|
|
| [1]Et factum est verbum Domini ad me, dicens: |
[No book] |
| [2]Fili hominis, propheta, et dic: Hæc dicit Dominus Deus: Ululate: væ, væ diei ! |
[No book] |
| [3]quia juxta est dies: et appropinquat dies Domini, dies nubis: tempus gentium erit. |
[No book] |
| [4]Et veniet gladius in Ægyptum, et erit pavor in Æthiopia, cum ceciderint vulnerati in Ægypto, et ablata fuerit multitudo illius, et destructa fundamenta ejus. |
[No book] |
| [5]Æthiopia, et Libya, et Lydi, et omne reliquum vulgus, et Chub, et filii terræ fœderis, cum eis gladio cadent. |
[No book] |
| [6]Hæc dicit Dominus Deus: Et corruent fulcientes Ægyptum, et destruetur superbia imperii ejus: a turre Syenes gladio cadent in ea, ait Dominus Deus exercituum. |
[No book] |
| [7]Et dissipabuntur in medio terrarum desolatarum, et urbes ejus in medio civitatum desertarum erunt: |
[No book] |
| [8]et scient quia ego Dominus, cum dedero ignem in Ægypto, et attriti fuerint omnes auxiliatores ejus. |
[No book] |
| [9]In die illa egredientur nuntii a facie mea in trieribus ad conterendam Æthiopiæ confidentiam: et erit pavor in eis in die Ægypti, quia absque dubio veniet. |
[No book] |
| [10]Hæc dicit Dominus Deus: Cessare faciam multitudinem Ægypti in manu Nabuchodonosor regis Babylonis. |
[No book] |
| [11]Ipse et populus ejus cum eo, fortissimi gentium, adducentur ad disperdendam terram: et evaginabunt gladios suos super Ægyptum, et implebunt terram interfectis. |
[No book] |
| [12]Et faciam alveos fluminum aridos, et tradam terram in manus pessimorum: et dissipabo terram, et plenitudinem ejus manu alienorum: ego Dominus locutus sum. |
[No book] |
| [13]Hæc dicit Dominus Deus: Et disperdam simulacra, et cessare faciam idola de Memphis: et dux de terra Ægypti non erit amplius, et dabo terrorem in terra Ægypti. |
[No book] |
| [14]Et disperdam terram Phathures, et dabo ignem in Taphnis, et faciam judicia in Alexandria. |
[No book] |
| [15]Et effundam indignationem meam super Pelusium, robur Ægypti: et interficiam multitudinem Alexandriæ. |
[No book] |
| [16]Et dabo ignem in Ægypto: quasi parturiens dolebit Pelusium, et Alexandria erit dissipata, et in Memphis angustiæ quotidianæ. |
[No book] |
| [17]Juvenes Heliopoleos et Bubasti gladio cadent, et ipsæ captivæ ducentur. |
[No book] |
| [18]Et in Taphnis nigrescet dies, cum contrivero ibi sceptra Ægypti, et defecerit in ea superbia potentiæ ejus: ipsam nubes operiet, filiæ autem ejus in captivitatem ducentur. |
[No book] |
| [19]Et judicia faciam in Ægypto: et scient quia ego Dominus Deus. |
[No book] |
| [20]Et factum est in undecimo anno, in primo mense, in septima mensis: factum est verbum Domini ad me, dicens: |
[No book] |
| [21]Fili hominis, brachium Pharaonis regis Ægypti confregi, et ecce non est obvolutum ut restitueretur ei sanitas, ut ligaretur pannis, et fasciaretur linteolis, ut recepto robore posset tenere gladium. |
[No book] |
| [22]Propterea hæc dicit Dominus Deus: Ecce ego ad Pharaonem regem Ægypti, et comminuam brachium ejus forte, sed confractum: et dejiciam gladium de manu ejus, |
[No book] |
| [23]et dispergam Ægyptum in gentibus, et ventilabo eos in terris. |
[No book] |
| [24]Et confortabo brachia regis Babylonis, daboque gladium meum in manu ejus, et confringam brachia Pharaonis, et gement gemitibus interfecti coram facie ejus. |
[No book] |
| [25]Et confortabo brachia regis Babylonis, et brachia Pharaonis concident: et scient quia ego Dominus, cum dedero gladium meum in manu regis Babylonis, et extenderit eum super terram Ægypti. |
[No book] |
| [26]Et dispergam Ægyptum in nationes, et ventilabo eos in terras: et scient quia ego Dominus. |
[No book] |