➖ »
«
➖ ➕
Peshitta OT
PesOT
The Acts of Thomas
ActThom
←
Ezekiel
Eze
48
   
[1]ܗܵܠܹܝܢ ܫܡܵܗܹ̈ܐ ܕܫܲܒ̣̈ܛܹܐ: ܡ̣ܢ ܚܲܪܬ̣ܵܐ ܕܓܲܪܒ̇ܝܵܐ: ܥܲܠ ܝܲܕܼ ܐܘܼܪܚܵܐ ܕܚܸܬ̣ܪܘܿܢ ܕܲܒ̣ܡܲܥܠܵܢܵܐ ܕܲܚܡܵܬ̣ ܘܕܼܵܚܨܲܪ ܥܲܝܢܵܢ: ܘܲܬ̣ܚܘܼܡܵܐ ܕܕܲܪܡܣܘܿܩ ܕܲܒ̣ܓܲܪܒ̇ܝܵܐ ܕܥܲܠ ܝܲܕܼ ܚܡܵܬ̣: ܗܵܕܲܐ ܗ̄ܝܼ ܪܘܼܚܵܐ ܕܡܲܕܼܢܵܚܲܝ̈ ܝܲܡܵܐ ܕܕܼܵܢ. [No book]
[2]ܘܥܲܠ ܬܚܘܼܡܵܐ ܕܕܼܵܢ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܐܵܫܹܝܪ. [No book]
[3]ܘܥܲܠ ܬܚܘܼܡܵܐ ܕܐܵܫܹܝܪ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܢܲܦ̮ܬܵܠܝܼ. [No book]
[4]ܘܥܲܠ ܬܚܘܼܡܵܐ ܕܢܲܦ̮ܬܵܠܝܼ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܲܡܢܲܫܸܐ. [No book]
[5]ܘܥܲܠ ܬܚܘܼܡܵܐ ܕܲܡܢܲܫܸܐ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܪܘܼܒܹܝܠ. [No book]
[6]ܘܥܲܠ ܬܚܘܼܡܵܐ ܕܪܘܼܒܹܝܠ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܐܲܦܪܹܝܡ. [No book]
[7]ܘܥܲܠ ܬܚܘܼܡܵܐ ܕܐܲܦܪܹܝܡ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܲܝܗܘܼܕܼܵܐ. [No book]
[8]ܥܲܠ ܬܚܘܼܡܵܐ ܕܲܝܗܘܼܕܼܵܐ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ: ܢܸܗܘܹܐ ܦܘܼܪܫܵܢܵܐ ܕܦܵܪܫܝܼܢ ܐ̄ܢܬ̇ܘܿܢ: ܦܬ̣ܵܝܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܐܘܼܪܟܵܐ ܐܲܝܟ ܚܕܼܵܐ ܡ̣ܢ ܡ̈ܢܵܘܵܬ̣ܵܐ: ܘܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܢܸܗܘܹܐ ܡܲܩܕ̇ܫܵܐ ܒܓ̣ܵܘܹܗ. [No book]
[9]ܦܘܼܪܫܵܢܵܐ ܕܦܵܪܫܝܼܢ ܐ̄ܢܬ̇ܘܿܢ ܠܡܵܪܝܵܐ: ܐܘܼܪܟܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܦܬ̣ܵܝܵܐ ܥܸܣܪܵܐ ܐܲܠܦܝܼ̈ܢ. [No book]
[10]ܘܲܠܟ̣ܵܗܢܹ̈ܐ ܢܸܗܘܹܐ ܦܘܼܪܫܵܢܵܐ ܕܩܘܼܕܼܫܵܐ: ܠܓܲܪܒ̇ܝܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܦܬ̣ܵܝܵܐ ܥܸܣܪܵܐ ܐܲܠܦܝܼ̈ܢ: ܘܲܠܡܲܥ̱ܪܒ̣ܵܐ ܥܸܣܪܵܐ ܐܲܠܦ̈ܝܼܢ: ܘܲܠܡܲܕܼܢ̱ܚܵܐ ܥܸܣܪܵܐ ܐܲܠܦ̈ܝܼܢ: ܘܲܠܬܲܝܡܢܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܢܸܗܘܹܐ ܡܲܩܕ̇ܫܹܗ ܕܡܵܪܝܵܐ ܒܓ̣ܵܘܹܗ. [No book]
[11]ܘܢܸܗܘܹܐ ܠܟ̣ܵܗܢܹ̈ܐ ܕܡܸܬ̣ܩܲܕ̇ܫܝܼܢ ܡ̣ܢ ܒܢܲܝ̈ ܨܵܕܼܘܿܩ ܕܲܢܛܲܪܘ ܢܛܘܼܪ̈ܵܬ̣ܝ: ܘܠܵܐ ܛܥܵܘ ܐܲܝܟ ܕܲܛܥܵܘ ܒܢܲܝ̈ ܝܑܼܣܪܵܝܹܠ: ܘܐܲܝܟ ܕܲܛܥܵܘ ܠܹܘܵܝܹ̈ܐ. [No book]
[12]ܘܢܸܗܘܹܐ ܠܗܘܿܢ ܦܘܼܪܫܵܢܵܐ ܡ̣ܢ ܦܘܼܪܫܵܢܵܗ̇ ܕܐܲܪܥܵܐ: ܩܕܼܘܿܫ ܩܘܼܕܼܫܹ̈ܐ ܒܲܬ̣ܚܘܼܡܵܐ ܕܠܹܘܵܝܹ̈ܐ. [No book]
[13]ܘܠܹܘܵܝܹ̈ܐ ܠܘܼܩܒܲܠ ܬܚܘܼܡܵܐ ܕܟ̣ܵܗ̈ܢܹܐ: ܐܘܼܪܟܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܦܬ̣ܵܝܵܐ ܥܸܣܪܵܐ ܐܲܠܦ̈ܝܼܢ: ܟܠܹܗ ܐܲܬ̣ܪ̱ܗܘܿܢ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܦܬ̣ܵܝܵܐ ܥܸܣܪܵܐ ܐܲܠܦ̈ܝܼܢ. [No book]
[14]ܠܵܐ ܢܙܲܒ̇ܢܘܼܢ ܡܸܢܹܗ ܘܠܵܐ ܢܚܲܠܡܘܿܢ: ܘܠܵܐ ܢܲܥܒ̇ܪܘܼܢ ܪܹ̈ܫܝܵܬ̣ܵܐ ܕܐܲܪܥܵܐ: ܡܸܛܠ ܕܩܘܼܕܼܫܵܐ ܗ̄ܘܼ ܕܡܵܪܝܵܐ. [No book]
[15]ܘܚܲܡܫܵܐ ܐܲܠܦ̈ܝܼܢ ܕܡܸܫܬ̇ܚܲܪ ܥܲܠ ܦܘܼܡ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܕܘܼܟ̇ܬ̣ܵܐ ܗ̄ܝܼ ܠܲܡܕܼܝܼܢ̄ܬܵܐ ܠܝܲܬ̣ܒܵܐ ܘܲܠܫܸܛܚܵܐ: ܕܬܸܗܘܹܐ ܡܕܼܝܼܢ̄ܬܵܐ ܒܓ̣ܵܘܵܗ̇. [No book]
[16]ܘܗܵܠܹܝܢ ܡܘܼܫ̈ܚܵܬ̣ܵܐ: ܠܪܘܼܚܵܐ ܕܓܲܪܒ̇ܝܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܠܡܲܕܼܢ̱ܚܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܠܬܲܝܡܢܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܠܡܲܥ̱ܪܒ̣ܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ. [No book]
[17]ܘܢܸܗܘܹܐ ܫܸܛܚܵܗ̇ ܕܲܡܕܼܝܼܢ̄ܬܵܐ: ܠܓܲܪܒ̇ܝܵܐ ܡܵܐܬܹ̇ܝܢ ܘܚܲܡܫܝܼܢ: ܘܲܠܬܲܝܡܢܵܐ ܡܲܐܬܹ̇ܝܢ ܘܚܲܡܫܝܼܢ: ܘܲܠܡܲܥ̱ܪܒ̣ܵܐ ܡܲܐܬܹ̇ܝܢ ܘܚܲܡܫܝܼܢ: ܘܲܠܡܲܕܼܢ̱ܚܵܐ ܡܲܐܬܹ̇ܝܢ ܘܚܲܡܫܝܼܢ. [No book]
[18]ܘܲܕܼܡܸܫܬ̇ܚܲܪ ܠܘܼܩܒܲܠ ܦܘܼܪܫܵܢܵܐ ܕܩܘܼܕܼܫܵܐ: ܥܸܣܪܵܐ ܐܲܠܦ̈ܝܼܢ ܠܡܲܕܼܢ̱ܚܵܐ: ܘܥܸܣܪܵܐ ܐܲܠܦ̈ܝܼܢ ܠܡܲܥ̱ܪܒ̣ܵܐ: ܘܢܸܗܘܹܐ ܠܘܼܩܒܲܠ ܦܘܼܪܫܵܢܵܐ ܕܩܘܼܕܼܫܵܐ: ܘܬܸܗܘܹܐ ܥܠܲܠܬ̣ܵܗ̇ ܡܹܐܟ̣ܘܼܠܬܵܐ ܠܐܲܝܠܹܝܢ ܕܦܵܠܚܝܼܢ ܠܲܡܕܼܝܼܢ̄ܬܵܐ. [No book]
[19]ܘܐܲܝܢܵܐ ܕܦܵܠܲܚ ܠܲܡܕܼܝܼܢ̄ܬܵܐ: ܢܸܬ̣ܦܠܲܚ ܡ̣ܢ ܟܠܗܹܝܢ ܫܲܪ̈ܒ̣ܵܬ̣ܵܐ ܕܝܼܣܪܵܝܹܠ. [No book]
[20]ܟܠܹܗ ܦܘܼܪܫܵܢܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܒܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܦܪܘܿܫܘ ܦܘܼܪܫܵܢܵܐ ܕܩܘܼܕܼܫܵܐ ܡ̣ܢ ܝܘܼܪܬܵܢܵܐ ܕܲܡܕܼܝܼܢ̄ܬܵܐ. [No book]
[21]ܘܲܕܼܡܸܫܬܲܚܲܪ ܢܸܗܘܹܐ ܠܲܡܕܲܒ̇ܪܵܢܵܐ ܕܲܡܕܼܝܼܢ̄ܬܵܐ: ܘܡ̣ܢ ܦܘܼܪܫܵܢܵܐ ܕܩܘܼܕܼܫܵܐ ܘܡ̣ܢ ܝܘܼܪܬܵܢܵܐ ܕܲܡܕܼܝܼܢ̄ܬܵܐ: ܠܲܬ̣ܚܘܼܡܵܐ ܕܡܲܕܼܢ̱ܚܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ: ܘܲܠܡܲܥ̱ܪܒ̣ܵܐ ܥܸܣܪܝܼܢ ܘܚܲܡܫܵܐ ܐܲܠܦ̈ܝܼܢ ܒܲܬ̣ܚܘܼܡܵܐ ܕܡܲܥ̱ܪܒ̣ܵܐ: ܠܘܼܩܒܲܠ ܦܵܠܓ̇ܘܼܬܹܗ ܕܲܡܕܲܒ̇ܪܵܢܵܐ: ܘܢܸܗܘܹܐ ܦܘܼܪܫܵܢܵܐ ܕܩܘܼܕܼܫܵܐ: ܘܡܲܩܕ̇ܫܵܐ ܕܒܲܝܬܵܐ ܒܓ̣ܵܘܹܗ. [No book]
[22]ܘܡ̣ܢ ܝܵܪܬ̇ܘܼܬ̣ܵܐ ܕܠܹܘܵܝܹ̈ܐ ܘܡ̣ܢ ܝܵܪܬ̇ܘܼܬ̣ܵܐ ܕܲܡܕܼܝܼܢ̄ܬܵܐ: ܡܢܵܬܹܗ ܕܲܡܕܲܒ̇ܪܵܢܵܐ ܬܸܗܘܹܐ ܒܲܡܕܼܝܼܢ̄ܬܵܐ ܒܲܝܢܵܬ̣ ܬܚܘܼܡܵܐ ܕܲܝܗܘܼܕܼܵܐ ܠܲܬ̣ܚܘܼܡܵܐ ܕܒܸܢܝܵܡܹܝܢ. [No book]
[23]ܫܲܪܟܵܐ ܕܹܝܢ ܕܫܲܒ̣̈ܛܹܐ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܒܸܢܝܵܡܹܝܢ. [No book]
[24]ܘܥܲܠ ܬܚܘܼܡܵܐ ܕܒܸܢܝܵܡܹܝܢ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܫܸܡܥܘܿܢ. [No book]
[25]ܘܥܲܠ ܬܚܘܼܡܵܐ ܕܫܸܡܥܘܿܢ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܐܝܼܣܵܟ̣ܵܪ. [No book]
[26]ܘܥܲܠ ܬܚܘܼܡܵܐ ܕܐܝܼܣܵܟ̣ܵܪ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܲܙܒ̣ܘܿܠܘܿܢ. [No book]
[27]ܘܥܲܠ ܬܚܘܼܡܵܐ ܕܲܙܒ̣ܘܿܠܘܿܢ: ܡ̣ܢ ܪܘܼܚܵܐ ܕܡܲܕܼܢ̱ܚܵܐ ܘܲܥܕܲܡܵܐ ܠܪܘܼܚܵܐ ܕܡܲܥ̱ܪܒ̣ܵܐ ܕܓ̣ܵܪ. [No book]
[28]ܘܥܲܠ ܬܚܘܼܡܵܐ ܕܓ̣ܵܕܼ: ܡ̣ܢ ܪܘܼܚܵܐ ܕܬܲܝܡܢܵܐ: ܢܸܗܘܹܐ ܬܚܘܼܡܹܗ ܡ̣ܢ ܬܵܡܵܪ ܘܲܥܕܲܡܵܐ ܠܡܲܝ̈ ܡܪܝܼܒܲܬ̣: ܩܲܕ̇ܝܼܫ ܝܘܼܪܬܵܢܹܗ ܥܲܠ ܝܲܡܵܐ ܪܲܒܵܐ. [No book]
[29]ܗܵܕܲܐܗ̄ܝܼ ܐܲܪܥܵܐ ܕܲܬ̣ܦܲܠܓܘܼܢ ܝܵܪܬ̇ܘܼܬ̣ܵܐ ܠܫܲܒ̣̈ܛܹܐ ܕܝܼܣܪܵܝܹܠ: ܘܗܵܠܹܝܢ ܐܸܢܹܝܢ ܦܵܠܓܘܵܬ̣̈ܗܘܿܢ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. [No book]
[30]ܘܗܵܠܹܝܢ ܡܲܦܩܵܢܹ̈ܝܗ̇ ܕܲܡܕܼܝܼܢ̄ܬܵܐ: ܡ̣ܢ ܪܘܼܚܵܐ ܕܓܲܪܒܝܵܐ: ܡܫܘܼܚܬ̣ܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ. [No book]
[31]ܘܬܲܪ̈ܥܹܝܗ̇ ܕܲܡܕܼܝܼܢ̄ܬܵܐ: ܥܲܠ ܫܡܵܗܹ̈ܐ ܕܫܲܒ̣ܛܹ̈ܐ ܕܲܒ̣ܢܲܝ̈ ܝܑܼܣܪܵܝܹܠ: ܒܓܲܪܒ̇ܝܵܐ ܬܠܵܬ̣ܵܐ ܬܲܪ̈ܥܝܼܢ: ܚܲܕܼ ܕܪܘܼܒܹܝܠ: ܘܚܲܕܼ ܕܲܝܗܘܼܕܼܵܐ: ܘܚܲܕܼ ܕܠܹܘܝܼ. [No book]
[32]ܘܲܒ̣ܡܲܕܢ̱ܚܵܐ ܡܫܘܼܚܬ̣ܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܬ̣ܠܵܬ̣ܵܐ ܬܲܪ̈ܥܝܼܢ: ܚܲܕܼ ܕܝܵܘܣܸܦ: ܘܚܲܕܼ ܕܒܸܢܝܵܡܹܝܢ: ܘܚܲܕܼ ܕܕܼܵܢ. [No book]
[33]ܘܲܒ̣ܬܲܝܡܢܵܐ ܡܫܘܼܚܬ̣ܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܬ̣ܠܵܬ̣ܵܐ ܬܲܪ̈ܥܝܼܢ: ܚܲܕܼ ܕܫܸܡܥܘܿܢ: ܘܚܲܕܼ ܕܐܝܼܣܟ̣ܵܪ: ܘܚܲܕܼ ܕܲܙܒ̣ܘܿܠܘܿܢ. [No book]
[34]ܘܲܒ̣ܡܲܥ̱ܪܒ̣ܵܐ ܡܫܘܼܚܬ̣ܵܐ ܐܲܪܒ̇ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ: ܘܲܬ̣ܠܵܬ̣ܵܐ ܬܲܪ̈ܥܝܼܢ: ܚܲܕܼ ܕܓ̣ܵܕܼ: ܘܚܲܕܼ ܕܐܵܫܹܝܪ: ܘܚܲܕܼ ܕܢܲܦ̮ܬܵܠܝܼ. [No book]
[35]ܘܲܚܕܼܵܪܹܝܗ̇ ܬܡܵܢܬܲܥܸܣܲܪ ܐܲܠܦ̈ܝܼܢ: ܘܲܫܡܵܗ̇ ܕܲܡܕܼܝܼܢ̄ܬܵܐ ܡ̣ܢ ܝܵܘ̈ܡܹܝܗ̇ ܡܵܪܝܵܐ ܫܲܡܗܵܗ̇. [No book]
 
Top