➖ »
«
➖ ➕
Book of Jasher (1840)
Jas(1840)
Aleppo Codex (~920)
Alep
←
Ezekiel
Eze
9
→
[No book] [1]ויקרא באזני קול גדול לאמר קרבו פקדות העיר ואיש כלי משחתו בידו
[No book] [2]והנה ששה אנשים באים מדרך שער העליון אשר מפנה צפונה ואיש כלי מפצו בידו ואיש אחד בתוכם לבש בדים וקסת הספר במתניו ויבאו ויעמדו אצל מזבח הנחשת
[No book] [3]וכבוד אלהי ישראל נעלה מעל הכרוב אשר היה עליו אל מפתן הבית ויקרא אל האיש הלבש הבדים אשר קסת הספר במתניו
[No book] [4]ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה
[No book] [5]ולאלה אמר באזני עברו בעיר אחריו והכו על [Q: אל] תחס עיניכם [Q: עינכם] ואל תחמלו
[No book] [6]זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הבית
[No book] [7]ויאמר אליהם טמאו את הבית ומלאו את החצרות חללים־צאו ויצאו והכו בעיר
[No book] [8]ויהי כהכותם ונאשאר אני ואפלה על פני ואזעק ואמר אהה אדני יהוה המשחית אתה את כל שארית ישראל בשפכך את חמתך על ירושלם
[No book] [9]ויאמר אלי עון בית ישראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראה
[No book] [10]וגם אני־לא תחוס עיני ולא אחמל דרכם בראשם נתתי
[No book] [11]והנה האיש לבש הבדים אשר הקסת במתניו משיב דבר לאמר עשיתי כאשר [Q: ככל אשר] צויתני
See information...
 Source: unbound.biola.edu
Top