|
|
| [No book] |
[1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
| [No book] |
[2]ܒܲܪܢܵܫܵܐ: ܣܝܼܡ ܐܲܦܲܝ̈ܟ ܥܲܠ ܒܢܲܝ̈ ܥܲܡܘܿܢ: ܘܐܸܬ̣ܢܲܒܵܐ ܥܠܲܝܗܘܿܢ. |
| [No book] |
[3]ܘܐܸܡܲܪ ܠܲܒ̣ܢܲܝ̈ ܥܲܡܘܿܢ: ܫܡܲܥܘ ܦܸܬ̣ܓ̣ܵܡܹܗ ܕܡܵܪܹܐ ܡܵܪ̈ܵܘܵܬ̣ܵܐ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܐܸܡܲܪܬ̇ܘܿܢ ܐܲܚܵܢ ܥܲܠ ܡܲܩܕܲܫܝ ܕܐܸܬ̇ܛܵܘܲܫ: ܘܥܲܠ ܐܲܪܥܵܐ ܕܝܼܣܪܵܝܹܠ ܕܚܸܪܒܲܬ̤: ܘܥܲܠ ܕܒܹܝܬ̣ ܝܑܼܗܘܼܕܼܵܐ ܕܐܸܙܲܠܘ ܒܲܫܒ̣ܝܼܬ̣ܵܐ. |
| [No book] |
[4]ܡܸܛܠ ܗܵܢܵܐ ܗܵܐ ܝܵܗܹ̇ܒ̣ ܐ̄ܢܵܐ ܠܹܟ̣ܝ ܠܲܒ̣ܢܲܝ̈ ܡܲܕܼܢ̱ܚܵܐ ܠܝܘܼܪܬܵܢܵܐ: ܘܢܸܥܡܲܪ ܒܹܟ̣ܝ ܚܲܝܠܗܘܿܢ: ܘܢܸܩܫܘܼܢ ܒܹܟ̣ܝ ܡܲܫܟ̇ܢܲܝ̈ܗܘܿܢ: ܗܸܢܘܿܢ ܢܹܐܟ̣ܠܘܼܢ ܦܹܐܪ̈ܲܝܟ̇ܝ: ܘܗܸܢܘܿܢ ܢܸܫܬ̇ܘܿܢ ܚܲܠܒܹܟ̣ܝ. |
| [No book] |
[5]ܘܐܸܬ̇ܠܝܼܗ̇ ܠܪܲܒܲܬ̣ ܠܲܪܒ̣ܵܥܵܐ ܕܓܲܡ̈ܠܹܐ: ܘܠܲܒ̣ܢܲܝ̈ ܥܲܡܘܿܢ ܠܡܲܪܒ̇ܥܵܐ ܕܥܵܢܵـ̈ـܐ: ܘܬܸܕ̇ܥܘܼܢ ܕܐܸܢܐ ܐ̄ܢܵܐ ܡܵܪܝܵܐ. |
| [No book] |
[6]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܢܩܲܫܬܝ ܒܐܝܼܕܲܝ̈ܟ̇ܝ: ܘܲܪܦܲܣ̣ܬ̇ܝ ܒܪܸ̈ܓ̣ܠܲܝܟ̇ܝ: ܘܲܚܕܼܝܼܬ̇ܝ ܒܢܲܦ̮ܫܹܟ̣ܝ ܥܲܠ ܐܲܪܥܵܐ ܕܝܼܣܪܵܝܹܠ. |
| [No book] |
[7]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܡܪܝܼܡ ܐ̄ܢܵܐ ܐܝܼܕܼܝ ܥܠܲܝܟ̇ܝ: ܘܐܸܬ̇ܠܹܟ̣ܝ ܒܸܙܬ̣ܵܐ ܠܥܲܡܡܹ̈ܐ ܘܐܲܣܝܼܦܹܟ̣ܝ ܡ̣ܢ ܥܲܡܡܹ̈ܐ: ܘܐܵܘܒ̇ܕܹܟ̣ܝ ܡ̣ܢ ܡܕܼܝܼ̈ܢܵܬ̣ܵܐ: ܘܐܲܚ̱ܪܒܹܟ̣ܝ ܘܬܸܕ̇ܥܝܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
| [No book] |
[8]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܐܸܡܲܪ ܡܘܼܐܵܒ̣ ܘܣܵܥܝܼܪ: ܗܵܐ ܒܟ̣ܠܗܘܿܢ ܥܲܡܡܹ̈ܐ ܕܒܹܝܬ̣ ܝܑܼܗܘܼܕܼܵܐ. |
| [No book] |
[9]ܡܸܛܠ ܗܵܢܵܐ ܗܵܐ ܡܲܪܬܲܥ ܐ̄ܢܵܐ ܟܲܬ̣ܦܹܗ ܕܡܘܼܐܵܒ̣ ܡ̣ܢ ܡܕܼܝܼ̈ܢܵܬ̣ܵܐ: ܡ̣ܢ ܡܕܼܝܼ̈ܢܵܬܹܗ ܘܡ̣ܢ ܚܕܼܵܪܵܘܗܝ: ܫܘܼܒ̣ܚܵܐ ܕܐܲܪܥܵܐ ܕܒܹܝܬ̣ ܐܲܫܝܼܡܘܿܢ ܘܕܲܒ̣ܥܸܠܡܘܿܢ ܘܲܕܼܩܘܼܪܝܲܬ̇ܝܼܡ. |
| [No book] |
[10]ܕܲܒ̣ܢܲܝ̈ ܡܲܕܼܢ̱ܚܵܐ: ܘܕܲܒ̣ܢܲܝ̈ ܥܲܡܘܿܢ: ܐܸܬ̇ܠܝܼܗ̇ ܠܝܘܼܪܬܵܢܵܐ: ܕܠܵܐ ܬܸܬ̇ܕ̇ܟܲܪ ܪܲܒܲܬ̣ ܕܲܒ̣ܢܲܝ̈ ܥܲܡܘܿܢ ܒܥܲܡܡܹ̈ܐ. |
| [No book] |
[11]ܘܲܒ̣ܡܘܼܐܵܒ̣ ܐܸܥܒܸ̇ܕܼ ܕܝܼܢܵܐ: ܘܬܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
| [No book] |
[12]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܥܒܲܕܼ ܐܲܕܼܘܿܡ ܦܘܼܪܥܵܢܵܐ ܠܲܕܼܒܹܝܬ̣ ܝܑܼܗܘܼܕܼܵܐ: ܘܐܲܠܲܡ ܐܸܠܡܵܐ ܘܛܲܢ ܒܗܘܿܢ. |
| [No book] |
[13]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܡܪܝܼܡ ܐ̄ܢܵܐ ܐܝܼܕܼܝ ܥܲܠ ܐܲܕܼܘܿܡ: ܘܡܵܘܒܸ̇ܕܼ ܐ̄ܢܵܐ ܡܸܢܵܗ̇ ܒܢܲܝ̈ܢܵܫܵܐ ܘܲܒ̣ܥܝܼܪܵܐ: ܘܐܸܥܒ̇ܕܼܝܼܗ̇ ܠܚܘܼܪܒܵܐ ܡ̣ܢ ܬܲܝܡܲܢ ܘܕܼܵܪܵܢ: ܘܲܒ̣ܚܲܪܒܵܐ ܬܸܦܸܠ. |
| [No book] |
[14]ܘܐܸܥܒܸ̇ܕܼ ܦܘܼܪܥܵܢܝ ܒܐܲܕܼܘܿܡ: ܒܝܲܕܼ ܥܲܡܝ ܝܑܼܣܪܵܝܹܠ: ܘܢܸܬ̣ܦܲܪܥܘܿܢ ܡ̣ܢ ܐܲܕܼܘܿܡ ܐܲܝܟ ܪܘܼܓ̣ܙܝ ܘܐܲܝܟ ܚܸܡܬ̣ܝ: ܘܢܸܕ̇ܥܘܼܢܹܗ ܠܦܘܼܪܥܵܢܝ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
| [No book] |
[15]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܥܒܲܕܼܘ ܦܠܸܫܬܵܝܹ̈ܐ ܦܘܼܪܥܵܢܵܐ: ܘܐܸܬ̣ܦܪܲܥܘ ܦܘܼܪܥܵܢܵܐ ܒܪܸܓ̇ܬ̣ܵܐ ܕܢܲܦ̮ܫܗܘܿܢ: ܕܲܢܚܲܒ̇ܠܘܼܢ ܪܵܚܡܘܼܬ̣ܵܐ ܕܥܵܠܲܡ. |
| [No book] |
[16]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܡܪܝܼܡ ܐ̄ܢܵܐ ܐܝܼܕܼܝ ܥܲܠ ܦܸܠܫܬܵܝܹ̈ܐ: ܘܡܵܘܒܸ̇ܕܼ ܐ̄ܢܵܐ ܠܲܩܪܹܛܹܐ: ܘܡܵܘܒܸ̇ܕܼ ܐ̄ܢܵܐ ܫܲܪܟܵܐ ܕܲܣܦܵܪ̈ܲܝ ܝܲܡܵܐ. |
| [No book] |
[17]ܘܐܸܥܒܸ̇ܕܼ ܡܸܢܗܘܿܢ ܦܘܼܪ̈ܥܵܢܲܝ ܪܵܘܪ̈ܒܐ ܒܡܲܟ̇ܝܼܣܵܢܘܼܬ̣ܵܐ ܘܲܒ̣ܪܘܼܓ̣ܙܵܐ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܡܵܐ ܕܥܸܒ̣ܕܹ̇ܬ̣ ܡܸܢܗܘܿܢ ܦܘܼܪ̈ܥܵܢܲܝ. |