|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [2]ܒܲܪܢܵܫܵܐ: ܐܸܡܲܪ ܠܪܲܒܵܐ ܕܨܘܿܪ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܐܸܬ̇ܬ̇ܪܝܼܡ ܠܸܒܵܟ ܘܐܸܡܪܬ̇ ܕܐܲܠܵܗܵܐ ܐ̄ܢܵܐ: ܘܡܵܘܬ̇ܒ̣ܵܐ ܕܐܲܠܵܗܵܐ ܝܸܬ̣ܒܹ̇ܬ̣ ܒܠܸܒܵܐ ܕܝܲܡܡܹ̈ܐ: ܘܒܲܪܢܵܫܵܐ ܐܲܢ̄ܬ̇ ܘܠܵܐ ܗ̤ܘܲܝܬ̇ ܐܲܠܵܗܵܐ: ܘܲܚܫܲܒ̣ܬ̇ ܠܸܒܵܟ ܐܲܝܟ ܠܸܒܵܐ ܕܐܲܠܵܗܵܐ. |
[No book] |
| [3]ܕܲܠܡܵܐ ܚܲܟ̇ܝܼܡ ܐܲܢ̄ܬ̇ ܡ̣ܢ ܕܵܢܝܼܐܹܝܠ: ܐܵܘ ܟܲܣ̈ܝܵܬ̣ܵܐ ܚܙܲܝܬ̇ ܒܚܲܟ̇ܝܼܡܘܼܬ̣ܵܟ. |
[No book] |
| [4]ܘܲܒ̣ܣܘܼܟܵܠܵܟ ܥܒܲܕ̇ܬ̇ ܠܵܟ ܚܲܝܠܵܐ: ܘܲܚܡܲܠܬ̇ ܣܹܐܡܵܐ ܘܕܲܗܒ̣ܵܐ ܒܹܝܬ̣ ܓܲܙܲܝ̈ܟ. |
[No book] |
| [5]ܒܣܘܿܓ̣ܵܐܐ ܕܚܸܟ̣ܡ̱ܬ̣ܵܟ ܘܲܕ̇ܬܹܐܓ̣ܘܼܪܬܵܟ ܐܲܣܓܝܼܬ̇ ܥܘܼܬ̣ܪܵܟ: ܘܐܸܬ̇ܬ̇ܪܝܼܡ ܠܸܒܵܟ ܒܥܘܼܬ̣ܪܵܟ. |
[No book] |
| [6]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܲܚܫܲܒ̣ܬ̇ ܠܸܒܵܟ ܐܲܝܟ ܠܸܒܵܐ ܕܐܲܠܵܗܵܐ. |
[No book] |
| [7]ܗܵܐ ܡܲܝܬܹ̇ܐ ܐ̄ܢܵܐ ܥܠܲܝܟ ܢܘܼܟ̣ܪ̈ܵܝܹܐ ܥܲܫܝܼܢܹ̈ܐ ܕܥܲܡܡܹ̈ܐ: ܘܢܸܫ̱ܡܛܘܼܢ ܣܲܝܦܲܝ̈ܗܘܿܢ ܥܲܠ ܫܘܼܦܪܵܗ̇ ܕܚܸܟ̣ܡ̱ܬ̣ܵܟ: ܘܲܢܛܲܢܦܘܼܢ ܫܘܼܒ̣ܚܵܟ. |
[No book] |
| [8]ܘܢܲܚܬ̣ܘܼܢܵܟ ܠܲܚܒ̣ܵܠܵܐ: ܘܲܬ̣ܡܘܼܬ̣ ܡܵܘܬܵܐ ܕܲܩܛܝܼ̈ܠܹܐ ܒܠܸܒܵܐ ܕܝܲܡܡܹ̈ܐ. |
[No book] |
| [9]ܕܲܠܡܵܐ ܐܵܡܲܪ ܐܲܢ̄ܬ̇ ܩܕܼܵܡ ܩܵܛܘܿܠܲܝ̈ܟ ܕܐܲܠܵܗܵܐ ܐ̄ܢܵܐ: ܡܸܛܠ ܕܒܲܪܢܵܫܵܐ ܐܲܢ̄ܬ̇ ܒܐܝܼܕܼܵܐ ܕܩܵܛܘܿܠܲܝ̈ܟ: ܘܠܵܐ ܗ̤ܘܲܝܬ̇ ܐܲܠܵܗܵܐ. |
[No book] |
| [10]ܒܐܝܼܕܼܵܐ ܕܥܘܼܪ̈ܠܹܐ ܢܘܼܟ̣ܪ̈ܵܝܹܐ ܬܡܘܼܬ̣: ܡܸܛܠ ܕܐܸܢܵܐ ܡܲܠܠܹ̇ܬ̣ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [11]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [12]ܒܲܪܢܵܫܵܐ: ܐܲܠܝܼ ܐܘܿܠܝܼܬ̣ܵܐ ܥܲܠ ܡܲܠܟܵܐ ܕܨܘܿܪ: ܘܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܲܢ̄ܬ̇ ܛܲܒ̣ܥܵܐ ܐܲܢ̄ܬ̇ ܕܲܕܼܡܘܼܬ̣ܵܐ ܕܲܡܠܹܐ ܚܸܟ̣ܡ̱ܬ̣ܵܐ: ܘܲܟ̣ܠܝܼܠܵܐ ܕܫܘܼܒ̣ܚܵܐ. |
[No book] |
| [13]ܒܲܥܕܸܢ ܦܲܪܕܲܝܣܹܗ ܕܐܲܠܵܗܵܐ ܗ̤ܘܲܝܬ̇: ܘܟ̣ܠܗܹܝܢ ܟܹܐܦܹ̈ܐ ܛܵـ̈ـܒ̣ܵܬ̣ܵܐ ܐܸܬ̣ܚܲܙܲܩܬ̇: ܣܲܪܕ̇ܘܿܢ: ܘܩܲܪܟܸܕܼܢܵܐ: ܘܲܙܡܲܪܓ̇ܕܼܵܐ: ܘܒܹܪܘܿܠܵܐ: ܘܣܲܦܝܼܠܵܐ: ܘܐܝܼܵܣܦܘܿܢ: ܘܲܩܪܘܼܣܛܸܠܘܿܣ: ܘܡܲܪ̈ܓܵܢܝܵܬ̣ܵܐ ܘܕܲܗܒ̣ܵܐ ܡ̣ܠܲܝܬ̇ ܒܹܝܬ̣ ܒܹܝܬ̣ ܓܲܙܲܝ̈ܟ: ܘܟܹܐܦܹ̈ܐ ܛܵـ̈ـܒ̣ܵܬ̣ܵܐ ܒܹܝܬ̣ ܚܡܵܠܲܝ̈ܟ: ܡ̣ܢ ܝܵܘܡܵܐ ܕܐܸܬ̣ܒ̇ܪܝܼܬ̇. |
[No book] |
| [14]ܘܲܗ̤ܘܲܝܬ̇ ܥܲܡ ܟܪܘܿܒ̣ܵܐ ܕܲܡܫܝܼܚ.ܡܲܛܲܠ: ܘܝܲܗ̄ܒ̣ܬܵܟ ܒܛܘܼܪܵܐ ܕܩܘܼܕܼܫܹܗ ܕܐܲܠܵܗܵܐ: ܘܲܗ̤ܘܲܝܬ̇ ܒܲܝܢܵܬ̣ ܟܹܐܦܹ̈ܐ ܕܢܘܼܪܵܐ. |
[No book] |
| [15]ܘܗܲܠܸܟ̣ܬ̇ ܕܠܵܐ ܡܘܼܡ ܒܐܘܼܪ̈ܚܵܬ̣ܵܟ: ܡ̣ܢ ܝܵܘܡܵܐ ܕܐܸܬ̣ܒ̇ܪܝܼܬ̇ ܥܕܲܡܵܐ ܕܐܹܫܬ̇ܟܲܚ ܒܵܟ ܥܵܘܼܠܵܐ. |
[No book] |
| [16]ܒܣܘܿܓ̣ܵܐܐ ܕܬܹܐܓ̣ܘܿܪܬܵܟ ܡ̣ܠܲܝܬ̇ ܓܵܘܵܟ ܥܵܘܼܠܵܐ: ܘܲܚܛܲܝܬ̇ ܘܲܩܛܲܠܬܵܟ ܡ̣ܢ ܛܘܼܪܹܗ ܕܐܲܠܵܗܵܐ: ܘܐܵܘܒ̇ܕܼܵܟ ܟܪܘܿܒ̣ܵܐ ܕܡܲܛܲܠ ܡ̣ܢ ܓܵܘ ܟܹܐܦܹ̈ܐ ܕܢܘܼܪܵܐ. |
[No book] |
| [17]ܥܲܠ ܕܐܸܬ̇ܬ̇ܪܝܼܡ ܠܸܒܵܟ ܒܫܘܼܦܪܵܟ: ܐܸܬ̣ܚܲܒ̇ܠܲܬ̤ ܚܸܟ̣ܡ̱ܬ̣ܵܟ ܥܲܡ ܫܘܼܦܪܵܟ: ܘܒܲܐܪܥܵܐ ܫܕܼܝ̇ܬ̣ܵܟ ܩܕܼܵܡ ܡܲܠ̈ܟܹ̇ܐ: ܘܝܲܗ̄ܒ̣ܬܵܟ ܠܗܘܿܢ ܠܚܸܙܘܵܐ. |
[No book] |
| [18]ܒܣܘܿܓ̣ܵܐܐ ܕܥܸܬܵܟ ܘܲܒ̣ܥܵܘܼܠܵܐ ܕܬܹܐܓ̣ܘܼܪܬܵܟ ܛܲܢܸܦ̣ܬ̇ ܡܲܩܕ̇ܫܵܟ: ܐܲܦܸܩ ܢܘܼܪܵܐ ܡ̣ܢ ܓܵܘܵܟ ܘܗ̤ܝ ܬܹܐܟ̣ܠܵܟ: ܘܐܸܥܒ̇ܕܼܵܟ ܩܸܛܡܵܐ ܒܐܲܪܥܵܐ: ܠܥܹܝܢ ܟܠ ܕܚܵܙܹ̇ܝܢ ܠܵܟ. |
[No book] |
| [19]ܘܟ̣ܠ ܕܝܵܕܼܥܝܼܢ ܠܵܟ ܒܹܝܬ̣ ܥܲܡܡܹ̈ܐ: ܢܸܬ̣ܡ̱ܗܘܿܢ ܥܠܲܝܟ: ܘܗܵܘܹ̇ܐ ܐܲܢ̄ܬ̇ ܠܐܲܒ̣ܕܵܢܵܐ: ܘܠܲܝܬ̇ ܐܲܢ̄ܬ̇ ܠܥܵܠܲܡ. |
[No book] |
| [20]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [21]ܒܲܪܢܵܫܵܐ: ܣܝܼܡ ܐܲܦܲܝ̈ܟ ܥܲܠ ܨܲܝܕܵܢ: ܘܐܸܬ̣ܢܲܒܵܐ ܥܠܹܝܗ̇. |
[No book] |
| [22]ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܠܲܝܟ̇ܝ ܨܲܝܕܵܢ: ܘܐܸܫܬܲܒܲܚ ܒܹܟ̣ܝ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܡܵܐ ܕܥܸܒ̣ܕܹ̇ܬ̣ ܒܵܗ̇ ܕܝܼܢܲܝ̈ ܘܐܸܬ̣ܩܲܕ̇ܫܹ̇ܬ̣ ܒܵܗ̇. |
[No book] |
| [23]ܘܫܲܕ̇ܪܹܬ̣ ܥܠܹܝܗ̇ ܡܵܘܬܵܢܵܐ ܘܲܕܼܡܵܐ ܒܫܘܼܩܹ̈ܝܗ̇: ܘܢܸܦܠܘܿܢ ܚܪ̈ܝܼܒܹܝܗ̇ ܒܓ̣ܵܘܵܗ̇ ܒܚܲܪܒܵܐ ܕܬܸܚܕ̇ܪܝܼܗ̇: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [24]ܘܬ̣ܘܼܒ̣ ܠܵܐ ܢܸܗܘܹܐ ܠܲܕܼܒܹܝܬ̣ ܝܑܼܣܪܵܝܹܠ: ܓܸܕ̇ܕܹ̈ܐ ܡܲܪܝܼܪ̈ܵܬ̣ܵܐ ܘܟܹܐܒ̣ܵܐ ܕܲܡܢܲܘܸܠ: ܡ̣ܢ ܟܠܗܘܿܢ ܕܲܚܕܼܝܼܪܝܼܢ ܠܗܘܿܢ: ܘܲܡܨܲܥܪܝܼܢ ܠܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [25]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܵܐ ܕܟܲܢܫܹ̇ܬ̣ ܠܲܕܼܒܹܝܬ̣ ܝܑܼܣܪܵܝܹܠ ܡ̣ܢ ܥܲܡܡܹ̈ܐ ܕܐܸܬ̣ܒܲܕܲܪܘ ܒܲܝܢܵܬ̣ܗܘܿܢ: ܘܐܸܬ̣ܩܲܕ̇ܫܹ̇ܬ̣ ܒܗܘܿܢ ܠܥܹܝܢ ܥܲܡܡܹ̈ܐ: ܘܢܸܬ̇ܒ̣ܘܼܢ ܒܐܲܪܥܵܐ ܕܝܸܗ̄ܒܹ̇ܬ̣ ܠܥܲܒ̣ܕ̇ܝ ܝܲܥܩܘܿܒ̣. |
[No book] |
| [26]ܘܢܸܬ̇ܒ̣ܘܼܢ ܒܵܗ̇ ܒܫܸܠܝܵܐ: ܘܢܸܒ̣ܢܘܿܢ ܒܵـ̈ـܬܹ̇ܐ ܘܢܸܨܒ̣ܘܼܢ ܟܲܪ̈ܡܹܐ: ܘܢܸܬ̇ܒ̣ܘܼܢ ܒܣܲܒ̣ܪܵܐ: ܡܵܐ ܕܥܸܒ̣ܕܹ̇ܬ̣ ܕܝܼܢܹ̈ܐ ܡ̣ܢ ܟܠܗܘܿܢ ܥܲܡܡܹ̈ܐ ܕܲܚܕܼܵܪ̈ܲܝܗܘܿܢ: ܕܡܲܗܪܝܼܢ ܠܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܗܘܿܢ. |
[No book] |