Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Eze 8 | ALP, Lao.en
➖ »
«
➖ ➕
Aleppo Codex (~920)
Alep
Epistle to the Laodiceans (English)
Lao[EN]
←
Ezekiel
Eze
8
→
[1]ויהי בשנה הששית בששי בחמשה לחדש אני יושב בביתי וזקני יהודה יושבים לפני ותפל עלי שם יד אדני יהוה [No book]
[2]ואראה והנה דמות כמראה אש־ממראה מתניו ולמטה אש וממתניו ולמעלה כמראה זהר כעין החשמלה [No book]
[3]וישלח תבנית יד ויקחני בציצת ראשי ותשא אתי רוח בין הארץ ובין השמים ותבא אתי ירושלמה במראות אלהים אל פתח שער הפנימית הפונה צפונה אשר שם מושב סמל הקנאה המקנה [No book]
[4]והנה שם־כבוד אלהי ישראל כמראה אשר ראיתי בבקעה [No book]
[5]ויאמר אלי־בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאה [No book]
[6]ויאמר אלי־בן אדם הראה אתה מהם [Q: מה הם] עשים תועבות גדלות אשר בית ישראל עשים פה לרחקה מעל מקדשי ועוד תשוב תראה תועבות גדלות [No book]
[7]ויבא אתי אל פתח החצר ואראה והנה חר אחד בקיר [No book]
[8]ויאמר אלי בן אדם חתר נא בקיר ואחתר בקיר והנה פתח אחד [No book]
[9]ויאמר אלי בא וראה את התועבות הרעות אשר הם עשים פה [No book]
[10]ואבוא ואראה והנה כל תבנית רמש ובהמה שקץ וכל גלולי בית ישראל־מחקה על הקיר סביב סביב [No book]
[11]ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלה [No book]
[12]ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו־עזב יהוה את הארץ [No book]
[13]ויאמר אלי עוד תשוב תראה תועבות גדלות אשר המה עשים [No book]
[14]ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוז [No book]
[15]ויאמר אלי הראית בן אדם עוד תשוב תראה תועבות גדלות מאלה [No book]
[16]ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשרים וחמשה איש אחריהם אל היכל יהוה ופניהם קדמה והמה משתחויתם קדמה לשמש [No book]
[17]ויאמר אלי הראית בן אדם־הנקל לבית יהודה מעשות את התועבות אשר עשו פה כי מלאו את הארץ חמס וישבו להכעיסני והנם שלחים את הזמורה אל אפם [No book]
[18]וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותם [No book]
Source: unbound.biola.edu
Top