➖ »
«
➖ ➕
Peshitta OT
PesOT
The First Book of Clement
1Clem
←
Ezra
Ezr
10
   
[1]ܘܟܲܕܼ ܨܲܠܝܼ ܥܲܙܪܵܐ: ܘܟܲܕܼ ܐܸܬ̣ܝܲܕ̇ܝܼ: ܪܡܸܐ ܗ̄ܘ̣ܵܐ ܘܒ̣ܵܟܹ̇ܐ ܩܕܼܵܡ ܒܲܝܬܹ̇ܗ ܕܡܵܪܝܵܐ. ܘܐܸܬ̣ܟܲܢܲܫܘ ܠܘܵܬܹܗ ܡ̣ܢ ܝܼܣܪܵܝܹܠ ܟܸܢܫܵܐ ܪܲܒܵܐ ܕܛܵܒ̣: ܓܲܒ̣ܪܹ̈ܐ ܘܲܛܠܵܝܹ̈ܐ: ܡܸܛܠ ܕܒ̣ܵܟܹܝܢ ܗ̄ܘ̣ܵܘ ܛܠܵܝܹ̈ܐ ܪܲܒܵܐ ܕܛܵܒ̣. [No book]
[2]ܘܲܥܢܵܐ ܫܟܲܢܝܵܐ ܒܲܪ ܢܚܵܐܹܝܠ ܡ̣ܢ ܒܢܲܝ̈ ܥܝܼܠܵܡ: ܘܐܸܡܲܪ ܠܥܲܙܪܵܐ ܣܵܦܪܵܐ: ܚܢܲܢ ܟܲܕܸ̇ܒ̣̄ܢ ܒܡܵܪܝܵܐ ܐܲܠܵܗܲܢ. ܘܐܵܘܬܸ̇ܒ̣̄ܢ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ ܡ̣ܢ ܥܲܡܡܹ̈ܐ ܕܐܲܪܥܵܐ. ܡܸܟܹ̇ܝܠ ܐܝܼܬ̣ ܣܲܒ̣ܪܵܐ ܠܝܼܣܪܵܝܹܠ ܡܸܛܠ ܗܵܕܹܐ. [No book]
[3]ܡܸܟܹ̇ܝܠ ܢܹܐܡܲܪ ܡܵܘ̈ܡܵܬ̣ܵܐ ܩܕܼܵܡ ܐܲܠܵܗܲܢ: ܠܡܲܦܵܩܘܼ ܟܠ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ: ܘܐܲܝܠܹܝܢ ܕܐܸܬ̣̱ܝܼܠܸܕܼܘ ܡܸܢܗܹܝܢ ܘܐܲܝܟ ܡܸܠܟܵܐ ܕܡܵܪܝܵܐ ܘܐܲܝܠܹܝܢ ܕܕܼܵܚ̇ܠܝܼܢ ܡ̣ܢ ܢܵܡܘܿܣܵܐ ܕܐܲܠܵܗܲܢ ܘܡ̣ܢ ܦܘܼܩܕܵܢܹܗ: ܥܒܸܕܼ ܘܐܲܫܲܪ. [No book]
[4]ܡܸܛܠ ܕܲܥܠܲܝܟ ܗ̄ܘ̣ ܦܣܝܼܩ ܦܣܵܩܵܐ ܗܵܢܵܐ. ܡܸܛܠ ܕܲܚܢܲܢ ܥܲܡܵܟ. ܐܸܬ̣ܥܲܫܲܢ ܘܲܥܒܸܕܼ. [No book]
[5]ܘܩܵܡ ܥܲܙܪܵܐ ܣܵܦܪܵܐ ܘܐܵܘܡܝܼ ܠܩܲܫܝܼܫܲܝ̈ ܟܘܼܡܪܹ̈ܐ ܘܠܹܘܵܝܹ̈ܐ: ܘܲܠܟ̣ܠܹܗ ܝܼܣܪܵܝܹܠ: ܠܡܸܥܒܲܕܼ ܐܲܝܟ̣ ܦܘܼܩܕܵܢܵܐ ܗܵܢܵܐ. ܘܝܼܡܝܼܘ. [No book]
[6]ܘܩܵܡ ܥܲܙܪܵܐ ܣܵܦܪܵܐ ܡ̣ܢ ܩܕܼܵܡ ܒܲܝܬܵܐ ܕܡܵܪܝܵܐ. ܘܐܸܙܲܠ ܠܐܲܟ̣ܣܸܕܼܪܹ̈ܐ ܕܝܘܿܚܲܢܵܢ ܒܲܪ ܐܹܠܝܼܫܲܥ: ܘܝܼܬܸܒ̣ ܬܲܡܵܢ. ܠܲܚܡܵܐ ܠܵܐ ܐܸܟܲܠ: ܘܡܲـ̈ـܝܵܐ ܠܵܐ ܐܸܫܬ̇ܝܼ ܡܸܛܠ ܕܟܲܪܝܵܐ ܗ̄ܘ̣ܵܬ̣ ܠܹܗ ܥܲܠ ܥܵܘܼܠܹܗ ܕܥܲܡܵܐ. [No book]
[7]ܘܲܩܪܵܘ ܟܵܗ̈ܢܹܐ ܒܲܝܗܘܼܕܼ ܘܒ̣ܐܘܿܪܸܫܠܸܡ: ܘܲܒ̣ܟ̣ܠ ܒܢܲܝ̈ ܫܒ̣ܝܼܬ̣ܵܐ: ܠܡܸܬ̣ܩܲܪܵܒ̣ܘܼ ܠܐܘܿܪܸܫܠܸܡ ܡܕܼܝܼܢ̄ܬܵܐ. [No book]
[8]ܘܟ̣ܠ ܡܲܢ ܕܠܵܐ ܢܹܐܬܹܐ ܠܲܬ̣ܠܵܬ̣ܵܐ ܝܵܘ̈ܡܝܼܢ: ܢܸܗܘܹܐ ܠܹܗ ܐܲܝܟ ܡܸܠܟܵܐ ܕܩܲܫܝܼܫܹ̈ܐ ܘܲܕܼܪܵܘ̱ܪ̈ܒ̣ܵܢܹܐ. ܢܸܗܘܘܿܢ ܚܸܪ̈ܡܝܼܢ ܢܸܟ̣ܣܵܘ̈ܗܝ ܘܗ̤ܘ ܢܸܬ̣ܦܪܸܫ ܡ̣ܢ ܥܲܡܵܐ ܕܝܼܣܪܵܝܹܠ. [No book]
[9]ܘܐܸܬ̣ܟܲܢܲܫܘ ܟܠ ܐ̄ܢܵܫܲܝ̈ ܝܼܗܘܼܕܼܵܐ ܘܒܸܢܝܵܡܹܝܢ ܠܐܘܿܪܸܫܠܸܡ: ܠܲܬ̣ܠܵܬ̣ܵܐ ܝܵܘ̈ܡܝܼܢ ܒܝܲܪܚܵܐ ܕܬܸܫܥܵܐ: ܒܲܥܣܲܪܬܵܐ ܒܝܲܪܚܵܐ ܘܲܟ̣ܢܲܫܘ ܟܠܹܗ ܥܲܡܵܐ ܕܡܵܪܝܵܐ: ܘܙܵܝܥܝܼܢ ܘܪܲܬ̇ܝܼܬ̣ܝܼܢ ܥܲܠ ܡܸܠܬ̣ܵܐ. [No book]
[10]ܘܩܵܡ̣ ܥܲܙܪܵܐ ܟܵܗܢܵܐ: ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܟܲܕܸ̇ܒ̣ܬܘܿܢ ܒܐܲܠܵܗܵܐ. ܘܲܢܣܲܒ̣ܬ̇ܘܿܢ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ. ܘܐܵܘܣܸܦܬ̇ܘܿܢ ܥܲܠ ܚܛܵܗܹ̈ܐ ܕܝܼܣܪܵܝܹܠ. [No book]
[11]ܡܸܟܹ̇ܝܠ ܗܲܒ̣ܘ ܬܵܘܕ̇ܝܼܬ̣ܵܐ ܠܡܵܪܝܵܐ ܐܲܠܵܗܵܐ ܕܐܲܒ̣ܵܗܲܝ̈ܟ̇ܘܿܢ ܘܲܥܒܸܕܼܘ ܨܸܒ̣ܝܵܢܹܗ. ܘܐܸܬ̣ܦܲܪܫ̄ܘ ܡ̣ܢ ܥܲܡܡܹ̈ܐ ܕܐܲܪܥܵܐ. ܘܡ̣ܢ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ. [No book]
[12]ܘܲܥܢܵܐ ܟܠܹܗ ܥܲܡܵܐ ܘܐܵܡ̇ܪܝܼܢ ܠܥܲܙܪܵܐ ܒܩܵܠܵܐ ܪܵܡܵܐ: ܫܲܦܝܼܪܝܼܢ ܦܸܬ̣ܓ̣ܵܡܲܝ̈ܟ ܥܠܲܝܢ. ܘܲܡܩܲܒܲܠ ܟܠ ܡܸܕܸ̇ܡ ܐܲܢ̄ܬ̇ ܥܠܲܝܢ ܠܡܸܥܒܲܕܼ ܒܫܲܪܝܼܪ̈ܵܬ̣ܵܐ. [No book]
[13]ܗܵܫܵܐ ܕܹܝܢ ܥܲܡܵܐ ܣܲܓ̇ܝܼ: ܘܥܸܕܵܢܵܐ ܕܡܸܛܪܵܐ ܗ̄ܘ̣ ܘܠܲܝܬ̇ ܒܲܢ ܚܲܝܠܵܐ ܠܲܡܩܵܡ ܒܫܘܼܩܵܐ. ܘܲܥܒ̣ܝܼܕ̇ܬܵܐ ܠܵܐ ܗ̄ܘ̣ܵܬ̣ ܕܚܲܕܼ ܗ̄ܝ̣ ܝܘܿܡ ܘܠܵܐ ܕܲܬ̣ܪܹܝܢ ܡܸܛܠ ܕܣܲܓ̇ܝܼܐܝܼܢ ܐܸܢܘܿܢ ܚܛܵܗܲܝ̈ܢ ܒܦܸܬ̣ܓ̣ܵܡܵܐ ܗܵܢܵܐ. [No book]
[14]ܡܸܟܹ̇ܝܠ ܢܩܘܼܡܘܿܢ ܩܲܫܝܼ̈ܫܲܝܢ ܘܟ̣ܠܹܗ ܥܲܡܵܐ: ܘܟ̣ܠ ܕܐܝܼܬ̣ ܒܩܘܼܪ̈ܝܵܐ ܕܝܼܠܲܢ: ܐܝܠܹܝܢ ܕܐܵܘܬܸ̇ܒ̣ܘ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ: ܘܢܹܐܬ̣ܘܿܢ ܠܥܸܕܵܢܵܐ ܕܲܨܠܘܿܬ̣ܵܐ: ܘܥܲܡܗܘܿܢ ܩܲܫܝܼ̈ܫܹܐ ܕܩܘܼܪ̈ܝܵܐ: ܘܩܘܼܪ̈ܝܵܐ ܘܕܲܝܵܢܲܝܗܹܝܢ: ܥܕܲܡܵܐ ܕܢܲܗܦ̄ܟ̣ܘܼܢ ܚܸܡܬܹܗ ܕܐܲܠܵܗܲܢ ܡܸܢܲܢ: ܡܸܛܠ ܡܵܘܡܵܬ̣ܵܐ ܗܵܕܹܐ. [No book]
[15]ܒܪܲܡ ܝܘܿܢܵܬܲܢ ܒܲܪ ܥܲܡܲܢܘܼܐܹܝܠ: ܘܲܢܚܲܙܝܵܐ ܒܲܪ ܬܲܩܘܵܐ: ܘܡܲܫܠܲܡ: ܩܵܡ̣ܘ ܥܲܠ ܡܸܠܬ̣ܵܐ ܗܵܕܹܐ: ܘܡܲܬܲܝ ܠܹܘܵܝܵܐ ܥܵܕܼܘܿܪܗܘܿܢ. [No book]
[16]ܘܗܵܟܲܢܵܐ ܥܒܲܕܼܘ ܒܢܲܝ̈ ܫܒ̣ܝܼܬ̣ܵܐ ܘܲܦܪܲܫ ܥܲܙܪܵܐ ܟܵܗܢܵܐ ܥܸܣܪܝܼܢ ܓܲܒ̣ܪ̈ܝܼܢ ܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ: ܠܒܹܝܬ̣ ܐܲܒ̣ܵܗܲܝ̈ܗܘܿܢ. ܘܟ̣ܠܗܘܿܢ ܒܲܫܡܵܗܹ̈ܐ ܐܸܬ̣ܩܪܝܼܘ. ܘܝܼܬܸܒ̣ܘ ܒܝܘܿܡ ܚܲܕܼ ܒܝܲܪܚܵܐ ܕܥܸܣܪܵܐ: ܠܡܸܬ̣ܒ̇ܥܹܗ ܠܦܸܬ̣ܓ̣ܵܡܵܐ. [No book]
[17]ܘܲܓ̣ܡܲܪܘ ܟܠܗܘܿܢ ܓܲܒ̣ܪܹ̈ܐ ܕܐܵܘܬܸ̇ܒ̣ܘ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ: ܥܕܲܡܵܐ ܠܝܘܿܡ ܚܲܕܼ ܒܝܲܪܚܵܐ ܩܲܕܼܡܵܝܵܐ. [No book]
[18]ܘܐܸܫܬ̇ܟܲܚ ܡ̣ܢ ܒܢܲܝ̈ ܟܘܼܡܪܹ̈ܐ ܕܐܵܘܬܸ̇ܒ̣ܘ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ: ܡ̣ܢ ܒܢܵܘ̈ܗܝ ܕܝܼܫܘܿܥ ܒܲܪ ܝܘܿܙܵܕܼܵܩ ܘܐܲܚܵܘ̈ܗܝ: ܡܥܲܣܝܵܐ: ܘܐܹܠܝܼܥܵܙܲܪ: ܘܝܘܿܢܵܕܼܵܒ̣: ܘܲܓ̣ܕܲܠܝܵܐ. [No book]
[19]ܘܐܸܬ̇ܛܦܝܼܣܘ ܐܵܦ ܗܸܢܘܿܢ ܕܢܲܦܩܘܼܢ ܢܸܫܲܝ̈ܗܘܿܢ. ܘܩܲܪܸܒ̣ܘ ܕܸܟ̣ܪܹ̈ܐ ܕܥܵـ̈ـܢܵܐ ܥܲܠ ܚܛܵܗܲܝ̈ܗܘܿܢ. [No book]
[20]ܡ̣ܢ ܒܢܲܝ̈ ܐܵܡܝܼܪ: ܚܲܢܵܢܝܼ: ܘܲܙܟܲܪܝܵܐ. [No book]
[21]ܡ̣ܢ ܒܢܲܝ̈ ܚܵܪܵܡ: ܡܥܲܣܝܵܐ: ܘܐܹܠܝܼܵܐ: ܘܲܫܡܲܥܝܵܐ: ܘܲܚܢܵܢܐܹܝܠ: ܘܥܘܿܙܝܼܵܐ. [No book]
[22]ܡ̣ܢ ܒܢܲܝ̈ ܦܸܫܚܘܿܪ ܐܸܠܝܵܢ: ܘܲܡܥܲܣܝܵܐ: ܘܐܝܼܫܡܲܥܐܹܝܠ: ܘܢܲܬ̣ܢܝܼܐܹܝܠ: ܘܝܘܼܙܵܒ̣ܵܪ: ܘܐܸܠܥܵܣܵܐ. [No book]
[23]ܡ̣ܢ ܠܹܘܵܝܹ̈ܐ: ܟܘܼܙܒܲܪ: ܘܫܲܡܠܝܼ: ܘܩܸܠܙܵܐ: ܘܩܸܛܠܵܐ: ܘܲܦܬܲܚܝܵܐ: ܘܲܝܗܘܼܕܼܵܐ: ܘܐܹܠܝܼܥܵܙܲܪ. [No book]
[24]ܡ̣ܢ ܡܫܲܡܫܵܢܹ̈ܐ: ܐܹܠܝܼܫܲܥ: ܘܡ̣ܢ ܬܵܪ̈ܥܹܐ: ܫܵܠܘܿܡ ܘܐܲܛܠܵܡ: ܘܐܘܼܕܼܝܼ. [No book]
[25]ܡ̣ܢ ܝܼܣܪܵܝܹܠ: ܡ̣ܢ ܒܢܲܝ̈ ܦܲܪܥܵܫ: ܐܹܪܲܡܝܵܐ: ܝܼܙܲܢܝܵܐ: ܡܠܲܟ̣ܝܵܐ: ܒܸܢܝܵܡܹܝܢ: ܠܲܥܙܝܼܪ: ܡܠܲܟ̣ܝܵܐ: ܒܢܵܝܵܐ. [No book]
[26]ܡ̣ܢ ܒܢܲܝ̈ ܥܝܼܠܵܡ: ܢܬܲܢܝܵܐ: ܙܟܲܪܝܵܐ: ܢܲܥܝܵܐܹܝܠ: ܥܲܒ̣ܕ̇ܝܼ: ܝܲܪܡܘܿܬ̣: ܐܹܠܝܼܗܘܼ. [No book]
[27]ܡ̣ܢ ܒܢܲܝ̈ ܙܝܼܬ̣ܵܝܹ̈ܐ: ܐܹܠܝܼܚܢܲܝ: ܐܹܠܝܼܫܵܒ̣: ܢܬܲܢܝܵܐ: ܝܲܪܡܘܿܬ̣: ܙܒ̣ܘܿܪ: ܥܘܿܙܝܼܵܐ. [No book]
[28]ܡ̣ܢ ܒܢܲܝ̈ ܒܲܒ̇ܝܼ: ܝܘܿܚܲܢܵܢ: ܚܲܢܲܢܝܵܐ: ܙܲܒ̇ܝܼ: ܥܲܬ̣ܠܝܼ. [No book]
[29]ܡ̣ܢ ܒܢܲܝ̈ ܒܲܟ̇ܝܼ: ܡ̣ܢ ܬܲܫܠܘܼܡ: ܡܠܘܿܟ̣: ܥܘܿܙܝܼܵܐ: ܘܝܘܿܫܵܒ̣: ܘܫܵܐܘܿܠ: ܘܝܲܪܡܘܿܬ̣. [No book]
[30]ܡ̣ܢ ܒܢܲܝ̈ ܫܘܼܠܛܵܢ: ܡܘܼܐܵܒ̣: ܓܕܲܠܝܵܐ: ܟܠܵܠ: ܒܢܵܝܵܐ: ܡܥܲܣܝܵܐ: ܡܬܲܢܝܵܐ: ܒܲܨܠܝܼܐܹܝܠ: ܘܲܒ̣ܢܵܘ̈ܗܝ. [No book]
[31]ܒܢܝ̈ ܡܢܲܫܹܐ: ܡ̣ܢ ܒܢܲܝ̈ ܚܵܪܵܡ: ܐܹܠܝܼܥܵܙܲܪ: ܡܠܲܟ̣ܝܵܐ: ܐܲܢܫܘܵܐ: ܫܡܲܥܝܵܐ: ܫܸܡܥܘܿܢ. [No book]
[32]ܒܸܢܝܵܡܹܝܢ: ܡܠܘܿܟ: ܫܡܲܝܵܐ. [No book]
[33]ܡ̣ܢ ܒܢܲܝ̈ ܚܫܘܿܡ: ܡܲܬ̣ܢܝܼ: ܡܲܬ̇ܝܼܬ̣ܵܐ ܙܵܟ̣ܵܪ: ܐܹܠܝܼܦܠܵܛ: ܘܟܲܪܡܝܼ: ܘܲܡܢܲܫܹܐ: ܘܫܲܡܥܝܼ. [No book]
[34]ܡ̣ܢ ܒܢܲܝ̈ ܒܲܟ̇ܝܼ: ܡܘܼܥܕܲܝ: ܥܲܡܪܲܡ: ܘܝܘܼܐܹܝܠ. [No book]
[35]ܘܲܒ̣ܢܵܝܵܐ ܒܲܪ ܟܠܝܼܗܘܼ. [No book]
[36]ܘܲܢܗܵܐܹܝܠ: ܡܲܪܡܘܿܬ̣: ܐܹܠܝܼܫܵܒ̣. [No book]
[37]ܡܬܲܢܝܵܐ: ܡܲܬ̣ܢܝܼ: ܥܘܼܬ̣ܝ. [No book]
[38]ܘܲܒ̣ܢܲܝ̈ ܒܢܵܘ̈ܗܝ: ܫܲܡܥܝܼ. [No book]
[39]ܘܲܫܠܲܡܝܵܐ: ܘܢܵܬ̣ܵܢ: ܘܥܲܙܲܪܝܵܐ. [No book]
[40]ܘܲܡܟ̣ܝܼܙܵܒ̣: ܘܫܝܼܫܲܝ: ܘܣܲܪܲܝ. [No book]
[41]ܘܥܲܪܕܵܐܹܝܠ: ܘܲܫܡܲܪܝܵܐ. [No book]
[42]ܘܫܵܠܘܿܡ: ܘܐܵܡܲܪܝܵܐ: ܘܝܵܘܣܸܦ. [No book]
[43]ܡ̣ܢ ܒܢܲܝ̈ ܢܵܒ̣ܘܿ: ܢܒ̣ܘܼܐܹܝܠ: ܘܡܲܬ̇ܝܼܬ̣ܵܐ: ܘܙܵܟ̣ܘܿܪ: ܘܲܙܒ̣ܝܼܢܵܐ: ܘܝܘܿܐܹܝܠ: ܘܲܒ̣ܢܵܝܵܐ. [No book]
[44]ܟܠܗܘܿܢ ܗܵܠܹܝܢ ܢܣܲܒ̣ܘ ܢܸܫܹ̈ܐ ܢܘܼܟ̣ܪ̈ܵܝܵܬ̣ܵܐ ܐܝܼܬ̣ ܕܹܝܢ ܡܸܢܗܘܿܢ ܐ̄ܢܵܫܵܐ ܕܐܵܘܠܸܕܼܘ ܒܢܲـ̈ـܝܵܐ. [No book]
Translation: Charles H. Hoole (1885)
Source: www.earlychristianwritings.com
Top