➖ »
«
➖ ➕
Aleppo Codex (~920)
Alep
The First Book of Clement
1Clem
←
Ezra
Ezr
10
   
[1]וכהתפלל עזרא וכהתודתו בכה ומתנפל לפני בית האלהים נקבצו אליו מישראל קהל רב מאד אנשים ונשים וילדים־כי בכו העם הרבה בכה [No book]
[2]ויען שכניה בן יחיאל מבני עולם [Q: עילם] ויאמר לעזרא־אנחנו מעלנו באלהינו ונשב נשים נכריות מעמי הארץ ועתה יש מקוה לישראל על זאת [No book]
[3]ועתה נכרת ברית לאלהינו להוציא כל נשים והנולד מהם בעצת אדני והחרדים במצות אלהינו וכתורה יעשה [No book]
[4]קום כי עליך הדבר ואנחנו עמך חזק ועשה [No book]
[5]ויקם עזרא וישבע את שרי הכהנים הלוים וכל ישראל לעשות כדבר הזה־וישבעו [No book]
[6]ויקם עזרא מלפני בית האלהים וילך אל לשכת יהוחנן בן אלישיב וילך שם לחם לא אכל ומים לא שתה־כי מתאבל על מעל הגולה [No book]
[7]ויעבירו קול ביהודה וירושלם לכל בני הגולה־להקבץ ירושלם [No book]
[8]וכל אשר לא יבוא לשלשת הימים כעצת השרים והזקנים־יחרם כל רכושו והוא יבדל מקהל הגולה [No book]
[9]ויקבצו כל אנשי יהודה ובנימן ירושלם לשלשת הימים הוא חדש התשיעי־בעשרים בחדש וישבו כל העם ברחוב בית האלהים מרעידים על הדבר ומהגשמים [No book]
[10]ויקם עזרא הכהן ויאמר אלהם אתם מעלתם ותשיבו נשים נכריות־להוסיף על אשמת ישראל [No book]
[11]ועתה תנו תודה ליהוה אלהי אבתיכם־ועשו רצונו והבדלו מעמי הארץ ומן הנשים הנכריות [No book]
[12]ויענו כל הקהל ויאמרו קול גדול כן כדבריך [Q: כדברך] עלינו לעשות [No book]
[13]אבל העם רב והעת גשמים ואין כח לעמוד בחוץ והמלאכה לא ליום אחד ולא לשנים־כי הרבינו לפשע בדבר הזה [No book]
[14]יעמדו נא שרינו לכל הקהל וכל אשר בערינו ההשיב נשים נכריות יבא לעתים מזמנים ועמהם זקני עיר ועיר ושפטיה עד להשיב חרון אף אלהינו ממנו־עד לדבר הזה [No book]
[15]אך יונתן בן עשהאל ויחזיה בן תקוה עמדו על זאת ומשלם ושבתי הלוי עזרם [No book]
[16]ויעשו כן בני הגולה ויבדלו עזרא הכהן אנשים ראשי האבות לבית אבתם וכלם בשמות וישבו ביום אחד לחדש העשירי לדריוש הדבר [No book]
[17]ויכלו בכל־אנשים ההשיבו נשים נכריות עד יום אחד לחדש הראשון [No book]
[18]וימצא מבני הכהנים אשר השיבו נשים נכריות מבני ישוע בן יוצדק ואחיו־מעשיה ואליעזר ויריב וגדליה [No book]
[19]ויתנו ידם להוציא נשיהם ואשמים איל צאן על אשמתם [No book]
[20]ומבני אמר חנני וזבדיה [No book]
[21]ומבני חרם־מעשיה ואליה ושמעיה ויחיאל ועזיה [No book]
[22]ומבני פשחור־אליועיני מעשיה ישמעאל נתנאל יוזבד ואלעשה [No book]
[23]ומן הלוים־יוזבד ושמעי וקליה הוא קליטא פתחיה יהודה ואליעזר [No book]
[24]ומן המשררים אלישיב ומן השערים שלם וטלם ואורי [No book]
[25]ומישראל־מבני פרעש רמיה ויזיה ומלכיה ומימן ואלעזר ומלכיה ובניה [No book]
[26]ומבני עילם־מתניה זכריה ויחיאל ועבדי וירימות ואליה [No book]
[27]ומבני זתוא־אליועני אלישיב מתניה וירמות וזבד ועזיזא [No book]
[28]ומבני בבי־יהוחנן חנניה זבי עתלי [No book]
[29]ומבני בני־משלם מלוך ועדיה ישוב ושאל ירמות [Q: ורמות] [No book]
[30]ומבני פחת מואב עדנא וכלל בניה מעשיה מתניה בצלאל ובנוי ומנשה [No book]
[31]ובני חרם־אליעזר ישיה מלכיה שמעיה שמעון [No book]
[32]בנימן מלוך שמריה [No book]
[33]מבני חשם־מתני מתתה זבד אליפלט ירמי מנשה שמעי [No book]
[34]מבני בני מעדי עמרם ואואל [No book]
[35]בניה בדיה כלוהי [Q: כלוהו] [No book]
[36]וניה מרמות אלישיב [No book]
[37]מתניה מתני ויעשו [Q: ויעשי] [No book]
[38]ובני ובנוי שמעי [No book]
[39]ושלמיה ונתן ועדיה [No book]
[40]מכנדבי ששי שרי [No book]
[41]עזראל ושלמיהו שמריה [No book]
[42]שלום אמריה יוסף [No book]
[43]מבני נבו־יעיאל מתתיה זבד זבינא ידו [Q: ידי] ויואל בניה [No book]
[44]כל אלה נשאי [Q: נשאו] נשים נכריות ויש מהם נשים וישימו בנים [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top