
[45]ܘܓܲܒ̣ܪܹ̈ܐ ܙܲܕ̇ܝܩܹ̈ܐ ܢܕܼܘܼܢܘܼܢ ܐܸܢܹܝܢ: ܕܝܼܢܵܐ ܕܓܲܝܵܪ̈ܵܬ̣ܵܐ: ܘܕܼܝܼܢܵܐ ܕܐܲܝܠܹܝܢ ܕܐܵܫ̈ܕܵܢ ܕܡܵܐ: ܡܸܛܠ ܕܓܲܝܵܪ̈ܵܬ̣ܵܐ ܐܸܢܹܝܢ: ܘܲܕܼܡܵܐ ܐܝܼܬ̣ ܒܐܝܼܕܲܝ̈ܗܹܝܢ. |
| [No book] |
[46]ܡܸܛܠ ܕܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܲܣܸܩ ܥܠܲܝܗܹܝܢ ܟܢܘܼܫܝܵܐ: ܘܗܲܒ̣ ܐܸܢܹܝܢ ܠܙܵܘܸܥܬ̣ܵܐ ܘܲܠܒܸܙܬ̣ܵܐ. |
| [No book] |
[47]ܘܢܸܪܓ̇ܘܿܡ ܐܸܢܹܝܢ ܟܸܢܫܵܐ ܒܟܹܐܦܹ̈ܐ: ܘܢܸܡܚܘܿܢ ܐܸܢܹܝܢ ܒܣܲܝܦܲܝ̈ܗܘܿܢ: ܘܠܲܒ̣̈ܢܲܝܗܹܝܢ ܘܠܲܒ̣̈ܢܵܬ̣ܗܹܝܢ ܢܩܲܛܠܘܼܢ: ܘܒ̣ܵܬܲܝ̈ܗܹܝܢ ܢܘܩ̄ܕܼܘܼܢ ܒܢܘܼܪܵܐ. |
| [No book] |
[48]ܘܐܹܒܲܛܸܠ ܥܵܘܿܠܵܐ ܡ̣ܢ ܐܲܪܥܵܐ: ܘܢܸܬ̣ܪ̈ܲܕܼܝܵܢ ܟܠܗܹܝܢ ܢܸܫܹ̈ܐ: ܘܠܵܐ ܢܸܥ̈ܒ̇ܕܵܢ ܐܲܝܟ ܙܵܢܝܘܼܬ̣ܟܹܝܢ. |
| [No book] |
[49]ܘܐܸܬܸ̇ܠ ܙܵܢܝܘܼܬ̣ܟܹܝܢ ܥܠܲܝܟܹ̇ܝܢ: ܘܲܚܛܵܗܹ̈ܐ ܕܲܦܬܲܟ̣ܪܲܝܟܹ̇ܝܢ ܬܩܲـ̈ـܒ̇ܠܵܢ: ܘܬܸܕ̇ܥܵـ̈ـܢ ܕܐܸܢܵܐ ܐ̄ܢܵܐ ܡܵܪܝܵܐ. |