➖ »
«
➖ ➕
Peshitta OT
PesOT
The First Book of Clement
1Clem
←
Ezekiel
Eze
9
→
[1]ܘܲܩ̣ܪܵܐ ܒܐܸܕܼܢܲܝ̈ ܒܩܵܠܵܐ ܪܵܡܵܐ ܘܐܸܡܲܪ. ܩܪܘܿܒ̣ܘ ܦܵܪ̈ܘܿܥܹܝܗ̇ ܕܲܡܕܼܝܼܢ̄ܬܵܐ: ܘܐ̄ܢܵܫ ܡܵܐܢܹ̈ܐ ܕܦܘܼܪܥܵܢܹܗ ܒܐܝܼܕܹܗ. [No book]
[2]ܘܲܚܙܹ̇ܝܬ̣ ܫܬܵܐ ܓܲܒ̣ܪ̈ܝܼܢ ܐܵܬܹ̇ܝܢ ܡ̣ܢ ܐܘܼܪܚܵܐ ܕܬܲܪܥܵܐ ܥܸܠܝܵܐ ܕܚܵܐܲܪ ܠܓܲܪܒ̇ܝܵܐ: ܘܐ̄ܢܵܫ ܡܵܐܢܲܝ̈ ܦܘܼܪܥܵܢܹܗ ܒܐܝܼܕܹܗ: ܘܓܲܒ̣ܪܵܐ ܚܲܕܼ ܒܲܝܢܵܬ̣ܗܘܿܢ ܘܲܠܒ̣ܝܼܫ ܒܘܼܨܵܐ: ܘܐܲܣܵܪ ܚܲܨܹ̈ܐ ܕܣܲܦܝܼܠܵܐ ܒܚܲܨܵܘ̈ܗܝ: ܘܐܸܬ̣ܵܘ ܘܩܵܡ̣ܘ ܥܲܠ ܓܸܢ̄ܒ̣ ܡܲܕܼܒ̇ܚܵܐ ܕܲܢܚܵܫܵܐ. [No book]
[3]ܘܫܘܼܒ̣ܚܹܗ ܕܐܲܠܵܗܵܐ ܕܝܼܣܪܵܝܹܠ: ܣܠܸܩ̣ ܡ̣ܢ ܟܪܘܿܒ̣ܵܐ ܕܩܵܐܹ̇ܡ ܗ̄ܘܼܵܐ ܥܲܠ ܙܵܘܝܼܬ̣ܵܐ ܕܒܲܝܬܵܐ: ܘܲܩ̣ܪܵܐ ܠܓܲܒ̣ܪܵܐ ܕܲܠܒ̣ܝܼܫ ܒܘܼܨܵܐ: ܘܐܲܣܵܪ ܚܲܨܹ̈ܐ ܕܣܲܦܝܼܠܵܐ ܒܚܲܨܵܘ̈ܗܝ. [No book]
[4]ܘܐܸܡܲܪ ܠܹܗ ܡܵܪܝܵܐ: ܥܒܲܪ ܒܓ̣ܵܘ ܡܕܼܝܼܢ̄ܬܵܐ ܒܓ̣ܵܘ ܐܘܿܪܸܫܠܸܡ: ܘܲܪܫܘܿܡ ܪܘܼܫܡܵܐ ܥܲܠ ܒܹܝܬ̣ ܥܲܝ̈ܢܲܝܗܘܿܢ ܕܓܲܒ̣ܪܹ̈ܐ ܕܡܸܬ̇ܬܲܢܚܝܼܢ ܘܡܸܬ̇ܕܲܢܩܝܼܢ: ܥܲܠ ܟܠܗܹܝܢ ܛܲܢܦ̈ܘܵܬ̣ܵܐ ܘܒ̣ܝܼ̈ܫܵܬ̣ܵܐ ܕܡܸܬ̣ܥܲܒ̣̈ܕܵܢ ܒܓ̣ܵܘܵܗ̇. [No book]
[5]ܘܲܠܗܵܢܘܿܢ ܕܥܲܡܹܗ ܐܸܢܘܿܢ: ܐܸܡܲܪ ܠܗܘܿܢ ܠܥܹܢܲܝ: ܥܒܪܘ ܒܓ̣ܵܘ ܡܕܼܝܼܢ̄ܬܵܐ ܒܵܬܲܪܝ: ܘܲܚܪܘܿܒ̣ܘ. ܘܠܵܐ ܢܚܘܼ̈ܣܵܢ ܥܲܝܢܲܝ̈ܟ̇ܘܿܢ ܘܠܵܐ ܬܪܲܚܡܘܼܢ. [No book]
[6]ܘܲܠܣܵܒܹ̈ܐ ܘܲܠܓܲܕ̇ܘܼ̈ܕܹܐ ܘܠܲܒ̣ܬ̣ܘܼ̈ܠܵܬ̣ܵܐ: ܘܠܲܛܠܵܝܹ̈ܐ ܘܲܠܢܸܫܹ̈ܐ ܩܲܛܸܠܘ ܠܲܚܒ̣ܵܠܵܐ: ܘܲܠܟ̣ܠ ܐ̄ܢܵܫ ܕܐܝܼܬ̣ ܥܠܵܘܗܝ ܪܘܼܫܡܵܐ ܠܵܐ ܬܸܩ̱ܪܒ̣ܘܼܢ: ܘܡ̣ܢ ܡܲܩܕܲܫܝ ܫܲܪܵܘ. ܘܫܲܪܝܼܘ ܒܓܲܒ̣ܪܹ̈ܐ ܣܵܒܹ̈ܐ ܕܩܵܝ̇ܡܝܼܢ ܗ̄ܘܼܵܘ ܩܕܼܵܡ ܒܲܝܬܵܐ. [No book]
[7]ܘܐܸܡܲܪ ܠܗܘܿܢ ܛܲܡܐܘܼܗܝ ܠܒܲܝܬܵܐ: ܘܲܡܠܵܘ ܕܵܪܹ̈ܐ ܚܪ̈ܝܼܒܹܐ: ܦܘܿܩܘ ܩܲܛܸܠܘ ܒܲܡܕܼܝܼܢ̄ܬܵܐ. [No book]
[8]ܘܟܲܕܼ ܚܪܲܒ̣ܘ ܐܸܢܘܿܢ: ܐܸܫܬܲܚ̇ܪܹܬ̣ ܐܸܢܵܐ ܘܢܸܦ̇ܠܹܬ̣ ܥܲܠ ܐܲܦܲܝ̈: ܘܐܲܝܠܠܹܬ̣ ܒܩܵܠܵܐ ܪܵܡܵܐ ܘܐܸܡ̇ܪܹܬ̣: ܐܘܿܗ ܡܵܪܹܐ ܡܵܪ̈ܵܘܬ̣ܵܐ: ܡܚܲܒܸ̇ܠ ܐܲܢ̄ܬ̇ ܠܟ̣ܠ ܕܐܸܫܬܲܚܲܪ ܡ̣ܢ ܝܑܼܣܪܵܝܹܠ: ܘܐܵܫܹ̇ܕܼ ܐܲܢ̄ܬ̇ ܪܘܼܓ̣ܙܵܟ ܥܲܠ ܐܘܿܪܸܫܠܸܡ. [No book]
[9]ܘܐܸܡܲܪ ܠܝܼ: ܥܵܘܼܠܵܐ ܕܒܹܝܬ̣ ܝܑܼܣܪܵܝܹܠ ܘܕܲܝܗܘܼܕܼܵܐ ܣܓ̇ܝܼ ܛܵܒ̣: ܘܐܸܬ̣ܡܲܠܝܲܬ̤ ܐܲܪܥܵܐ ܕܡܵܐ: ܘܲܡܕܼܝܼܢ̄ܬܵܐ ܐܸܬ̣ܡܲܠܝܲܬ̤ ܢܸܟ̣ܠܵܐ: ܘܐܸܡܲܪܘ ܫܲܒ̣ܩܵܗ̇ ܡܵܪܝܵܐ ܠܐܲܪܥܵܐ: ܘܠܵܐ ܚܵܙܹ̇ܐ ܠܲܢ ܡܵܪܝܵܐ. [No book]
[10]ܘܐܸܢܵܐ ܠܵܐ ܐܹܚܘܼܣ ܥܠܲܝܗܘܿܢ ܘܠܵܐ ܐܹܪܲܚܸܡ: ܐܘܼܪ̈ܚܵܬ̣ܗܘܿܢ ܒܪܹܫܗܘܿܢ ܐܸܦܪܘܿܥ. [No book]
[11]ܘܲܚܙܹ̇ܝܬ̣ ܠܓܲܒ̣ܪܵܐ ܕܲܠܒ̣ܝܼܫ ܒܘܼܨܵܐ ܕܲܥܢ̣ܵܐ ܘܐܸܡܲܪ: ܥܸܒ̣ܕܹ̇ܬ̣ ܐܲܝܟܲܢܵܐ ܕܦܲܩܸܕ̇ܬܵܢܝ. [No book]
Translation: Charles H. Hoole (1885)
Source: www.earlychristianwritings.com
Top