|
|
| [1]State, et nolite iterum jugo servitutis contineri. |
[No book] |
| [2]Ecce ego Paulus dico vobis: quoniam si circumcidamini, Christus vobis nihil proderit. |
[No book] |
| [3]Testificor autem rursus omni homini circumcidenti se, quoniam debitor est universæ legis faciendæ. |
[No book] |
| [4]Evacuati estis a Christo, qui in lege justificamini: a gratia excidistis. |
[No book] |
| [5]Nos enim spiritu ex fide, spem justitiæ exspectamus. |
[No book] |
| [6]Nam in Christo Jesu neque circumcisio aliquid valet, neque præputium: sed fides, quæ per caritatem operatur. |
[No book] |
| [7]Currebatis bene: quis vos impedivit veritati non obedire? |
[No book] |
| [8]persuasio hæc non est ex eo, qui vocat vos. |
[No book] |
| [9]Modicum fermentum totam massam corrumpit. |
[No book] |
| [10]Ego confido in vobis in Domino, quod nihil aliud sapietis: qui autem conturbat vos, portabit judicium, quicumque est ille. |
[No book] |
| [11]Ego autem, fratres, si circumcisionem adhuc prædico: quid adhuc persecutionem patior? ergo evacuatum est scandalum crucis. |
[No book] |
| [12]Utinam et abscindantur qui vos conturbant. |
[No book] |
| [13]Vos enim in libertatem vocati estis, fratres: tantum ne libertatem in occasionem detis carnis, sed per caritatem Spiritus servite invicem. |
[No book] |
| [14]Omnis enim lex in uno sermone impletur: Diliges proximum tuum sicut teipsum. |
[No book] |
| [15]Quod si invicem mordetis, et comeditis: videte ne ab invicem consumamini. |
[No book] |
| [16]Dico autem: Spiritu ambulate, et desideria carnis non perficietis. |
[No book] |
| [17]Caro enim concupiscit adversus spiritum, spiritus autem adversus carnem: hæc enim sibi invicem adversantur, ut non quæcumque vultis, illa faciatis. |
[No book] |
| [18]Quod si Spiritu ducimini, non estis sub lege. |
[No book] |
| [19]Manifesta sunt autem opera carnis, quæ sunt fornicatio, immunditia, impudicitia, luxuria, |
[No book] |
| [20]idolorum servitus, veneficia, inimicitiæ, contentiones, æmulationes, iræ, rixæ, dissensiones, sectæ, |
[No book] |
| [21]invidiæ, homicidia, ebrietates, comessationes, et his similia, quæ prædico vobis, sicut prædixi: quoniam qui talia agunt, regnum Dei non consequentur. |
[No book] |
| [22]Fructus autem Spiritus est caritas, gaudium, pax, patientia, benignitas, bonitas, longanimitas, |
[No book] |
| [23]mansuetudo, fides, modestia, continentia, castitas. Adversus hujusmodi non est lex. |
[No book] |
| [24]Qui autem sunt Christi, carnem suam crucifixerunt cum vitiis et concupiscentiis. |
[No book] |
| [25]Si Spiritu vivimus, Spiritu et ambulemus. |
[No book] |
| [26]Non efficiamur inanis gloriæ cupidi, invicem provocantes, invicem invidentes. |
[No book] |