|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [2]ܒܲܪܢܵܫܵܐ: ܐܸܬ̣ܢܲܒܵܐ ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܐܲܝܠܸܠܘ ܘܐܸܡܲܪܘ ܐܘܿܗ̇ ܠܝܵܘܡܵܐ. |
[No book] |
| [3]ܕܩܲܪܝܼܒ̣ ܗ̄ܘܼ ܝܵܘܡܵܐ ܩܲܪܝܼܒ̣ ܗ̄ܘܼ ܝܵܘܡܹܗ: ܕܡܵܪܝܵܐ: ܝܵܘܡܵܐ ܕܲܥܢܵܢܵܐ ܘܙܲܒ̣ܢܵܐ ܕܥܲܡܡܹ̈ܐ. |
[No book] |
| [4]ܘܬܹܐܬܹܐ ܚܲܪܒܵܐ ܥܲܠ ܡܸܨܪܹܝܢ: ܘܢܸܗܘܸܐ ܒܘܼܠܗܵܝܵܐ ܒܟ̣ܘܼܫ: ܡܵܐ ܕܲܢܦܲܠ̣ܘ ܚܪ̈ܝܼܒܹܐ ܒܡܸܨܪܹܝܢ: ܘܢܸܣܒ̣ܘܼܢ ܥܘܼܬ̣ܪܵܗ̇ ܘܢܸܥܩ̄ܪܘܼܢ ܫܲܬ̣ܐ̱ܣܹ̈ܝܗ̇. |
[No book] |
| [5]ܘܟ̣ܘܼܫܵܝܹ̈ܐ: ܘܦܘܿܛܵܝܹ̈ܐ: ܘܠܹܘܒ̣ܵܝܹ̈ܐ: ܘܟ̣ܠܵܗ̇ ܥܵܪܵܒ̣ܝܼܵܐ ܘܟ̣ܘܿܒ̣: ܘܲܒ̣ܢܲܝ̈ ܐܲܪܥܵܐ ܕܲܩܝܵܡܵܐ ܥܲܡܗܘܿܢ ܒܚܲܪܒܵܐ ܢܸܦܠܘܼܢ. |
[No book] |
| [6]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܢܸܦܠܘܼܢ ܣܵܡܟܹ̇ܝ̈ܗ̇ ܕܡܸܨܪܹܝܢ: ܘܢܸܬ̇ܬ̇ܒܲܪ ܚܲܝܠܵܐ ܕܥܘܼܫܢܵܗ̇: ܡ̣ܢ ܡܲܓܕ̇ܠܵܐ ܕܣܘܿܢܵܐ ܒܚܲܪܒܵܐ ܢܸܦܠܘܼܢ ܒܵܗ̇: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [7]ܘܢܸܚ̱ܪ̈ܒ̣ܵܢ ܒܲܝܢܵܬ̣ ܐܲܪ̈ܥܵܬ̣ܵܐ ܕܚܲܪ̈ܒ̣ܵܢ: ܘܲܡܕܼܝܼ̈ܢܵܬ̣ܗܹܝܢ ܒܲܝܢܵܬ̣ ܡܕܼܝܼ̈ܢܵܬ̣ܵܐ ܚܲܪ̈ܒ̣ܵܬ̣ܵܐ ܢܸܗܘ̈ܝܵܢ. |
[No book] |
| [8]ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܕܫܹܒ̣ܩܹ̇ܬ̣ ܢܘܼܪܵܐ ܒܡܸܨܪܹܝܢ: ܘܐܸܬ̇ܬ̇ܒܲܪܘ ܟܠܗܘܿܢ ܡܥܲܕ̇ܪ̈ܵܢܹܝܗ̇. |
[No book] |
| [9]ܒܹܗ ܒܝܵܘܡܵܐ ܗܵܘܿ: ܢܸܦܩܘܼܢ ܡܲܠܲܐܟܹ̈ܐ ܡ̣ܢ ܩܕܼܵܡܲܝ̈ ܡܣܲܪܗܒ̣ܵܐܝܼܬ̣: ܠܲܡܚܲܒܵܠܘܼ ܠܟ̣ܘܼܫ ܕܝܵܬ̣ܒܵܐ ܒܫܸܠܝܵܐ: ܘܢܸܗܘܹܐ ܒܗܘܿܢ ܕܠܘܼܚܝܵܐ ܒܝܵܘܡܵܗ̇ ܕܡܸܨܪܹܝܢ: ܘܗܵܐ ܡܲܛܝܼ. |
[No book] |
| [10]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܲܫܠܸܡ ܐ̄ܢܵܐ ܥܘܼܬ̣ܪܵܗ̇ ܕܡܸܨܪܹܝܢ: ܒܝܲܕܼ ܢܒ̣ܘܼܟܲܕ̇ܢܵܨܲܪ ܡܲܠܟܵܐ ܕܒ̣ܵܒܹܠ. |
[No book] |
| [11]ܠܹܗ ܘܲܠܥܲܫܝܼ̈ܢܹܐ ܕܥܲܡܹܗ ܕܐܵܬܹ̇ܝܢ ܠܲܡܚܲܒܵܠܘܼ ܠܐܲܪܥܵܐ: ܘܢܸܫ̱ܡܛܘܼܢ ܣܲܝܦܲܝ̈ܗܘܿܢ ܥܲܠ ܡܸܨܪܹܝܢ: ܘܢܸܡܠܘܿܢܵܗ̇ ܠܐܲܪܥܵܐ ܚܪ̈ܝܼܒܹܐ. |
[No book] |
| [12]ܘܐܸܥܒܸ̇ܕܼ ܢܲܗܪ̈ܵܘܵܬ̣ܵܐ ܠܲܚܒ̣ܵܠܵܐ: ܘܐܲܫ̱ܠܡܝܼܗ̇ ܠܐܲܪܥܵܐ ܒܐܝܼܕܼܵܐ ܕܒ̣ܝܼܫܹ̈ܐ: ܘܐܲܚ̱ܪܒ̣ܝܼܗ̇ ܠܐܲܪܥܵܐ ܒܲܡܠܹܐܵܗ̇ ܒܐܝܼܕܼܵܐ ܕܢܘܼܟ̣ܪ̈ܵܝܹܐ: ܐܸܢܵܐ ܡܵܪܝܵܐ ܡܲܠܠܹ̇ܬ̣. |
[No book] |
| [13]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܵܘܒܸ̇ܕܼ ܐ̄ܢܵܐ ܦܬܲܟ̣ܪܹ̈ܐ: ܘܲܡܒܲܛܸܠ ܐ̄ܢܵܐ ܕܸܚ̈ܠܵܬ̣ܵܐ ܡ̣ܢ ܡܲܦܲܣ: ܘܬ̣ܘܼܒ̣ ܠܵܐ ܢܸܗܘܸܐ ܪܲܒܵܐ ܒܐܲܪܥܵܐ ܕܡܸܨܪܹܝܢ. |
[No book] |
| [14]ܘܐܹܒܲܛܠܝܼܗ̇ ܠܐܲܪܥܵܐ ܕܦܲܬ̣ܪܘܿܣ: ܘܐܸܫܒ̇ܘܿܩ ܢܘܼܪܵܐ ܒܨܵܥܵܢ: ܘܐܸܥܒܸ̇ܕܼ ܕܝܼܢܵܐ ܒܢܘܿ. |
[No book] |
| [15]ܘܐܹܫܘܿܕܼ ܪܘܼܓ̣ܙܝ ܥܲܠ ܣܝܼܢ ܥܘܼܫܢܵܗ̇ ܕܡܸܨܪܹܝܢ: ܘܐܵܘܒܸ̇ܕܼ ܥܘܼܬ̣ܪܵܗ̇ ܕܢܘܿ. |
[No book] |
| [16]ܘܐܸܫܒ̇ܘܿܩ ܢܘܼܪܵܐ ܒܡܸܨܪܹܝܢ: ܘܢܸܬ̇ܕܲܠܲܚ ܣܝܼܢ: ܘܢܘܿ ܬܸܬ̇ܪܲܥ: ܘܡܲܦܲܣ ܬܸܗܘܹܐ ܠܡܲܦܘܼܠܬܵܐ. |
[No book] |
| [17]ܘܐܲܝܟ ܡܲـ̈ـܝܵܐ ܢܸܗܘܘܿܢ ܓܲܕ̇ܘܼ̈ܕܹܐ ܕܡܲܦܝܼܒܲܣܬ̇: ܘܲܒ̣ܚܲܪܒܵܐ ܢܸܦܠܘܿܢ: ܘܲܒ̣ܫܸܒ̣ܝܵܐ ܢܹܐܙܠ̄ܘܼܢ. |
[No book] |
| [18]ܘܲܒ̣ܬܲܚܦܝܼܣ ܢܸܥܪܲܒ̣ ܝܵܘܡܵܐ: ܡܵܐ ܕܬܸܒ̣ܪܹܬ̣ ܬܲܡܵܢ ܚܘܼܛܪܵܗ̇ ܕܡܸܨܪܹܝܢ: ܘܲܒ̣ܛܸܠ ܡܸܢܵܗ̇ ܫܘܼܒ̣ܚܵܐ ܕܥܘܼܫܢܵܗ̇: ܘܲܬ̣ܟܲܣܹܝܗ̇ ܥܢܵܢܵܐ: ܘܲܒ̣̈ܢܵܬ̣ܵܗ̇ ܢܹܐ̈ܙܵܠ̄ܢ ܒܫܸܒ̣ܝܵܐ. |
[No book] |
| [19]ܘܐܸܥܒܸ̇ܕܼ ܕܝܼܢܵܐ ܒܡܸܨܪܹܝܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [20]ܒܲܫܢܲܬ̣ ܚܕܲܥܣܲܪܹ̈ܐ: ܒܲܫܒܲܥܬ̣ܵܐ ܒܝܲܪܚܵܐ ܩܲܕܼܡܵܝܵܐ: ܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [21]ܒܲܪܢܵܫܵܐ: ܕܪܵܥܹܗ ܕܦܸܪܥܘܿܢ ܡܲܠܟܵܐ ܕܡܸܨܪܹܝܢ ܬܸܒ̣ܪܹܬ̣: ܘܠܵܐ ܡܸܬ̣ܥ̱ܨܸܒ̣ ܕܬܸܗܘܹܐ ܠܹܗ ܐܵܣܝܘܼܬ̣ܵܐ: ܘܠܵܐ ܢܸܬ̇ܬ̇ܣܝܼܡ ܥܠܵܘܗܝ ܡܲܠܲܓ̣ܡܵܐ: ܘܠܵܐ ܢܸܬ̣ܥ̱ܨܸܒ̣ ܘܠܵܐ ܢܸܬ̣ܚ̄ܠܸܡ: ܕܢܹܐܚܘܿܕܼ ܣܲܝܦܵܐ. |
[No book] |
| [22]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܲܒ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܘܐܹܬܲܒܲܪ ܕܪ̈ܵܥܵܘܗܝ ܥܲܫܝܼ̈ܢܹܐ: ܘܐܲܪܡܸܐ ܣܲܝܦܵܐ ܡ̣ܢ ܐܝܼܕܼܵܘ̈ܗܝ. |
[No book] |
| [23]ܘܐܹܒܲܕܪܝܼܗ̇ ܠܡܸܨܪܹܝܢ ܒܥܲܡܡܹ̈ܐ: ܘܐܸܕܼܪܸܐ ܐܸܢܘܿܢ ܒܲܡܕܼܝܼ̈ܢܵܬ̣ܵܐ. |
[No book] |
| [24]ܘܐܹܚܲܝܸܠ ܕܪ̈ܵܥܵܘܗܝ ܕܡܲܠܟܵܐ ܕܒ̣ܵܒܹܠ: ܘܐܸܬܸ̇ܠ ܣܲܝܦܝ ܒܐܝܼܕܼܵܘ̈ܗܝ: ܘܢܸܦܣܘܿܩ ܕܪ̈ܵܥܘܗܝ ܕܦܸܪܥܘܿܢ: ܘܢܸܬ̇ܬܲܢܲܚ ܬܸܢ̈ܚܵܬ̣ܵܐ ܕܲܩܛܝܼ̈ܠܹܐ ܩܕܼܵܡܵܘܗܝ. |
[No book] |
| [25]ܘܐܹܥܲܫܸܢ ܕܪ̈ܵܥܵܘܗܝ ܕܡܲܠܟܵܐ ܕܒ̣ܵܒܹܠ: ܘܲܕܼܪ̈ܵܥܵܘܗܝ ܕܦܸܪܥܘܿܢ ܢܸܦܠܘܿܢ: ܘܢܸܕ̇ܥܘܼܢ ܕܐܸܢܵܐ ܡܵܪܝܵܐ: ܡܵܐ ܕܝܸܗ̄ܒܹ̇ܬ̣ ܣܲܝܦܝ ܒܐܝܼܕܼܵܘ̈ܗܝ ܕܡܲܠܟܵܐ ܕܒ̣ܵܒܹܠ: ܘܫܲܡ̣ܛܹܗ ܥܲܠ ܐܲܪܥܵܐ ܕܡܸܨܪܹܝܢ. |
[No book] |
| [26]ܘܐܹܒܲܕ̇ܪܝܼܗ̇ ܠܡܸܨܪܹܝܢ ܒܥܲܡܡܹ̈ܐ: ܘܐܸܕܼܪܸܐ ܐܸܢܘܿܢ ܒܲܡܕܼܝܼ̈ܢܵܬ̣ܵܐ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |