➖ »
«
➖ ➕
Peshitta OT
PesOT
The Epistle of Barnabas
EpiBar
←
Ezra
Ezr
8
→
[1]ܘܗܵܠܹܝܢ ܫܡܵܗܹ̈ܐ ܕܪܹ̈ܫܹܐ ܕܐܲܒ̣ܵܗܲܝ̈ܗܘܿܢ ܕܐܸܫܬ̇ܪܸܒ̣ܘ ܘܲܣܠܸܩ ܥܲܡܝ: ܒܡܲܠܟ̇ܘܼܬ̣ ܐܲܪܛܲܚܫܸܫܬ̇ ܡܲܠܟܵܐ ܒܵܒܹܠ. [No book]
[2]ܡ̣ܢ ܒܢܲܝ̈ ܦܝܼܢܚܸܣ ܓܸܪܫܘܿܡ ܘܡ̣ܢ ܒܢܲܝ̈ ܬܵܡܵܪ: ܕܵܢܝܼܐܹܝܠ. ܡ̣ܢ ܒܢܲܝ̈ ܕܵܘܝܼܕܼ: ܚܛܘܿܫ. [No book]
[3]ܡ̣ܢ ܒܢܲܝ̈ ܫܟܲܢܝܵܐ: ܘܡ̣ܢ ܒܢܲܝ̈ ܦܲܪܥܵܫ: ܙܟܲܪܝܵܐ. ܘܥܲܡܹܗ ܐܸܫܬ̇ܪܸܒ̣ܘ ܕܸܟ̣ܪܹ̈ܐ ܡܵܐܐ ܘܚܲܡܫܝܼܢ. [No book]
[4]ܡ̣ܢ ܒܢܲܝ̈ ܫܘܼܠܛܵܢ ܡܘܼܐܵܒ̣: ܐܹܠܝܼܵܐ: ܘܚܲܢܵܢܝܼ: ܒܢܲܝ̈ ܙܪܲܚܝܵܐ: ܘܥܲܡܹܗ ܡܲܐܬܹ̇ܝܢ ܕܸܟ̣ܪܹ̈ܐ. [No book]
[5]ܡ̣ܢ ܒܢܲܝ̈ ܫܟܲܢܝܵܐ: ܓܲܕܘܿ ܒܲܪ ܢܲܚܙܵܐܹܝܠ: ܘܥܲܡܹܗ ܬܠܵܬ̣ܡܵܐܐ ܕܸܟ̣ܪܹ̈ܐ. [No book]
[6]ܘܡ̣ܢ ܒܢܲܝ̈ ܓܘܼܙܵܢ: ܥܲܒ̇ܕܘܼ ܒܲܪ ܝܘܿܢܵܬ̣ܵܢ: ܘܥܲܡܹܗ ܚܲܡܫܝܼܢ ܕܸܟ̣ܪܹ̈ܐ. [No book]
[7]ܡ̣ܢ ܒܢܲܝ̈ ܥܝܼܠܵܡ: ܐܹܫܲܥܝܵܐ ܒܲܪ ܢܬܲܢܝܵܐ: ܘܥܲܡܹܗ ܫܲܒ̣ܥܝܼܢ ܕܸܟ̣ܪܹ̈ܐ. [No book]
[8]ܡ̣ܢ ܒܢܲܝ̈ ܫܦܲܛܝܵܐ: ܙܟܲܪܝܵܐ ܒܲܪ ܡܝܼܟ̣ܵܐܹܝܠ: ܘܥܲܡܹܗ ܬܡܵܢܐܝܼܢ ܕܸܟ̣ܪܹ̈ܐ. [No book]
[9]ܡ̣ܢ ܒܢܲܝ̈ ܝܘܿܐܵܒ̣: ܥܘܿܒܲܕܼܝܵܐ ܒܲܪ ܢܚܵܐܹܝܠ: ܘܥܲܡܹܗ ܡܲܐܬܹ̇ܝܢ ܘܲܬ̣ܡܵܢܬܲܥܣܲܪ ܕܸܟ̣ܪܹ̈ܐ. [No book]
[10]ܡܼܢ ܒܢܲܝ̈ ܣܲܠܡܘܿܬ̣: ܣܲܠܡܘܿܬ̣ ܒܲܪ ܢܣܘܼܦܝܵܐ: ܘܥܲܡܹܗ ܡܲܐܬܹ̇ܝܢ ܘܸܫܬ̇ܝܼܢ ܕܸܟ̣ܪܹ̈ܐ. [No book]
[11]ܡ̣ܢ ܒܢܲܝ̈ ܒܲܟ̇ܝܼ: ܙܟܲܪܝܵܐ ܒܲܪ ܒܲܟ̇ܝܼ: ܘܥܲܡܹܗ ܥܸܣܪܝܼܢ ܘܲܬ̣ܡܵܢܝܵܐ ܕܸܟ̣ܪܹ̈ܐ. [No book]
[12]ܡ̣ܢ ܒܢܲܝ̈ ܥܲܙܲܓܵܪ: ܝܘܿܚܲܢܵܢ ܒܲܪ ܙܲܟ̇ܘܼܪܵܐ: ܘܥܲܡܹܗ ܡܵܐܐ: ܘܥܸܣܪܝܼܢ ܕܸܟ̣ܪܹ̈ܐ. [No book]
[13]ܡܟܢ ܒܢܲܝ̈ ܐܲܪܚ̄ܩܘܿܡ ܐ̄ܚܪ̈ܵܝܹܐ. ܘܗܵܠܹܝܢ ܫܡܵܗܲܝ̈ܗܘܿܢ: ܐܹܠܝܼܦܠܸܛ: ܢܥܵܐܹܝܠ: ܫܡܲܥܝܵܐ. ܘܥܲܡܗܘܿܢ ܫܬ̇ܝܼܢ ܕܸܟ̣ܪܹ̈ܐ. [No book]
[14]ܡ̣ܢ ܒܢܲܝ̈ ܒܲܓܘܲܝ: ܥܘܼܬ̣ܝ: ܘܲܙܟ̣ܘܿܪ. ܘܥܲܡܗܘܿܢ ܫܬ̇ܝܼܢ ܕܸܟ̣ܪܹ̈ܐ. [No book]
[15]ܘܟܲܢܫܹܬ̣ ܐܸܢܘܿܢ ܠܢܲܗܪܵܐ ܕܐܵܬܹܐ ܠܗܵܘܵܐ. ܘܲܗ̤ܘܲܝܢ ܬܲܡܵܢ ܝܵܘ̈ܡܵܬ̣ܵܐ ܬܠܵܬ̣ܵܐ: ܘܐܸܣܬܲܟ̇ܠܹܬ̣ ܒܥܲܡܵܐ ܘܲܒ̣ܟ̣ܘܼܡܪܹ̈ܐ ܡ̣ܢ ܒܢܲܝ̈ ܠܹܘܝܼ: ܘܠܵܐ ܐܸܫܟ̇ܚܹܬ̣ ܬܲܡܵܢ. [No book]
[16]ܘܫܸܠܚܹ̇ܬ̣ ܐܹܠܥܵܙܲܪ: ܘܠܵܐܪܝܹܠ: ܘܠܲܫܡܲܥܝܵܐ: ܘܠܐܝܼܬ̣ܵܢ: ܘܲܠܝܵܪܵܒ̣: ܘܠܹܐܠܝܼܬ̣ܵܢ: ܘܲܠܢܵܬ̣ܵܢ: ܘܠܲܙܟܲܪܝܵܐ: ܘܲܠܡܲܫܠܘܿܡ: ܪܹ̈ܫܹܐ. ܘܲܠܝܘܿܢܵܕܼܵܒ̣: ܘܠܹܐܠܝܼܬ̣ܵܢ. ܗܵܠܹܝܢ ܟܠܗܘܿܢ ܪܹ̈ܫܹܐ. [No book]
[17]ܦܲܩܕܹ̇ܬ̣ ܐܸܢܘܿܢ ܠܘܵܬ̣ ܐܲܕ̇ܝܼ ܪܹܫܵܐ ܕܝܼܠܗܘܿܢ ܕܲܒ̣ܟܲܣܦܝܵܐ ܐܲܬ̣ܪܵܐ: ܘܣܵܡܹ̇ܬ̣ ܒܦܘܼܡܗܘܿܢ ܦܸܬ̣ܓ̣ܵܡܹ̈ܐ ܠܲܡܡܲܠܵܠܘܼ ܥܲܡ ܗܲܕ̇ܝܼ ܐܲܚܘܼܢ: ܕܲܫܪܹܝܢ ܗ̄ܘ̣ܵܘ ܒܟܲܣܦܝܵܐ ܐܲܬ̣ܪܵܐ: ܠܡܲܝܬ̇ܝܼܘ ܠܲܢ ܡܫܲܡ̈ܫܵܢܹܐ ܠܒܲܝܬܵܐ ܕܐܲܠܵܗܲܢ. [No book]
[18]ܘܐܲܝܬܝܼܘ ܠܲܢ ܐܲܝܟ ܐܝܼܕܼܵܐ ܕܐܲܠܵܗܲܢ ܕܐܲܛܐ̱ܒܲܬ̤ ܥܠܲܝܢ: ܠܓܲܒ̣ܪܵܐ ܚܲܕܼ ܚܲܟ̇ܝܼܡܵܐ: ܡ̣ܢ ܒܢܲܝ̈ ܡܲܚܠܝܼ: ܒܲܪ ܠܹܘܝܼ ܒܲܪ ܝܼܣܪܵܝܹܠ: ܘܫܵܪܝܼܵܐ ܘܐܲܚܵܘ̈ܗܝ: ܘܲܒ̣ܢܵܘ̈ܗܝ ܬܪܸܥܣܲܪ. [No book]
[19]ܘܲܚܫܲܒ̣ܝܵܐ: ܘܥܲܡܹܗ ܐܹܫܲܥܝܵܐ: ܡ̣ܢ ܒܢܲܝ̈ ܡܪܵܪܝܼ: ܘܐܲܚܵܘ̈ܗܝ ܘܲܒ̣ܢܲܝ̈ܗܘܿܢ ܥܸܣܪܝܼܢ. [No book]
[20]ܡ̣ܢ ܓܲܒ̣ܪܹ̈ܐ ܕܝܲܗ̄ܒ̣ ܕܵܘܝܼܕܼ ܠܦܘܼܠܚܵܢܵܐ ܕܠܹܘܵܝܹ̈ܐ ܕܝܼܗܝܼܒ̣ܝܼܢ: ܡܲܐܬܹ̇ܝܢ ܘܥܸܣܪܝܼܢ ܟܠܗܘܿܢ ܐܸܬ̣ܩܪܝܼܘ ܒܲܫܡܵܗܲܝ̈ܗܘܿܢ. [No book]
[21]ܘܲܩܪܹܝܬ̣ ܘܦܲܩܕܹܬ̣ ܐܸܢܘܿܢ ܥܲܠ ܢܗܲܪ ܗܵܘܵܐ: ܠܡܸܬ̣ܥܲܢܵܝܘܼ ܩܕܼܵܡ ܐܲܠܵܗܵܐ: ܘܲܠܡܸܒ̣ܥܵܐ ܡܸܢܹܗ: ܐܘܼܪܲܚ ܬܪܝܼܨܵܐ: ܠܲܢ ܘܲܠܛܸܦܠܲܢ ܘܲܠܟ̣ܠܹܗ ܩܸܢܝܵܢܲܢ. [No book]
[22]ܡܸܛܠ ܕܒܸܗ̇ܬܹ̇ܬ̣ ܕܐܸܫܐܲܠ ܡ̣ܢ ܡܲܠܟܵܐ ܚܲܝܠܵܐ ܘܦܲܪ̈ܵܫܹܐ: ܕܲܢܥܲܕ̇ܪܘܼܢܵܢ ܡ̣ܢ ܒܥܸܠܕ̇ܒ̣ܵـ̈ـܒܲܝܢ ܒܐܘܼܪܚܵܐ. ܡܸܛܠ ܕܐܸܡܲܪܢ ܗ̄ܘܲܝܢ ܠܡܲܠܟܵܐ: ܕܐܝܼܕܼܵܐ ܕܐܲܠܵܗܵܐ ܗܵܘ̇ܝܵܐ ܥܲܡ ܟܠ ܕܒ̣ܵܥܹܝܢ ܠܹܗ ܠܛܵܒ̣. ܘܥܘܼܫܢܹܗ ܘܚܸܡܬܹܗ ܥܲܠ ܟܠ ܡܲܢ ܕܫܵܒ̣ܩܝܼܢ ܠܹܗ. [No book]
[23]ܘܲܢܨܘܼܡ ܘܢܸܒ̣ܥܹܐ ܡ̣ܢ ܐܲܠܵܗܲܢ ܥܲܠ ܗܵܕܹܐ. ܘܡܸܫܬ̇ܡܲܥ ܠܲܢ. [No book]
[24]ܘܲܓ̣ܒܹ̇ܝܬ̣ ܡ̣ܢ ܩܲܫܝܼܫܲܝ̈ ܟܘܼܡܪܹ̈ܐ ܬܪܸܥܣܲܪ: ܠܲܫܪܲܒ̣ܝܵܐ: ܘܠܲܚܫܲܒ̣ܝܵܐ. ܘܥܲܡܗܘܿܢ ܡ̣ܢ ܐܲܚܲܝ̈ܗܘܿܢ ܥܸܣܪܵܐ. [No book]
[25]ܘܲܡܢܹ̇ܝܬ̣ ܠܗܘܿܢ ܟܸܣܦܵܐ ܘܕܲܗܒ̣ܵܐ: ܘܡܵܐܢܹ̈ܐ: ܪܹܫܝܼܬ̣ܵܐ ܠܒܲܝܬܵܐ ܕܐܲܠܵܗܲܢ: ܕܝܲܗ̄ܒ̣ ܡܲܠܟܵܐ ܘܚܹܐܪ̈ܵܘܗܝ ܘܪܵܘܪ̈ܒ̣ܵܢܵܘܗܝ: ܘܟ̣ܠܹܗ ܝܼܣܪܵܝܹܠ ܕܐܸܫܬ̇ܟܲܚ ܬܲܡܵܢ. [No book]
[26]ܘܲܡܢܹܝܬ̣ ܥܲܠ ܐܝܪܕܲܝ̈ܗܘܿܢ: ܟܸܣܦܵܐ ܟܲܟ̇ܪܹ̈ܐ ܡܵܐܐ ܘܚܲܡܫܝܼܢ. [No book]
[27]ܘܦܸܛܩܹ̈ܐ ܕܕܲܗܒ̣ܵܐ ܥܸܣܪܝܼܢ: ܘܲܕܼܪ̈ܝܼܟ̣ܘܿܢܹܐ ܐܵܠܹܦ: ܘܡܵܐܢܲܝ̈ ܢܚܵܫܵܐ ܩܘܿܪܲܢܬܵܝܵܐ ܛܵܒ̣ܵܐ: ܕܫܲܦܝܼܪܝܼܢ ܐܲܝܟ̣ ܕܲܗܒ̣ܵܐ. [No book]
[28]ܘܐܸܡ̇ܪܹܬ̣ ܠܗܘܿܢ: ܐܲܢ̄ܬ̇ܘܿܢ ܩܲܕ̇ܝܼܫܝܼܢ ܠܡܵܪܝܵܐ. ܘܡܵܐܢܹ̈ܐ ܩܲܕ̇ܝܼܫܝܼܢ ܘܟܸܣܦܵܐ ܘܕܲܗܒ̣ܵܐ: ܩܘܼܪܒܵܢܵܐ ܠܡܵܪܝܵܐ ܐܲܠܵܗܵܐ ܕܐܵܒ̣ܵܗܲܝ̈ܟ̇ܘܿܢ. [No book]
[29]ܐܸܙܕܲܗ̄ܪܘ ܘܛܲܪܘ ܥܕܲܡܵܐ ܕܬܲܫ̱ܠܡܘܼܢܹܗ ܩܕܼܵܡ ܪ̈ܲܒܲܝ ܟܘܼܡܪܹ̈ܐ: ܘܠܹܘܵܝܹ̈ܐ ܘܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܝܼܣܪܵܝܹܠ ܒܐܘܿܪܸܫܠܸܡ: ܒܗܲܝܟ̇ܠܵܐ ܕܒܹܝܬ̣ ܡܵܪܝܵܐ. [No book]
[30]ܘܩܲܒܸ̇ܠ̣ܘ ܟܘܼܡܪܹ̈ܐ ܘܠܹܘܵܝܹ̈ܐ ܥܠܲܝܗܘܿܢ ܕܢܲܫ̱ܠܡܘܼܢ ܒܡܲܬ̣ܩܵܠܵܐ: ܟܸܣܦܵܐ ܘܕܲܗܒ̣ܵܐ: ܘܡܵܐܢܹ̈ܐ ܠܡܲܥܵܠܘܼ ܠܐܘܿܪܸܫܠܸܡ ܠܒܲܝܬܵܐ ܕܐܲܠܵܗܲܢ. [No book]
[31]ܘܲܫܩܲܠ̄ܢ ܡ̣ܢ ܢܗܲܪ ܗܵܘܵܐ: ܒܲܬ̣ܪܸܥܸܣܪܵܐ ܒܝܲܪܚܵܐ ܩܲܕܼܡܵܝܵܐ: ܠܡܹܐܙܲܠ ܠܐܘܿܪܸܫܠܸܡ ܘܐܝܼܕܼܵܐ ܕܐܲܠܵܗܵܐ ܗܘ̤ܵܬ̣ ܥܠܲܝܢ. ܘܦܲܪܩܲܢ ܡ̣ܢ ܐܝܼܕܼܵܐ ܕܲܒ̣ܥܸܠܕ̇ܒ̣ܵܒ̣ܵܝ̈ܢ: ܘܐܵܦ ܡ̣ܢ ܕܵܘܩܹ̈ܐ ܕܐܝܼܬ̣ ܒܐܘܼܪܚܵܐ. [No book]
[32]ܘܐܸܬܲܝܢ ܠܐܘܿܪܸܫܠܸܡ: ܘܝܼܬܸܒ̄ܢ ܬܲܡܵܢ: ܝܵܘ̈ܡܵܬ̣ܵܐ ܬܠܵܬ̣ܵܐ. [No book]
[33]ܘܲܒ̣ܝܵܘܡܵܐ ܕܐܲܪܒ̇ܥܵܐ ܬܩܲܠ̄ܢ ܟܸܣܦܵܐ ܘܕܲܗܒ̣ܵܐ: ܘܡܵܐܢܹ̈ܐ ܒܒܲܝܬܵܐ ܕܐܲܠܵܗܲܢ. ܘܐܲܫܠܸܡ̄ܢ ܐܸܢܘܿܢ ܠܡܲܪܡܘܼܬ̣ ܒܲܪ ܐܘܼܪܝܼܵܐ ܟܵܗܢܵܐ. ܘܥܲܡܹܗ ܠܐܹܠܥܵܙܲܪ ܒܲܪ ܦܝܼܢܚܸܣ ܘܥܲܡܗܘܿܢ ܢܒ̣ܘܼܙܗܵܪ ܒܲܪ ܝܼܫܘܿܥ: ܘܝܘܿܕܲܥܝܵܐ ܒܲܪ ܒܲܓ̣ܘܲܝ ܠܹܘܵܝܹ̈ܐ. [No book]
[34]ܒܡܸܢܝܵܢܵܐ ܘܲܒ̣ܡܲܬ̣ܩܵܠܵܐ ܠܟ̣ܠܡܸܕܸ̇ܡ. ܘܐܸܬ̣ܟ̇ܬܸܒ̣ ܟܠܹܗ ܡܲܬ̣ܩܵܠܵܐ ܒܙܲܒ̣ܢܵܐ ܗܵܘ̇. [No book]
[35]ܘܗܵܠܹܝܢ ܐܲܝܠܹܝܢ ܕܐܸܬ̣ܵܘ ܡ̣ܢ ܫܸܒ̣ܝܵܐ: ܡ̣ܢ ܒܢܲܝ̈ ܓܵܠܘܼܬ̣ܵܐ: ܩܲܪܸܒ̣ܘ ܥ̈ܠܵܘܵܬ̣ܵܐ ܠܐܲܠܵܗܵܐ ܕܝܼܣܪܵܝܹܠ: ܬܵܘܪܹ̈ܐ ܬܪܸܥܣܲܪ ܥܲܠ ܟܠܹܗ ܝܼܣܪܵܝܹܠ: ܕܸܟ̣ܪܹ̈ܐ ܬܸܫܥܝܼܢ: ܐܸܡܪܹ̈ܐ ܫܲܒ̣ܥܝܼܢ ܘܫܲܒ̣ܥܵܐ: ܨܸܦܪ̈ܵܝܹܐ ܠܫܘܼܒ̣ܩܵܢ ܚܛܵܗܹ̈ܐ ܬܪܸܥܣܲܪ ܗܵܠܹܝܢ ܟܠܗܹܝܢ ܥܠܵـ̈ـܘܵܬ̣ܵܐ ܠܡܵܪܝܵܐ. [No book]
[36]ܘܝܲܗ̄ܒ̣ܘ ܕܝܼܛܸܓ̣ܡܵܐ ܕܡܲܠܟܵܐ ܠܪܵܘ̱ܪ̈ܒ̣ܵܢܲܝ̈ ܡܲܠܟܵܐ: ܘܲܠܫܲܠܝܼܛܲܝ̈ ܥܸܒ̣ܪܵܐ ܕܢܲܗܪܵܐ. ܘܲܡܝܲܩܪܝܼܢ ܗ̄ܘ̣ܵܘ ܠܥܲܡܵܐ ܘܲܠܒܲܝܬܹ̇ܗ ܕܐܲܠܵܗܵܐ. [No book]
Translation: Charles H. Hoole (1885)
Source: www.earlychristianwritings.com
Top