➖ »
«
➖ ➕
Peshitta OT
PesOT
The Acts of Thomas
ActThom
←
Ezekiel
Eze
35
→
[1]ܘܲܗܘ̤ܵܐ ܥܠܲܝ ܦܸܬ̣ܓ̣ܸܵܡܹܗ ܕܡܵܪܝܵܐ ܠܡܹܐܡܲܪ. [No book]
[2]ܒܲܪܢܵܫܵܐ: ܣܝܼܡ ܐܲܦܲܝ̈ܟ ܠܛܘܼܪܵܐ ܕܣܵܥܝܼܪ: ܘܐܸܬ̣ܢܲܒܵܐ ܥܠܵܘܗܝ. [No book]
[3]ܘܐܸܡܲܪ ܠܹܗ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܠܲܝܟ ܛܘܼܪܵܐ ܕܣܵܥܝܼܪ: ܘܐܲܪܝܼܡ ܐܝܼܕܼܝ ܥܠܲܝܟ: ܘܐܸܥܒ̇ܕܼܵܟ ܠܲܚܒ̣ܵܠܵܐ ܘܲܠܬܸܡܗܵܐ. [No book]
[4]ܘܲܡܕܼܝܼ̈ܢܵܬ̣ܵܟ ܐܸܥܒܸ̇ܕܼ ܠܚܘܼܪܒܵܐ: ܘܐܲܢ̄ܬ̇ ܬܸܗܘܹܐ ܠܲܚܒ̣ܵܠܵܐ: ܘܬܸܕܲܥ ܕܐܸܢܵܐ ܐ̄ܢܵܐ ܡܵܪܝܵܐ. [No book]
[5]ܥܲܠ ܕܲܗܘ̤ܵܬ̣ ܠܵܟ ܒܥܸܠܕ̇ܒ̣ܵܒ̣ܘܼܬ̣ܵܐ ܠܥܵܠܲܡ: ܘܐܲܫܠܸܡ̣ܬ̇ ܠܲܒ̣ܢܲܝ̈ ܝܑܼܣܪܵܝܹܠ ܠܐܝܼܕܼܵܐ ܕܣܲܝܦܵܐ ܒܙܲܒ̣ܢܵܐ ܕܥܵܩܲܬ̣ܗܘܿܢ: ܘܲܒ̣ܙܲܒ̣ܢܵܐ ܕܥܵܘܼܠܵܐ ܕܩܸܨܗܘܿܢ. [No book]
[6]ܡܸܛܠ ܗܵܢܵܐ ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܠܲܕܼܡܵܐ ܐܸܥܒ̇ܕܼܵܟ: ܘܲܕܼܡܵܐ ܢܸܪܕ̇ܦܵܟ: ܕܡܵܐ ܕܲܣܢܲܝܬ̇: ܗ̤ܘ ܕܡܵܐ ܢܸܪܕ̇ܦܵܟ. [No book]
[7]ܘܐܸܥܒ̇ܕܼܝܼܘܗܝ ܠܛܘܼܪܵܐ ܕܣܵܥܝܼܪ ܠܲܚܒ̣ܵܠܵܐ ܘܲܠܬܸܡܗܵܐ: ܘܐܵܘܒܸ̇ܕܼ ܡܸܢܹܗ ܕܥܵܒܲܪ ܘܲܕ̇ܬ̣ܵܐܹܒ̣. [No book]
[8]ܘܐܸܡܠܹܐ ܛܘܼܪ̈ܵܘܗܝ ܡ̣ܢ ܚܪ̈ܝܼܒ̣ܵܘܗܝ: ܫܩܝܼܦܲܝ̈ܟ ܘܪ̈ܵܡܵܬ̣ܵܟ ܘܢܲܚܠܲܝ̈ܟ: ܚܪ̈ܝܼܒܹܐ ܕܣܲܝܦܵܐ ܢܸܦܠܘܼܢ ܒܗܘܿܢ. [No book]
[9]ܘܐܸܥܒ̇ܕܵܟ ܚܘܼܪܒܵܐ ܠܥܵܠܲܡ: ܘܲܡܕܼܝܼ̈ܢܵܬ̣ܵܟ ܠܵܐ ܢܸܬ̣̈ܝܲܬ̇ܒ̣ܵܢ: ܘܬܸܕܲܥ ܕܐܸܢܵܐ ܐ̄ܢܵܐ ܡܵܪܝܵܐ. [No book]
[10]ܥܲܠ ܕܐܸܡܪܬ̇ ܕܲܬ̣ܪܹܝܢ ܥܲܡܡ̈ܝܼܢ ܘܬܲܪܬܹ̇ܝܢ ܡܲܠ̈ܟ̇ܘܵܢ ܕܝܼܠܝ ܐܸܢܹܝܢ: ܘܐܸܢܵܐ ܐܹܪܲܬ̣ ܐܸܢܹܝܢ: ܘܡܵܪܝܵܐ ܬܲܡܵܢ ܗ̄ܘܼܵܐ. [No book]
[11]ܡܸܛܠ ܗܵܢܵܐ ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܕܐܸܥܒܲܕܼ ܠܵܟ ܐܲܝܟ ܪܘܼܓ̣ܙܵܟ: ܘܐܲܝܟ ܒܥܸܠܕ̇ܒ̣ܵܒ̣ܘܼܬ̣ܵܟ ܕܲܥܒܲܕ̇ܬ̇ ܘܲܣܢܲܝܬ̇ ܐܸܢܘܿܢ: ܘܐܸܬ̣ܓ̇ܠܹܐ ܒܗܘܿܢ ܡܵܐ ܕܕܼܵܐܹ̇ܢ ܐ̄ܢܵܐ ܠܵܟ. [No book]
[12]ܘܬܸܕܲܥ ܕܐܸܢܵܐ ܐ̄ܢܵܐ ܡܵܪܝܵܐ: ܫܸܡ̇ܥܹܬ̣ ܟܠܹܗ ܓܘܼܕܵܦܵܟ: ܕܐܸܡܲܪܬ̇ ܥܲܠ ܛܘܼܪܹ̈ܐ ܕܝܼܣܪܵܝܹܠ: ܕܚܲܪܒ̇ܝܼܢ ܐܸܢܘܿܢ: ܘܡܹܐܟ̣ܘܼܠܬܵܐ ܐܸܢܘܿܢ ܕܝܼܠܲܢ. [No book]
[13]ܘܐܵܘܪܸܟ̣ܬ̇ܘܼܢ ܥܠܲܝ ܦܘܼܡܟ̣ܘܿܢ: ܘܐܲܣܓ̇ܝܼܬ̇ܘܼܢ ܥܠܲܝ ܡܸܠܲܝ̈ܟ̇ܘܿܢ: ܘܐܸܢܵܐ ܫܸܡ̇ܥܹܬ̣. [No book]
[14]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܠܛܘܼܪܵܐ ܕܣܵܥܲܪ ܕܲܫܪܸܐ ܒܚܲܕܼܘܼܬ̣ܵܐ ܕܟ̣ܠܵܗ̇ ܐܲܪܥܵܐ: ܠܲܚܒ̣ܵܠܵܐ ܐܸܥܒ̇ܕܼܵܟ. [No book]
[15]ܥܲܠ ܕܲܚ̣ܕܼܝܼܬ̇ ܠܝܵܪܬܘܼܬ̣ܵܐ ܕܒܹܝܬ̣ ܝܑܼܣܪܵܝܹܠ ܕܚܸܪܒܲܬ̤: ܗܵܟܲܢܵܐ ܐܸܥܒܸ̇ܕܼ ܠܵܟ: ܠܲܚܒ̣ܵܠܵܐ ܬܸܗܘܹܐ ܛܘܼܪܵܐ ܕܣܵܥܝܼܪ: ܘܐܲܕܼܘܿܡ ܟܠܵܗ̇: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. [No book]
 
Top