|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [2]ܐܲܢ̄ܬ̇ ܕܹܝܢ ܒܲܪܢܵܫܵܐ: ܐܸܡܲܪ: ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܡܲܛܝܼ ܩܸܨܵܐ ܥܲܠ ܐܲܪܥܵܐ ܕܝܼܣܪܵܝܹܠ: ܘܡܲܛܝܼ ܣܵܘܦܵܐ ܥܲܠ ܐܲܪܒܲܥ ܟܸܢ̈ܦܹܝܗ̇ ܕܐܲܪܥܵܐ. |
[No book] |
| [3]ܡܸܟܹ̇ܝܠ ܩܸܨܵܐ ܥܠܲܝܟ̇ܝ: ܕܐܹܫܘܿܕܼ ܥܠܲܝܟ̇ܝ ܪܘܼܓ̣ܙܝ: ܘܐܸܕܼܘܿܢܹܟ̣ܝ ܐܲܝܟ ܐܘܼܪ̈ܚܵܬܹܟ̣ܝ: ܘܐܲܝܬܹܐ ܥܠܲܝܟ̇ܝ ܟܠܵܗ̇ ܛܲܢܦܘܼܬܹܟ̣ܝ. |
[No book] |
| [4]ܘܠܵܐ ܬܚܘܼܣ ܥܲܝܢܝ ܥܠܲܝܟ̇ܝ ܘܠܵܐ ܐܹܪܲܚܸܡ: ܡܸܛܠ ܕܐܘܼܪ̈ܚܵܬܹܟ̣ܝ ܥܠܲܝܟ̇ܝ ܐܸܬܸ̇ܠ: ܘܛܲܢܦܘܼܬܹܟ̣ܝ ܒܓ̣ܵܘܹܟ̣ܝ ܬܸܗܘܹܐ: ܘܬܸܕ̇ܥܝܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |
| [5]ܗܵܟܲܢܵܐ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܗܵܐ ܐܵܬ̣ܝܵܐ ܒܝܼܫܬܵܐ ܚܠܵܦ ܒܝܼܫܬܵܐ. |
[No book] |
| [6]ܩܸܨܵܐ ܐܵܬܹ̇ܐ ܘܐܲܥܝܼܩ ܥܠܲܝܟ̇ܝ. |
[No book] |
| [7]ܘܐܵܬܹ̇ܐ ܨܸܦܪܵܝܵܐ ܥܵܡܘܿܪܵܐ ܕܐܲܪܥܵܐ ܥܠܲܝܟ̇ܝ: ܡܲܛܝܼ ܙܲܒ̣ܢܵܐ ܘܲܩ̣ܪܸܒ̣ ܝܵܘܡܵܐ ܕܲܕܼܠܘܼܚܝܵܐ. |
[No book] |
| [8]ܡܸܟܹ̇ܝܠ ܡ̣ܢ ܩܘܼܪܒܵܐ ܐܹܫܘܿܕܼ ܚܸܡ̄ܬ̣ܝ ܥܠܲܝܟ̇ܝ: ܘܐܹܫܘܿܕܼ ܪܘܼܓ̣ܙܝ ܥܠܲܝܟ̇ܝ: ܘܐܹܕ̇ܢܹܟ̣ܝ ܐܲܝܟ ܐܘܼܪ̈ܚܵܬܹܟ̣ܝ: ܘܐܸܬܸ̇ܠ ܥܠܲܝܟ̇ܝ ܟܠܵܗ̇ ܛܲܢܦܘܼܬܹܟ̣ܝ. |
[No book] |
| [9]ܘܠܵܐ ܬܚܘܼܣ ܥܲܝܢܝ ܥܠܲܝܟ̇ܝ ܘܠܵܐ ܐܹܪܲܚܸܡ: ܐܸܠܵܐ ܐܲܝܟ ܐܘܼܪ̈ܚܵܬܹܟ̣ܝ ܐܸܦ̱ܪܥܹܟ̣ܝ: ܘܛܲܢܦܘܼܬܹܟ̣ܝ ܒܓ̣ܵܘܹܟ̣ܝ ܬܸܗܘܹܐ: ܘܬܸܕ̇ܥܝܼܢ ܕܐܸܢܵܐ ܐ̄ܢܵܐ ܡܵܪܝܵܐ ܕܲܡܚܟ̣ܝ. |
[No book] |
| [10]ܗܵܐ ܝܵܘܡܵܐ ܐܸܬ̣ܵܐ: ܢܦܲܩ̣ ܨܸܦܪܵܝܵܐ ܘܲܒ̣ܠܲܨ ܚܘܼܛܪܵܐ: ܘܲܦܪܲܥ̣ ܨܲܥܪܵܐ. |
[No book] |
| [11]ܘܥܵܘܼܠܵܐ ܩܵܡ̣ ܥܲܠ ܚܘܼܛܪܹܗ ܕܥܵܘܿܠܵܐ: ܠܵܐ ܡܸܢܗܘܿܢ ܘܠܵܐ ܡ̣ܢ ܕܠܘܼܚܝܼܗܘܿܢ: ܘܠܵܐ ܡ̣ܢ ܡܲܥܒ̇ܕܼܵܢܘܼܬ̣ܗܘܿܢ: ܘܠܵܐ ܐܸܬ̇ܬ̇ܢܝܼܚ ܒܗܘܿܢ. |
[No book] |
| [12]ܡܲܛܝܼ ܙܲܒ̣ܢܵܐ ܘܲܩ̣ܪܸܒ̣ ܝܵܘܡܵܐ: ܕܩܵܢܹ̇ܐ ܠܵܐ ܢܸܚܕܹ̇ܐ: ܘܕܲܡܙܲܒܸ̇ܢ ܠܵܐ ܬܸܟ̣ܪܸܐ ܠܹܗ: ܡܸܛܠ ܕܪܘܼܓ̣ܙܵܐ ܥܲܠ ܟܠܹܗ ܩܸܢܝܵܢܗܘܿܢ. |
[No book] |
| [13]ܘܙܵܒ̣ܘܿܢܵܐ ܠܵܐ ܗܵܦܲܟ ܥܲܠ ܡܙܲܒ̇ܢܵܢܵܐ: ܘܬ̣ܘܼܒ̣ ܠܲܝܬ̇ ܚܲܝܹ̈ܐ ܒܚܲܝܲܝ̈ܗܘܿܢ: ܡܸܛܠ ܕܚܸܙܘܵܐ ܠܵܐ ܢܸܗܦܘܿܟ ܥܲܠ ܟܠܹܗ ܩܸܢܝܵܢܗܘܿܢ: ܘܓܲܒ̣ܪܵܐ ܒܥܵܘܼܠܹܗ ܠܵܐ ܢܚܲܡܣܸܢ ܚܲܝܵܘ̈ܗܝ. |
[No book] |
| [14]ܩ̣ܪܵܘ ܒܩܲܪܢܵܐ ܘܛܲܝܸܒ̣ ܟܠ: ܘܠܲܝܬ̇ ܕܐܵܙܹ̇ܠ ܠܲܩܪܵܒ̣ܵܐ: ܡܸܛܠ ܕܪܘܼܓ̣ܙܝ ܥܲܠ ܟܠܹܗ ܩܸܢܝܵܢܗܘܿܢ. |
[No book] |
| [15]ܚܲܪܒܵܐ ܒܫܘܼܩܹ̈ܐ: ܘܡܵܘܬܵܢܵܐ ܘܟܲܦܢܵܐ ܒܒ̣ܵـ̈ـܬܹ̇ܐ: ܐܲܝܢܵܐ ܕܲܒ̣ܕܲܒ̣ܪܵܐ ܗ̄ܘܼ ܢܡܘܼܬ̣ ܒܚܲܪܒܵܐ: ܘܐܲܝܢܵܐ ܕܒܲܡܕܼܝܼܢ̄ܬܵܐ ܗ̄ܘܼ ܟܲܦܢܵܐ ܘܡܵܘܬܵܢܵܐ ܢܹܐܟ̣ܠܝܼܘܗܝ. |
[No book] |
| [16]ܘܢܸܬ̣ܦܲܨܘܿܢ ܐܲܝܠܹܝܢ ܕܡܸܬ̣ܦܲܨܹܝܢ ܡܸܢܗܘܿܢ ܒܛܘܼܪܹ̈ܐ: ܐܲܝܟ ܝܵܘ̈ܢܹܐ ܒܲܓܕܼܵܢܦܹ̈ܐ: ܟܠܗܘܿܢ ܢܡܘܼܬ̣ܘܼܢ ܐ̄ܢܵܫ ܒܲܚܛܵܗܵܘ̈ܗܝ. |
[No book] |
| [17]ܟܠܗܹܝܢ ܐܝܼܕܲܝܵܐ ܢܸܬ̣ܪ̈ܲܫܠܵܢ: ܘܟ̣ܠܗܹܝܢ ܒܘܼܪ̈ܟܹ̇ܐ ܢܲܪ̈ܕ̇ܝܵܢ ܡܲـ̈ـܝܵܐ. |
[No book] |
| [18]ܘܢܸܬ̣ܟܲܒ̣ܢܘܼܢ ܣܲܩܹ̈ܐ: ܘܲܢܟܲܣܘܿܢ ܐܸܢܘܿܢ ܨܵܘܪ̈ܵܢܹܐ: ܒܸܗܬ̇ܬ̣ܵܐ ܒܟ̣ܠ ܐܲܦܲܝ̈ܗܘܿܢ: ܘܩܘܼܕܼܚܵـ̈ـܬ̣ܵܐ ܒܟ̣ܠ ܪܹ̈ܫܲܝܗܘܿܢ. |
[No book] |
| [19]ܣܹܐܡܗܘܿܢ ܒܫܘܼܩܹ̈ܐ ܢܸܫܕ̇ܘܿܢ: ܘܕܲܗܒ̣ܗܘܿܢ ܡܲܣ̱ܠܝܵܐ ܢܸܗܘܹܐ: ܣܹܐܡܗܘܿܢ. ܘܕܲܗܒ̣ܗܘܿܢ ܠܵܐ ܢܸܫܟܲܚ ܠܲܡܦܲܨܵܝܘܼ ܐܸܢܘܿܢ ܒܝܵܘܡܵܐ ܕܪܘܼܓ̣ܙܹܗ ܕܡܵܪܝܵܐ: ܢܲܦ̮̈ܫܵܬ̣ܗܘܿܢ ܠܵܐ ܢܣܲܒ̇ܥܘܼܢ: ܘܟܲܪ̈ܣܵܬ̣ܗܘܿܢ ܠܵܐ ܢܸܡܠܘܿܢ ܗܵܢܵܐ ܫܘܼܢܵܩܵܐ: ܦܘܼܪܥܵܢܵܐ ܕܥܵܘܼܠܗܘܿܢ. |
[No book] |
| [20]ܘܫܘܼܒ̣ܚܵܐ ܕܨܸܒ̣ܬ̇ܗܘܿܢ ܕܲܥܒܲܕܼܘ ܒܓܲܐܝܘܼܬ̣ܵܐ: ܠܨܲܠܡܹ̈ܐ ܕܛܲܢܦ̈ܘܵܬ̣ܗܘܿܢ ܘܲܕ̇ܕܸܚ̈ܠܵܬ̣ܗܘܿܢ: ܡܸܛܠ ܗܵܢܵܐ ܥܒܲܕ̇ܬܹ̇ܗ ܡܲܣ̱ܠܝܵܐ. |
[No book] |
| [21]ܘܐܸܬ̇ܠܝܼܘܗܝ ܒܐܝܼܕܼܵܐ ܕܢܘܼܟ̣ܪ̈ܵܝܹܐ ܠܒܸܙܬ̣ܵܐ: ܘܲܠܚܲܛܵܝܹܝ̈ܗ̇ ܕܐܲܪܥܵܐ ܠܲܫܒ̣ܝܼܬ̣ܵܐ ܘܲܢܛܵܘܫܘܼܢܹܗ. |
[No book] |
| [22]ܘܐܲܦܢܸܐ ܐܲܦܲܝ̈ ܡܸܢܗܘܿܢ ܘܲܢܛܵܘܫܘܼܢ ܕܵܘ̈ܩܲܝ: ܘܢܸܥܠܘܿܢ ܒܵܗ̇ ܬܲܪ̈ܘܿܥܹܐ ܘܲܢܛܵܘܫܘܼܢܵܗ̇. |
[No book] |
| [23]ܘܢܸܥܒ̇ܪܘܼܢ ܒܠܸܒ̣̈ܢܹܐ: ܡܸܛܠ ܕܐܲܪܥܵܐ ܐܸܬ̣ܡܲܠܝܲܬ̤ ܕܝܼܢܵܐ ܕܲܕܼܡܵܐ: ܘܲܡܕܼܝܼܢ̄ܬܵܐ ܐܸܬ̣ܡܲܠܝܲܬ̤ ܥܵܘܼܠܵܐ. |
[No book] |
| [24]ܘܐܲܝܬܹ̇ܐ ܪ̈ܵܥܵܘܵܬ̣ܵܐ ܕܥܲܡܡܹ̈ܐ ܘܢܹܐܪܬ̇ܘܿܢ ܒܵܬܲܝ̈ܗܘܿܢ: ܘܐܲܗܦܸܟ ܓܲܐܝܘܼܬ̣ܵܐ ܕܥܲܫܝܼ̈ܢܹܐ: ܘܢܹܐܪܬ̇ܘܿܢ ܡܲܩܕܲܫܗܘܿܢ. |
[No book] |
| [25]ܪܘܼܓ̣ܙܵܐ ܐܵܬܹ̇ܐ: ܘܢܸܒ̣ܥܘܿܢ ܫܠܵܡܵܐ ܘܠܵܐ ܢܸܫܬܲܟܲܚ. |
[No book] |
| [26]ܘܵܝܵܐ ܥܲܠ ܘܵܝܵܐ ܢܹܐܬܹܐ: ܘܲܫܡܘܼܥܬܵܐ ܥܲܠ ܫܡܘܼܥܬܵܐ ܬܸܫܬ̇ܡܲܥ: ܘܢܸܒ̣ܥܘܿܢ ܚܸܙܘܵܐ ܡ̣ܢ ܢܒ̣ܝܹ̈ܐ: ܘܢܵܡܘܿܣܵܐ ܢܹܐܒܲܕܼ ܡ̣ܢ ܟܵܗܢܹ̈ܐ: ܘܡܸܠܟܵܐ ܡ̣ܢ ܣܵܒܹ̈ܐ. |
[No book] |
| [27]ܡܲܠܟܵܐ ܢܸܬܸ̇ܒ̣ ܒܐܸܒ̣ܠܵܐ: ܘܪܲܒܵܐ ܢܸܠܒܲܫ ܚܒ̣ܵܠܵܐ: ܘܐܝܼܕܼܵܘ̈ܗܝ ܕܥܲܡܵܐ ܕܐܲܪܥܵܐ ܢܸܬ̣ܪ̈ܲܫܠܵܢ: ܐܲܝܟ ܐܘܼܪ̈ܚܵܬ̣ܗܘܿܢ ܐܸܥܒܸ̇ܕܼ ܠܗܘܿܢ: ܘܲܒ̣ܕܼܝܼ̈ܢܲܝܗܘܿܢ ܐܹܕ̇ܘܼܢ ܐܸܢܘܿܢ: ܘܢܸܕ̇ܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ. |
[No book] |