➖ »
«
➖ ➕
Peshitta OT
PesOT
Greek Textus Receptus (1550/1894)
TR GNT
←
Ezekiel
Eze
40
→
[1]ܒܲܫܢܲܬ̣ ܥܸܣܪܝܼܢ ܘܚܲܡܸܫ ܕܲܫܒ̣ܝܼܬܲܢ: ܒܪܹܫ ܫܲܢ̄ܬܵܐ ܒܲܥܣܲܪܬܵܐ ܒܝܲܪܚܵܐ: ܒܲܫܢܲܬ̣ ܐܲܪܒܲܥܸܣܪܹ̈ܐ ܒܵܬܲܪ ܕܐܸܬ̣ܚܲܪܒܲܬ̤ ܡܕܼܝܼܢ̄ܬܵܐ: ܒܹܗ ܒܝܵܘܡܵܐ ܗܵܢܵܐ: ܗܘ̤ܵܬ̣ ܥܠܲܝ ܐܝܼܕܹܗ ܕܡܵܪܝܵܐ. [No book]
[2]ܘܐܲܝܬܝܼܢܲܝ ܠܐܲܪܥܵܐ ܕܝܼܣܪܵܝܹܠ: ܒܚܸܙܘܵܐ ܕܐܲܠܵܗܵܐ: ܘܐܲܫ̱ܪܝܲܢܝ ܥܲܠ ܛܘܼܪܵܐ ܕܛܵܒ̣ ܪܵܡ: ܘܐܝܼܬ̣ ܗ̄ܘܼܵܐ ܥܠܵܘܗܝ ܒܬܲܝܡܢܵܝܹܗ ܐܲܝܟ ܒܸܢܝܵܢܵܐ ܕܲܡܕܼܝܼܢ̄ܬܵܐ. [No book]
[3]ܘܐܲܝܬ̇ܝܲܢܝ ܠܬܲܡܵܢ: ܘܲܚܙܹ̇ܝܬ̣ ܓܲܒ̣ܪܵܐ: ܘܚܸܙܘܹܗ ܐܲܝܟ ܚܸܙܘܵܐ ܕܲܢܚܵܫܵܐ: ܘܲܫܘܵܝܬܵܐ ܕܟܸܬܵܢܵܐ ܒܐܝܼܕܹܗ ܘܩܲܢܝܵܐ ܕܲܡܫܘܼܚܬ̣ܵܐ: ܘܩܵܐܹ̇ܡ ܗ̄ܘܼܵܐ ܒܬܲܪܥܵܐ. [No book]
[4]ܘܐܸܡܲܪ ܠܝܼ ܓܲܒ̣ܪܵܐ ܗܵܘܿ: ܒܲܪܢܵܫܵܐ: ܚܙܝܼ ܒܥܲܝ̈ܢܲܝܟ: ܘܲܫܡܲܥ ܒܐܸܕܼܢܲܝ̈ܟ: ܘܣܝܼܡ ܒܠܸܒܵܟ ܟܠ ܡܸܕܸ̇ܡ ܕܲܡܚܵܘܸܐ ܐ̄ܢܵܐ ܠܵܟ: ܡܸܛܠ ܕܠܲܡܚܵܘܵܝܘܼܬ̣ܵܟ ܗ̄ܘܼ ܐܸܬܹܝܬ̣ ܠܗܵܪܟܵܐ: ܘܟ̣ܠ ܡܸܕܸ̇ܡ ܕܚܵܙܹ̇ܐ ܐܲܢ̄ܬ̇ ܚܵܘܵܐ ܠܲܒ̣ܢܲܝ̈ ܝܑܼܣܪܵܝܹܠ. [No book]
[5]ܘܲܚܙܹ̇ܝܬ̣ ܫܘܼܪܵܐ ܕܟ̣ܵܪܹܟ ܠܹܗ ܠܒܲܝܬܵܐ ܗܵܘܿ: ܘܩܲܢܝܵܐ ܕܲܡܫܘܼܚܬ̣ܵܐ ܒܐܝܼܕܹܗ ܕܓܲܒ̣ܪܵܐ ܗܵܘܿ: ܘܫܸܬ̣ ܐܲܡ̈ܝܼܢ ܗܵܘܹ̇ܐ ܗ̄ܘܼܵܐ ܘܲܦܫܸܟ: ܘܲܡܫܲܚ ܦܬ̣ܵܝܹܗ ܕܒܸܢܝܵܢܵܐ ܩܲܢܝܵܐ ܚܲܕܼ: ܘܪܵܘܡܹܗ ܩܲܢܝܵܐ ܚܲܕܼ. [No book]
[6]ܘܐܸܬ̣ܵܐ ܠܬܲܪܥܵܐ ܕܚܵܐܲܪ ܠܡܲܕܼܢ̱ܚܵܐ: ܘܲܣܠܸܩ ܒܕܲܪ̈ܓ̣ܵܘܗܝ: ܘܲܡܫܲܚ ܣܸܦܵܐ ܕܬܲܪܥܵܐ ܩܲܢܝܵܐ ܚܲܕܼ ܠܲܦܬ̣ܵܝܹܗ: ܘܣܸܦܵܐ ܐ̄ܚܪܹܢܵܐ: ܩܲܢܝܵܐ ܚܲܕܼ ܠܲܦܬܼܵܝܹܗ. [No book]
[7]ܘܲܦܪܘܼܣܬ̇ܕܼܵܐ ܩܸܢܝܵܐ ܚܲܕܼ ܠܐܘܼܪܟܹ̇ܗ: ܘܩܲܢܝܵܐ ܚܲܕܼ ܠܲܦܬ̣ܵܝܹܗ: ܘܒܹܝܬ̣ ܦܪ̈ܘܼܣܬ̇ܕܹܐ ܚܲܡܸܫ ܐܲܡ̈ܝܼܢ. [No book]
[8]ܘܣܸܦܹܗ ܕܬܲܪܥܵܐ ܡ̣ܢ ܠܓ̣ܵܘ ܡ̣ܢ ܦܪ̈ܘܼܣܬ̇ܕܹܐ ܕܬܲܪܥܵܐ: ܩܲܢܝܵܐ ܚܲܕܼ. [No book]
[9]ܘܡܲܫܚܹܗ ܠܲܦܪܘܼܣܬ̇ܕܼܵܐ ܕܬܲܪܥܵܐ: ܬܡܵܢܹܐ ܐܲܡ̈ܝܼܢ: ܘܐܸܣܟ̇ܘܼܦܬܹܗ ܕܬܲܪܥܵܐ ܡ̣ܢ ܠܓ̣ܵܘ ܬܲܪܬܹ̇ܝܢ ܐܲܡ̈ܝܼܢ. [No book]
[10]ܘܓ̣ܵܘܹܗ ܕܬܲܪܥܵܐ ܡܲܕܼܢ̱ܚܵܝܵܐ: ܬܠܵܬ̣ܵܐ ܡܸܟܵܐ ܘܲܬ̣ܠܵܬ̣ܵܐ ܡܸܟܵܐ: ܘܲܡܫܘܼܚܬ̣ܵܐ ܚܕܼܵܐ ܠܲܬ̣ܠܵܬܲܝ̈ܗܘܿܢ: ܘܲܡܫܘܼܚܬ̣ܵܐ ܚܕܼܵܐ ܠܲܦܪ̈ܘܼܣܬ̇ܕܹܐ: ܕܡܸܟܵܐ ܘܡܸܟܵܐ. [No book]
[11]ܘܲܡܫܲܚ ܦܬ̣ܵܝܹܗ ܕܡܲܥܠܵܢܵܐ ܕܬܲܪܥܵܐ ܥܣܲܪ ܐܲܡ̈ܝܼܢ: ܐܘܼܪܟܹ̇ܗ ܕܬܲܪܥܵܐ ܬܠܬܲܥܸܣܪܹ̈ܐ ܐܲܡ̈ܝܼܢ. [No book]
[12]ܘܲܬ̣ܚܘܼܡܵܐ ܕܲܩܕܼܵܡ ܐܸܣܟ̇ܘܼܦܬ̣ܵܐ: ܐܲܡܵܐ ܐܲܡܵܐ ܡܸܟܵܐ ܘܡܸܟܵܐ: ܘܓ̣ܵܘܵܗ̇ ܫܸܬ̣ ܐܲܡ̈ܝܼܢ ܡܸܟܵܐ: ܘܫܸܬ̣ ܐܲܡ̈ܝܼܢ ܡܸܟܵܐ. [No book]
[13]ܘܡܲܫܚܹܗ ܠܬܲܪܥܵܐ ܡ̣ܢ ܐܸܓܵܪܹܗ ܠܐܸܓܵܪܹܗ: ܦܬ̣ܵܝܵܐ ܥܸܣܪܝܼܢ ܘܚܲܡܸܫ ܐܲܡ̈ܝܼܢ: ܘܬܲܪܥܵܐ ܠܘܼܩܒܲܠ ܬܲܪܥܵܐ. [No book]
[14]ܘܲܥܒܲܕܼ ܩܕܼܵܡ ܐܲܦܲܝ̈ ܬܲܪܗܵܐ ܫܬ̇ܝܼܢ ܐܲܡ̈ܝܼܢ: ܘܲܩܕܼܵܡ ܐܲܦܲܝ̈ ܬܲܪܥܵܐ ܐ̄ܚܪܹܢܵܐ ܒܲܪܵܝܵܐ ܫܬ̇ܝܼܢ ܐܲܡ̈ܝܼܢ. [No book]
[15]ܘܲܩܕܼܵܡ ܬܲܪܥܵܐ ܓܵܘܵܝܵܐ ܚܲܡܫܝܼܢ ܐܲܡ̈ܝܼܢ. [No book]
[16]ܘܟ̣ܵܘܹ̈ܐ ܕܲܫ̈ܛܝܼܦܵܢ ܡ̣ܢ ܠܓ̣ܵܘ ܘܩܲܛܝܼ̈ܢܵܢ ܡ̣ܢ ܠܒܲܪ: ܥܲܠ ܚܸـ̈ـܬܹ̇ܐ ܘܥܲܠ ܦܪ̈ܘܿܣܬ̇ܕܹܐ ܕܬܲܪܥܵܐ: ܘܟ̣ܵܘܹ̈ܐ ܚܵܕܼܪ̈ܵܢ ܗ̄ܘܲܝ̈ ܠܗܘܿܢ ܡ̣ܢ ܠܓ̣ܵܘ. [No book]
[17]ܘܐܲܥܠܲܢܝ ܠܕܼܵܪܬܵܐ ܒܲܪܵܝܬܵܐ: ܘܲܚܙܹ̇ܝܬ̣ ܕܲܪ̈ܓܹܐ ܟܲܕܼ ܚܵܕܼܪܵܐ: ܬܠܵܬ̣ܝܼܢ ܕܲܪ̈ܓ̇ܝܼܢ ܚܲܕܼ ܠܥܸܠ ܡ̣ܢ ܚܲܕܼ. [No book]
[18]ܘܕܲܪ̈ܓܹܐ ܕܥܲܠ ܓܸܢ̄ܒ̣ ܬܲܪܥܵܐ ܕܠܘܼܩܒܲܠ ܐܘܼܪܟ̇ܗܘܿܢ ܕܕܲܪ̈ܓܹܐ. [No book]
[19]ܘܲܡܫܲܚ ܦܬ̣ܵܝܹܗ ܡ̣ܢ ܩܕܼܵܡ ܬܲܪܥܵܐ ܕܕܼܵܪܬܵܐ: ܡܵܐܐ ܐܲܡ̈ܝܼܢ ܠܡܲܕܼܢ̱ܚܵܐ ܘܲܠܓܲܪܒ̇ܝܵܐ. [No book]
[20]ܘܬܲܪܥܵܐ ܕܲܩܕܼܵܡܵܘܗܝ ܡ̣ܢ ܓܲܪܒ̇ܝܵܝܵܗ̇ ܕܕܼܵܪܬܵܐ: ܡܫܲܚ ܐܘܼܪܟܹ̇ܗ ܘܲܦܬ̣ܵܝܹܗ. [No book]
[21]ܘܲܡܫܘܼܚܬܹܗ ܬܠܵܬ̣ܵܐ ܡܸܟܵܐ ܘܲܬ̣ܠܵܬ̣ܵܐ ܡܸܟܵܐ. ܐܲܝܟ ܡܫܘܼܚܬܹܗ ܕܬܲܪܥܵܐ ܩܲܕܼܡܵܝܵܐ: ܚܲܡܫܝܼܢ ܐܲܡ̈ܝܼܢ ܐܘܼܪܟܹ̇ܗ: ܘܲܦܬ̣ܵܝܹܗ ܥܸܣܪܝܼܢ ܐܲܡ̈ܝܼܢ ܘܚܲܡܸܫ. [No book]
[22]ܘܟ̣ܵܘܵܘ̈ܗܝ ܘܲܦܪ̈ܘܼܣܬ̇ܕܼܵܘܗܝ: ܐܲܝܟ ܡܫܘܼܚܬܵܐ ܕܬܲܪܥܵܐ ܕܚܵܐܲܪ ܠܡܲܕܼܢ̱ܚܵܐ: ܘܲܒ̣ܫܲܒ̣ܥܵܐ ܕܲܪ̈ܓܝܼܢ ܣܵܠܩܝܼܢ ܠܹܗ: ܘܐܸܣܟ̇ܘܼܦܬ̣ܵܐ ܐܝܼܬ̣ ܩܕܼܵܡܲܝܗܘܿܢ. [No book]
[23]ܘܬܲܪ̈ܥܹܐ ܕܕܼܵܪܬܵܐ ܓܵܘܵܝܬܵܐ ܕܠܘܼܩܒܲܠ ܬܲܪܥܵܐ ܕܓܲܪܒܲܝ ܡܲܕܼܢܲܚ: ܡ̣ܫܲܚ ܡ̣ܢ ܬܲܪܥܵܐ ܠܬܲܪܥܵܐ: ܡܵܐܐ ܐܲܡ̈ܝܼܢ. [No book]
[24]ܘܐܵܘܒ̇ܠܲܢܝ ܠܐܘܼܪܚܵܐ ܕܬܲܝܡܢܵܐ: ܘܲܚܙܹ̇ܝܬܹܗ ܠܬܲܪܥܵܐ ܕܬܲܝܡܢܵܐ: ܘܲܡܫܲܚ ܦܪ̈ܘܼܣܬ̇ܕܼܵܘܗܝ ܘܩܵܝ̈ܡܵܬܹܗ: ܐܲܝܟ ܗܵܠܹܝܢ ܡܘܼܫ̈ܚܵܬ̣ܵܐ. [No book]
[25]ܘܟ̣ܵܘܹ̈ܐ ܐܝܼܬ̣ ܠܹܗ ܘܠܲܦܪ̈ܘܼܣܬ̇ܕܼܵܘܗܝ ܟܲܕܼ ܚܵܕܼܪܝܼܢ: ܐܲܝܟ ܗܵܠܹܝܢ ܟܵܘܹ̈ܐ: ܘܚܲܡܫܝܼܢ ܐܲܡ̈ܝܼܢ ܐܘܼܪܟܹ̇ܗ: ܥܸܣܪܝܼܢ ܘܚܲܡܸܫ ܦܬ̣ܵܝܹܗ. [No book]
[26]ܘܲܒ̣ܫܲܒ̣ܥܵܐ ܕܲܪ̈ܓ̣ܝܼܢ ܣܵܠܩܝܼܢ ܠܹܗ. ܘܐܸܣܟ̇ܘܼܦܬ̣ܵܐ ܐܝܼܬ̣ ܩܕܼܵܡܵܘܗܝ: ܘܕܸܩ̈ܠܹܐ ܐܝܼܬ̣ ܠܹܗ ܚܲܕܼ ܡܸܟܵܐ ܘܚܲܕܼ ܡܸܟܵܐ ܥܲܠ ܦܪ̈ܘܼܣܬ̇ܕܼܵܘܗܝ. [No book]
[27]ܘܬܲܪ̈ܥܹܐ ܕܕܼܵܪܬܵܐ ܓܵܘܵܝܬܵܐ ܕܒ̣ܐܘܼܪܚܵܐ ܕܬܲܝܡܢܵܐ: ܡܫܲܚ ܡ̣ܢ ܬܲܪܥܵܐ ܠܬܲܪܥܵܐ ܡܵܐܐ ܐܲܡ̈ܝܼܢ. [No book]
[28]ܘܐܲܥܠܲܢܝ ܠܕܼܵܪܬܵܐ ܓܵܘܵܝܬܵܐ ܒܬܲܪܥܵܐ ܕܬܲܝܡܢܵܐ: ܘܡܲܫܚܹܗ ܠܬܲܪܥܵܐ ܬܲܝܡܢܵܝܵܐ: ܐܲܝܟ ܗܵܠܹܝܢ ܡܘܼܫ̈ܚܵܬ̣ܵܐ. [No book]
[29]ܘܓ̣ܵܘܹܗ ܘܲܦܪ̈ܘܼܣܬ̇ܕܼܵܘܗܝ ܘܐܸܣ̈ܟ̇ܦܵܬܹܗ: ܐܲܝܟ ܗܵܠܹܝܢ ܐܸܢܹܝܢ ܡܘܼܫ̈ܚܵܬ̣ܵܐ: ܘܟ̣ܵܘܹ̈ܐ ܐܝܼܬ̣ ܠܹܗ ܘܠܲܦܪ̈ܘܼܣܬ̇ܕܼܵܗܝ ܟܲܕܼ ܚܵܕܲܪ: ܚܲܡܫܝܼܢ ܐܲܡ̈ܝܼܢ ܐܘܼܪܟܹ̇ܗ: ܘܥܸܣܪܝܼܢ ܘܚܲܡܸܫ ܦܬ̣ܵܝܹܗ. [No book]
[30]ܘܲܬ̣ܝܵܟ̣ܵܘ̈ܗܝ ܚܵܕܼܪܝܼܢ ܠܹܗ: ܐܘܼܪܟ̇ܗܘܿܢ ܥܸܣܪܝܼܢ ܘܚܲܡܸܫ ܐܲܡܝܼ̈ܢ: ܘܲܦܬ̣ܵܝܗܘܿܢ ܚܲܡܸܫ ܐܲܡܝܼ̈ܢ. [No book]
[31]ܘܲܦܪ̈ܘܼܣܬ̇ܕܹܐ ܕܕܼܵܪܬܵܐ ܒܲܪܵܝܬܵܐ: ܕܸܩ̈ܠܹܐ ܐܝܼܬ̣ ܒܗܘܿܢ: ܘܕܼܵܪ̈ܓܲܝܗܘܿܢ ܬܡܵܢܝܵܐ. [No book]
[32]ܘܐܲܥܠܲܢܝ ܠܕܼܵܪܬܵܐ ܓܵܘܵܝܬܵܐ ܒܐܘܼܪܚܵܐ ܕܡܲܕܼܢ̱ܚܵܐ: ܘܡܲܫܚܹܗ ܠܬܲܪܥܵܐ ܐܲܝܟ ܗܵܠܹܝܢ ܡܘܼܫ̈ܚܵܬ̣ܵܐ. [No book]
[33]ܘܓ̣ܵܘܹܗ ܘܲܦܪ̈ܘܼܣܬ̇ܕܼܵܘܗܝ ܘܐܸܣ̈ܟ̇ܦܵܬܹܗ: ܘܟ̣ܵܘܹ̈ܐ ܐܝܼܬ̣ ܠܹܗ ܘܠܲܦܪ̈ܘܼ ܣܬ̇ܕܼܵܘܗܝ ܟܲܕܼ ܚܵܕܲܪ: ܐܘܼܪܟܵܐ ܚܡܫܝܼܢ ܐܲܡܝܼ̈ܢ: ܘܲܦܬ̣ܵܝܵܐ ܥܸܣܪܝܼܢ ܘܚܲܡܸܫ. [No book]
[34]ܘܐܸܣܟ̇ܘܼܦܬ̣ܵܐ ܕܕܼܵܪܬܵܐ ܒܲܪܵܝܬܵܐ: ܘܕܸܩ̈ܠܹܐ ܐܝܼܬ̣ ܒܲܦܪ̈ܘܼܣܬ̇ܕܹܐ ܡܸܟܵܐ ܘܡܸܟܵܐ: ܘܲܬ̣ܡܵܢܝܵܐ ܠܹܗ ܕܲܪ̈ܓ̣ܝܼܢ. [No book]
[35]ܘܐܲܥܠܲܢܝ ܠܬܲܪܥܵܐ ܕܓܲܪܒ̇ܝܵܐ: ܘܲܡ̣ܫܲܚ ܐܲܝܟ ܗܵܠܹܝܢ ܡܘܼܫ̈ܚܵܬ̣ܵܐ. [No book]
[36]ܘܓ̣ܵܘܹܗ ܘܲܦܪ̈ܘܼܣܬ̇ܕܼܵܘܗܝ ܘܐܸܣ̈ܟ̇ܦܵܬܹܗ: ܘܟ̣ܵܘܹ̈ܐ ܚܵܕܼܪ̈ܵܢ ܠܹܗ: ܐܘܼܪܟܹ̇ܗ ܚܲܡܫܝܼܢ ܐܲܡܝܼ̈ܢ: ܘܲܦܬ̣ܵܝܹܗ ܥܸܣܪܝܼܢ ܘܚܲܡܸܫ. [No book]
[37]ܘܲܦܪ̈ܘܼܣܬ̇ܕܹܐ ܕܕܼܵܪܬܵܐ ܒܲܪܵܝܬܵܐ: ܘܕܸܩ̈ܠܹܐ ܐܝܼܬ̣ ܒܲܦܪ̈ܘܼܣܬ̇ܕܹܐ ܡܸܟܵܐ ܘܡܸܟܵܐ: ܘܲܬ̣ܡܵܢܝܵܐ ܠܹܗ ܕܲܪ̈ܓ̣ܝܼܢ. [No book]
[38]ܘܐܲܟ̣ܣܸܕܼܪܵܐ ܬܲܪܥܹܗ ܒܲܦܪ̈ܘܼܣܬ̇ܕܹܐ ܕܬܲܪܥܵܐ: ܘܬܲܡܵܢ ܣܵܝܡܝܼܢ ܝܲܩ̈ܕܹ̇ܐ ܫܲܠܡܹ̈ܐ. [No book]
[39]ܘܒܲܦܪ̈ܘܼܣܬ̇ܕܹܐ ܕܬܲܪܥܵܐ: ܬܪܹܝܢ ܦܵܬ̣ܘܿܪ̈ܝܼܢ ܡܸܟܵܐ: ܘܲܬ̣ܪܹܝܢ ܦܵܬ̣ܘܿܪ̈ܝܼܢ ܡܸܟܵܐ: ܠܡܸܟܲܣ ܥܠܲܝܗܘܿܢ ܝܲܩ̈ܕܹ̇ܐ ܫܲܠܡܹ̈ܐ: ܘܩܘܼܪ̈ܒܵܢܹܐ ܘܬܲܕܼܟ̇ܝܼܬ̣ܵܐ ܕܲܚܛܵܗܹ̈ܐ. [No book]
[40]ܘܲܒ̣ܣܸܛܪܹܗ ܕܬܲܪܥܵܐ ܓܲܪܒ̇ܝܵܝܵܐ: ܕܲܠܒܲܪ ܡ̣ܢ ܝܲܩ̈ܕܹ̇ܐ ܫܲܠܡܹ̈ܐ: ܬܪܹܝܢ ܦܵܬ̣ܘܿܪ̈ܝܼܢ: ܘܲܒ̣ܣܸܛܪܵܐ ܐ̄ܚܪܹܢܵܐ ܕܲܦܪܘܿܣܬ̇ܕܹܐ ܬܪܹܝܢ ܦܵܬ̣ܘܿܪ̈ܝܼܢ. [No book]
[41]ܐܲܪܒ̇ܥܵܐ ܦܵܬ̣ܘܿܪ̈ܝܼܢ ܡܸܟܵܐ: ܘܐܲܪܒ̇ܥܵܐ ܦܵܬ̣ܘܿܪ̈ܝܼܢ ܡܸܟܵܐ: ܒܲܦܪ̈ܘܼܣܬ̇ܕܼܵܘܗܝ ܕܬܲܪܥܵܐ: ܘܲܬ̣ܡܵܢܝܵܐ ܐܸܢܘܿܢ ܦܵܬ̣ܘܿܪ̈ܝܼܢ ܕܢܵܟ̣ܣܝܼܢ ܥܠܲܝܗܘܿܢ. [No book]
[42]ܘܐܲܪܒ̇ܥܵܐ ܦܵܬ̣ܘܿܪ̈ܝܼܢ ܕܲܦ̮ܣܝܼܠܬܵܐ ܠܝܲܩ̈ܕܹ̇ܐ ܫܲܠܡܹ̈ܐ: ܐܘܼܪܟ̇ܗܘܿܢ ܐܲܡܵܐ ܘܲܦܠܸܓ̣: ܘܲܦܬ̣ܵܝܗܘܿܢ ܐܲܡܵܐ ܘܲܦܠܸܓ̣: ܘܲܥܠܲܝܗܘܿܢ ܣܵܝܡ̇ܝܼܢ ܡܵܐܢܹ̈ܐ ܕܢܵܟ̣ܣܝܼܢ ܗ̄ܘܼܵܘ ܒܗܘܿܢ ܝܲܩ̈ܕܹ̇ܐ ܫܲܠܡܹ̈ܐ ܘܕܸܒ̣ܚ̱ܬ̣ܵܐ. [No book]
[43]ܣܸܦ̈ܘܵܬ̣ܗܘܿܢ ܦܫܸܟ ܦܫܸܟ ܟܲܕܼ ܚܵܕܼܪܝܼܢ: ܘܥܲܠ ܦܵܬ̣ܘܿܪܹ̈ܐ ܣܵܝܡܝܼܢ ܗ̄ܘܼܵܘ ܒܸܣܪܵܐ ܕܩܘܼܪ̈ܒܵܢܹܐ. [No book]
[44]ܘܲܠܒܲܪ ܡ̣ܢ ܬܲܪܥܵܐ ܓܵܘܵܝܵܐ ܚܵܢ̈ܘܵܬ̣ܵܐ ܕܪܵܘܪ̈ܒ̣ܵܢܹܐ: ܒܕܼܵܪܬܵܐ ܓܵܘܵܝܬܵܐ ܕܲܒ̣ܣܸܛܪܵܐ ܕܬܲܪܥܵܐ ܓܲܪܒ̇ܝܵܝܵܐ: ܘܐܲܦܲܝ̈ܗܘܿܢ ܠܬܲܝܡܢܵܐ: ܡ̣ܢ ܣܸܛܪܵܐ ܕܬܲܪܥܵܐ ܡܕܢ̱ܚܵܝܵܐ ܕܠܘܼܩܒܲܠ ܪܘܼܚܵܐ ܕܓܲܪܒ̇ܝܵܐ. [No book]
[45]ܘܐܸܡܲܪ ܠܝܼ: ܗܵܕܹܐ ܐܲܟ̣ܣܸܕܼܪܵܐ ܕܚܵܝܪܵܐ ܠܬܲܝܡܢܵܐ: ܠܟ̣ܵܗܢܹ̈ܐ ܕܢܵܛ̇ܪܝܼܢ ܡܲܛܲܪܬܵܐ ܕܒܲܝܬܵܐ. [No book]
[46]ܘܐܲܟ̣ܣܸܕܼܪܵܐ ܕܚܵܝܪܵܐ ܠܓܲܪܒ̇ܝܵܐ: ܠܟ̣ܵܗܢܹ̈ܐ ܒܢܲܝ̈ ܨܵܕܼܘܿܩ ܕܢܵܛ̇ܪܝܼܢ ܡܲܛܲܪܬܵܐ ܕܡܲܕܼܒ̇ܚܵܐ: ܕܡܸܬ̣ܩܲܪܒ̣ܝܼܢ ܡ̣ܢ ܒܢܲܝ̈ ܠܹܘܝܼ: ܠܲܡܫܲܡܵܫܘܼ ܬܸܫܡܸܫܬܹ̇ܗ ܕܡܵܪܝܵܐ. [No book]
[47]ܘܲܡܫܲܚ ܠܕܼܵܪܬܵܐ ܐܘܼܪܟܵܐ ܡܵܐܐ ܐܲܡܝܼ̈ܢ: ܘܲܦܬ̣ܵܝܵܗ̇ ܡܵܐܐ ܐܲܡܝܼ̈ܢ ܡܪܲܒ̇ܥܵܐܝܼܬ̣: ܘܡܲܕܼܒ̇ܚܵܐ ܐܝܼܬ̣ ܗ̄ܘܼܵܐ ܩܕܼܵܡ ܒܲܝܬܵܐ. [No book]
[48]ܘܐܲܝܬ̇ܝܲܢܝ ܠܐܸܣܟ̇ܘܼܦܬܹܗ ܕܒܲܝܬܵܐ: ܘܡܲܫܚܵܗ̇ ܠܐܸܣܟ̇ܘܼܦܬ̣ܵܐ: ܚܲܡܸܫ ܐܲܡܝܼ̈ܢ ܡܸܟܵܐ: ܘܚܲܡܸܫ ܐܲܡܝܼ̈ܢ ܡܸܟܵܐ: ܘܲܦܬ̣ܵܝܹܗ ܕܬܲܪܥܵܐ: ܬܠܵܬ̣ ܐܲܡܝܼ̈ܢ ܡܸܟܵܐ ܘܲܬ̣ܠܵܬ̣ ܐܲܡܝܼ̈ܢ ܡܸܟܵܐ. [No book]
[49]ܘܐܘܼܪܟܵܗ̇ ܕܐܸܣܟ̇ܘܼܦܬ̣ܵܐ ܥܸܣܪܝܼܢ ܐܲܡܝܼ̈ܢ: ܘܲܦܬ̣ܵܝܵܗ̇ ܚܕܲܥܸܣܪܹ̈ܐ ܐܲܡܝܼ̈ܢ: ܘܲܒ̣ܕܪ̈ܓܹܐ ܣܵܠܩܝܼܢ ܠܵܗ̇: ܘܥܲܡܘܼ̈ܕܹܐ ܩܵܝܡܝܼܢ ܥܲܠ ܦܪ̈ܘܼܣܬ̇ܕܹܝܗ̇: ܚܲܕܼ ܡܸܟܵܐ ܘܚܲܕܼ ܡܸܟܵܐ. [No book]
Author: Stephanus (1550), with variants of Scrivener (1894)
Source: unbound.biola.edu
Top