Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Eze 5 | Lao.en, PesOT
➖ »
«
➖ ➕
Epistle to the Laodiceans (English)
Lao[EN]
Peshitta OT
PesOT
←
Ezekiel
Eze
5
→
[No book] [1]ܐܲܢ̄ܬ̇ ܕܹܝܢ ܒܲܪܢܵܫܵܐ ܠܵܟ ܣܲܒ̣: ܣܲܝܦܵܐ ܕܚܲܪܝܼܦ ܐܲܝܟ ܡܕܲܟ̇ܝܵܐ ܕܓܲܪܵܥܵܐ: ܘܐܲܥܒܲܪܲܝܗܝ ܥܲܠ ܪܹܫܵܟ ܘܥܲܠ ܕܲܩܢܵܟ: ܘܣܲܒ̣ ܠܵܟ ܡܲܣܲܐܬ̣ܵܐ ܕܡܲܬ̣ܩܵܠܹ̈ܐ: ܘܦܲܠܸܓ̣ ܐܸܢܘܿܢ ܠܲܬ̣ܠܵܬ̣ ܡ̈ܢܵܘܵܢ.
[No book] [2]ܘܲܚܕܼܵܐ ܡ̣ܢ ܬܠܵܬ̣ ܡ̈ܢܵܘܵܢ: ܐܵܘܩܸܕܼ ܒܢܘܼܪܵܐ ܒܓ̣ܵܘ ܡܕܼܝܼܢ̄ܬܵܐ: ܡܵܐ ܕܲܫܠܸܡ̣ܘ ܝܵܘ̈ܡܵܬ̣ܵܐ ܕܲܚܒ̣ܘܼܫܝܵܟ: ܘܬܸܣܲܒ̣ ܡܢܵܬ̣ܵܐ ܐ̄ܚܪܹܬ̣ܵܐ: ܘܬܸܦܣܘܿܩ ܒܣܲܝܦܵܐ ܚܕܼܵܪܹܝܗ̇ ܕܲܡܕܼܝܼܢ̄ܬܵܐ: ܘܲܡܢܵܬ̣ܵܐ ܕܲܬ̣ܠܵܬ̣ ܬܸܕܼܪܸܐ ܒܪܘܼܚܵܐ: ܘܣܲܝܦܵܐ ܢܸܚܪܘܿܒ̣ ܒܵܬܲܪܗܘܿܢ.
[No book] [3]ܘܬܸܣܲܒ̣ ܡ̣ܢ ܬܲܡܵܢ ܙܥܘܿܪܹ̈ܐ ܒܡܸܢܝܵܢܵܐ: ܘܬܸܨܘܿܪ ܐܸܢܘܿܢ ܒܟܼܢܦܵܟ.
[No book] [4]ܘܡܸܢܗܘܿܢ ܬܘܒ̣ ܬܸܣܲܒ̣: ܘܬܲܪܡܸܐ ܐܸܢܘܿܢ ܒܓ̣ܵܘ ܢܘܼܪܵܐ: ܘܬ̣ܵܘܩܸܕܼ ܐܸܢܘܿܢ ܒܢܘܼܪܵܐ: ܘܡܸܢܗܘܿܢ ܬܸܦܘܿܩ ܢܘܼܪܵܐ ܥܲܠ ܟܠܗܘܿܢ ܕܒܹܝܬ̣ ܝܑܼܣܪܵܝܹܠ.
[No book] [5]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܕܹܐ ܐܘܿܪܸܫܠܸܡ ܒܲܝܢܵܬ̣ ܥܲܡܡܹ̈ܐ ܣܵܡ̇ܬܵܗ̇: ܘܟ̣ܠܗܹܝܢ ܡܕܼܝܼ̈ܢܵܬ̣ܵܐ ܚܕܼܝܼܪ̈ܵܢ ܠܵܗ̇.
[No book] [6]ܘܚܲܠܦܲܬ̤ ܕܝܼܢܲܝ̈ ܒܲܚܛܝܼܬ̣ܵܐ ܡ̣ܢ ܥܲܡܡܹ̈ܐ: ܘܦܘܼܩܕܵܢܲܝ̈ ܡ̣ܢ ܡܕܼܝܼ̈ܢܵܬ̣ܵܐ ܕܲܚܕܼܝܼܪ̈ܵܢ ܠܵܗ̇: ܡܸܛܠ ܕܕܼܝܼܢܲܝ̈ ܐܲܣܠܝܼܘ: ܘܲܒ̣ܦܘܼܩ̈ܕܵܢܲܝ ܠܵܐ ܗܲܠܸܟ̣ܘ.
[No book] [7]ܡܸܛܠ ܗܵܠܹܝܢ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܐܬ̣ܚܫܸܒ̣ܬ̇ܘܿܢ ܡ̣ܢ ܥܲܡܡܹ̈ܐ ܕܲܚܕܼܝܼܪܝܼܢ ܠܟ̣ܘܿܢ: ܘܲܒ̣ܦܘܼܩ̈ܕܵܢܲܝ ܠܵܐ ܗܲܠܸܟ̣ܬ̇ܘܿܢ: ܘܕܼܝܼܢܲܝ̈ ܠܵܐ ܥܒܲܕ̇ܬܘܼܢ ܕܝܼܢܹ̈ܐ ܕܥܲܡܡܹ̈ܐ ܕܲܚܕܼܝܼܪܝܼܢ ܠܟ̣ܘܿܢ.
[No book] [8]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܸܢܵܐ ܥܠܲܝܟ̇ܝ: ܘܐܸܥܒܸ̇ܕܼ ܒܓ̣ܵܘܹܟ̣ܝ ܕܝܼܢܹ̈ܐ ܠܥܹܝܢ ܟܠܗܘܿܢ ܥܲܡܡܹ̈ܐ.
[No book] [9]ܘܐܸܥܒܸ̇ܕܼ ܒܹܟ̣ܝ ܡܸܕܸ̇ܡ ܕܠܵܐ ܥܸܒ̣ܕܹ̇ܬ̣: ܘܡܸܕܸ̇ܡ ܕܠܵܐ ܐܸܥܒܸ̇ܕܼ ܬܘܼܒ̣ ܐܲܟ̣ܘܵܬܹܗ: ܡܸܛܠ ܟܠܵܗ̇ ܛܲܢܦܘܼܬܹܟ̣ܝ.
[No book] [10]ܡܸܛܠ ܗܵܢܵܐ ܐܲܒ̣ܵܗܹ̈ܐ ܢܹܐܟ̣ܠܘܼܢ ܒܢܲܝ̈ܗܘܿܢ ܒܓܵܘܹܟ̣ܝ: ܘܲܒ̣ܢܲـ̈ـܝܵܐ ܢܹܐܟ̣ܠܘܼܢ ܠܐܲܒ̣ܵܗܲܝ̈ܗܘܿܢ: ܘܐܸܥܒܸ̇ܕܼ ܒܹܟ̣ܝ ܕܝܼܢܹ̈ܐ: ܘܐܸܕܪܸܐ ܠܐܲܝܠܹܝܢ ܕܡܸܫܬܲܚܪܝܼܢ ܒܓ̣ܵܘܟ̣ܝ ܠܟ̣ܠ ܪܘܼܚ.
[No book] [11]ܡܸܛܠ ܗܵܢܵܐ ܚܲܝ ܐ̄ܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܥܲܠ ܕܛܲܢܸܦܬ̇ܝ ܡܩܕܲܫܝ ܒܟ̣ܠ ܛܲܢܦ̈ܘܵܬܹܟ̣ܝ: ܘܲܒ̣ܟ̣ܠܵܗ̇ ܛܲܡܐܘܬܹܟ̣ܝ: ܐܵܦ ܐܸܢܵܐ ܐܸܕܼܚ̄ܩܹܟ̣ܝ: ܘܠܵܐ ܬܚܘܼܣ ܥܲܝܢܝ ܥܠܲܝܟ̇ܝ ܘܠܵܐ ܐܹܪܲܚܸܡ.
[No book] [12]ܚܕܼܵܐ ܡܢܵܬܹܟ̣ܝ ܒܡܵܘܬܵܐ ܢܡܘܼܬ̣ܘܼܢ. ܘܲܒ̣ܟܲܦܢܵܐ ܢܣܘܼܦܘܼܢ ܒܓ̣ܵܘܹܟ̣ܝ: ܘܲܐ̄ܚܪܹܬ̣ܵܐ ܒܚܲܪܒܵܐ ܢܸܦܠܘܼܢ ܚܕܼܵܪܲܝܟ̇ܝ: ܘܕܲܬ̣ܠܵܬ̣ ܠܟ̣ܠ ܪܘܼܚ ܐܸܕܼܪܸܐ: ܘܣܲܝܦܵܐ ܢܸܚܪܘܿܒ̣ ܒܵܬܲܪܗܘܿܢ.
[No book] [13]ܘܐܹܫܲܡܠܸܐ ܪܘܼܓ̣ܙܝ: ܘܐܲܢܝܼܚ ܚܸܡܬ̣ܝ ܒܗܘܿܢ ܘܐܸܬ̣ܒܲܝܲܐ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ ܕܡܲܠܠܹ̇ܬ̣ ܒܲܛܢܵܢܝ: ܡܵܐ ܕܫܲܡܠܝܼܬ̣ ܒܗܘܿܢ ܪܘܼܓ̣ܙܝ.
[No book] [14]ܘܐܸܬ̇ܠܹܟ̣ܝ ܠܚܲܪܒܵܐ: ܘܲܠܚܸܣܕܵܐ ܒܥܲܡܡܹ̈ܐ ܕܲܚܕܼܝܼܪܝܼܢ ܠܹܟ̣ܝ ܩܕܼܵܡ ܟܠ ܕܥܵܒܲܪ.
[No book] [15]ܘܬܸܗܘܹܝܢ ܠܚܸܣܕܵܐ ܘܲܠܓܘܼܕܵܦܵܐ: ܘܲܠܡܲܪܕ̇ܘܼܬ̣ܵܐ ܘܲܠܬܸܡܗܵܐ ܠܥܲܡܡܹ̈ܐ ܕܲܚܕܝܼܪܝܼܢ ܠܹܟܝ: ܡܵܐ ܕܥܸܒ̇ܕܹ̇ܬ̣ ܒܹܟ̣ܝ ܕܝܼܢܹ̈ܐ: ܒܪܘܼܓ̣ܙܵܐ ܘܲܒ̣ܚܸܡܬ̣ܵܐ ܘܲܒ̣ܡܲܟ̇ܣܵܢܘܼܬ̣ܵܐ ܕܪܘܼܓ̣ܙܝ: ܐܸܢܵܐ ܡܵܪܝܵܐ ܐܸܡ̇ܪܹܬ̣.
[No book] [16]ܡܵܐ ܕܫܲܕ̇ܪܹܬ̣ ܥܠܲܝܟ̇ܘܿܢ ܓܹܐܪ̈ܲܝ ܒܝܼܫܹ̈ܐ ܕܟܲܦܢܵܐ ܕܲܗܘ̤ܵܘ ܠܲܚܒ̣ܵܠܵܐ: ܕܐܹܫܲܕܲܪ ܐܸܢܘܿܢ ܠܲܡܚܲܒܵܠܘܼܬ̣ܟ̣ܘܿܢ: ܘܟܲܦܢܵܐ ܐܵܘܣܸܦ ܥܠܲܝܟ̇ܘܿܢ: ܘܐܸܬ̣ܒܲܪ ܩܲܢܝܵܐ ܕܲܥܒ̣ܘܼܪܟ̣ܘܿܢ.
[No book] [17]ܘܐܹܫܲܕܲܪ ܥܠܲܝܟ̇ܘܿܢ ܟܲܦܢܵܐ ܘܚܲܝ̄ܘܬ̣ܵܐ ܒܝܼܫܬܵܐ ܘܐܵܘܒܸ̇ܕܼܟ̣ܘܼܢ: ܘܡܵܘܬܵܐ ܘܲܕܼܡܵܐ ܢܸܥܒܲܪ ܒܟ̣ܘܿܢ: ܘܚܲܪܒܵܐ ܐܲܝܬܹ̇ܐ ܥܠܲܝܟ̇ܘܢ: ܐܸܢܵܐ ܡܵܪܝܵܐ ܐܸܡ̇ܪܹܬ̣.
 
Top