➖ »
«
➖ ➕
Aleppo Codex (~920)
Alep
The Gospel of James
GspJam
←
Ezekiel
Eze
5
→
[1]ואתה בן אדם קח לך חרב חדה תער הגלבים תקחנה לך והעברת על ראשך ועל זקנך ולקחת לך מאזני משקל וחלקתם [No book]
[2]שלשית באור תבעיר בתוך העיר כמלאת ימי המצור ולקחת את השלשית תכה בחרב סביבותיה והשלשית תזרה לרוח וחרב אריק אחריהם [No book]
[3]ולקחת משם מעט במספר וצרת אותם בכנפיך [No book]
[4]ומהם עוד תקח והשלכת אותם אל תוך האש ושרפת אתם באש ממנו תצא אש אל כל בית ישראל [No book]
[5]כה אמר אדני יהוה זאת ירושלם בתוך הגוים שמתיה וסביבותיה ארצות [No book]
[6]ותמר את משפטי לרשעה מן הגוים ואת חקותי מן הארצות אשר סביבותיה כי במשפטי מאסו וחקותי לא הלכו בהם [No book]
[7]לכן כה אמר אדני יהוה יען המנכם מן הגוים אשר סביבותיכם בחקותי לא הלכתם ואת משפטי לא עשיתם וכמשפטי הגוים אשר סביבותיכם לא עשיתם [No book]
[8]לכן כה אמר אדני יהוה הנני עליך גם אני ועשיתי בתוכך משפטים לעיני הגוים [No book]
[9]ועשיתי בך את אשר לא עשיתי ואת אשר לא אעשה כמהו עוד־יען כל תועבתיך [No book]
[10]לכן אבות יאכלו בנים בתוכך ובנים יאכלו אבותם ועשיתי בך שפטים וזריתי את כל שאריתך לכל רוח [No book]
[11]לכן חי אני נאם אדני יהוה אם לא יען את מקדשי טמאת בכל שקוציך ובכל תועבתיך וגם אני אגרע ולא תחוס עיני וגם אני לא אחמול [No book]
[12]שלשתיך בדבר ימותו וברעב יכלו בתוכך והשלשית בחרב יפלו סביבותיך והשלישית לכל רוח אזרה וחרב אריק אחריהם [No book]
[13]וכלה אפי והנחותי חמתי בם־והנחמתי וידעו כי אני יהוה דברתי בקנאתי בכלותי חמתי בם [No book]
[14]ואתנך לחרבה ולחרפה בגוים אשר סביבותיך לעיני כל עובר [No book]
[15]והיתה חרפה וגדופה מוסר ומשמה לגוים אשר סביבותיך בעשותי בך שפטים באף ובחמה ובתכחות חמה־אני יהוה דברתי [No book]
[16]בשלחי את חצי הרעב הרעים בהם אשר היו למשחית אשר אשלח אותם לשחתכם־ורעב אסף עליכם ושברתי לכם מטה לחם [No book]
[17]ושלחתי עליכם רעב וחיה רעה ושכלך ודבר ודם יעבר בך וחרב אביא עליך אני יהוה דברתי [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top