➖ »
«
➖ ➕
Peshitta OT
PesOT
The Book of Jubilees
Jub(YWO)
←
Ezekiel
Eze
29
→
[1]ܒܫܲܢ̄ܬܵܐ ܥܣܝܼܪܵܝܬܵܐ ܒܝܲܪܚܵܐ ܕܥܸܣܪܵܐ ܒܬܲܪܬܲܥܸܣܪܹ̈ܐ: ܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[2]ܒܲܪܢܵܫܵܐ: ܣܝܼܡ ܐܲܦܲܝ̈ܟ ܥܲܠ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܘܐܸܬ̣ܢܲܒܵܐ ܥܠܵܘܗܝ: ܘܥܲܠ ܟܠܵܗ̇ ܡܸܨܪܹܝܢ. [No book]
[3]ܡܲܠܸܠ ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܠܲܝܟ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܬܲܢܝܼܢܵܐ ܪܲܒܵܐ ܕܪܲܒ̇ܝܼܥ ܒܓ̣ܵܘ ܢܲܗܪ̈ܵܘܵܬ̣ܵܐ: ܘܐܵܡܲܪ ܕܕܼܝܼܠܝ ܗ̄ܘܼ ܢܲܗܪܵܐ ܘܐܸܢܵܐ ܥܒܲܕ̇ܬܹ̇ܗ. [No book]
[4]ܐܸܢܵܐ ܐܲܪܡܸܐ ܒܠܵܡܵܐ ܒܦܲܟܲܝ̈ܟ: ܘܐܲܕܼܒܸ̇ܩ ܒܓܸܦܲܝ̈ܟ ܢܘܼܢܹ̈ܐ ܕܢܲܗܪܵܟ: ܘܐܲܣܩܵܟ ܡܟܢ ܓܵܘ ܢܲܗܪܵܟ: ܘܟ̣ܠܗܘܿܢ ܢܘܼܢܹ̈ܐ ܕܢܲܗܪܵܟ: ܒܓܸܦܲܝ̈ܟ ܢܸܕܼܒ̇ܩܘܼܢ. [No book]
[5]ܘܐܲܪܡܹܝܟ ܒܡܲܕܼܒ̇ܪܵܐ ܠܵܟ ܘܲܠܟ̣ܠܗܘܿܢ ܢܘܼܢܹ̈ܐ ܕܢܲܗܪܵܟ: ܘܥܲܠ ܐܲܦܲܝ̈ ܚܲܩܠܵܐ ܬܸܦܸܠ: ܘܠܵܐ ܬܸܬ̣ܟܲܢܸܫ ܘܠܵܐ ܬܸܬ̣ܚܡܸܠ ܠܚܲܝ̄ܘܬ̣ܵܐ ܕܕܲܒ̣ܪܵܐ ܘܲܠܦܵܪܲܚܬ̣ܵܐ ܕܲܫܡܲܝܵܐ ܝܲܗ̄ܒ̣ܬܵܟ ܠܡܹܐܟ̣ܘܼܠܬܵܐ. [No book]
[6]ܕܢܸܕ̇ܥܘܼܢ ܟܠܗܘܿܢ ܥܵܡܘܿܪܹ̈ܝܗ̇ ܕܡܸܨܪܹܝܢ ܕܐܸܢܵܐ ܐ̄ܢܵܐ ܡܵܪܝܵܐ: ܥܲܠ ܕܲܗ̤ܘܲܝܬ̇ ܐܲܝܟ ܚܘܼܛܪܵܐ ܕܩܲܢܝܵܐ ܠܲܕܼܒܹܝܬ̣ ܝܑܼܣܪܵܝܹܠ. [No book]
[7]ܟܲܕܼ ܐܲܚܕ̇ܘܼܟ ܒܐܝܼܕܲܝ̈ܗܘܿܢ ܒܙܲܥ̣ܬ̇ ܐܝܼܕܲܝ̈ܗܘܿܢ: ܘܟܲܕܼ ܐܸܣܬ̇ܡܸܟ̣ܘ ܥܠܲܝܟ: ܐܸܬ̇ܬ̇ܒܲܪܬ̇ ܘܐܲܪܥܸܠ̣ܬ̇ ܚܲܨܲܝ̈ܗܘܿܢ. [No book]
[8]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܡܲܝܬܸ̇ܐ ܐ̄ܢܵܐ ܥܠܲܝܟ ܚܲܪܒܵܐ: ܘܐܵܘܒܸ̇ܕܼ ܡܸܢܵܟ ܒܢܲܝ̈ܢܵܫܵܐ ܘܲܒ̣ܥܝܼܪܵܐ. [No book]
[9]ܘܬܸܗܘܹܐ ܐܲܪܥܵܐ ܕܡܸܨܪܹܝܢ ܠܲܚܒ̣ܵܠܵܐ ܘܲܠܚܘܼܪܒܵܐ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܥܲܠ ܕܐܸܡܲܪܬ̇ ܕܕܼܝܼܠܝ ܗ̄ܘܼ ܢܲܗܪܵܐ: ܘܐܸܢܵܐ ܥܒܲܕ̇ܬܹ̇ܗ. [No book]
[10]ܡܸܛܠ ܗܵܢܵܐ ܐܸܢܵܐ ܥܠܲܝܟ ܘܥܲܠ ܢܲܗܪܵܟ: ܘܐܸܬ̇ܠܝܼܗ̇ ܠܐܲܪܥܵܐ ܕܡܸܨܪܹܝܢ ܠܲܚܒ̣ܵܠܵܐ ܘܲܠܚܘܼܪܒܵܐ: ܡ̣ܢ ܡܲܓܕ̇ܠܵܐ ܕܣܘܿܢܵܐ ܘܲܥܕܲܡܵܐ ܠܲܬ̣ܚܘܼܡܵܐ ܕܟ̣ܘܼܫ. [No book]
[11]ܠܵܐ ܬܸܥܒܲܪ ܒܵܗ̇ ܪܸܓ̣ܠܵܐ ܕܒܲܪܢܵܫܵܐ: ܐܵܦܠܵܐ ܦܲܪܣܬ̣ܵܐ ܕܲܒ̣ܥܝܼܪܵܐ: ܘܠܵܐ ܬܸܬܹ̇ܒ̣ ܐܲܪܒ̇ܥܝܼܢ ܫܢܝܼ̈ܢ. [No book]
[12]ܘܐܸܬ̇ܠܝܼܗ̇ ܠܐܲܪܥܵܐ ܕܡܸܨܪܹܝܢ ܠܲܚܒ̣ܵܠܵܐ: ܒܲܝܢܵܬ̣ ܡܕܼܝܼ̈ܢܵܬ̣ܵܐ ܕܨܲܕܼܝܵـ̈ـܢ: ܘܢܸܗܘ̈ܝܵܢ ܡܕܼܝܼ̈ܢܵܬ̣ܵܗ̇ ܠܲܚܒ̣ܵܠܵܐ ܐܲܪܒ̇ܥܝܼܢ ܫܢܝܼ̈ܢ: ܒܲܝܢܵܬ̣ ܡܕܼܝܼ̈ܢܵܬ̣ܵܐ ܕܚܲܪ̈ܒ̣ܵܢ: ܘܐܹܒܲܕ̇ܪܝܼܗ̇ ܠܡܸܨܪܹܝܢ ܒܥܲܡܡܹ̈ܐ: ܘܐܸܕܼܪܸܐ ܐܸܢܘܿܢ ܒܲܡܕܼܝܼ̈ܢܵܬ̣ܵܐ. [No book]
[13]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܒܵܬܲܪ ܐܪܒ̇ܥܝܼܢ ܫܢ̈ܝܼܢ: ܐܹܟܲܢܸܫ ܐܸܢܘܿܢ ܠܡܸܨܪ̈ܵܝܹܐ ܡ̣ܢ ܥܲܡܡܹ̈ܐ ܕܐܸܬ̣ܒܲܕܲܪܘ ܒܲܝܢܵܬ̣ܗܘܿܢ. [No book]
[14]ܘܐܲܗܦܸܟ ܫܒ̣ܝܼܬ̣ܵܗ̇ ܕܡܸܨܪܹܝܢ: ܘܐܵܘܬܸ̇ܒ̣ ܐܸܢܘܿܢ ܒܐܲܪܥܵܐ ܕܦܲܬ̣ܪܘܿܣ: ܒܐܲܪܥܵܐ ܕܐܸܙܕܲܒ̣ܵܢܘ ܡܸܢܵܗ̇: ܘܢܸܗܘܘܿܢ ܬܲܡܵܢ ܡܲܠܟ̇ܘܼܬ̣ܵܐ ܡܲܟ̇ܝܼܟ̣ܬܵܐ. [No book]
[15]ܘܬܸܗܘܹܐ ܡܲܟ̇ܝܼܟ̣ܵܐ ܡ̣ܢ ܟܠܗܹܝܢ ܡܲܠܟ̇ـ̈ـܘܵܬ̣ܵܐ: ܘܬ̣ܘܼܒ̣ ܠܵܐ ܬܸܫܬܲܩܲܠ ܥܲܠ ܥܲܡܡܹ̈ܐ: ܘܐܲܙܥܲܪ ܐܸܢܘܿܢ ܕܠܵܐ ܢܫܲܥܒ̇ܕܼܘܼܢ ܠܥܲܡܡܹ̈ܐ. [No book]
[16]ܘܬ̣ܘܼܒ̣ ܠܵܐ ܢܸܗܘܘܿܢ ܠܲܕܼܒܹܝܬ̣ ܝܑܼܣܪܵܝܹܠ ܠܣܲܒ̣ܪܵܐ ܘܲܠܥܘܼܗܕܵܢܵܐ ܕܥܵܘܼܠܵܐ: ܥܲܠ ܕܐܸܙܲܠܘ ܒܵܬܲܪܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܹܐ ܡܵܪ̈ܵܘܵܬ̣ܵܐ. [No book]
[17]ܒܥܸܣܪܝܼܢ ܘܲܫܒܲܥ ܫܢܝܼ̈ܢ: ܒܝܲܪܚܵܐ ܩܲܕܼܡܵܝܵܐ ܒܚܲܕܼ ܒܝܲܪܚܵܐ: ܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[18]ܒܲܪܢܵܫܵܐ: ܢܒ̣ܘܼܟܲܕܼܢܵܨܲܪ ܡܲܠܟܵܐ ܕܒ̣ܵܒܹܠ: ܫܲܥ̣ܒܸ̇ܕܼ ܠܟ̣ܠܹܗ ܚܲܝܠܹܗ ܫܘܼܥܒܵܕܼܵܐ ܪܲܒܵܐ ܥܲܠ ܨܘܿܪ: ܒܟ̣ܠ ܪܹܫ ܩܘܼܕܼܚܵـ̈ـܬ̣ܵܐ: ܘܟ̣ܠ ܟܬܸܦ ܚܠܝܼܨܵܐ: ܘܐܲܓ̣ܪܵܐ ܠܵܐ ܐܸܬ̣̱ܝܼܗܸܒ̣ ܠܹܗ ܘܲܠܚܲܝܠܹܗ ܡ̣ܢ ܨܘܿܪ: ܥܲܠ ܫܘܼܥܒܵܕܼܵܐ ܕܫܲܥ̣ܒ̇ܕܼܵܗ̇. [No book]
[19]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܝܵܗܹ̇ܒ̣ ܐ̄ܢܵܐ ܠܲܢܒ̣ܘܼܟܲܕܼܢܵܨܲܪ ܡܲܠܟܵܐ ܕܒ̣ܵܒܹܠ: ܐܲܪܥܵܐ ܕܡܸܨܪܹܝܢ: ܘܢܸܫܩܘܿܠ ܩܸܢܝܵܢܵܗ̇ ܘܢܸܫܒܹ̇ܐ ܫܒ̣ܝܼܬܵܗ̇ ܘܢܸܒ̇ܘܿܙ ܒܸܙܬ̣ܵܗ̇: ܘܬܸܗܘܹܐ ܐܲܓ̣ܪܵܐ ܠܚܲܝܠܹܗ. [No book]
[20]ܘܲܚܠܵܦ ܦܵܥܠܘܼܬ̣ܵܐ ܕܲܥܒܲܕܼ ܒܨܘܿܪ: ܝܸܗ̄ܒܹ̇ܬ̣ ܠܹܗ ܠܐܲܪܥܵܐ ܕܡܸܨܪܹܝܢ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[21]ܒܹܗ ܒܝܵܘܡܵܐ ܗܵܘܿ: ܐܲܕܼܢܲܚ ܩܲܪܢܵܐ ܠܲܕܼܒܹܝܬ̣ ܝܑܼܣܪܵܝܹܠ: ܘܐܸܦ̮ܬܲܚ ܦܘܼܡܵܟ ܒܲܝܢܵܬ̣ܗܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܹܐ ܡܵܪ̈ܵܘܵܬ̣ܵܐ. [No book]
Author: Enoch the Prophet
Source: www.YahwehsWord.org
Top