➖ »
«
➖ ➕
Aleppo Codex (~920)
Alep
The Gospel of Peter
GspPet
←
Genesis
Gen
3
→
[1]והנחש היה ערום מכל חית השדה אשר עשה יהוה אלהים ויאמר אל האשה אף כי אמר אלהים לא תאכלו מכל עץ הגן [No book]
[2]ותאמר האשה אל הנחש מפרי עץ הגן נאכל [No book]
[3]ומפרי העץ אשר בתוך הגן־אמר אלהים לא תאכלו ממנו ולא תגעו בו פן תמתון [No book]
[4]ויאמר הנחש אל האשה לא מות תמתון [No book]
[5]כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע [No book]
[6]ותרא האשה כי טוב העץ למאכל וכי תאוה הוא לעינים ונחמד העץ להשכיל ותקח מפריו ותאכל ותתן גם לאישה עמה ויאכל [No book]
[7]ותפקחנה עיני שניהם וידעו כי עירמם הם ויתפרו עלה תאנה ויעשו להם חגרת [No book]
[8]וישמעו את קול יהוה אלהים מתהלך בגן־לרוח היום ויתחבא האדם ואשתו מפני יהוה אלהים בתוך עץ הגן [No book]
[9]ויקרא יהוה אלהים אל האדם ויאמר לו איכה [No book]
[10]ויאמר את קלך שמעתי בגן ואירא כי עירם אנכי ואחבא [No book]
[11]ויאמר־מי הגיד לך כי עירם אתה המן העץ אשר צויתיך לבלתי אכל ממנו־אכלת [No book]
[12]ויאמר האדם האשה אשר נתתה עמדי הוא נתנה לי מן העץ ואכל [No book]
[13]ויאמר יהוה אלהים לאשה מה זאת עשית ותאמר האשה הנחש השיאני ואכל [No book]
[14]ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייך [No book]
[15]ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב [No book]
[16]אל האשה אמר הרבה ארבה עצבונך והרנך־בעצב תלדי בנים ואל אישך תשוקתך והוא ימשל בך [No book]
[17]ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו־ארורה האדמה בעבורך בעצבון תאכלנה כל ימי חייך [No book]
[18]וקוץ ודרדר תצמיח לך ואכלת את עשב השדה [No book]
[19]בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשוב [No book]
[20]ויקרא האדם שם אשתו חוה כי הוא היתה אם כל חי [No book]
[21]ויעש יהוה אלהים לאדם ולאשתו כתנות עור־וילבשם [No book]
[22]ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעלם [No book]
[23]וישלחהו יהוה אלהים מגן עדן־לעבד את האדמה אשר לקח משם [No book]
[24]ויגרש את האדם וישכן מקדם לגן עדן את הכרבים ואת להט החרב המתהפכת לשמר את דרך עץ החיים [No book]
Source: unbound.biola.edu
 Translation: M. R. James (1924)
Source: www.earlychristianwritings.com
Top