➖ »
«
➖ ➕
Aleppo Codex (~920)
Alep
The Didache
Didache
←
Ezekiel
Eze
30
→
[1]ויהי דבר יהוה אלי לאמר [No book]
[2]בן אדם־הנבא ואמרת כה אמר אדני יהוה הילילו הה ליום [No book]
[3]כי קרוב יום וקרוב יום ליהוה יום ענן עת גוים יהיה [No book]
[4]ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסדותיה [No book]
[5]כוש ופוט ולוד וכל הערב וכוב ובני ארץ הברית־אתם בחרב יפלו [No book]
[6]כה אמר יהוה ונפלו סמכי מצרים וירד גאון עזה ממגדל סונה בחרב יפלו בה־נאם אדני יהוה [No book]
[7]ונשמו בתוך ארצות נשמות ועריו בתוך ערים נחרבות תהיינה [No book]
[8]וידעו כי אני יהוה בתתי אש במצרים ונשברו כל עזריה [No book]
[9]ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה [No book]
[10]כה אמר אדני יהוה והשבתי את המון מצרים ביד נבוכדראצר מלך בבל [No book]
[11]הוא ועמו אתו עריצי גוים־מובאים לשחת הארץ והריקו חרבותם על מצרים ומלאו את הארץ חלל [No book]
[12]ונתתי יארים חרבה ומכרתי את הארץ ביד רעים והשמתי ארץ ומלאה ביד זרים־אני יהוה דברתי [No book]
[13]כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים [No book]
[14]והשמתי את פתרוס ונתתי אש בצען ועשיתי שפטים בנא [No book]
[15]ושפכתי חמתי על סין מעוז מצרים והכרתי את המון נא [No book]
[16]ונתתי אש במצרים־חול תחיל [Q: תחול] סין ונא תהיה להבקע ונף צרי יומם [No book]
[17]בחורי און ופי בסת בחרב יפלו והנה בשבי תלכנה [No book]
[18]ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנה [No book]
[19]ועשיתי שפטים במצרים וידעו כי אני יהוה [No book]
[20]ויהי באחת עשרה שנה בראשון בשבעה לחדש היה דבר יהוה אלי לאמר [No book]
[21]בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה־לתפש בחרב [No book]
[22]לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו [No book]
[23]והפצותי את מצרים בגוים וזריתם בארצות [No book]
[24]וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו [No book]
[25]והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים [No book]
[26]והפצותי את מצרים בגוים וזריתי אותם בארצות וידעו כי אני יהוה [No book]
Source: unbound.biola.edu
 Translation: Charles H. Hoole (1894)
Source: sacred-texts.com
Top